தொடர்புக்கு: 8754422764
இன்றைய ராசி கன்னி
கன்னி

இன்றைய ராசி பலன்கள்

எதிர்பாராத லாபம் இல்லம் தேடி வந்து சேரும் நாள். வேகத்துடனும், விவேகத்துடனும் செயல்படுவீர்கள். பொதுநல ஈடுபாடு அதிகரிக்கும். செய்தொழிலில் மேன்மையும், உயர்வும் உண்டு.

வார பலன்கள்

17-1-2022 முதல் 23-1-2022 வரை

புதிய அனுபவங்களால் மகிழ்ச்சி உண்டாகும் வாரம். ராசி அதிபதிபுதன் 5, 6-ம் அதிபதி சனியுடன் ராசிக்கு 5-ல் சேர்க்கை பெற்றதால் எதை யும் சமாளித்து நம்பிக்கையுடன் செயல் படுவீர்கள். எதிர்பாராத தன லாபம் உண்டா கும். பொருளாதார நெருக்கடிகள் குறையும். வாழ்க்கைத் தரம் உயரும். கணவன் மனைவிக்குள் நிலவிய வாக்குவாதம் விலகும். கூட்டுத் தொழில் புரிபவர்களிடையே சில சங்கடங்கள் உண்டாகும்.

உங்களைச் சுற்றி இருப்பவர்களில் உண்மையாக இருப்பவர்கள் யார்? பகடைக்காயாக பயன்படுத்துபவர் யார்? என்ற அனுபவ உண்மை புலப்படும். அரசுப் பணியில் இருப்பவர்களுக்கு கூடுதல் பொறுப்புகள் வழங்கப்படும். சிலருக்கு குறுகிய கால இடமாற்றம் உருவாகும். சில்லரை வியாபாரிகளுக்கு விற்பனை அதிகரிக்கும்.

தொழிலை விட்டு விலகி விடலாம் என்று நினைத்தவர்களுக்கு கூட நம்பிக்கையை அதிகரிக்கும் விதமான மாற்றங்கள் ஏற்படும். பெண்களுக்கு தாய்வழிச் சொத்து கிடைப்பதில் நிலவிய தடை, தாமதங்கள் தாய் மாமன் உதவியால் சீராகும். முழுப் பங்கும் முறையாக வந்து சேரும். மேலும் சுப பலனை அதிகரிக்க கால பைரவரை அரளி மாலை அணிவித்து வழிபடவும்.

‘பிரசன்ன ஜோதிடர்’
ஐ.ஆனந்தி
செல்: 98652 20406

தமிழ் மாத ஜோதிடம்

14.1.22  முதல் 12.2.22 வரை

வாய்ப்புகள் வரும்பொழுது பயன்படுத்த சொல்லும் கன்னி ராசி நேயர்களே!

தை மாதக் கிரக நிலைகளை ஆராய்ந்து பார்க்கும் பொழுது, உங்கள் ராசிநாதன் புதன், தானாதிபதி சுக்ரனோடு இணைந்து சஞ்சரிப்பதால் பொருளாதார முன்னேற்றம் அதிகரிக்கும். தாராளமாகச் செலவிட்டு மகிழ்வீர்கள். விரயாதிபதி சூரியன் 5-ம் இடத்தில் சஞ்சரிப்பதால் குடும்பச்சுமை கூடும்.

சூரியன் - சனி சேர்க்கை

உங்கள் ராசிக்கு பஞ்சமாதிபதி சனி, பஞ்சம ஸ்தானத்திலேயே பலம் பெற்றிருக்கிறார். அவரோடு விரயாதிபதி சூரியன் இணைந்திருக்கிறார். எனவே பூர்வீக சொத்துக்களில் பிரச்சினைகள் வரலாம். பிள்ளைகள் வழியிலும் பிரச்சினைகள் வரலாம். நல்ல காரியங்கள் நடப்பதில் சில தடைகள் ஏற்படும். விலை உயர்ந்த பொருட்களை விற்க நேரிடும். ஆரோக்கியத்திலும் அச்சுறுத்தல்கள் தோன்றும். இதுபோன்ற காலங்களில் திசாபுத்திக்கேற்ற தெய்வங்களையும், குலதெய்வ வழிபாடுகளையும் மேற்கொண்டால் கொடிகட்டிப் பறந்த குடும்பப் பிரச்சினை படிப்படியாக மாறும்.

புத சுக்ர யோகம்

புதன் உங்கள் ராசிநாதனாகவும், 10-ம் இடத்திற்கு அதிபதியாகவும் விளங்குபவர். சுக்ரன் உங்கள் ராசிக்கு 2, 9 ஆகிய இடங்களுக்கு அதிபதியாக விளங்குபவர். இவை இரண்டும் ஒன்றாக இணைந்து சுக ஸ்தானத்தில் சஞ்சரிக்கும் பொழுது, பொருளாதாரத்தில் இருந்த பற்றாக்குறை ஓரளவு அகலும். புனிதப் பயணங்கள் அதிகரிக்கும். வெளிநாட்டு முயற்சிகளில் ஆர்வம் காட்டுவீர்கள். வீடுமாற்றங்கள், உத்தியோக மாற்றங்கள் உருவாகும். ஆடை, ஆபரண சேர்க்கை உண்டு.

தனுசு செவ்வாய் சஞ்சாரம்

தை 4-ந் தேதி, தனுசு ராசிக்கு செவ்வாய் செல்கிறார். அவர், உங்கள் ராசிக்கு 3, 8 ஆகிய இடங்களுக்கு அதிபதியானவர். அஷ்டமாதிபதி செவ்வாய் 4-ம் இடத்தில் சஞ்சரிக்கும் பொழுது வாகனத் தொல்லை ஏற்படும். கொடுக்கல்- வாங்கலால் உறவினர் பகை உருவாகலாம். தைரியமும், தன்னம்பிக்கையும் குறையாமல் பார்த்துக் கொள்ளுங்கள். உடன்பிறப்புகளின் இல்லத்து சுப காரியங்களை முன்னின்று நடத்துவீர்கள்.

மகர புதன் சஞ்சாரம்

தை 27-ந் தேதி, மகர ராசிக்கு புதன் செல்கிறார். உங்கள் ராசிநாதனாகவும், தொழில் ஸ்தானாதிபதியாகவும் விளங்கும் புதன், பஞ்சம ஸ்தானத்திற்கு செல்லும்பொழுது பல விதங்களிலும் நன்மைகள் கிடைக்கும். இக்காலம் உங்களுக்கு இனிய காலமாகும். பிள்ளைகளுக்கு, நல்ல வேலை அமையலாம். வாசல் தேடி வந்த வரன்கள் முடிவாகும். புதன் சுக்ரனோடு இணைந்து ‘புத ஆதித்ய யோக’த்தை ஏற்படுத்துவதால், கல்வி சம்பந்தமான முயற்சி வெற்றியாகும். மாமன், மைத்துனர் வழியில் ஏற்பட்ட மனக்கசப்புகள் மாறும். கரைந்த சேமிப்புகளை ஈடுகட்டுவீர்கள்.

இம்மாதம் தட்சிணாமூர்த்தி வழிபாடு செல்வ நிலை உயர வழிகாட்டும்.

பெண்களுக்கான பலன்கள்

இம்மாதம் குரு பார்வை தன ஸ்தானத்திலும், விரய ஸ்தானத்திலும் பதிவதால், தேவைக்கேற்ற பணம் கிடைக்கும். திட்டமிட்டு எதையும் செய்ய இயலாது. கணவன் - மனைவிக்குள் அனுசரித்துச் செல்லுங்கள். உறவினர் பகை அதிகரிக்கும். சேமிப்புகள் கரையும். ஆரோக்கிய பாதிப்புகள் அகல ஆகாரத்தில் கட்டுப்பாடு செலுத்துங்கள். பணிபுரியும் இடத்தில் உழைப்பிற்கேற்ற பலன் கிடைக்காததால், வேறு வேலைக்கு முயற்சிப்பீர்கள்.

பணத்தேவையைப் பூர்த்தி செய்யும் நாட்கள்:- ஜனவரி: 14, 15, 18, 19, 25, 26, 29, 30, பிப்ரவரி: 9, 10, 11மகிழ்ச்சி தரும் வண்ணம்:- கரும்பச்சை.

ஆண்டு பலன் - 2022

வசீகரமான தோற்றம் கொண்ட கன்னி ராசியினருக்கு புத்தாண்டு நல்வாழ்த்துக்கள். இந்தப் புத்தாண்டில் மன நிறைவான சுகபோக வாழ்விற்கு மனம் ஏங்கும். அதற்காக கடுமையாக போராட நேரும். எந்த ஒரு காரியத்திலும் துணிந்து இறங்கி செயல்பட்டு வெற்றி பெறும் தைரியம் உருவாகும். ஏப்ரல் 2022 வரை வருட கிரகமான குருவினால் ஏற்படும் சுப பலன்கள் குறையும். ஏப்ரல் மாதத்திற்கு மேல் ராசிக்கு 7ல் செல்லும் குருவினால் சுப பலன்கள் மிகைப்படும்.

