சேலம்:
சேலம் மாவட்டத்தில் கொரோனா வைரஸ் பரவல் அதிகரிப்பதும், பின்னர் குறைவதுமாக உள்ளது. சேலத்தில் நேற்று 18 பேர் கொரோனா தொற்றால் பாதிக்கப்பட்டுள்ளனர். இதில் சேலம் மாநகராட்சியில் 4 பேர், சேலம் சுகாதார மாவட்டத்தில் 3 பேர், ஆத்தூர் சுகாதார மாவட்டத்தில் 2 பேர் பாதிக்கப்பட்டுள்ளனர். அதுபோல் தருமபுரி, ஈரோடு, நாமக்கல் மாவட்டங்களில் இருந்து சேலம் வந்த 9 பேருக்கு கொரோனா பாதிப்பு ஏற்பட்டுள்ளது. கொரோனா தொற்றால் பாதிக்கப்பட்டவர்கள் சேலம் மாவட்டத்தில் உள்ள அரசு ஆஸ்பத்திரிகள், தனியார் ஆஸ்பத்திரிகளில் சிகிச்சை பெற்று வருகின்றனர்.
