iFLICKS தொடர்புக்கு: 8754422764
இன்றைய ராசி கன்னி
கன்னி

இன்றைய ராசி பலன்கள்

உறவினர்கள் உதவிக்கரம் நீட்டும் நாள். வரவு திருப்தி தரும். உற்சாகத்தோடு பணிபுரிவீர்கள். வீட்டைப் பராமரிப்பதில் அக்கறை காட்டுவீர்கள். குழந்தைகள் நலன் கருதி எடுத்த முயற்சியில் அனுகூலம் உண்டு.

வார பலன்கள்

15.1.21 முதல் 21.1.21 வரை

கேது, சுக்கிரன், சந்திரன் அளவற்ற நற்பலன்களை தருவர். முருகன் வழிபாடு நம்பிக்கை தரும்.
உத்திரம் 2,3,4: பணியிடத்தில் உங்களது செயலால் மரியாதை அதிகரிக்கும். எதிர்காலத் திட்டங்களில் ஒன்றிரண்டை நிறுத்தி வைக்கும் சூழல் ஏற்படும். நட்புக்கு முக்கியத்துவம் கொடுப்பீர்கள். நல்லோரின் ஆசி கிடைக்கும்.
அஸ்தம்: யாரோ செய்த தவறுக்காக நீங்கள் பொறுப்பேற்க வேண்டி வரும். பிறகு அந்தப் பிரச்னை சரியாகும். சகிப்புத்தன்மையை வளர்த்துக் கொள்வது நல்லது. தியானம், தெய்வ வழிபாடு மன அமைதி தரும்.
சித்திரை 1,2: நண்பர்களை தவறாக எண்ண வாய்ப்பு உள்ளது. பிள்ளைகளுக்கு எது நல்லது என்று புரிய வையுங்கள். பிறருக்கு இயன்ற அளவில் உதவி செய்வீர்கள். பெண்களுக்கு ஆடம்பரச் செலவுகளால் சேமிப்பு குறையும்.

தமிழ் மாத ஜோதிடம்

14.1.2021 முதல் 12.2.2021 வரை

கன்னி ராசி நேயர்களே!

சார்வரி வருடம் தை மாதக் கிரக நிலைகளை ஆராய்ந்து பார்க்கும் பொழுது, உங்கள் ராசிநாதன் புதன் பஞ்சம ஸ்தானத்தில் நான்கு கிரகங்களோடு கூடியிருக்கின்றார். தற்சமயம் அர்த்தாஷ்டமச் சனி விலகிவிட்டது. விலகிய சனியோடு குரு இணைந்து இருப்பதால், தடைக்கற்கள் இனி படிக்கற்களாகும். பொருளாதாரத்தில் நிறைவு ஏற்படும் மாதம் இது.

மூன்றில் கேது, ஒன்பதில் ராகு

இம்மாதம் சகோதர மற்றும் சகாய ஸ்தானத்தில் கேது சஞ்சரிக்கின்றார். எனவே உடன்பிறப்புகளின் குணத்தில் மாற்றம் ஏற்படும். வழக்குகளில் இழுபறி நீடிக்கும். முன்னேற்றப் பாதையில் அடியெடுத்து வைக்கும்பொழுது, சில எதிர்பாராத பிரச்சினைகளை சந்திக்க நேரிடும். துணிவும், தன்னம்பிக்கையும் குறையாமல் பார்த்துக்கொள்ளுங்கள். 9-ல் ராகு இருப்பதால் தந்தை வழி அனுகூலங்கள் குறையலாம். பூர்வீக சொத்துக்களை விற்று புதிய சொத்துக்கள் வாங்க முயற்சிப்பீர்கள். முன்னோர்கள் கட்டி வைத்த ஆலயத் திருப்பணிகளை தொடர்ந்து செய்ய முன்வருவீர்கள்.

பலம் பெறும் பஞ்சம ஸ்தானம்

இம்மாதம் பஞ்சம ஸ்தானத்தில் சந்திரன், சூரியன், குரு, சனி, புதன் ஆகிய ஐந்து கிரகங்கள் ஒன்றுகூடி, கூட்டுக் கிரக யோகத்தை உருவாக்கு கிறார்கள். இது யோகம்தான். நற்பலன்அதிகம் கிடைக்கும். விரயாதிபதி சூரியன், சனியோடு கூடியிருப்பதால் விரயங்கள் அதிகரித்தாலும், பொருளாதாரப் பற்றாக்குறை ஏற்படாது. வீட்டிற்குத் தேவையான அத்தியாவசியப் பொருட்களை வாங்குவீர்கள். குடும்பத்தில் மகிழ்ச்சி கூடும். பொதுநலத்தில் இருப்பவர்களுக்கு புதிய பொறுப்புகள் கிடைக்கும்.

மகர - புதன் வக்ரம்

ஜனவரி 21-ந் தேதி முதல் பிப்ரவரி 10-ந் தேதி வரை மகர ராசியில் புதன் வக்ரம் பெறுகின்றார். உங்கள் ராசிநாதனாகவும், 10-ம் இடத்திற்கு அதிபதி யாகவும் விளங்குபவர் புதன். கேந்திராதிபத்ய தோஷம் பெற்ற கிரகம் நன்மை செய்யும் என்றாலும், புதன் உங்கள் ராசிநாதனாகவும் இருப்பதால் ஆரோக்கிய தொல்லை ஏற்படும். அதே சமயம் தொழில், உத்தியோகம் சிறப்பாக இருக்கும். புதிய முயற்சிகளிலும் வெற்றி உண்டு.

மகர - குரு சஞ்சாரம்

தற்சமயம் மகரத்தில் சஞ்சரிக்கும் குரு பகவான் நீச்சம் பெற்றிருந்தாலும், சனியோடு இணைந்திருப்பதால் ‘நீச்ச பங்க ராஜயோகம்’ உருவாகின்றது. ஜனவரி 22-ந் தேதி குரு பகவான் மேலும் வலிமை இழக்கின்றார். இருப்பினும் அவரது பார்வை உங்கள் ராசியில் பதிவது யோகம்தான். புத்திக்கூர்மை யுடன் செயல்படுவீர்கள். குடும்பத்தில் ஏற்பட்ட கருத்து வேறுபாடு அகலும். தொழில் போட்டிகளை சமாளிப்பீர்கள்.

மகர - சுக்ரன் சஞ்சாரம்

ஜனவரி 29-ந் தேதி, மகர ராசிக்கு சுக்ரன் செல்கின்றார். உங்கள் ராசிக்கு 2, 9-க்கு அதிபதியான சுக்ரன், பஞ்சம ஸ்தானத்திற்கு செல்வது யோகம்தான். பிள்ளைகளால் உதிரி வருமானம் உண்டு. பூர்வீக சொத்து விற்பனையால் லாபம் ேசரும். தொழிலில் புதிய பங்குதாரர்கள் வந்திணைய வழிபிறக்கும். விட்டுப்போன ஒப்பந்தங்கள் மீண்டும் வரலாம்.

இம்மாதம் புதன்கிழமை தோறும் அனுமனை வழிபட்டு வருவது நல்லது.

பணத்தேவையைப் பூர்த்தி செய்யும் நாட்கள்:- ஜனவரி: 24, 25, 28, 29, பிப்ரவரி: 3, 4, 8, 9 மகிழ்ச்சி தரும் வண்ணம்:- கிளிப்பச்சை.