ஆண்டு முழுவதும் சனியின் சஞ்சாரம் சிறப்பாக உள்ளது. ஏப்ரல் 12, 2022 வரை ராகு/கேதுக்களால் பெரிய பாதிப்பு இருக்காது. ஏப்ரலுக்கு மேல் ராகு/கேதுக்களால் சற்று இன்னல்களை சந்திக்க நேரும். அனைத்து விதமான இன்னல்களில் இருந்தும் குரு பகவானின் பார்வை உங்களை காக்கும் என்பதில் சிறிதும் ஐயமில்லை.
குரு சஞ்சார பலன்: 13.4.2022 வரை 4, 7--ம் அதிபதி குரு 6ல் மறைவதால் கடன் பெற்று உங்களின் வீடு, வாகன கனவை நிறைவேற்றுவீர்கள்.

வாடகை வீட்டில் குடியிருந்தவர்கள் சொந்த வீடு வாங்கி குடியேறும் காலம். தாய் வழிச் சொத்தால் தாய் வழி உறவினர்களிடையே சிறு சிறு கருத்து வேறுபாடு ஏற்படும்.

இதனால் தாயின் உடல் நிலையில் சற்று பாதிப்பு உண்டாகும். சிலருக்கு பல தலைமுறையாக பாதுகாத்த குடும்ப சொத்துக்களை கிடைத்த விலைக்கு விற்று கடனை அடைத்து விடலாம் என்ற எண்ணம் மேலோங்கும். தம்பதிகளிடையே ஒற்றுமை குறைபடும். சிலருக்கு விவாகரத்தும் நடக்கலாம். வீண் விவாதங்களைத் தவிர்த்தல் நலம். களத்திரத்தின் மூலம் சில வீண்மருத்துவச் செலவுகளைச் சந்திக்க நேரும். தொழில் கூட்டாளிகளால் கடன் உருவாகலாம் அல்லது புரிதல் இன்மையால் பிரியலாம். நண்பர்களின் சொந்த விஷயங்களில் தேவையில்லாமல் தலையிடக் கூடாது.

குருபகவான் பெயர்ச்சியாகி ஏழாடமிடமாகிய மீனத்திற்கு ஏப்ரல் 13ல் செல்லும் போது 6ம் இடத்து குருபகவானால் ஏற்பட்ட இன்னல் முற்றிலும் அகலும். சம்பந்திகள் கருத்து வேறுபாட்டால் பிரிந்த தம்பதிகள் மீண்டும் இணைவார்கள். வாழ்க்கை துணையின் ஆரோக்கியத்தில் முன்னேற்றம் உண்டாகும்.

சொத்து வாங்கும் முயற்சியில் வாழ்க்கை துணையின் பங்களிப்பும் இருக்கும். வீடு அல்லது தொழில் நிறுவனங்களை மாற்ற நேரும். மன சஞ்சலத்தால் மதம் மாறியவர் மீண்டும் சொந்த மதத்திற்கு மாறுவார்கள். சில உறவினர்களிடம் எதிர்பார்த்த உதவிகள் கிடைக்கும். சொத்து தொடர்பான கோர்ட் பிரச்சனைகள் சாதகமாகும். நண்பர்களால், தொழில் கூட்டாளிகளால் ஏற்பட்ட இன்னல்கள் மாறும். புதிய தொழில் வாய்ப்புகள் தேடி வரும். புதியவாடிக்கையாளர்கள் கிடைப்பார்கள். திருமண முயற்சிகள் சாதகமாகும். பொருளாதாரத்தில் முன்னேற்றம் உண்டாகும். கடன்காரர்களுக்கு பயந்து ஒளிந்து வாழ்ந்த நிலை மாறும்.

சனியின் சஞ்சார பலன்கள்: ஆண்டு முழுவதும் சனி பகவான் 5-ம் இடத்தில் ஆட்சி பலம் பெற்று இருக்கிறார். சனி பகவான் கன்னி ராசிக்கு 5, 6-ம் அதிபதி. உங்களின் ஐந்தாம் அதிபதி சனி ஐந்தில்ஆட்சி பலம் பெறுவதால் நடக்குமா ? நடக்காதா? என உங்களை குழப்பத்தில் ஆழ்த்திய பல விசயங்கள் நல்ல முடிவிற்கு வரும். உங்களின் துன்பங்கள், துயரங்களுக்கு விடிவு காலம் வந்துவிட்டது. இதுவரை இருந்து வந்த தடை தாமதங்கள் நீங்கி கிடைப்பதற்கரிய பல நற்பலன்கள் உங்களை தேடி வரும். தொழில், வேலை நிமித்தமாக பூர்வீகத்தை விட்டு வெளியேறியவர்கள் ஓய்வு காலத்தில் சொந்த ஊருக்கு சென்று செட்டில் ஆகுவீர்கள்.

இதுவரை சொந்த ஊரில் வாழ்ந்தவர்கள் உத்தியோகம், தொழில் நிமித்தமாக இடம்பெயர நேரும்.கூப்பிட்ட குரலுக்கு உங்களின் குல தெய்வம் ஒடி வரும் 26. 2. 2022 முதல் 6. 4. 2022 வரை 3, 8-ம் அதிபதியான செவ்வாய் 5-ம் இடத்தில் ஆட்சி பலம் பெற்ற சனியுடன் இணையப் போகிறார். வீடு மாற்றம் அல்லது வேலை மாற்றம் ஏற்படும். சிலருக்கு உத்தியோகத்தில் பதவி இறக்கம் உண்டாகும் அல்லது பதவி விலக நேரும். சிலர் அதிர்ஷ்டத்தை துரத்தி கால விரயம் செய்வார்கள். தவறான சொத்து அல்லது பயன்படாத சொத்தை கட்டிக்காத்து ஏமாறுவீர்கள். அல்லது கடனுக்காக சொத்தை இழக்க நேரலாம்.

கன்னி ராசியினர் சொத்தை கவனமாக பாதுகாக்க வேண்டும். உடன் பிறந்த சகோதர, சகோதரிகளின் திருமணம், குழந்தை பேறு போன்ற கடமைகளுக்காக அதிக பொருள் விரயம் செய்ய நேரும். சிலர் நண்பர்கள், உறவினர்களின் விஷயத்தில் மாட்டி தங்கள் பெயருக்கு களங்கம் ஏற்படுத்துவார்கள். அண்டை, அயலாருடன் அனுசரித்துச் செல்ல வேண்டும். யாருக்கும் ஜாமீன், கியாரண்டி போடக் கூடாது.

3, 8-ம் அதிபதிகளின் சம்பந்தம் ஏற்படுவதால் வாகன விபத்து ஏற்படும். வாகனங்களை இயக்கும் போது அதிக கவனம் தேவை. வாகனத்தை உரிய பாதுகாப்பு கவசத்துடன் இயக்க வேண்டும்.

ராகு/கேது சஞ்சார பலன்: 12.4.2022 வரை 3ல் கேதுவும் 9ல் ராகுவும் சஞ்சாரம் செய்கிறார்கள். ஒன்பதாமிடம் என்பது பாக்கிய ஸ்தானம் என்பதால் ஞானமார்கத்தில் மனம் லயிக்கும். தீர்த்தயாத்திரை செல்ல ஆர்வம் ஏற்படும். பித்ரு கடனை முறைப்படுத்தி பாக்கியப் பலனை அதிகரிப்பீர்கள். குரு உபதேசம் கிடைக்கும். ஆன்மீகப் பெரியோர்களின் நட்பும் நல்லாசியும் கிடைக்கும். பூர்வீகச் சொத்துகள் தொடர்பான சர்ச்சைகள் நீங்கும்.

தந்தை மற்றும் தந்தைவழி முன்னோர்களின் நல்லாசிகள் கிட்டும். ஆத்மஞானத்தை அடைவதற்கான முயற்சியில் ஈடுபடுவீர்கள். ஆலயத் திருப்பணிகள் செய்யும் பாக்கியம் கிடைக்கும். பொதுவாழ்க்கையில் ஈடுபட்டுள்வர்களுக்கு சமுக அந்தஸ்தை நிலைப்படுத்தும் கௌரவப் பதவிகள் கிடைக்கும்.
வீடு, வாகனம், நிலம், ஆபரணம், அந்தஸ்து, பதவி சமுதாய அங்கீகாரம் என உங்கள் வாழ்நாள் கனவுகள் அனைத்தும் ஈடேறும்.குறுக்கு வழியில் பணம் சம்பாதிக்கும் எண்ணம் உருவாகும்.

