அஷ்டமச் சனி மிதுன ராசிக்காரர்களை அதிகமாக பாதிக்குமா?

பதிவு: அக்டோபர் 27, 2021 07:03 IST

மாற்றம்: அக்டோபர் 27, 2021 13:07 IST

கால புருஷ தத்துவப்படி சனி பகவான் ஜீவனகாரகனாகவும், கர்மாதிபதியாகவும் இருப்பதால் ஒருவரின் கர்மாவை நிர்ணயிப்பதில் சனி பகவானின் பங்கு அளப்பரியது.

அஷ்டமச் சனி மிதுன ராசிக்காரர்களை அதிகமாக பாதிக்குமா?

சனி பகவான்

இந்த செய்தியை ஆடியோ வடிவில் கேட்க "Play" பட்டனை கிளிக் செய்யவும்.

மிதுன ராசிக்காரர்களுக்கும் இந்த அஷ்டமத்துச்சனி பாதிக்குமா அல்லது நன்மை தருமா என்பதை அவரவர் பிறப்பு ஜாதகத்தை வைத்தே சரியான பதிலைக் கூற முடியும்.

விதிவிலக்காக மிதுன ராசியில் குரு இருந்தால் ஜாதகரை அஷ்டமத்து சனி பாதிக்காது. மிதுன ராசியில் சந்திரனுடன் ராகு அல்லது கேது இருந்தால் அவர்களுக்கு குடும்பம், தொழில், மன ரீதியான பாதிப்பு இருக்கும். இவர்கள் அஷ்டமத்துச் சனி முடியும் வரை திருமணம் செய்யக்கூடாது. மிதுன ராசிக்கு எட்டாம் இடமான மகரத்தில் ராகு-கேது செவ்வாய், சனி இந்த கிரகங்கள் இருந்தால் அவருக்கு அஷ்டமத்துச் சனியால் பாதிப்பு உண்டு. அவர்களுக்கு நல்ல திசையாக இருந்தால் பாதிப்பின் அளவு குறையும்.

மகரத்தில் குரு, சுக்கிரன் இருந்தால் இந்த அஷ்டமச்சனி அவர்களை பாதிக்காது. சனி அவர்களுக்கு 200 மடங்கு யோகமான அஷ்டமத்துச் சனியாக நடக்கும். இக்காலகட்டத்தில் அவர்கள் பணம், பொருளாதாரம் அதிகரிக்கும். வீடு, வாகனம் தொழில் என அபிவிருத்தி அடையும்.

ஒருவரின் ஜனன கால ஜாதகத்தை வைத்துக் கொண்டு தான் ஏழரைச் சனி, அஷ்டமத்துச் சனி எந்தெந்த ராசிக்காரர்களுக்கு நல்லது, கெட்டது செய்யும் என்பதை முடிவு செய்ய வேண்டும் என்பதால் தேவையற்ற பய உணர்வை தவிர்த்து சிவ வழிபாட்டில் ஆர்வம் காட்டினால் நன்மை உண்டாகும்.

இதையும் படிக்கலாம்...அஷ்டமச் சனியின் காலத்தில் தவிர்க்க வேண்டியவை