பெண்களுக்கான பலன்கள்
இம்மாதம் நல்ல வாய்ப்புகள் இல்லம் தேடி வரும். பொருளாதா ரத்தில் நிறைவு ஏற்படும். கணவன்-மனைவிக்குள் பிணக்குகள் அகன்று இணக்கம் உருவாகும். சுபகாரியப் பேச்சுக்கள் முடிவாகும். சகோதரர்களை அனுசரித்துச் செல்லுங்கள். புதிய முயற்சிகளில் வெற்றி கிட்டும். பெற்றோர்களின் ஆதரவு உண்டு. கூட்டுக்கிரக யோகத்தால் கூடுதல் நன்மை கிடைக்கும். பணிபுரியும் பெண்களுக்கு பதவி உயர்வும், ஊதிய உயர்வும் உண்டு.

ஆண்டு பலன் - 2021

பிறக்க இருக்கும் புத்தாண்டான 2021-ம் ஆண்டு ஆரம்பத்தில் கன்னி ராசிக்கு மந்தமான பலன்களை கொடுத்தாலும், ஆண்டின் பிற்பகுதியில் நல்ல நன்மைகள் நடக்கும் என்பது உறுதி. வேலை தொழில் அமைப்புகளில் இப்போது சங்கடங்கள் இருப்பவர்களுக்கு புது வருட ஆரம்பம் முதல் பிரச்னைகள் படிப்படியாக தீர துவங்கி வருடத்தின் பிற்பகுதியில் இருந்து அனைத்தும் மாறி மிகவும் நல்ல பலன்களை சந்திப்பீர்கள். 

வருட ஆரம்பத்தில் ஐந்தில் குரு, வருடம் முழுவதும் மூன்றில் கேது இருப்பது உங்களுக்கு மிகப்பெரிய திருப்பங்களையும் மாற்றங்களையும் தரும். இந்த அமைப்பால் உங்கள் உடல், மனம் இரண்டும் சீரடைவதையும், உங்களைப் பாதித்த பிரச்னைகள் விலகுவதையும் நீங்கள் உணர முடியும். 

ராகு, கேதுவின் நிலையால் மிகுந்த உற்சாகமும் புத்துணர்ச்சியும் அடையப் பெறுவீர்கள். இதுவரை இருட்டுக்குள் நிற்பதைப் போல உணர்ந்தவர்களுக்கு ஒளியெனும் பாதை கண் முன்னே தெரியும். சுருக்கமாகச் சொல்லப்போனால் வேலை தொழில் விஷயங்களில் பின்னடைவுகள், பொருளாதாரச் சிக்கல்கள், கடன் தொல்லைகள், ஆரோக்கியக் குறைவு போன்றவை எதுவும் இந்த வருடம் கன்னிக்கு இருக்காது என்பது உறுதி.

சனி பகவான் ஐந்தில் இருந்தாலும் குருவின் இணைவால் சுபத்துவமாக மிகவும் நல்ல பலன்களை தரும் நிலையில் இருக்கிறார். அதேபோல ராகுவும் குருவின் பார்வையில் இருக்கிறார். இதன் மூலம் இந்த வருடத்தில் உங்களுடைய கடன், நோய், எதிர்ப்பு போன்ற அமைப்புகள் வலுவிழக்கின்றன. இதனால் இதுவரை இருந்து வந்த கடன் தொல்லைகள் நீங்கும். 

வருமானம் குறையும் போதுதான் கடன் வாங்க நேருகிறது. இனிமேல் கடன் வாங்கத் தேவையில்லை என்கின்ற நிலை வரும் போது வருமானம் தாராளமாக வரும் என்பதே விதி என்பதால் இந்த வருடம் கன்னியினர்  பொருளாதார உயர்வு பெறுவீர்கள். 

ராகு,கேதுக்கள் மூன்று, ஆறு, பதினொன்றாக அமையும் போது வலுவான நன்மைகளைச் செய்வார்கள் என்பதால் இதுவரை உங்களின் வளர்ச்சியை தடுத்து கொண்டிருந்த எதிர்ப்புகள், பொறாமை, போட்டி, அனைத்தும் ஒதுங்கி ஓடும் அளவிற்கு உங்களின் எல்லாப் பிரச்சினைகளும் இந்த வருடம் விலகும். அதேபோல குருபகவான் ஐந்தாமிடத்தில் இருப்பது பணப் பிரச்சினைகள் அனைத்தையும் தீர்க்கும் அமைப்பு என்பதாலும் உங்களின் பொருளாதார பிரச்னைகள் இந்த வருடம் தீர ஆரம்பிக்கும்.

ராகு,கேது நிலைகளின் மூலம் உங்களுக்கு வெளிநாடு, வெளிமாநில தொடர்புகளும் அவற்றின் மூலம் பொருள்வரவும் இருக்கும். அதேபோல குருவின் நிலையால் வேலை தொழில் இடங்களில் நல்ல பெயரும் கவுரவமும் கிடைக்கும். எனவே இந்த ஆண்டின் ஆரம்பத்தில் இருந்தே உங்களுக்கு படிப்படியாக நற்பலன்கள் நடக்க ஆரம்பிக்கும். எப்படிப் பார்த்தாலும் 2021-ம் ஆண்டு சிறப்புகளையும், வருமானங்களையும் உங்களுக்கு தரும் என்பது உறுதி.

செய்கின்ற தொழிலில் அதிக முயற்சி இல்லாமலேயே நிறைந்த லாபங்கள் இப்போது கிடைக்கும். கண்மூடிக் கண் திறப்பதற்குள் பாக்கெட்டில் எப்படி பணம் வந்தது என்று சொல்ல முடியாத அமைப்பில் பண வரவு தற்போது உங்களுக்கு இருக்கும்.

அலுவலங்களில் நல்ல பெயர் கிடைக்கும். இழந்த போன பெருமையை மீட்டெடுப்பீர்கள். நீண்ட நாட்களாக மனதில் உருப்போட்டு வந்திருந்த எண்ணங்கள் திட்டங்கள் கனவுகள் ஆகியவை நினைத்தபடியே நடக்கப்போகும் காலம் இது. எனவே உங்களின் உடல்நிலையும் மனநிலையும் தெளிவாகவும் உற்சாகத்துடன் இருக்கும். 

இதுவரை நல்லவேலை கிடைக்காமல் திண்டாடிக் கொண்டிருந்தவர்களுக்கு பொருத்தமான சம்பளத்துடன் கூடிய வேலை கிடைக்கும். தொழிலில் முதலீடு செய்ய முடியாமல் திணறிக் கொண்டிருந்தவர்களுக்கு முதலீடு செய்வதற்கு பணம் கிடைத்து நினைத்தபடி தொழிலை விரிவாக்கம் செய்ய முடியும்.

அலுவலகத்தில் இதுவரை புரமோஷன் கிடைக்காதவர்கள் பதவி உயர்வு கிடைக்கப் பெறுவார்கள். நிலுவையில் இருந்த சம்பள உயர்வு கிடைக்கும். இதுவரை உங்களை முறைத்துக் கொண்டிருந்த மேலதிகாரி மாறுதலாகி உங்களுக்கு சாதகமான, உங்களைப் புரிந்து கொள்ளும் நபர் உங்களுக்கு அதிகாரியாக வருவார்.

சுயதொழில் புரிபவர்களுக்கு இதுவரை இருந்து வந்த தேக்க நிலைகள் மாறி தொழில் சூடு பிடிக்கும். வருமானம் நன்கு வரும். வியாபாரிகள் அனைத்திலும் வெற்றி காண்பார்கள். எதிரிகள் ஓட்டம் பிடிப்பார்கள். வெளிநாட்டு ஏற்றுமதி இறக்குமதி போன்றவைகளிலும், திரவம் சம்பந்தப்பட்ட தொழில் வகைகளிலும் இருப்பவர்களுக்கு நல்ல வருமானம் இருக்கும். சினிமா தொலைகாட்சி போன்ற துறைகளில் இருப்போர் இந்த சாதகமான நேரத்தை பயன்படுத்திக் கொள்ளுங்கள். 