ஏப்ரல் 12-ல் 2-ல் கேதுவும், 8ல் ராகுவும் பெயர்ச்சியாகும் போது கோட்சார ரீதியான சர்ப்ப தோஷம் உண்டாகும். கண் பார்வை குறையும். ஒருசிலருக்கு கண்ணில் அறுவை சிகிச்சை செய்யநேரும். சம்பாதித்த அனைத்தையும் பாதுகாப்பது அவசியம். சிலர் வெளியூர், வெளிநாட்டிற்கு இடம் பெயரலாம்.

சில குழந்தைகள் மாற்றாந்தாயிடம் வளரும் நிலை ஏற்படலாம். குழந்தைகளுக்கு மந்தத் தன்மை ஏற்படும். நரம்பு தொடர்பான சிறு பாதிப்பு இருக்கும். பயண அலைச்சல் மிகும். தீயவழியில் பொருள் விரயம் ஏற்படும். உங்களின் சொத்துகள் பிறரால் அனுபவிக்கப்படலாம். உடல் உஷ்ணம், அஜீரணம் தொடர்பான நோய்கள் சங்கடத்தில் ஆழ்த்தும். அவ்வப்போது உடல் களைப்பு, அசௌகரியங்களால் அவதி ஏற்படும்.

திருமணம்: வெகு சிலருக்கு ராசிக்கு 5ம் இடத்தில் உள்ள சனியின் 3ம் பார்வை ஏழாம் இடத்தில் பதிவதால் திருமணம் தடைபடலாம் ஏப்ரல் 2022ல் குரு மீனத்திற்குப் பெயர்ச்சியானவுடன் நிறைய வரன்களின் ஜாதகம் வந்து குவியும். ஆனால் தகுதியான வரனை தேர்ந்தெடுக்கிறேன் என்று காலம் தள்ளுவார்கள்.
பலர் அழகான மாப்பிள்ளை, மணப்பெண்ணை எதிர்பார்த்து தாங்களே திருமணத் தடையை உருவாக்குவார்கள்.சில பல விசயங்களில் எதிர்பார்ப்பைக் குறைத்துக் கொண்டால் பலருக்கு திருமணம் நிச்சயமாகும். திருமணத் தடை இருக்கும் வாய்ப்பு மிகமிக குறைவு.

பெண்கள்: ஏப்ரல்13,2022 வரை பெண்கள் வாழ்க்கைத் துணையிடம் வீண் வம்பைத் தவிர்ப்பதுடன் ஆரோக்கியத்தில் அதிக கவனம் செலுத்த வேண்டும். குடும்பத்தில் உங்களின் பேச்சு எடுபடும். கௌரவம் அந்தஸ்து உயரும். உங்கள் கணவர் நீங்கள் மனதில் நினைப்பதையும் நினைக்காததையும் செய்வார். மாமியார் மாமனாரிடம் பாராட்டு கிடைக்கும். பணிபுரியும் இடத்தில் இருந்து வந்த சிக்கல்கள் தீரும். உங்களுக்கு கீழே வேலை செய்பவர்கள் உங்களுக்கு கட்டுப் பட்டு இருப்பார்கள்.

விவசாயிகள்: விவசாயிகளுக்கு இது மகிழ்ச்சியான நேரம். விவசாயமும் செழிக்கும். பணமும் செழிக்கும். விளை நிலங்களில் அமோக விளைச்சல் ஏற்பட்டு நல்ல வருமானம் கிடைக்கும். இரண்டு வருட லாபத்தை ஒரே வருடத்தில் பார்ப்பீர்கள். புதிய விவசாயக் கருவிகள் வாங்குவீர்கள். கால்நடை பண்ணைகள் அமைப்பீர்கள். பலருக்கு வேலை கொடுப்பீர்கள்.

உத்தியோகஸ்தர்கள்: வேலை பார்க்கும் இடத்தில் உங்கள் திறமைகள் மற்றவர்களால் அங்கீகரிக்கப்படும். பல வருடங்களாக எதிர்பார்த்த பதவி உயர்வு, ஊதிய உயர்வு தேடி வரும். புதிய பொறுப்புகள் வழங்கப்படும். மதிப்பு, மரியாதை சமூக அந்தஸ்து உயரும். வேலைப் பளு குறையும். புதிதாக வேலை தேடிக் கொண்டிருப்பவர்களுக்கு படிப்பிற்கும் தகுதிக்கும் ஏற்ற பொருத்தமான வேலை கிடைக்கும்.

முதலீட்டாளர்கள்/வியாபாரிகள்: சொந்த தொழில் ஆரம்பிக்க விருப்புபவர்களுக்கு விரும்பிய தொழில் வாய்ப்பு தேடி வரும். தொழிலில் இருந்த சிக்கல்கள் நீங்கும். ஏற்கனவே கையிருப்பில் இருந்த பொருட்கள் கூடுதல் விலைக்கு விற்பனையாகும். தொழில் கூட்டாளிகளிடம் நல்லுறவு நீடிக்கும்.பல புதிய தொழில் கூட்டாளிகள் கிடைப்பார்கள். வாடிக்கையாளர்கள் அதிகரிப்பார்கள்.பழைய பாக்கிகள் வசூலாகும்.

அரசியல்வாதிகள்: அரசியல்வாதிகளுக்கு மிகச் சாதகமான காலம். மக்கள் மனதில் இடம் பிடிக்க ஆக்க பூர்வ பணிகளை செய்து உங்கள் செல்வாக்கை உயர்த்துவீர்கள்இழந்த பதவி உங்களை தேடி வரும். அரசியலில் இருப்பவர்களுக்கு கட்சி மேலிடத்தின் ஆதரவு கிடைக்கும். பட்டங்களும் பதவிகளும் தேடி வரும். அரசு சார்ந்த பணிகளில் மக்களுக்கு பயன்படும் பல்வேறு நலன்களை செய்து பொது மக்களின் நல் ஆதரவை பெறுவார்கள்.

மாணவர்கள்: புதிய விஷயங்களை கற்றுக்கொள்ளும் ஆர்வம் ஏற்படும்.கல்லூரி, உயர்கல்வியில் இருந்த தடைகள் அகலும். ஆனால் எந்த கல்லுரியில் சேர்வது,என்ன படிப்பு தேர்வு செய்வது போன்ற மனக்குழப்பம் ஏற்படும்.சிலருக்கு வெளிநாடு சென்று படிக்கும் வாய்ப்பு கிடைக்கும்.அரியர்ஸ் பாடத்தில் தேர்ச்சி பெறுவார்கள். சிலருக்கு ஞாபகக் குறைவு இருக்கும்.

உத்திரம் 2,3,4: புதிய தொழில் முயற்சியில் ஈடுபட்டு பல தொழில் கிளைகளை திறந்து, தொழில் விரிவு செய்வீர்கள். எதிலும் சிறப்பாக செயல்பட்டு படிப்படியான முன்னேற்றங்களை அடைவீர்கள். நல்லவைகள் தொடர தினமும் சூரிய நமஸ்காரம் செய்யவும்.

ஹஸ்தம்: உழைப்பும் முயற்சியும் உங்களுக்கு வெற்றி தரும் என்பதால் உண்மையாக கடுமையாக உழைத்தால் வெற்றி நிச்சயம்.பொறுமையையும், நிதானத்தையும் கடைபிடித்தால் நீங்கள் நினைப்பது எல்லாம் நடக்கும். வளர்பிறை காலங்களில் சந்திர தரிசனம் செய்து வர முத்தாய்ப்பான மாற்றங்கள் தேடிவரும்.

சித்திரை 1,2: இதுவரை எந்த வேலையும் செய்யாதவர்ககள், தெரியாதவர்களுக்கு கூட வாழ்வாதாரத்திற்கு தேவையான வேலை, தொழில் வாய்ப்பு கிடைத்தே தீரும். தீராத கடன், நஷ்டம், ஆபத்து, சிக்கல்கள் விலகி நிம்மதி பிறக்கும். செவ்வாய்கிழமை அரளிப் பூ சாற்றி முருகனை வழிபடவும்.

‘பிரசன்ன ஜோதிடர்’
ஐ.ஆனந்தி
செல்: 98652 20406

பிலவ ஆண்டு பலன்

முயற்சிகளில் வெற்றி கிட்டும்
(உத்ரம் 2, 3, 4 பாதங்கள், ஹஸ்தம், சித்திரை 1, 2 பாதங்கள் வரை) (பெயரின் முதல் எழுத்துக்கள்: ப, பி, பு, பூ, ஷ, ண, ட, பே, போ உள்ளவர்களுக்கும்)

வளா்ச்சி தரும் வழிபாடு
புதன்கிழமை தோறும் விரதம் இருந்து பெருமாள் வழிபாட்டை மேற்கொள்வதுடன், யோகபலம் பெற்ற நாளில் மதுரை கூடலழகிய சுந்தர ராஜப் பெருமாளையும், லட்சுமியையும் வழிபட்டு வந்தால் சகல யோகங்களும் வந்து சேரும்.

