search icon
என் மலர்tooltip icon

    செய்திகள்

    திருமாவளவன்
    X
    திருமாவளவன்

    விடுதலை சிறுத்தைகள் கட்சியில் விருப்ப மனுக்கள் பெறப்படுகிறது- திருமாவளவன்

    தமிழக சட்டசபை தேர்தலில் தி.மு.க. கூட்டணியில் 6 தொகுதியில் விடுதலை சிறுத்தைகள் கட்சி போட்டியிடுகிறது.
    சென்னை:

    விடுதலை சிறுத்தைகள் கட்சி தலைவர் தொல்.திருமாவளவன் எம்.பி. வெளியிட்டுள்ள அறிக்கையில் கூறி இருப்பதாவது:-

    சட்டசபை தேர்தலில் தி.மு.க. கூட்டணியில் 6 தொகுதியில் விடுதலை சிறுத்தைகள் போட்டியிடுகிறது. தொகுதிகள் எவை எவை என்று தி.மு.க. தரப்பு குழுவினரோடு கலந்து பேசி ஓரிரு நாட்களில் இறுதி செய்து அறிவிக்கப்படும்.

    தேர்தல் ஆணையத்தின் அறிவிப்புபடி வேட்புமனு தாக்கல் வருகிற 12-ந்தேதி முதல் தொடங்க உள்ளது. அதற்குள்ளாக விருப்ப மனு செய்வோரை நேர்காணல் செய்து வேட்பாளர்களை தேர்வு செய்தாக வேண்டும். எனவே இன்று (6-ந்தேதி) முதல் 8-ந்தேதி வரை விருப்ப மனுக்கள் கட்சியின் தலைமை அலுவலகத்தில் பெறப்படும்.

    இந்த 3 நாட்களிலும் காலை 10 மணி முதல் மாலை 5 மணி வரை விண்ணப்பங்கள் பெறப்படும். தேர்தல் பணிக்குழுவினர் மாநில செயலாளர் குணவழகன், தலைமை நிலைய செயலாளர் இளஞ்சேகுவேரா, தேர்தல் பணிக்குழு மாநில துணை செயலாளர்கள் தனக்கோடி, வக்கீல் தமிழினியன், இணை செய்தி தொடர்பாளர் விக்கிரமன் ஆகியோர் விருப்ப மனுக்களை பெறுகின்றனர்.

    விருப்ப மனு கட்டணமாக ரூ.2000 ரொக்கமாக செலுத்த வேண்டும். விருப்ப மனு படிவத்தை விடுதலை சிறுத்தைகள் கட்சி தலைமையகத்தில் பெற்றுக்கொள்ளலாம். 3 பாஸ்போர்ட் அளவு புகைப்படத்தை விருப்ப மனுவுடன் இணைக்க வேண்டும்.

    இவ்வாறு அவர் கூறியுள்ளார்.
    Next Story
    ×