பங்குதாரர்கள் இடையே இருந்து வந்த கருத்துவேறுபாடு விலகும். கூட்டுத்தொழில் லாபம் தரும். புதிதாக வாகனம் வாங்குவீர்கள். அரசாங்க வழியில் நன்மைகள் நடக்கும். மனம் புத்துணர்ச்சியுடன் இருக்கும். உங்களுடைய மாற்றங்களை அடுத்தவர்கள் உணரும்படி நடந்து கொள்வீர்கள். 

நண்பர்கள், நலம் விரும்பிகள் மூலம் பொருளாதார உதவிகள் ஆதரவானபோக்கு மற்றும் அனுசரணையான பேச்சு இருக்கும். இதுவரை கோர்ட்கேஸ் போன்ற வழக்குகளில் சிக்கி அவதிப்பட்டவர்களுக்கு நல்ல திருப்புமுனையான நிகழ்ச்சிகள் நடந்து உங்கள் பக்கம் அனைத்தும் சாதகமாகும். 

விவசாயிகள், கலைஞர்கள், பொதுவாழ்வில் இருப்பவர்கள், ஊடகம் மற்றும் பத்திரிகைத் துறையினர், தொழிலாளர்கள், அன்றாடம் சம்பளம் வாங்குபவர்கள் போன்ற எந்த துறையினர்களாக இருந்தாலும் இந்த நல்லநேரத்தைப் பயன்படுத்திக் கொண்டு நினைத்ததை சாதிக்கலாம்.

தொழிலதிபர்களுக்கு இதுவரை இருந்து வந்த முட்டுக்கட்டைகள் விலகும். அரசாங்க ஆதரவு உண்டு. இடைத்தரகர்களை நீக்கி நேரடியாக அமைச்சர்களையோ அதிகாரிகளையோ பார்த்து காரியங்களை வெற்றியாக்க முடியும். எடுக்கும் முயற்சிகள் இப்போது பலிதமாகும்.                                                                                 

மத்திய மாநில அரசுகளின் போட்டித் தேர்வுகள் மற்றும் வங்கி சம்பந்த பட்ட தேர்வுகள் எழுதுவோருக்கு இம்முறை வெற்றி கிடைக்கும். ஏற்கனவே எழுதி முடிவுகளுக்காக காத்துக் கொண்டிருப்பவர்களுக்கு நல்ல செய்திகள் உண்டு.

கூட்டுக்குடும்பத்தில் ஒருவருக்கொருவர் துணையாக இருப்பீர்கள். வயதில் பெரியவர்கள் மூத்தவர்கள் மூலம் லாபம் உண்டு. குடும்பத்தில் சுப காரியங்கள் நடைபெறும். இதுவரை திருமணம் ஆகாமல் இருந்த இளைய பருவத்தினர்களுக்கு மளமள வென்று வரன்கள் நிச்சயிக்கப்பட்டு திருமண மண்டபம் புக்கிங் போன்ற விஷயங்கள் ‘சட்’ என்று நடந்து திருமணம் கூடி வரும்.

குழந்தை இல்லாத தம்பதியினருக்கு குழந்தை பிறக்கும். குடும்பத்தில் சொத்துச் சேர்க்கை இருக்கும். நகை வாங்க முடியும். பூர்வீக சொத்தில் இருந்து வந்த பிரச்னைகள் விலகி உங்கள் பங்கு கைக்கு கிடைக்கும். எந்த ஒரு விஷயத்திலும் நல்ல லாபம் கிடைக்கும். அதிர்ஷ்டம் கை கொடுக்கும். நிலமோ, வீட்டுமனையோ வாங்க முடியும். 

பொதுமக்களோடு தொடர்புள்ள பணிகள் செய்யும் துறைகள், அரசியல்வாதிகள் போன்றோருக்கு கௌரவமான பதவிகள் மற்றும் அதிகாரம் செய்யக் கூடிய பதவி தேடி வரும். அரசு மற்றும் தனியார்துறை ஊழியருக்கு சம்பளம் தவிர்த்த ‘மேல்வருமானம்’ இருக்கும். 

கணவன் மனைவி உறவில் இதுவரை இருந்து வந்த கருத்துவேற்றுமைகள் நீங்கும். மூன்றாவது மனிதரால் குடும்பத்தில் ஏற்பட்டிருந்த குழப்பங்கள் அடையாளம் காணப்பட்டு நீங்களே பிறர் உதவியின்றி குழப்பங்களைத் தீர்த்துக் கொள்வீர்கள்.

இதுவரை காணாமல் போயிருந்த உங்களின் மனதைரியம் இப்போது மீண்டும் வரும். எதையும் சமாளிப்பீர்கள். ஒரு சிலர் ஏதேனும் ஒரு செயலால் புகழ் அடைவீர்கள். சகோதர உறவு மேம்படும். இளைய சகோதரத்தால் நன்மை உண்டு. தம்பி தங்கையர்களுக்கு நல்லது செய்ய முடியும். மூத்த சகோதர சகோதரிகள் உதவுவார்கள். 

நோய் இதுவென்று தெரியாமல் மருத்துவத்தாலும் கண்டுபிடிக்க இயலாமல் இருந்தவர்களுக்கு நோய் கட்டுப்பட்டு விரைவில் குணமடையும். சொத்து பிரச்சினை, பங்காளித்தகராறு, கணவன்-மனைவி விவாகரத்து பிரச்சினைகள் சம்பந்தமாக காவல்நிலையம், நீதிமன்றம் என அலைந்து கொண்டிருந்தவர்களுக்கு வழக்குகள் சாதகமாக முடிவிற்கு வந்து நிம்மதியைத் தரும். 

புத்திர ஸ்தானமான ஐந்தாம் இடத்தில் வலுவாக இருக்கும் சனி பிள்ளைகள் விஷயத்தில் மனக்குறைகளையும், சங்கடங்களையும் தருவார். பிள்ளைகளின் சுப காரியங்கள் இந்த வருடம் தள்ளிப் போகலாம். அல்லது நிறைவேறுவதற்கு தடைகள் உருவாகலாம். குறிப்பிட்ட சிலருக்கு பிள்ளைகளுடன் விரோதமும், கூட்டுக் குடும்பத்தில் இருந்து அவர்கள் பிரிந்து தனிக்குடித்தனம் போவதும் இருக்கும்.   

கன்னி ராசி பெண்களுக்கு குடும்பத்தில் நற்பெயரும் கௌரவமும் கிடைக்கும். பெண்களின் ஆலோசனை குடும்பத்தில் ஏற்கப்படும். வேலைக்குச் செல்லும் மகளிருக்கு பதவிஉயர்வு கூடுதல்சம்பளம் போன்ற பலன்கள் இருக்கும். அதிகாரிகளால் பாராட்டப்படுவீர்கள். உடன் பணிபுரியும் ஆண்களின் ஒத்துழைப்பும் கிடைக்கும். பட்டுச்சேலை முதல் பாதக் கொலுசு வரை வாங்குவீர்கள். குடும்பத்திலும் அலுவலகத்திலும் கௌரவமாக நடத்தப் படுவீர்கள். 

