சக்தி விநாயகர் கோவிலில் கும்பாபிஷேக விழா இன்று தொடங்குகிறது || Vinayagar temple kumbabishekam

நாகர்கோவில், கோட்டார் சக்தி விநாயகர் கோவிலில் கும்பாபிஷேக விழா இன்று தொடங்குகிறது.

விநாயகர்

நாகர்கோவில், கோட்டார் சக்தி விநாயகர் கோவில் மற்றும் குலசேகர பெருமான் சமேத குலசேகர நங்கை அம்மன் கோவிலில் கும்பாபிஷேக விழா இன்று (சனிக்கிழமை) தொடங்கி 11-ந் தேதி வரை நடக்கிறது. இன்று காலை 6 மணிக்கு கணபதி ஹோமம், 9 மணிக்கு கோ பூஜை, தீபாராதனை, 10.30 மணிக்கு புனித நீர் எடுத்து வருதல், மாலை 6 மணிக்கு வாஸ்து ஹோமம், இரவு 8 மணிக்கு திசா ஹோமம், தீபாராதனை போன்றவை நடக்கிறது. தொடர்ந்து வருகிற விழா நாட்களில் திருமுறை பாராயணம், கணபதி பூஜை, பிரசாதம் வழங்குதல், லட்சுமி பூஜை, சாந்தி பூஜை, யாக சாலையில் விநாயகர் வழிபாடு, கும்ப அலங்காரம் போன்றவை நடக்கிறது.

9-ந் தேதி முதலாம் கால யாகசாலை பூஜையும், 10-ந் தேதி இரண்டாம் மற்றும் மூன்றாம் கால யாகசாலை பூஜைகள் ஆகியவை நடைபெறும்.

விழாவின் இறுதி நாளான 11-ந் தேதி அதிகாலை 5 மணிக்கு நான்காம் கால யாக சாலை பூஜை, காலை 6 மணிக்கு தீபாராதனை, 6.30 மணிக்கு சக்தி விநாயகர் கோவிலில் மூலவர் மற்றும் விமானத்துக்கு கும்பாபிஷேகம், காலை 7 மணிக்கு குலசேகரநங்கை அம்மன் கோவிலில் மூலவர் மற்றும் விமானத்துக்கு கும்பாபிஷேகம், தொடர்ந்து மகா அபிஷேகம், தீபாராதனை, இரவு சாமியும் அம்பாளும் வீதி உலா வருதல் போன்றவை நடைபெறும்.

இதற்கான ஏற்பாடுகளை விழா குழுவினர் செய்துள்ளனர்.