கன்னி ராசி நேயர்களே!

பிறக்கும் புத்தாண்டு, ஆறில் குரு இருக்க, பஞ்சம ஸ்தானத்தில் சனி அமர, விரயாதிபதி சூரியனோடு உங்கள் ராசிநாதன் புதன் இணைந்து அஷ்டமத்தில் சஞ்சரிக்கும் விதத்தில் பிறக்கின்றது. கிரக நிலைகள் அடிப்படையில் பார்க்கும் பொழுது சுபவிரயங்கள் அதிகரிக்கும். துணிந்து நீங்கள் எடுத்த முடிவால் உறவினர்கள் ஆச்சரியப்படுவர். தொழில் முன்னேற்றமும், தொல்லை தந்த உடல்நலமும் சீராகும் வாய்ப்பும் உண்டு.

புத்தாண்டின் தொடக்கத்தில் உங்கள் ராசிநாதன் புதன், சூரியனோடு இணைந்து புத - ஆதித்ய யோகத்தையும், சுக்ரனோடு இணைந்து புத- சுக்ர யோகத்தையும் உருவாக்குகிறார். எனவே கடந்த ஆண்டு நடைபெறாத சில காரியங்கள் இப்பொழுது வருடத் தொடக்கத்திலேயே துரிதமாக நடைபெறும்.

அதே நேரத்தில் முன்னேற்றத்தைக் குறிக்கும் இடமான 3-ம் இடத்தில் கேது இருப்பதால், எந்நேரமும் எதிர்மறை சிந்தனைகள் வந்து கொண்டே இருக்கும். அவற்றில் இருந்து விடுபட்டு நேர்மறை எண்ணங்களை வளர்த்துக் கொண்டால் நன்மை ஏற்படும். அஷ்டம ஸ்தானம் வலுவாக இருக்கும் இந்த ஆண்டில், வருட தொடக்கத்திலேயே பாக்கிய ஸ்தானத்திற்குரிய கிரக பலமறிந்து, அதற்குரிய தெய்வ வழிபாடுகளை மேற்கொண்டால் தடைகளும், தாமதங்களும் அகலும்.

‘6-ல் குரு ஊரில் பகை’ என்பார்கள். எனவே உறவினர்களின் பகையும், உடன் இருப்பவர்களின் தொல்லையும் உருவாகிக் கொண்டேயிருக்கும். கடன்சுமை அதிகரிக்கலாம். உங்கள் ராசியைப் பொறுத்தவரை 4, 7ஆகிய இடங்களுக்கு அதிபதியான குரு, மறைவிடமான 6-ல் சஞ்சரிக்கும் பொழுது நன்மைகளையே வழங்குவார். எனவே காரியங்கள் கடைசி நேரத்தில் கூட கைகூடிவிடும். கடமையை சீரும், சிறப்புமாக செய்து முடிப்பீர்கள். உங்கள் கனிந்த பேச்சுக்களால் எதிரிகளின் தொல்லை குறையும். உத்தியோகம் சம்பந்தமாக எடுத்த புது முயற்சிகளில் வெற்றி கிடைக்கும்.

குறிப்பாக அரசு வேலைக்கு முயற்சி செய்தவர்களுக்கு, அது கிடைக்கும். ‘நேர்முகத் தோ்விற்கு பலமுறை சென்றும் நினைத்தது நடக்கவில்லையே’ என்று கவலைப்பட்டவர்களுக்கு இப்பொழுது நல்ல பதில் கிடைக்கும். பிறருக்கு பொறுப்பு சொல்லி வாங்கிக் கொடுத்த தொகை வந்து சேரும். பூர்வ புண்ணிய ஸ்தானத்தில் சனிபகவான் வீற்றிருப்பதால், பிள்ளைகளின் எதிர்கால நலன் கருதி எடுத்த முயற்சிகளில் முழுமையான பலன் கிடைக்கும்.

குருவின் வக்ர இயக்கம்

ஆண்டின் தொடக்கம் முதல் 13.9.2021 வரை, கும்ப ராசியில் அதிசார கதியில் குருபகவான் சஞ்சரிக்கின்றார். அவர் 16.6.2021 முதல் வக்ர இயக்கத்திலும் இருக்கிறார். 14.9.2021 முதல் 12.10.2021 வரை, மகர ராசியில் குருபகவான் வக்ரம் பெற்றுச் சஞ்சரிக்கின்றார். உங்கள் ராசியைப் பொறுத்தவரை குரு பகவான் 4, 7 ஆகிய இடங்களுக்கு அதிபதியானவர். கேந்திராதிபத்ய தோஷம் பெற்ற கிரகம் வக்ரம் பெறும்பொழுது, யோகத்தையே வழங்கும். எனவே வக்ர காலத்தில் வளர்ச்சி கொஞ்சம் கூடுதலாகவே இருக்கும். திருமண முயற்சி கைகூடும். உத்தியோகத்தில் ஊதிய உயர்வுடன் கூடிய இடமாற்றங்கள் வரலாம். பணிபுரியும் இடத்தில் உங்கள் திறமைக்குரிய அங்கீகாரம் கிடைக்கும்.

குருப்பெயா்ச்சி காலம்

ஆண்டின் தொடக்கத்தில் கும்ப ராசியில் அதிசார கதியில் சஞ்சரிக்கும் குருபகவான், மீண்டும் வக்ர கதியில் மகர ராசிக்கு வந்து, 13.11.2021 அன்று முறையாக கும்ப ராசிக்கு பெயர்ச்சியாகிறார். அதன் பிறகு 13.4.2022-ல் மீன ராசிக்குப் பெயர்ச்சியாகிச் செல்கின்றார். கும்பத்தில் குரு சஞ்சரிக்கும் பொழுது, அதன் பார்வை 2, 10, 12 ஆகிய இடங்களில் பதிகின்றது.

குருவின் பார்வை 2-ம் இடத்தில் பதியும்போது, குடும்பத்தில் ஒற்றுமை பலப்படும். உடன் இருப்பவர்கள் உங்கள் பணிக்கு உறுதுணையாக இருப்பர். வாங்கிய கடனைக் கொடுத்து மகிழ்வீர்கள். வருமானம் திருப்திகரமாக இருக்கும். கொடுத்த வாக்கைக் காப்பாற்றுவீர்கள். கொடிகட்டிப் பறந்த பிரச்சினைகள் படிப்படியாக மாறும்.

மீனத்தில் குரு சஞ்சரிக்கும் பொழுது, உங்கள் ராசிக்கு சப்தம ஸ்தானத்தில் சொந்த வீட்டில் குருபகவான் சஞ்சரிப்பதால் மிகுந்த நற்பலன் கிடைக்கும். தொழில் முன்னேற்றம், தொகை வரவில் திருப்தி, சுபகாரியம் கைகூடுதல், கட்டிடம் கட்டும் முயற்சி தொடருதல் போன்றவை ஒன்றன் பின் ஒன்றாக நடைபெறும். பொருளாதாரத்தில் நிறைவு ஏற்படும். புதிய பாதை புலப்படும். வரவேண்டிய பாக்கிகளும் வசூலாகும். வாசல் தேடி வரும் வாய்ப்புகளை உபயோகப்படுத்திக் கொள்ள முன்வருவீர்கள். கடன்சுமை பாதிக்கு மேல் குறையும். எதையும் யோசித்து செய்யுங்கள்.

ராகு-கேது பெயா்ச்சி காலம்

21.3.2022 அன்று மேஷத்தில் ராகுவும், துலாத்தில் கேதுவும் சஞ்சரிக்கப் போகிறார்கள். உங்கள் ராசியைப் பொறுத்தவரை 2-ம் இடத்திற்கு கேதுவும், 8-ம் இடத்திற்கு ராகுவும் வருகிறார்கள். 8-ல் ராகு சஞ்சரிப்பது அவ்வளவு நல்லதல்ல. நிறைய விரயங்களைச் சந்திக்கக்கூடிய வாய்ப்பு உருவாகும். தைரியமும், தன்னம்பிக்கையும் குறையும். மனபயம் அதிகரிக்கும். ‘இதைச் செய்வோமா, அதைச் செய்வோமா?’ என்று இரட்டித்த சிந்தனை மேலோங்கும். ஒரு கடனை அடைக்க இன்னொரு கடன் என்று, பெரிய அளவில் கடன் சுமை கூட வாய்ப்பு உள்ளது. கவனமாக செயல்படுங்கள். துணையாக இருக்கும் கூட்டாளிகளை விலகாமல் பார்த்துக்கொள்வது உங்கள் புத்திசாலித்தனமாகும்.

