search icon
என் மலர்tooltip icon

    லைஃப்ஸ்டைல்

    பிரெட் சீஸ் பைட்ஸ்
    X
    பிரெட் சீஸ் பைட்ஸ்

    10 நிமிடத்தில் ருசியான ஸ்நாக்ஸ் செய்யலாம் வாங்க...

    உங்கள் குழந்தைகளுக்கு சற்று வித்தியாசமாகவும், விரும்பி சாப்பிடும் வகையிலும் பிரெட் கொண்டு அற்புதமான ஒரு ஸ்நாக்ஸ் செய்து கொடுத்து அசத்துங்கள். இப்போது பிரட் சீஸ் பைட்ஸ் எப்படி செய்வதென்று காண்போம்.
    தேவையான பொருட்கள்:

    பிரெட் துண்டுகள் - 2
    பிரெட்  தூள் - 1/2 கப்
    சோள மாவு - 3 டேபிள் ஸ்பூன்
    சீஸ் துண்டுகள் அல்லது துருவிய சீஸ்
    எண்ணெய் - பொரிப்பதற்கு தேவையான அளவு
    தண்ணீர் - 1/4

    செய்முறை:

    முதலில் ஒரு பிரெட் துண்டை எடுத்து, அதன் மேல் தேவையான சதுர சீஸ் துண்டுகளை வைக்கவும் அல்லது தேவையான அளவு துருவிய சீஸ் தூவிக் கொள்ளவும்.

    பின் அதன் மேல் மற்றொரு பிரெட்  துண்டை வைக்க வேண்டும். பின்பு ஒரு கத்தியால் துண்டுகளாக்கிக் கொள்ள வேண்டும். பிறகு சோள மாவை நீர் சேர்த்து ஓரளவு நீர் போன்று கலந்து கொள்ள வேண்டும்.

    பின் வெட்டி வைத்துள்ள ஒரு பிரெட் துண்டை எடுத்து, சோள மாவில் பிரட்டி, பின் பிரெட் தூளில் பிரட்டி எடுத்து, ஒரு தட்டில் வைத்துக் கொள்ள வேண்டும்.
    இதேப் போல் அனைத்து பிரெட்  துண்டுகளையும் பிரட்டி எடுத்துக் கொள்ள வேண்டும்.

    அடுத்து ஒரு பேனை அடுப்பில் வைத்து, அதில் சிறிது எண்ணெய் ஊற்றி சூடேற்ற வேண்டும்.

    எண்ணெய் சூடானதும், பிரெட் துண்டுகளைப் போட்டு முன்னும் பின்னும் பொன்னிறமாக பொரித்து எடுத்தால், சுவையான பிரெட் சீஸ் பைட்ஸ் தயார்.
    Next Story
    ×