உடலில் உள்ள கொழுப்பின் அளவைக் குறைக்க உதவும் சூப்

தேவையான பொருட்கள் :

பேபி கார்ன் - 10
மைசூர் பருப்பு - அரை கப்
வெங்காயம் - ஒன்று
தக்காளி - 2
பட்டை - சிறு துண்டு
இலவங்கம் - 2
எலுமிச்சம்பழச்சாறு - 1 ஸ்பூன்
கொத்துமல்லித்தழை - ஒரு கைப்பிடி
வெண்ணெய் - 2 ஸ்பூன்
மிளகு தூள் - 1 ஸ்பூன்

செய்முறை :

பேபி கார்னை மெல்லிய வட்டங்களாக நறுக்கவும்.

தக்காளி, வெங்காயத்தை பொடியாக நறுக்கி வைக்கவும்.

பருப்பை நன்கு குழைய வேக வைக்கவும்

கடாயில் வெண்ணெய் போட்டு பட்டை, இலவங்கம் தாளித்த பின் நறுக்கிய வெங்காயம், தக்காளியை போட்டு நன்றாக வதக்கி அதனுடன் பேபி கார்னையும் சேர்த்து வதக்கவும்.

அனைத்தும் சேர்ந்து நன்கு வதங்கியதும் வெந்த பருப்பையும், ஒரு கப் தண்ணீர், உப்பு சேர்த்து கொதிக்க விடவும்.

5 நிமிடங்கள் கொதித்ததும் இறக்கி மிளகு தூள், எலுமிச்சை சாறு, கொத்துமல்லி தூவி சூடாக பரிமாறவும்.

சுவையான சத்தான பேபி கார்ன் சூப் ரெடி.