2-ல் கேது இருப்பதால் எதையும் ஒருமுறைக்குப் பலமுறை யோசித்துச் செய்யுங்கள். குடும்பத்தில் சச்சரவுகள் அதிகரிக்கும். கொடுத்த வாக்கைக் காப்பாற்ற இயலாது. ‘நாணய பாதிப்பு ஏற்படுகிறதே’ என்று கவலைப்படுவீர்கள். பிள்ளைகளாலும் ஒருசில பிரச்சினைகள் உருவாகலாம். ‘பார்க்கும் வேலையில் பிரச்சினைகள் அதிகரிக்கின்றதே, சம்பளம் குறைவாக இருந்தால் கூட பரவாயில்லை, வேறு வேலைக்கு முயற்சி செய்யலாம்’ என்று முயற்சித்தவர்களுக்கு இப்பொழுது வேறு வேலை கிடைக்கும். இருப்பினும் அது திருப்தி அளிக்காது. சேமிப்பில் சிறிது கரையும்.

மற்றவர்களின் மனதை புரிந்து கொண்டு செயல்படாவிட்டால் மனக்கலக்கம் அதிகரிக்கும். குடும்பத்தில் ஒருவர் மாற்றி ஒருவருக்கு ஆரோக்கியத் தொல்லையும், மருத்துவச் செலவுகளும் வரும். உத்தியோகத்தில் சகப் பணியாளர்களால் தொல்லையுண்டு. வீட்டிற்குத் தேவையான பொருட்களை வாங்குவீர்கள்.

சனியின் வக்ர காலம்

12.5.2021 முதல் 26.9.2021 வரை, மகர ராசியில் சனி பகவான் வக்ரம் பெறுகின்றார். உங்கள் ராசிக்கு 5, 6 ஆகிய இடங்களுக்கு அதிபதியானவர் சனி. 6-ம் இடத்திற்கு அதிபதியான அவர் வக்ரம் பெறுவது நன்மைதான். தொழில், உத்தியோகத்தில் நல்ல மாற்றங்கள் ஏற்படும். கொடுத்த கடன்கள் வசூலாகும். பொருளாதார வளர்ச்சி அதிகரித்து, கொடுக்க வேண்டிய கடனைக் கொடுத்து நிம்மதி காண்பீர்கள். அதே நேரத்தில் பூர்வ புண்ணிய ஸ்தானாதிபதியாக சனி விளங்குவதால், சொத்துப் பிரச்சினைகள் தலை தூக்கலாம். சொந்தங்களில் ஒரு சிலர் பகையாகலாம்.

கவனமுடன் செயல்பட வேண்டிய காலம்

14.4.2021 முதல் 3.6.2021 வரை, 4.6.2021 முதல் 21.7.2021 வரை மற்றும் 24.10.2021 முதல் 7.12.2021 வரை, செவ்வாய் - சனி பார்வை உள்ளது. இக்காலத்தில் பகைக் கிரகங்களின் பார்வை இருப்பதால் பல வழிகளிலும் மன சங்கடங்கள் ஏற்படும். கொடுக்கல் - வாங்கல்களில் ஒருசிலர் ஏமாற்றங்களைச் சந்திக்க நேரிடும். நட்பு பகையாகலாம். உடல்நலத்தில் சீர்கேடுகள் ஏற்பட்டு அகலும். மனக்கலக்கம் அகல மாருதி வழிபாட்டை மேற்கொள்ளுங்கள்.

பெண்களுக்கான பலன்கள்
இந்தப் புத்தாண்டு விரயத்திற்கேற்ற வருமானம் வரும் ஆண்டாக அமையப் போகிறது. சென்ற ஆண்டில் நிறைவேறாத எண்ணங்கள் குருப்பெயா்ச்சிக்குப் பிறகு நடைபெறும். கணவன் - மனைவிக்குள் பிணக்கு வராமல் இருக்க விட்டுக்கொடுத்துச் செல்லுங்கள். பிள்ளைகளின் எதிர்கால நலன் கருதி தீட்டிய திட்டங்கள் வெற்றி பெறும். செவ்வாய் - சனி பார்வை, காலத்தில் உறவினர் பகை உருவாகாமல் பார்த்துக் கொள்வது நல்லது. பணிபுரியும் பெண்களுக்கு எதிர்பார்த்தபடி இடமாற்றங்கள் ஏற்படலாம். கேது 3-ல் இருப்பதால் வரும் மாற்றங்களை யோசித்து ஏற்றுக் கொள்வதே சிறந்தது. குரு வழிபாடு நன்மை தரும்.

சனிப்பெயர்ச்சி பலன்கள்

ஜனவரி 24-ம் தேதி 2020 முதல் 2023 ஆண்டு வரை

ஐந்தில் வந்தது சனிபகவான், அற்புதப் பலன்கள் இனிசேரும்!

கன்னி ராசி நேயர்களே!

இதுவரை உங்கள் ராசிக்கு 4-ம் இடத்தில் அர்த்தாஷ்டமச் சனியாகச் சஞ்சரித்து வந்த சனி பகவான், 26.12.2020 அன்று 5-ம் இடத்திற்குச் செல்கின்றார். 5-ம் இடம் என்பது பூர்வ புண்ணிய ஸ்தானம். உங்கள் ராசிக்கு 5, 6 ஆகிய இடங்களுக்கு அதிபதியானவர் சனி பகவான். அவர் தனது சொந்த வீடான பூர்வ புண்ணிய ஸ்தானத்தில் சஞ்சரிக்கும் இந்த நேரம் இனிய பலன்கள் ஏராளமாக வரப்போகின்றது. தொழில் வளம் சிறப்பாக இருக்கும். வருமானம் உயரும்.

மகர ராசியில், ஏற்கனவே நீச்சம் பெற்ற குரு பகவான் இருக்கின்றார். அவரது பார்வை உங்கள் ராசியில் பதிகின்றது. எனவே குடும்பத்தில் சந்தோஷ வாய்ப்புகளை அதிகம் சந்திக்கக்கூடிய சூழ்நிலை உருவாகும்.

சுபநிகழ்ச்சிகள் நடைபெறும்

டிசம்பர் 26-ந் தேதி முதல் உங்கள் ராசிக்கு 5-ம் இடத்தை அடையும் சனி பகவானால், நல்ல மாற்றங்கள் வரப்போகின்றது. இல்லத்தில் சுபநிகழ்ச்சிகள் ஒன்றன் பின் ஒன்றாக நடைபெறும். பிரிந்து சென்ற உறவினர்கள் பிரியமுடன் வந்திணைவர். செய்தொழில் எதுவாக இருந்தாலும் முன்னேற்றம் கூடும்.

சனியின் பார்வை பலன்கள்

உங்கள் ராசிக்கு 5-ம் இடத்தில் சஞ்சரிக்கும் சனி பகவான், 2, 7, 11 ஆகிய மூன்று இடங்களையும் பார்க்கப் போகின்றார். வாக்கு, தனம், குடும்பம், களத்திரம், வெளிநாட்டு முயற்சி, இளைய சகோதரம், பொருளாதாரம், மாமன், மைத்துனர் வழி ஒத்துழைப்பு, சேமிப்பு, கவுரவப்பதவி போன்றவற்றைப் பற்றி எடுத்துரைக்கும் இடங்களில் சனியின் பார்வை பதிவதால், அந்த ஆதிபத்யங்களில் எல்லாம் மாற்றங்களும், ஏற்றங்களும் வந்து சேரும். 2-ம் இடத்தை சனி பார்ப்பதால், பணப்புழக்கம் நன்றாக இருக்கும். சனியின் பார்வை 7-ம் இடத்தில் பதிவதால் தம்பதியர்களுக்குள் இருந்த கருத்து வேறுபாடுகள் அகலும். கல்யாண முயற்சிகளில் இருந்த தடை அகலும். சனியின் பார்வை 11-ம் இடத்தில் பதிவதால், தொழிலில் இதுவரை இருந்த இழப்புகளை ஈடுகட்டும் விதத்தில் வியாபாரம் சூடுபிடிக்கும்.

சனியின் பாதசாரப் பலன்கள்

27.12.2020 முதல் 27.12.2021 வரை: சூரியன் சாரத்தில் சனி சஞ்சரிக்கும் பொழுது, விரயங்கள் அதிகரிக்கலாம். வீடு மாற்றங்களும், இட மாற்றங்களும் இயல்பாக வந்து சேரும்.

