தடிக்காரன்கோணம் அண்ணாநகர் பகுதியில் உள்ள அய்யா வைகுண்டசாமி நிழல் தாங்கலில் திரு ஏடு வாசிப்பு விழா இன்று (வெள்ளிக்கிழமை) தொடங்கி 10 நாட்கள் நடக்கிறது. விழாவில் மாலை 6 மணிக்கு பணிவிடை, உகப்படிப்பு, ஏடு வாசிப்பு தொடக்கம், தொடர்ந்து அன்னதானமும் நடக்கிறது. விழாவில் நாளை (சனிக்கிழமை) மாலை 6 மணிக்கு பணிவிடை, உகப்படிப்பு, திருஏடு வாசிப்பு, அன்னதானம் நடக்கிறது. விழா நாட்களில் மாலை 6 மணிக்கு பணிவிடை, உகப்படிப்பு, திருஏடு வாசிப்பு, அன்னதானம் நடக்கிறது.
12-ந் தேதி மாலை 6 மணிக்கு பணிவிடை, உகப்படிப்பு, இரவு 7 மணிக்கு திருக்கல்யாண ஏடு வாசிப்பு மற்றும் அய்யாவுக்கு சூழல் கொண்டு வருதல் நிகழ்ச்சியும், தொடர்ந்து சிறப்பு அன்னதானமும் நடக்கிறது. விழாவின் கடைசி நாளான 14-ந் தேதி காலை 9 மணிக்கு பட்டாபிஷேக திருஏடு வாசிப்பு, மதியம் 12 மணிக்கு உச்சிப்படிப்பு, அன்னதானமும், மாலை 4 மணிக்கு வாகன பவனியும் நடக்கிறது. இதற்கான ஏற்பாடுகளை கோவில் நிர்வாகிகளும், பொதுமக்களும் செய்து வருகிறார்கள்.
