என் மலர்
    மேற்குத் தொடர்ச்சி மலை
    மேற்குத் தொடர்ச்சி மலை

    மேற்குத் தொடர்ச்சி மலை

    சான்றிதழ்: NA
    ரேட்டிங்: 4.0/5
    வகை: NA
    ரிலீஸ் தேதி: 2018-08-24 00:00:00
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    கதைக்களம்

    விஜய் சேதுபதி தயாரிப்பில் இளையராஜா இசையில் லெனின் பாரதி இயக்கத்தில் உருவாகி இருக்கும் ‘மேற்குத் தொடர்ச்சி மலை’ படத்தின் விமர்சனம். #MerkuThodarichiMalai #MerkuThodarichiMalaiReview

    விமர்சனம்

    மேற்குத் தொடர்ச்சி மலை

    விஜய் சேதுபதி தயாரிப்பில் உருவாகி இருக்கும் படம் ‘மேற்குத் தொடர்ச்சி மலை’. மலையின் அடிவாரத்தில் இருந்து மலைக்கு மேல் நடந்து செல்லும் காலம் முதல் ரோடு போட்டு வாகனங்கள் செல்லும் காலம் வரைக்கும் இடையேயான சம்பவங்களை படமாக இயக்கி இருக்கிறார் இயக்குனர் லெனின் பாரதி.

    இப்படத்தை திரையில் பார்க்கும் போது, கதையோடு ஒன்றி பார்ப்பவர்களையும் பயணிக்க வைத்திருக்கிறார். மேற்குத் தொடர்ச்சி மலையில் நாம் வாழ்ந்தது போல் உணர்வை ஏற்படுத்தி இருக்கிறார் இயக்குனர். இதில் நடித்த கதாபாத்திரங்கள் அனைவரும் நடித்திருக்கிறார்கள் என்று சொல்வதை விட வாழ்ந்திருக்கிறார்கள் என்றே சொல்லலாம்.



    சினிமாவில் நகைச்சுவை, காதல், சண்டை என படங்களாக பிரிக்கலாம். ஆனால், இப்படத்தை அங்கு வாழ்ந்தவர்கள், வாழ்ந்து கொண்டிருப்பவர்களின் பதிவாகத்தான் கூறமுடியும். அந்த ஊர் மக்களின் நேர்மை, ஒருத்தருக்கொருவர் உதவுவது, அவர்களின் உண்மைத் தன்மை என சிறந்த அனுபவமாக படத்தை கொடுக்கிறார்கள். 

    நாம் ஏன் அந்த ஊரில் வாழவில்லை என்று எண்ணத்தோன்றுகிறது. படத்தில் கருத்து ஒன்றும் இல்லை. ஆனால், அங்கு வாழ்ந்தவர்கள் போல் நாம் வாழ வேண்டும் என்றுதான் கருத்தாக சொல்லமுடியும். 

    ஒரு படத்தின் நடிகர்கள் தேர்வே பாதி வெற்றிக்கு சமம் என்று சொல்லுவார்கள். ஆனால், இந்த படத்தில் அதுவே முழு வெற்றியாக அமைந்திருக்கிறது. குறிப்பாக மேற்குத் தொடர்ச்சி மலையில் வாழ்பவர்களை வைத்தே படமாக்கி இருக்கிறார்கள்.



    இந்த படத்தில் நடித்த கதாபாத்திரங்கள் அனைவரும் சிறப்பாக நடித்திருக்கிறார்கள். சிறு சிறு கதாபாத்திரங்கள் கூட நம் மனதில் பதிகிறார்கள். 

    இளையராஜாவின் இசை படத்திற்கு பெரும் பலம். இவரது இசை மென்மையான ஒரு அனுபவத்தை கொடுத்திருக்கிறது. பாடல்களும் தாளம் போட வைக்கிறது. தேனி ஈஸ்வரின் ஒளிப்பதிவு அருமை. கேமராவால் தான் நாம் இந்த படத்தை பார்க்கிறோம் என்று நாம் மறந்து விடும் அளவிற்கு பதிவு செய்திருக்கிறார். இவரது கேமரா யதார்த்தமான பதிவாக பதிய வைத்திருக்கிறது. 



    மொத்தத்தில் ‘மேற்குத் தொடர்ச்சி மலை’ சிறந்த அனுபவம்.

    வீடியோ விமர்சனம் பார்க்க:

    ×