28.12.2021 முதல் 26.1.2023வரை: சந்திரன் சாரத்தில் சனி சஞ்சரிக்கும் பொழுது, பொருளாதார நிலை உயரும். தொழிலில் லாபம் எதிர்பார்த்ததைக் காட்டிலும் கூடுதலாகக் கிடைக்கும். சந்திரன் உங்கள் ராசிக்கு லாபாதிபதியாக இருப்பதால் இக்காலத்தில் பணப்பற்றாக்குறை ஏற்படாது. உத்தியோகத்தில் உள்ளவர்கள் தங்கள் மீது சுமத்திய குற்றங்களில் இருந்து விடுபட்டு மீண்டும் பணியில் சேருவர்.

27.1.2023 முதல் 19.12.2023 வரை: செவ்வாய் சாரத்தில் சனி சஞ்சரிக்கும் பொழுது, கூடுதல் கவனத்துடன் இருப்பது நல்லது. செவ்வாய் உங்கள் ராசிக்கு 3, 8 ஆகிய இடங்களுக்கு அதிபதியானவர். எனவே முன்னேற்றத்தில் சிறுசிறு சறுக்கல்கள் வரலாம்.

குருப்பெயர்ச்சிக் காலம்

கும்ப ராசியில் குரு சஞ்சரிக்கும் பொழுது, ‘சகட யோக’ அடிப்படையில் பலன் கிடைக்கும். ஒரு தொகை செலவழிந்த பிறகே அடுத்த தொகை உங்கள் கரங்களில் புரளும். ஆரோக்கியத்தில் கூடுதல் கவனம் தேவை. மீனத்தில் குரு சஞ்சரிக்கும் பொழுது மிகச்சிறந்த பலன்கள் உங்களுக்கு கிடைக்கும். தொழில் மற்றும் உத்தியோகத்தில் முன்னேற்றம் உண்டு. வருமானம் மிதமிஞ்சியதாக இருக்கும். மேஷ குருவின் சஞ்சார காலத்தில் நிதானத்தோடு செயல்படுவது நல்லது. விரயங்கள் அதிகரிக்கும்.

ராகு-கேது பெயர்ச்சிக் காலம்

21.3.2022-ல் நடைபெறும் ராகு-கேது பெயர்ச்சியின்போது, மேஷத்தில் ராகுவும், துலாத்தில் கேதுவும் சஞ்சரிக்கப் போகிறார்கள். மறைவிடங்களில் பாம்பு கிரகங்கள் சஞ்சரிக்கும் பொழுது நன்மைகளையே செய்யும். சுயபலமற்ற கிரகம் என்பதால் இருக்கும் இடத்தைப் பொறுத்தே பலன் கிடைக்கும். பண விரயம் அதிகரித்தாலும், அதற்காகப் பயப்பட வேண்டியதில்லை. தன ஸ்தானத்தில் கேது இருப்பதால் எந்த வகையிலாவது உங்களுக்கு வருமானம் வந்து சேரும். தேங்கிய காரியங்கள் நடைபெறும். வீடு, இடம் வாங்கும் யோகம் உண்டு. தொழிலில் மாற்றம் செய்தால் நல்லது என்று நினைப்பீர்கள். குடும்பச்சுமை கூடும்.

8.10.2023-ல் நடைபெறும் ராகு-கேது பெயர்ச்சியின் போது, மீனத்தில் ராகுவும், கன்னியில் கேதுவும் சஞ்சரிப்பார்கள். இந்த காலகட்டத்தில் எதிர்பாராத மாற்றங்கள் இல்லம் தேடி வரும். ஜென்மத்தில் கேது இருப்பதால் ஆரோக்கியத்தில் மட்டும் அதிக தொல்லைகள் ஏற்படலாம். நினைத்த காரியத்தை செய்துமுடிக்க இயலாமல் உடல்நலத்தில் அச்சுறுத்தல்கள் ஏற்படும். மருத்துவச் செலவுகள் கூடும். எதையும் யோசித்துச் செய்வது நல்லது.

வெற்றி பெறவைக்கும் வழிபாடு

வியாழன் தோறும் விரதம் இருந்து குரு வழிபாட்டை மேற்கொள்வதோடு, இல்லத்துப் பூஜை அறையில் குரு பகவான் படம் வைத்து, குரு கவசம் படித்து வழிபடுவது நல்லது. குடும்ப முன்னேற்றம் கூடும்.

குருப்பெயர்ச்சி பலன்கள்

புத்திக் கூர்மையான கன்னிராசி வாசகர்களே, இதுவரை ராசிக்கு ஐந்தாமிடத்தில் சஞ்சரித்த குரு பகவான் ஆறாமிடத்திற்கு செல்கிறார்.சனி பகவான் ஐந்தாமிடத்தில் ஆட்சி பலம் பெற்றிருக்கிறார். ராகு பகவான் ஒன்பதாமிடத்திலும் கேது பகவான் மூன்றாமிடத்திலும் சஞ்சாரம் செய்கிறார்கள்.

ஆறாமிட குருவின் பலன்கள்: கன்னி ராசிக்கு குரு பகவான் நான்கு மற்றும் ஏழாம் அதிபதி. இரு கேந்திரங்களுக்கு அதிபதி ஆறாமிடமான மறைவு ஸ்தானத்தில் மறைவது சிறப்பல்ல.

நான்காமிடம் என்பது சுக ஸ்தானம் வீடு, வாகன யோகம் பற்றிக் கூறுமிடம்.ஏழாமிடம் என்பது களத்திர ஸ்தானம் திருமண வாழ்க்கை, நண்பர்கள்,தொழில் கூட்டாளிகள் மட்டும் வாடிக்கையாளர்கள் பற்றிக் கூறுமிடம். ஆறாமிடம் என்பது கடன்,நோய்,எதிரி தொல்லைகள் பற்றிக் கூறுமிடம்.

நான்காம் அதிபதி குரு ஆறில் மறைவதால் கடன் பெற்றாவது ஆடம்பர வீடு, ஆடம்பர கார் வாங்கும் வாய்ப்பு உண்டு. வாடகை வீட்டில் குடியிருந்தவர்கள் சொந்த வீடு வாங்கி குடியேறும் காலம். தாய் வழிச் சொத்தால் தாய் வழி உறவினர்களிடையே சிறு சிறு கருத்து வேறுபாடு ஏற்படும். இதனால் தாயின் உடல் நிலையில் சற்று பாதிப்பு இருக்கும்.

இளைய சகோதர வழியில் சில ஆதாயங்கள் கிடைக்கப் பெற்றாலும் அவரால் சில மன உளைச்சலும் ஏற்படும். ஞாபக சக்தி குறையும். உங்களின் ஞாபக குறைவை உற்றார் உறவுகள் தங்களுக்கு சாதகமாக பயன் படுத்துவார்கள். முன்னோர் வழி சொத்தின் பங்கீடுகள் முறையற்றதாக இருக்கும். பங்காளிகளிடம் இருந்த கருத்து வேறுபாடு மிகுதியாகி வழக்கு ஏற்படலாம். அல்லது வாரிசு சான்றிதழ்கள், சொத்து சம்பந்தமான ஆவணங்கள் தொடர்பான பிரச்சனைகள் மன வேதனையைத் தரும். ஒரு சிலர் உயில் எழுதுவார்கள். சிலர் எழுதிய உயிலை அல்லது முக்கியமான ஆவணங்களை கை மறதியாக வைத்துவிட்டு தேடுவார்கள். பூர்வீக சொத்து தொடர்பான கோர்ட் பிரச்சனைகள் மன வருத்தத்தை தரும் என்பதால் வழக்கை ஒத்திப்போடுவது உத்தமம்.

சிலருக்கு பலதலைமுறையாக பாதுகாத்த குடும்ப சொத்துக்களை கிடைத்த விலைக்கு விற்று கடன் அடைத்து விடலாம் என்ற எண்ணம் மேலோங்கும்.
தம்பதிகளிடையே ஒற்றுமை குறைபடும். சிலருக்கு விவாகரத்தும் நடக்கலாம். வீண் விவாதங்களைத் தவிர்த்தல் நலம். களத்தரத்தின் மூலம் சில வீண்மருத்துவச் செலவுகளைச் சந்திக்க நேரும். தொழில் கூட்டாளிகளால் கடன் உருவாகலாம் அல்லது புரிதல் இன்மையால் பிரியலாம். நண்பர்களின் சொந்த விஷயங்களில் தேவையில்லாமல் தலையிடக் கூடாது.

விவசாயிகளுக்கு விளைச்சல் எதிர்பார்த்தபடி இருந்தாலும் விரும்பிய விலை படியாது. இந்த ஆண்டு விளைச்சலுக்கு போதிய மழை பெய்யும். பயிர்களை காப்பீடு செய்வதால் அரசின் ஆதாயம் பெற முடியும்.