பொதுவாக கன்னி ராசிக்கு இது எதிர்கால முன்னேற்றத்திற்கு அடித்தளம் போடும் காலகட்டமாக அமையும். இப்போது ஏற்படும் அனுபவங்களால் உங்கள் எதிர்காலத்தை சிறப்பாக அமைத்துக் கொள்வீர்கள் என்பதால் புது வருடத்தில்  கவலைப் படுவதற்கு ஒன்றும் இல்லை.


 “ஜோதிடக்கலை அரசு” 

  ஆதித்ய குருஜி

சார்வரி வருட பலன்

சார்வரி வருடத் தொடக்கத்தில் உங்கள் ராசியை குரு பகவான் பார்க்கிறார். ராசிநாதன் புதன் நீச்சம் பெற்று மீனத்தில் சஞ்சரிக்கிறார். 2, 9 ஆகிய இடங்களுக்கு அதிபதியான சுக்ரன் 9-ம் இடத்திலேயே தன் சொந்த வீட்டில் இருக்கிறார். 10-ல் ராகுவும், 4-ல் கேதுவும் உலாவருகிறார்கள். பஞ்சம ஸ்தானத்தில் குரு நீச்சம்பெற்று செவ்வாயோடு இணைந்து குரு-மங்கள யோகத்தை உருவாக்குகிறார். குரு, சனி பரிவர்த்தனையோடும், குரு-மங்கள யோகத்தோடும், விரயாதிபதி சூரியன் அஷ்டமத்தில் உச்சம் பெற்றுச் சஞ்சரிக்கும் அமைப்போடும் சுக்ர பலத்தோடும் இந்த ஆண்டு தொடங்குவதால் மகிழ்ச்சிக்குரிய தகவல்கள் அதிகம் வரப்போகிறது.

ராகு- கேது பெயர்ச்சி

1.9.2020 அன்று உங்கள் ராசிக்கு 9-ம் இடத்திற்கு ராகுவும், 3-ம் இடத்திற்கு கேதுவும் பெயர்ச்சியாகிறார்கள். இந்த கால கட்டத்தில் முன்னேற்றப் பாதையை நோக்கி அடியெடுத்து வைப்பீர்கள். உத்தியோகம் சம்பந்தமாக எடுத்த முயற்சி கைகூடும். உடன்பிறப்புகள் உங்கள் கடன்சுமை குறைய வழிவகுத்துக் கொடுப்பர். போட்டிக் கடைவைத்தோர் விலகுவர். புகழ்மிக்கவர்களின் நட்பு கிடைக்கும். பணியாளர்கள் பக்கபலமாக இருப்பார்கள். புதிய சொத்துக்களை வாங்கும் எண்ணம் உருவாகும்.

குருப்பெயர்ச்சி

15.11.2020 அன்று குரு பகவான், மகர ராசிக்கு பெயர்ச்சியாகிறார். இது குரு பகவானுக்கு நீச்ச வீடாகும். குரு பகவான் நீச்சம் பெற்று சஞ்சரிப்பது அவ்வளவு நல்லதல்ல. என்றாலும் குரு, சனி பரிவர்த்தனை யோகம் பெற்றிருக்கும் காலங்களில் நன்மைகளைச் செய்வார். துணிவும், தன்னம்பிக்கையும் கூடும். தொல்லை தந்தவர்கள் விலகுவர். பணப்புழக்கம் அதிகரிக்கும். தனித்து இயங்கும் ஆற்றல் உருவாகும். தந்தை வழி உறவில் இருந்த விரிசல்கள் அகலும். தொழிலில் எதிர்பார்த்த அளவிற்கு லாபம் கிடைக்கும்.

சனிப்பெயர்ச்சி

26.12.2020 அன்று வாக்கிய பஞ்சாங்க ரீதியாக சனிபகவான், மகரத்திற்கு பெயா்ச்சியாகிறார். எனவே மனக்குழப்பங்கள் அகலும். மறைமுக எதிர்ப்புகள் மாறும். தாராளமாகச் செலவிடும் வாய்ப்பு கைகூடும். பெரிய பொறுப்புகள் மற்றும் பதவிகளிலிருந்து விலகியவர் களுக்கு மீண்டும், அதில் சேரக்கூடிய வாய்ப்பு கைகூடும். திருமணத் தடை அகலும். அர்த்தாஷ்டமச் சனி விலகும் நேரத்தில் சனிக்குரிய ஆலயங்களுக்குச் சென்று வழிபட்டு வருவது நல்லது.

குரு வக்ரமும், அதிசாரமும்

13.5.2020 முதல் 7.7.2020 வரை குருபகவான் அதிசாரமாகவும், வக்ரமாகவும் சஞ்சரிக்கிறார். 8.7.2020 முதல் 9.9.2020 வரை தனுசு ராசியில் குரு வக்ர இயக்கத்தில் இருக்கிறார். அதே நேரத்தில் சனியும் வக்ர கதியில் அவரோடு இணைந்து சஞ்சரிக்கிறார். மீண்டும் குருபகவான் 6.4.2021-ல் கும்ப ராசிக்கு அதிசாரமாகச் செல்கிறார். இதன் விளைவாக ஓரளவு நற்பலன்கள் நடைபெறும். கேந்திராதிபத்ய தோஷம் பெற்ற கிரகம் என்பதால் வக்ர காலத்தில் வளர்ச்சி அதிகரிக்கும். தாயின் உடல் நலம் சீராகும். குடும்பத்தில் ஏற்பட்ட குழப்பங்கள் அகலும்.

வழிபாடு

திருவோண நட்சத்திரமன்று விரதமிருந்து திருமாலை வழிபாடு செய்தால், வாழ்க்கை வளமாகும்.

சனிப்பெயர்ச்சி பலன்கள்

ஜனவரி 24-ம் தேதி 2020 முதல் 2023 ஆண்டு வரை

ஐந்தில் வந்தது சனிபகவான், அற்புதப் பலன்கள் இனிசேரும்!

கன்னி ராசி நேயர்களே!

இதுவரை உங்கள் ராசிக்கு 4-ம் இடத்தில் அர்த்தாஷ்டமச் சனியாகச் சஞ்சரித்து வந்த சனி பகவான், 26.12.2020 அன்று 5-ம் இடத்திற்குச் செல்கின்றார். 5-ம் இடம் என்பது பூர்வ புண்ணிய ஸ்தானம். உங்கள் ராசிக்கு 5, 6 ஆகிய இடங்களுக்கு அதிபதியானவர் சனி பகவான். அவர் தனது சொந்த வீடான பூர்வ புண்ணிய ஸ்தானத்தில் சஞ்சரிக்கும் இந்த நேரம் இனிய பலன்கள் ஏராளமாக வரப்போகின்றது. தொழில் வளம் சிறப்பாக இருக்கும். வருமானம் உயரும்.

மகர ராசியில், ஏற்கனவே நீச்சம் பெற்ற குரு பகவான் இருக்கின்றார். அவரது பார்வை உங்கள் ராசியில் பதிகின்றது. எனவே குடும்பத்தில் சந்தோஷ வாய்ப்புகளை அதிகம் சந்திக்கக்கூடிய சூழ்நிலை உருவாகும்.

சுபநிகழ்ச்சிகள் நடைபெறும்

டிசம்பர் 26-ந் தேதி முதல் உங்கள் ராசிக்கு 5-ம் இடத்தை அடையும் சனி பகவானால், நல்ல மாற்றங்கள் வரப்போகின்றது. இல்லத்தில் சுபநிகழ்ச்சிகள் ஒன்றன் பின் ஒன்றாக நடைபெறும். பிரிந்து சென்ற உறவினர்கள் பிரியமுடன் வந்திணைவர். செய்தொழில் எதுவாக இருந்தாலும் முன்னேற்றம் கூடும்.