ஆறாமிட குருவால் உத்தியோகத்தில் இருப்பவர்களுக்கு எந்த பாதிப்பும் இருக்காது. ஊதிய உயர்வுடன் கூடிய பதவி உயர்வு கிடைக்கும். வேலையில்லாமல் திணறிக் கொண்டு இருப்பவர்களுக்கு நல்ல வேலை கிடைக்கும். தடைபட்ட பதவி உயர்வு தேடி வரும். உயர் அதிகாரிகளின் அனுசரனையும் ஆதரவும் உண்டு. உங்கள் அலுவலக வேலை தொடர்பாக வெளிநாடு சென்று வருவீர்கள். அரசு வேலைக்கு முயற்ச்சி செய்பவர்களுக்கு அரசு வேலை கிடைக்கும்.

அரசியல்வாதிகள் தேர்தலில் வெற்றி ஏற்பட்டாலும் பெற்ற பதவிக்கான வேலையை திறம்பட செய்து பெயரும் புகழும் அடைய அதிக சிரமம் எடுக்க வேண்டும். ஆறில் குரு ஊரில் பகை பத்து ரூபாய் முதல் போட்டு ஒரு ருபாய் லாபம் பார்த்த கதையாக இருக்கும். முக்கிய பதவியில் இருப்பவர்கள் பதவியை தக்க வைக்க கடுமையாக போராட நேரும். மிகவும் எச்சரிக்கையாக நிதானமாக பயபக்தியுடன் காலத்தை கடத்த வேண்டும்.

மாணவர்கள் கல்லூரி மேற்படிப்பிற்கு இடம் பெயர நேரும். சிலர் வங்கியில் கடன் பெற்று உயர்கல்வி தொடர நேரும். இளவயது பள்ளி மாணவர்கள் அதிக சிரமம் எடுத்து படிக்க வேண்டும். ஜாலியாக இருப்பதுடன் வரும் கல்வியாண்டில் உங்கள் திறமைகளை வெளிப்படுத்த உங்களை தகுநிலைப்படுத்துவது மிக முக்கியம். குரு நின்ற ஆறாமிடத்தின் மூலம் சுப பலன்கள் குறைவு பட்டாலும் பார்வைபடும் 10,12, 2ம் இடங்களின் மூலம் சுபபலன்கள் உண்டு.
கலைத்துறையினரின் தேவைக்கு பொருள் கிடைக்கும். குருவின் ஐந்தாம் பார்வை பலன்கள்: குருவின் ஐந்தாம் பார்வை பத்தாமிடமான தொழில் ஸ்தானத்தில்பதிகிறது. அது புதனின் வீடாகிய மிதுனம் உபய ராசி என்பதால் கமிஷன் அடிப்படையிலான முதலீடற்ற தொழில் செய்பவர்களுக்கு மிக மிக சாதகமான பலன் கிடைக்கும்.

கூட்டுத் தொழில் செய்பவர்கள் கூட்டாளிகளிடம் கவனம் தேவை. சுய தொழில் செய்பவர்கள் தொழிலில் புதிய திட்டங்களை மாற்றங்களை செயல்படுத்துவீர்கள். இதுவரை ஒரு தொழில் செய்து வந்தவர்களுக்கு இரண்டு தொழில் செய்யும் எண்ணம் வரும். பலருக்கு புதிய தொழில் எண்ணம் வரும். சிலர் பெரிய தொகையை கடன் பெற்று அதன் மூலம் தொழிலை விரிவுபடுத்துவீர்கள். மிகைப்படுத்தலான எதிர்பார்ப்புகள் தவறான ஒப்பந்தத்தில் உங்களை மாட்டி விடும். அதிகமாக முதலீடு செய்து கையை சுட்டுக்கொள்ளாமல் இருப்பது சிறப்பு. தொழில் நன்றாக இருந்தாலும் பெரிய லாபம் நிற்காது. லாபத்திற்கேற்ற விரையமும் இருக்கும்.

பொருளாதார நிலையில் அவ்வப்போது சிறு சிறு சுணக்கம் ஏற்பட்டாலும் சமாளித்து விட முடியும். பொது தொண்டில் இருப்பவர்களுக்கு புதிய பொறுப்புகளும் பதவிகளும் வந்து சேரும். ஒரு சிலருக்கு தந்தையின் பதவியை ஏற்று செயல்பட வேண்டிய கட்டாயம் ஏற்படும். உங்களின் குலம் தொடர்பான கோவில் பூஜைகள், திருவிழாக்கள்,குடும்ப சுப நிகழ்வுகளில் முதல் மரியாதையும் அங்கீகாரமும் கிடைக்கும்.

குருவின் ஏழாம் பார்வை பலன்கள்: குருவின் ஏழாம் பார்வை பன்னிரண்டாமிடமான விரைய ஸ்தானத்தில் பதிகிறது. ஆரோக்கிய குறைபாட்டால் அடிக்கடி மருத்துவமனைக்கு சென்றவர்கள், படுக்கையில் நீண்ட நாள் இருந்தவர்கள், அறுவை சிகிச்சை செய்து கொண்டவர்கள், கை காலில் அடிபட்டு வீட்டை விட்டு வெளியே போக முடியாமல் இருந்தவர்கள் பூரண குணமடைந்து லௌகீக இன்பங்களை அனுபவிக்கு வாய்ப்பு உருவாகும். பரம்பரை நோய் தாக்கம் குறைந்து பூரண ஆரோக்கியம் கிடைக்கும்.

நோயின் தன்மை புரியாதவர்களுக்கு மாற்று மருத்துவம் பயன் தரும். அரச துரோகத்தால் சிறை தண்டனை அனுபவித்துக் கொண்டு இருப்பவர்களுக்கு நன்னடத்தை காரணமாக தண்டனை காலம் குறைந்து விடுதலை கிடைக்கப் பெறுவீர்கள். அரசு தொடர்பான சலுகைகள் கிடைப்பதில் இருந்த தடை, தாமதங்கள் விலகும்.

வீட்டில் திருமணம், வளைகாப்பு, கிரகப்பிரவேசம், மணி விழா போன்ற சுப நிகழ்விற்கான விரயங்கள் இருக்கும். மகன், மகளிடம் கோபித்துக் கொண்டு தனிக்குடித்தனம், முதியோர் இல்லத்திற்கு சென்ற தாய், தந்தையர் மீண்டும் இல்லம் திரும்புவார்கள். கடன் மற்றும் குடும்ப பிரச்சனைக்காக தலை மறைவானர்கள் வீடு வந்து சேருவார்கள். மதப் பற்றால் மதம் தொடர்பான ஆசிரமங்கள், இயக்கங்களில் போய்ச் சேர்ந்தவர்கள் மீண்டும் குடும்பம், குழந்தைகள் என வாழத் தொடங்குவார்கள். துக்கம் குறைந்து படுத்தவுடன் நிம்மதியான தூக்கம் வரும்.

குருவின் ஒன்பதாம் பார்வை பலன்கள்: குருவின் ஒன்பதாம் பார்வை ராசிக்கு இரண்டாமிடமான தனம், குடும்ப ஸ்தானத்தில் பதிகிறது. திருமணம் கூடி வரும். ஏழாம் அதிபதி குரு ஆறில் இருப்பதால் வரன், வதுவைப் பற்றி நன்றாக விசாரிக்க வேண்டும். மேலும் ஏழாம் இடத்திற்கு சனியின் 3ம் பார்வை இருப்பதால் அவசரமான சுயவிருப்ப விவாகம் செய்தவர்கள் அல்லது செய்யும் யோசனையில் இருப்பவர்கள் வெகு விரைவில் கருத்து வேறுபாட்டால் பிரிய நேரும்.
வாக்கில் நிதானமும் எதார்த்தமும் இருக்கும். குடும்ப பொறுப்பை உணர்ந்து செயல்படுவீர்கள். பொருளாதர முன்னேற்றம் மகிழ்சியை தரும். பல்வேறு விதமான யோக பலன்கள் வீடு தேடி வரும். வாழ்க்கைத் தேவைகள் படிப்படியாக பூர்த்தியாகும். பலருக்கு புதிய மொழியை கற்பதில் ஆர்வம் அதிகரிக்கும். வெளிநாட்டு வாய்ப்பை எதிர் நோக்கி இருப்பவர்களுக்கு தூரதேச பயணம் ஏற்படும். ஏற்கனவே வெளிநாட்டில் இருப்பவர்கள் நிறைய பணம் சம்பாதிப்பார்கள்.ஏற்றுமதி, இறக்குமதி தொழில் நடத்துபவர்களுக்கு பொற்காலம்.

பேச்சை தொழிலாக கொண்ட ஆசிரியர்கள், மார்கெட்டிங் செய்பவர்கள், ஜோதிடர்கள், கமிஷன் ஏஜென்ட்கள், வக்கீல்கள் போன்றவர்களுக்கு தேவைக்கு மிகுதியான உபரி வருமானம் கிடைக்கும். பொருள் வரவு இருப்பதால் கடன் சுமை பெரிதாக தெரியாது. இரண்டாமிடத்திற்கு சனி பார்வையும் இருப்பதால் ஒரு சில காரியங்கள் தடைபட்டாலும் முடிவில் நல்லவிதமாக உங்களுக்கு சாதகமாக முடியும்.