சனியின் பார்வை பலன்கள்

உங்கள் ராசிக்கு 5-ம் இடத்தில் சஞ்சரிக்கும் சனி பகவான், 2, 7, 11 ஆகிய மூன்று இடங்களையும் பார்க்கப் போகின்றார். வாக்கு, தனம், குடும்பம், களத்திரம், வெளிநாட்டு முயற்சி, இளைய சகோதரம், பொருளாதாரம், மாமன், மைத்துனர் வழி ஒத்துழைப்பு, சேமிப்பு, கவுரவப்பதவி போன்றவற்றைப் பற்றி எடுத்துரைக்கும் இடங்களில் சனியின் பார்வை பதிவதால், அந்த ஆதிபத்யங்களில் எல்லாம் மாற்றங்களும், ஏற்றங்களும் வந்து சேரும். 2-ம் இடத்தை சனி பார்ப்பதால், பணப்புழக்கம் நன்றாக இருக்கும். சனியின் பார்வை 7-ம் இடத்தில் பதிவதால் தம்பதியர்களுக்குள் இருந்த கருத்து வேறுபாடுகள் அகலும். கல்யாண முயற்சிகளில் இருந்த தடை அகலும். சனியின் பார்வை 11-ம் இடத்தில் பதிவதால், தொழிலில் இதுவரை இருந்த இழப்புகளை ஈடுகட்டும் விதத்தில் வியாபாரம் சூடுபிடிக்கும்.

சனியின் பாதசாரப் பலன்கள்

27.12.2020 முதல் 27.12.2021 வரை: சூரியன் சாரத்தில் சனி சஞ்சரிக்கும் பொழுது, விரயங்கள் அதிகரிக்கலாம். வீடு மாற்றங்களும், இட மாற்றங்களும் இயல்பாக வந்து சேரும்.

28.12.2021 முதல் 26.1.2023வரை: சந்திரன் சாரத்தில் சனி சஞ்சரிக்கும் பொழுது, பொருளாதார நிலை உயரும். தொழிலில் லாபம் எதிர்பார்த்ததைக் காட்டிலும் கூடுதலாகக் கிடைக்கும். சந்திரன் உங்கள் ராசிக்கு லாபாதிபதியாக இருப்பதால் இக்காலத்தில் பணப்பற்றாக்குறை ஏற்படாது. உத்தியோகத்தில் உள்ளவர்கள் தங்கள் மீது சுமத்திய குற்றங்களில் இருந்து விடுபட்டு மீண்டும் பணியில் சேருவர்.

27.1.2023 முதல் 19.12.2023 வரை: செவ்வாய் சாரத்தில் சனி சஞ்சரிக்கும் பொழுது, கூடுதல் கவனத்துடன் இருப்பது நல்லது. செவ்வாய் உங்கள் ராசிக்கு 3, 8 ஆகிய இடங்களுக்கு அதிபதியானவர். எனவே முன்னேற்றத்தில் சிறுசிறு சறுக்கல்கள் வரலாம்.

குருப்பெயர்ச்சிக் காலம்

கும்ப ராசியில் குரு சஞ்சரிக்கும் பொழுது, ‘சகட யோக’ அடிப்படையில் பலன் கிடைக்கும். ஒரு தொகை செலவழிந்த பிறகே அடுத்த தொகை உங்கள் கரங்களில் புரளும். ஆரோக்கியத்தில் கூடுதல் கவனம் தேவை. மீனத்தில் குரு சஞ்சரிக்கும் பொழுது மிகச்சிறந்த பலன்கள் உங்களுக்கு கிடைக்கும். தொழில் மற்றும் உத்தியோகத்தில் முன்னேற்றம் உண்டு. வருமானம் மிதமிஞ்சியதாக இருக்கும். மேஷ குருவின் சஞ்சார காலத்தில் நிதானத்தோடு செயல்படுவது நல்லது. விரயங்கள் அதிகரிக்கும்.

ராகு-கேது பெயர்ச்சிக் காலம்

21.3.2022-ல் நடைபெறும் ராகு-கேது பெயர்ச்சியின்போது, மேஷத்தில் ராகுவும், துலாத்தில் கேதுவும் சஞ்சரிக்கப் போகிறார்கள். மறைவிடங்களில் பாம்பு கிரகங்கள் சஞ்சரிக்கும் பொழுது நன்மைகளையே செய்யும். சுயபலமற்ற கிரகம் என்பதால் இருக்கும் இடத்தைப் பொறுத்தே பலன் கிடைக்கும். பண விரயம் அதிகரித்தாலும், அதற்காகப் பயப்பட வேண்டியதில்லை. தன ஸ்தானத்தில் கேது இருப்பதால் எந்த வகையிலாவது உங்களுக்கு வருமானம் வந்து சேரும். தேங்கிய காரியங்கள் நடைபெறும். வீடு, இடம் வாங்கும் யோகம் உண்டு. தொழிலில் மாற்றம் செய்தால் நல்லது என்று நினைப்பீர்கள். குடும்பச்சுமை கூடும்.

8.10.2023-ல் நடைபெறும் ராகு-கேது பெயர்ச்சியின் போது, மீனத்தில் ராகுவும், கன்னியில் கேதுவும் சஞ்சரிப்பார்கள். இந்த காலகட்டத்தில் எதிர்பாராத மாற்றங்கள் இல்லம் தேடி வரும். ஜென்மத்தில் கேது இருப்பதால் ஆரோக்கியத்தில் மட்டும் அதிக தொல்லைகள் ஏற்படலாம். நினைத்த காரியத்தை செய்துமுடிக்க இயலாமல் உடல்நலத்தில் அச்சுறுத்தல்கள் ஏற்படும். மருத்துவச் செலவுகள் கூடும். எதையும் யோசித்துச் செய்வது நல்லது.

வெற்றி பெறவைக்கும் வழிபாடு

வியாழன் தோறும் விரதம் இருந்து குரு வழிபாட்டை மேற்கொள்வதோடு, இல்லத்துப் பூஜை அறையில் குரு பகவான் படம் வைத்து, குரு கவசம் படித்து வழிபடுவது நல்லது. குடும்ப முன்னேற்றம் கூடும்.

குருப்பெயர்ச்சி பலன்கள்

15-11-2020 முதல் 13-11-2021 வரை

ஐந்தில் வந்தது குரு பகவான், அனைத்து நன்மையும் இனி கிடைக்கும்!

கன்னி ராசி நேயர்களே!

இதுவரை உங்கள் ராசிக்கு 4-ம் இடத்தில் சஞ்சரித்து வந்த குரு பகவான், 15.11.2020 அன்று 5-ம் இடத்திற்கு வருகின்றார். அங்கிருந்து கொண்டு 9-ம் பார்வையாக உங்கள் ராசியைப் பார்க்கின்றார். ‘குரு பார்க்கக் கோடி நன்மை’ என்பதற்கேற்ப, இனி அடுக்கடுக்கான நன்மைகள் உங்களைத் தேடிவரப்போகின்றது. பூர்வ புண்ணிய ஸ்தானத்தில் அடியெடுத்து வைத்திருக்கும் குருவால், போராட்டமான வாழ்க்கை இனி பூந்தோட்டமாக மாறும். இழந்த பதவிகள் மீண்டும் கிடைக்கும். இல்லம் கட்டிக் குடியேறும் நிகழ்ச்சி இனிதே நடைபெறும்.

இந்தக் குருப்பெயர்ச்சிக் காலத்தில் சில மாதங்கள் 6-ம் இடத்திற்கு குரு சென்று சஞ்சரிக்கின்றார். சில காலங்கள் வக்ர இயக்கத்திலும் இருக்கின்றார். அதற்கேற்ற பலன்கள் உங்களுக்கு அமையும். சுய ஜாதகத்தில் திசாபுத்தி பலம் பெற்றிருப்பவர்களுக்கு எதிர்பார்ப்புகள் எல்லாம் நிறைவேறும். முன்னேற்றப் பாதையில் ஏதேனும் முட்டுக்கட்டை வருமேயானால் வியாழக்கிழமை தோறும் குரு பகவானை வழிபடுவதன் மூலம் நற்பலன்களை வரவழைத்துக்கொள்ள இயலும்.

குருவின் பார்வை பலன்

இந்தக் குருப்பெயர்ச்சியின் விளைவாக, குரு பகவான் உங்கள் ராசியைப் பார்ப்பதோடு 9, 11 ஆகிய இடங்களையும் பார்க்கின்றார். இதனால் உடல் ஆரோக்கியம் சீராகும். உற்சாகம் உள்ளத்தில் குடிகொள்ளும். அடிப்படை வசதிகளை பெருக்கிக் கொள்வதில் ஆர்வம் காட்டுவீர்கள். கூட்டு முயற்சியில் இருந்து விடுபட்டு, தனித்து இயங்க முற்படுவீர்கள். எதிரிகளின் பலம் குறையும். உறவினர்களும், நண்பர்களும் உதவிக்கரம் நீட்ட முன்வருவர். உத்தியோகத்தில் உள்ளவர்களுக்கு உழைப்பிற்கேற்ற பலன் கிடைக்கும்.

குருவின் பார்வை 9-ம் இடத்தில் பதிவதால், தந்தை வழி உறவில் இருந்த விரிசல்கள் விலகும். சொத்துக்களை பங்கிட்டுக் கொள்வதில் இதுவரை சகோதரர்களுக்குள் இருந்த பிரச்சினைகள் அகலும். தொழில் வளம் மிகச்சிறப்பாக இருக்கும். ‘அஞ்சும், ஒன்பதும் மிஞ்சும் பலன்தரும்’ என்பதால் புதிய ஒப்பந்தங்களும் வந்துசேரும். வீட்டை விரிவு செய்து கட்டும் முயற்சியில் இருந்த தடை அகலும். முன்னோர்கள் செய்த தர்ம காரியங்களை, ஆன்மிகப் பணிகளை முன்னின்று நடத்துவீர்கள்.

குருவின் பார்வை 11-ம் இடத்தில் பதிவதால் லாப ஸ்தானம் புனிதமடைகின்றது. எனவே தொழிலில் எதிர்பார்த்த லாபம் கிடைக்கும். தொழிலை விரிவுபடுத்த கேட்ட இடத்தில் உதவிகள் கிடைக்கும். வங்கிகளின் ஒத்துழைப்பு உண்டு. பொதுவாழ்வில் இருப்பவர்களுக்கு புதிய திருப்பங்கள் ஏற்படும். மக்கள் செல்வாக்கு அதிகரிக்கும். புதிய ஒப்பந்தங்களில் கையெழுத்திட்டு மகிழ்வீர்கள். உத்தியோகத்தில் உள்ளவர்களுக்கு பரிசீலனையில் இருந்த பதவி உயர்வு, சம்பள உயர்வு இப்பொழுது கிடைக்கும்.

நட்சத்திரப் பாதசாரப்படி பலன்கள்

உத்ராடம் நட்சத்திரக்காலில் சூரியன் சாரத்தில் குரு சஞ்சாரம் (15.11.2020 முதல் 4.1.2021 வரை)

உங்கள் ராசிக்கு 12-ம் இடத்திற்கு அதிபதியானவர் சூரியன். பயண ஸ்தானம் மற்றும் விரய ஸ்தானம் என்று சொல்லக்கூடிய இடத்திற்கு அதிபதியான இவரது சாரத்தில் குரு சஞ்சரிக்கும் பொழுது, விரயங்கள் கொஞ்சம் அதிகமாகவே இருக்கும். மனை, வீடு, நிலம் வாங்குவது அல்லது கட்டிய வீட்டைப் பழுது பார்ப்பது, கல்யாணம் போன்ற சுபகாரியங்களை முன்னிட்டு சீர்வரிசை பொருட்களை வாங்குவது போன்ற சுபவிரயங்கள் மூலம் வீண் விரயங்களில் இருந்து விடுபடலாம். வெளிநாட்டில் இருக்கும் நண்பர்கள் மூலம் தொழில் தொடங்க உதவிகள் கிடைக்கும். உத்தியோகத்தைப் பொறுத்தவரை உங்கள் திறமைக்கு ஏற்ற மதிப்பு கிடைக்குமா என்பது சந்தேகம் தான். மேலதிகாரிகள் உங்களுக்கு திடீரென இடமாற்றத்தைக் கொடுக்கலாம். தொழில் நிலையத்தை வேறு இடத்திற்கு மாற்றும் முயற்சியில் ஆர்வம் காட்டுவீர்கள்.

திருவோணம் நட்சத்திரக்காலில் சந்திரன் சாரத்தில் குரு சஞ்சாரம் (5.1.2021 முதல் 1.3.2021 வரை)

சந்திரன், உங்கள் ராசிக்கு லாப ஸ்தானாதிபதி ஆவார். அவரது சாரத்தில் குரு சஞ்சரிக்கும் பொழுது, பல நல்ல காரியங்கள் இல்லத்தில் நடைபெறும். தொழில் வளர்ச்சி மிகச் சிறப்பாக இருக்கும். உடல் ஆரோக்கியம் சீராகும். ஆன்மிக ஈடுபாடு அதிகரிக்கும். ‘வெளிநாட்டில் தொழில் புரிய வேண்டும், ஏற்றுமதி வணிகம் செய்ய வேண்டும்’ என்று நினைத்தவர்களுக்கு, அந்த முயற்சி இப்பொழுது கைகூடும். கூட்டாளிகள் பலரும் உங்களோடு வந்திணைய காத்திருப்பர். விவசாயம் மற்றும் கால்நடை அபிவிருத்தியில் கவனம் செலுத்துவீர்கள். உத்தியோகத்தில் உள்ளவர்களுக்கு உயர் அதிகாரிகளின் ஆதரவு கிடைக்கும். நீங்கள் கேட்ட சலுகைகளை வழங்க காத்திருப்பர். ஆடை, ஆபரண சேர்க்கை உண்டு.

அவிட்டம் நட்சத்திரக்காலில் செவ்வாய் சாரத்தில் குரு சஞ்சாரம் (2.3.2021 முதல் 4.4.2021 வரை, மீண்டும் 14.9.2021 முதல் 13.11.2021 வரை)

உங்கள் ராசிக்கு 3, 8 ஆகிய இடங்களுக்கு அதிபதியானவர், செவ்வாய். சகாய ஸ்தானம் மற்றும் அஷ்டம ஸ்தானத்திற்கு அதிபதியான இவரது சாரத்தில் குரு உலா வரும்பொழுது, நன்மையும், தீமையும் கலந்தே நடைபெறும். போட்டிகளுக்கு மத்தியில் உங்கள் முன்னேற்றம் உருவாகும். பொருளாதாரத்தில் ஏற்ற இறக்க நிலை இல்லாமல் இருக்க, அங்காரக வழிபாட்டை மேற்கொள்வது நல்லது. குடும்பத்தில் தேவைகள் அதிகரிக்கும். உடன்பிறப்புகள் உங்கள் குணமறிந்து நடந்து கொண்டாலும் கூட, திடீர் திடீரென சச்சரவுகளும் ஏற்படும். என்றைக்கோ வாங்கிப்போட்ட இடத்தை அத்தியாவசியமாக விற்கும் சூழ்நிலை இப்பொழுது ஏற்படலாம். பணிபுரிவோருக்கு நீண்ட தூரத்திற்கான மாறுதல் கிடைத்து மனக்குழப்பத்தை அதிகரிக்கச் செய்யும்.

அவிட்டம் மற்றும் சதயம் நட்சத்திரக்காலில் செவ்வாய் மற்றும் ராகு சாரத்தில் குரு சஞ்சாரம்(5.4.2021 முதல் 13.9.2021 வரை)

இக்காலத்தில் கும்ப ராசியில் குரு சஞ்சரிக்கின்றார். அப்பொழுது அவர் பார்வை 2, 10, 12 ஆகிய இடங்களில் பதிவாகின்றது. உங்கள் ராசிக்கு 4, 7 ஆகிய இடங்களுக்கு அதிபதியானவர் குரு. ‘கேந்திராதிபத்ய தோஷம் பெற்ற கிரகம் 6-ல் வரும்பொழுது யோகம் செய்யும்’ என்பார்கள். இருப்பினும் இக்காலத்தில் உடல்நலனில் அதிக கவனம் செலுத்த வேண்டிய சூழ்நிலை உருவாகும். மனக்குழப்பமும், புதிய பிரச்சினையும் வந்து அலைமோதும். ‘ஆறில் குரு, ஊரில் பகை’ என்பது பழமொழி. எனவே மறைமுக எதிர்ப்புகள் உங்களுக்கு இக்காலத்தில் இருக்கும். அலைச்சலுக்கேற்ற ஆதாயம் கிடைக்காது. இருப்பினும் குரு பார்வையால், மலைபோல் வந்த துயர் பனிபோல் விலகும். மங்கல ஓசை கேட்கும் வாய்ப்பு கிட்டும். தொழிலில் புதிய தொழிலாளர்கள் வந்திணைவர்.

குருவின் வக்ர இயக்கம்

16.6.2021 முதல் 13.10.2021 வரை குரு வக்ர இயக்கத்தில் இருக்கின்றார். கும்பம், மகரம் ஆகிய இரண்டு ராசிகளிலும் வக்ரம் பெறுகின்றார். உங்களைப் பொறுத்தவரை இந்த வக்ர காலம், நன்மைகள் அதிகம் நடை பெறும் காலமென்றே கருதலாம். பொருளாதாரப் பற்றாக்குறை அகலும். புகழ்மிக்கவர்கள் உங்களுக்குப் பின்னணியாக இருந்து சில நல்ல காரியங்களை முடித்துக் கொடுப்பார்கள். ‘வாங்கிப்போட்ட இடத்தில் வீடு கட்ட முடியவில்லையே, பிரச்சினை மேல் பிரச்சினை வந்து கொண்டு இருக்கின்றதே, எப்பொழுதுதான் இதற்கு விடிவுகாலம் வருமோ’ என்று நினைத்தவர்களுக்கு, இப்பொழுது கட்டிடப் பணி தொடரும். கவலைகள் தீரும். குடும்பத்தில் உள்ள மற்ற உறுப்பினர்களுக்கும் வேலை கிடைத்து, அதன் மூலம் உதிரி வருமானங்களும் உண்டு. ஆரோக்கியத்தில் அச்சுறுத்தல் ஏற்பட்டால் உடனடியாக மருத்துவ ஆலோசனை பெறுவது நல்லது.

ராகுகேது பெயர்ச்சி பலன்கள்

1.9.2020 முதல் 20.3.2022 வரை

கன்னி ராசிக்கு தற்போதுள்ள நான்கு, பத்தாம் இடங்களில் இருந்து சர்ப்பக் கிரகங்கள் என்று சொல்லப்படும் ராகு-கேதுக்கள் மூன்று, ஒன்பதாம் இடங்களுக்கு மாறுகிறார்கள்.

இதில் கேது மாறுகின்ற மூன்றாம் பாவகம், ராகு-கேதுக்கள் நன்மைகளைத் தரும் இடங்கள் என்று நமது கிரந்தங்களில் கூறப்பட்டிருப்பதால் இம்முறை ராகு-கேது பெயர்ச்சியில் கன்னி ராசிக்கு நன்மைகள் மட்டுமே இருக்கும் என்பது நிச்சயம். இன்னும் ஒருபடி மேலாக சொல்லப் போவோமேயானால் கடந்த சில ஆண்டுகளாக நடந்த அர்த்தாஷ்டமச் சனியின் தாக்கத்தினால் கன்னியினர் எதிலும் உதவியற்ற ஒரு கடுமையான நிலையை சந்தித்து கொண்டிருக்கிறீர்கள்.
யாராவது ஒருவர் உங்களுடைய கஷ்டமான நிலைமையை பார்த்து உதவலாம் என்று முன் வந்தால் கூட, சாதகமற்ற கிரகங்களின் ஆதிக்கத்தினால் மனம்

இருந்தும் அதற்கேற்ற தகுதி நிலை இல்லாமல் போய் ஒரு ஆறுதலான எந்த விஷயமும் கன்னிக்கு இல்லாமல் போகிறது. இதுபோன்ற உதவிகள் அற்ற நிலை இனிமேல் இல்லாத வண்ணம் கேட்கும் இடத்தில், உதவிகள் கிடைக்கின்ற ஒரு நிலையை தற்போது மூன்றாமிடத்திற்கு மாற இருக்கும் கேது உங்களுக்கு தருவார்.

ராகு- கேது பெயர்ச்சியை அடுத்து சில வாரங்களில் நடக்க இருக்கும் குருப் பெயர்ச்சியால் குரு ஐந்தாமிடத்திற்கு மாறி ராசியைப் பார்க்கப் போகிறார். இதுவும் கன்னிக்கு ஒரு சாதகமான கிரக நிலை. எனவே அடுத்து தொடர்ச்சியாக நடக்க இருக்கும் பெயர்ச்சிகளும் நல்ல அமைப்பில் இருப்பதால் இனிமேல் கன்னிக்கு துயரங்கள் எதுவும் இல்லை. வரப் போகும் எல்லா நல்லவைகளையும் பெற்றுத் தரக் கூடிய ஆரம்ப மாற்றமாக இந்த ராகு-கேது பெயர்ச்சி இருக்கும்.

சர்ப்ப கிரகங்கள் மூன்று, ஒன்பதாம் இடங்களில் வருவதன் மூலம் சகாய ஸ்தானம் என்று சொல்லப்படும் உதவி ஸ்தானம் மிகுந்த வலுப்பெறும். இந்த இடம் தைரியம் மற்றும் கீர்த்தியை குறிப்பதால் இதுவரை எதற்கும் பயந்து கொண்டு தன்னம்பிகை இன்றி இருந்த கன்னி ராசியினர் இழந்த நம்பிக்கையை மீண்டும் பெறுவீர்கள்.

இதுவரை நடந்த எதிர்மறை பலன்களால் கலங்கிப் போய், எனக்கு என்ன நடந்து கொண்டு இருக்கிறது, ஏன் எனக்கு அனைத்திலும் தோல்வி கிடைக்கிறது, ஏன் என்னை எவரும் புரிந்து கொள்ள மாட்டேன் என்கிறார்கள் என்று தைரியம் இழந்து கலங்கித் தவித்துக் கொண்டிருக்கும் இளைய பருவத்தினருக்கும் தைரியத்தையும், புத்துணர்ச்சியும் ஊட்டி அவர்களை சாதனை செய்பவர்களாக மாற்றும் வேலையினை மூன்றாமிட கேது செய்வார்.

அதேபோல தற்போது மாற இருக்கும் ரிஷப, விருச்சிக வீடுகள் ராகு-கேதுக்கள் நன்மைகளைச் செய்யக் கூடிய ஒரு அமைப்பு வீடுகள் என்பதால் இந்த பெயர்ச்சியின் மூலம் கன்னிக்கு நல்ல வாய்ப்புகளின் கதவுகள் அகலமாகத் திறந்து வைக்கப்படும்.

அர்த்தஷ்டம சனியின் தாக்கத்தினாலும், தற்போதைய கிரக நிலைகளாலும் தொழில் துறையில், வேலை அமைப்புகளில் இதுவரை நல்லது கிடைக்காத நிலைமை மாறத் துவங்கி ராகு-கேது பெயர்ச்சிக்கு பிறகு நழுவிப் போன அனைத்து வாய்ப்புகளும் தேடி வரும். அதைவிட மேலாக ஏற்கனவே வாய்ப்புக் கிடைத்தும் அதை சரியாக செய்ய முடியாமல், கிடைத்த வாய்ப்பினை நழுவ விட்டவர்களுக்கு மீண்டும் ஒரு வாய்ப்பு கிரகங்களால் கொடுக்கப்படும்.

ராகு ஒன்பதாம் இடத்திற்கு வருவது நன்மைகளைத் தராது என்று நமது மூலநூல்களில் சொல்லப்பட்டிருந்தாலும், ராகு இப்போது செல்லும் இடம் அவருக்கு மிகவும் பிடித்த ரிஷப வீடு என்பதால் பெரிய துன்பங்கள் எதையும் கொடுத்து விட மாட்டார்.

மூன்றாமிடமான விருச்சிகத்தில் கேது சுப, சூட்சும வலுப் பெறுவதால் மூன்றாமிடத்தின் நற்பலன்கள் அனைத்தும் உங்களுக்கு முழுமையாகக் கிடைக்கும். வேலை தேடிக் கொண்டிருப்பவர்களுக்கு அவர்கள் படிப்புக்கும் தகுதிக்கும் ஏற்ற பொருத்தமான வேலை உடனடியாக அமையும். உயர் கல்வி கற்பதற்கு இதுவரை இருந்து வந்த தடைகள் அனைத்தும் விலகும்.

வேலை செய்யும் இடத்தில் இதுவரை இருந்த அதிருப்திகள் இனிமேல் இருக்காது. நீண்ட நாட்களாக நிலுவையில் இருந்த சம்பள உயர்வும் பாக்கித் தொகையும் பெறுவீர்கள். பதவி உயர்வுடன் கூடிய இடமாற்றங்கள் உண்டு. கொரோனாவின் சாதகமற்ற நிலையையும் மீறி சொந்தத் தொழில் செய்பவர்களுக்கு தொழிலில் இருந்த முட்டுக்கட்டைகள் மாறி தொழில் சூடு பிடிக்கும். வேலை செய்பவர்களும் பங்குதாரர்களும் உதவிகரமாக இருப்பார்கள்.

பரிகாரங்கள்

ராகு கேது பெயர்ச்சி நடந்தபிறகு ஒருமுறை ஜென்ம நட்சத்திரத்திற்கு முதல் நாள் மாலை சூரியன் அஸ்தமிக்கும் முன்பே பேரருள் திருத்தலமான ஸ்ரீ காலஹஸ்திக்குச் சென்று இரவு தங்கி அதிகாலை எம்பெருமான் காளத்திநாதனுக்கும் அன்னை ஞானப் பிரசுன்னாம்பிகைக்கும் நடக்கும் ருத்ராபிஷேகத்தில் கலந்து கொண்டு திரும்புங்கள். ஒரு குறையும் வராது.

ஜோதிடக்கலை அரசு ஆதித்யகுருஜி
(செல்: 8870 99 8888)

What’s in store for you?

Maalaimalar brings you: The Latest Tamil News | Tamil Cinema News and | Reviews | Kollywood gossips | astrology in Tamil.


Maalaimalar Tamil brings you the latest Tamil news from India and rest of the World.

You Also Get Top Breaking News | Political News from Tamil Nadu and India.

Get In-depth Coverage of National and International Politics | Business | Sports | Cricket News and Score Update of IPL & TNPL, if you are a Chennai Super Kings- CSK or Chepauk Super Gillies-CSG fan, look no further as we have year round updates about these.

We also focus on Tamil Spiritual News | Astrology | Technology | Traditional Tamil Food Recipes | Tamil Cinema Entertainment i.e. Tamil Cinema News | About Tamil Top Actors such as | Rajinikanth | Kamalhasan | Vijay | Ajith etc.

Further Latest Tamil movie reviews with ranking of Top Tamil Movies | Top Tamil Actor and Actress | Photo Gallery | History of Tamil Cinema | Tamil Movie Video Reviews. Catch the Start Interviews and latest events on our site as and when it happens


If you are looking for news from your home town, trust Maalaimalar.com Tamil to get you all the latest happenings not only from districts of Tamil Nadu

Ariyalur News in Tamil | Chennai News in Tamil | Coimbatore News in Tamil | Cuddalore News in Tamil | Dharmapuri News in Tamil | Dindigul News in Tamil | Erode News in Tamil | Kanchipuram News in Tamil | Kanyakumari News in Tamil | Karur News in Tamil | Krishnagiri News in Tamil | Madurai News in Tamil | Nagapattinam News in Tamil | Namakkal News in Tamil | Nilgiris (Ooty) News in Tamil | Perambalur News in Tamil | Pudukkottai News in Tamil | Ramanathapuram News in Tamil | Salem News in Tamil | Sivagangai News in Tamil | Thanjavur (Tanjore) News in Tamil | Theni News in Tamil | Thoothukudi (Tuticorin) News in Tamil | Tiruchirappalli (Trichy) News in Tamil | Tirunelveli (Nellai) News in Tamil | Tirupur News in Tamil | Tiruvallur News in Tamil | Tiruvannamalai News in Tamil | Tiruvarur News in Tamil | Vellore News in Tamil | Viluppuram News in Tamil | Virudhunagar News in Tamil | But also from Puducherry (Pondycherry) News in Tamil.

Others

Other than News and Entertainment in Tamil we also provide Astrology predictions | Daily Tamil Rasi palan for your star Mesham rasi palan | Rishabam rasi palan | Midhunam rasi palan | Kadagam rasi palan | Simmam rasi palan | Kanni rasi palan | Thulam rasi palan | Viruchagam rasi palan | Dhanusu rasi palan | Magaram rasi palan | Kumbam rasi palan | Meenam rasi palan everyday also we publish Tamil New year palan, Guru Peyarchi palan and Sani Peyarchi Palangal etc.

We do care about your wellbeing. We provide health tips such as simple | exercise | Yoga | Home Medicine | Health food recipe rasi palan | Child care | Natural beauty tips | Medicine for Woman | Safety tips for Woman

Technology and Automobile is part of our busy life, we provide tech news in Tamil about latest mobile phone | computers and gadgets. Cars | Bikes and automobile news in Tamil are well appreciated by our readers.

If you are looking for Tamil News and entertainment in video format then Maalaimalar video [video.maalaimalar.com] is the right choice. We bring the latest Tamil movie trailers | Tamil Cinema events | Cinema gossips. | Special star interviews and | Tamil news in video format.



To stay updated, all you need to do is just one thing - get the latest Tamil News on the go.. just download Maalaimalar Tamil News APP from Apple App store or Google Play Store


Download Our Apps

Apple Store Google Play Store