அரசு வகை ஆதாயம் நிச்சயம் உண்டு. வயதான தாய் தந்தையர்கள் பிள்ளைகளால் நன்கு பராமரிக்கப்படுவார்கள். கோட்சார ராகு ஓன்பதாம் இடத்தில் இருப்பதால் ஜனன கால ஜாதகத்தில் பாக்கிய ஸ்தானம் பலம் இழந்தவர்களுக்கு தவறான எண்ண அலைகள் மிகுதியாகும். வெளிநாட்டு வேலைக்கு செல்பவர்கள் கவனத்துடன் இருக்க வேண்டும்.

இறையுடன் மனம் ஒன்றாது. சாமியை கும்பிட்டு பெரிதாக என்ன சாதித்தோம், சாமியே கிடையாது என்று விரக்தி ஏற்படும். ஒரு சிலர் மதம் மாறுவார்கள். தந்தையின் மேல் எவ்வளவு அன்பை பொழிந்தாலும் அவர் உங்களை குற்றம் குறை கூறி வருவார். தந்தை வாசிக்கும் குற்றப்பத்ரிக்கையால் மன பாரம் அதிகமாகும்.

பெண்கள்: வாழ்க்கைத் துணையின் ஆரோக்கியத்தில் அதிக கவனம் தேவை. திருமணமான தம்பதிகள் பொறுமையை கடைபிடிக்க வேண்டிய நேரம். உற்றார் உறவினர்களை அனுசரித்து நடந்து கொண்டால் எடுக்கும் முயற்சிகளில் வெற்றி பெற முடியும். பெரியோர்களாலும், உறவினர்களாலும் பெரிய உதவிகள் கிடைக்கும். மதப்பற்று மிகும்.குழந்தைகளின் நலனில் ஆர்வம் உருவாகும். நல்ல துணிச்சலும், குரு பக்தியும் ஏற்படும். நிறைந்த வருமானம் இருக்கும்.ஒன்பதில் ராகு இருப்பதால் ஒரு சிலர் மூத்த சகோதர, சகோதரிகளுக்காக பூர்வீக சொத்தை விட்டுக் கொடுக்கலாம்.

கிரகங்கள் தங்கள் கடமையை செய்யும் போது வழிபாடு குடையாக காத்து நிற்கும். ஜனன கால ஜாதகத்தில் தசாபுத்தி சாதகமாக இருந்தால் எந்த பாதகமும் ஏற்படாது. நம்பிக்கை மிக முக்கியம். எந்த கை உங்களை விட்டாலும் உங்களின் நம்பிக்கை உங்களை கைவிடாது.

பரிகாரம்:

சங்கடஹர சதுர்த்தி அன்று விநாயகருக்கு அருகம்புல், தேங்காய் மாலை சாற்றி அவுல், பொரிகடலை, வெல்லம், கொழுக்கட்டை,அப்பம் வடை, அதிரசம்,முறுக்கு,சுண்டல், முக்கனிகள்,வெற்றிலை,பாக்கு பழம் போன்ற தங்களால் முடிந்த நிவேதனம் படைத்து தூபம் தீபம் ஏற்றி வழிபாடு பூஜை செய்வதால் சகல விதமான தடைகள் சங்கடங்கள் நீங்கும்.விநாயகர் அகவல் பராயணம் செய்து வர கஷ்டங்கள் விலகி ஓடும்.

‘பிரசன்ன ஜோதிடர்’
ஐ.ஆனந்தி
செல்: 98652 20406

ராகுகேது பெயர்ச்சி பலன்கள்

1.9.2020 முதல் 20.3.2022 வரை

கன்னி ராசிக்கு தற்போதுள்ள நான்கு, பத்தாம் இடங்களில் இருந்து சர்ப்பக் கிரகங்கள் என்று சொல்லப்படும் ராகு-கேதுக்கள் மூன்று, ஒன்பதாம் இடங்களுக்கு மாறுகிறார்கள்.

இதில் கேது மாறுகின்ற மூன்றாம் பாவகம், ராகு-கேதுக்கள் நன்மைகளைத் தரும் இடங்கள் என்று நமது கிரந்தங்களில் கூறப்பட்டிருப்பதால் இம்முறை ராகு-கேது பெயர்ச்சியில் கன்னி ராசிக்கு நன்மைகள் மட்டுமே இருக்கும் என்பது நிச்சயம். இன்னும் ஒருபடி மேலாக சொல்லப் போவோமேயானால் கடந்த சில ஆண்டுகளாக நடந்த அர்த்தாஷ்டமச் சனியின் தாக்கத்தினால் கன்னியினர் எதிலும் உதவியற்ற ஒரு கடுமையான நிலையை சந்தித்து கொண்டிருக்கிறீர்கள்.
யாராவது ஒருவர் உங்களுடைய கஷ்டமான நிலைமையை பார்த்து உதவலாம் என்று முன் வந்தால் கூட, சாதகமற்ற கிரகங்களின் ஆதிக்கத்தினால் மனம்

இருந்தும் அதற்கேற்ற தகுதி நிலை இல்லாமல் போய் ஒரு ஆறுதலான எந்த விஷயமும் கன்னிக்கு இல்லாமல் போகிறது. இதுபோன்ற உதவிகள் அற்ற நிலை இனிமேல் இல்லாத வண்ணம் கேட்கும் இடத்தில், உதவிகள் கிடைக்கின்ற ஒரு நிலையை தற்போது மூன்றாமிடத்திற்கு மாற இருக்கும் கேது உங்களுக்கு தருவார்.

ராகு- கேது பெயர்ச்சியை அடுத்து சில வாரங்களில் நடக்க இருக்கும் குருப் பெயர்ச்சியால் குரு ஐந்தாமிடத்திற்கு மாறி ராசியைப் பார்க்கப் போகிறார். இதுவும் கன்னிக்கு ஒரு சாதகமான கிரக நிலை. எனவே அடுத்து தொடர்ச்சியாக நடக்க இருக்கும் பெயர்ச்சிகளும் நல்ல அமைப்பில் இருப்பதால் இனிமேல் கன்னிக்கு துயரங்கள் எதுவும் இல்லை. வரப் போகும் எல்லா நல்லவைகளையும் பெற்றுத் தரக் கூடிய ஆரம்ப மாற்றமாக இந்த ராகு-கேது பெயர்ச்சி இருக்கும்.

சர்ப்ப கிரகங்கள் மூன்று, ஒன்பதாம் இடங்களில் வருவதன் மூலம் சகாய ஸ்தானம் என்று சொல்லப்படும் உதவி ஸ்தானம் மிகுந்த வலுப்பெறும். இந்த இடம் தைரியம் மற்றும் கீர்த்தியை குறிப்பதால் இதுவரை எதற்கும் பயந்து கொண்டு தன்னம்பிகை இன்றி இருந்த கன்னி ராசியினர் இழந்த நம்பிக்கையை மீண்டும் பெறுவீர்கள்.

இதுவரை நடந்த எதிர்மறை பலன்களால் கலங்கிப் போய், எனக்கு என்ன நடந்து கொண்டு இருக்கிறது, ஏன் எனக்கு அனைத்திலும் தோல்வி கிடைக்கிறது, ஏன் என்னை எவரும் புரிந்து கொள்ள மாட்டேன் என்கிறார்கள் என்று தைரியம் இழந்து கலங்கித் தவித்துக் கொண்டிருக்கும் இளைய பருவத்தினருக்கும் தைரியத்தையும், புத்துணர்ச்சியும் ஊட்டி அவர்களை சாதனை செய்பவர்களாக மாற்றும் வேலையினை மூன்றாமிட கேது செய்வார்.

அதேபோல தற்போது மாற இருக்கும் ரிஷப, விருச்சிக வீடுகள் ராகு-கேதுக்கள் நன்மைகளைச் செய்யக் கூடிய ஒரு அமைப்பு வீடுகள் என்பதால் இந்த பெயர்ச்சியின் மூலம் கன்னிக்கு நல்ல வாய்ப்புகளின் கதவுகள் அகலமாகத் திறந்து வைக்கப்படும்.

அர்த்தஷ்டம சனியின் தாக்கத்தினாலும், தற்போதைய கிரக நிலைகளாலும் தொழில் துறையில், வேலை அமைப்புகளில் இதுவரை நல்லது கிடைக்காத நிலைமை மாறத் துவங்கி ராகு-கேது பெயர்ச்சிக்கு பிறகு நழுவிப் போன அனைத்து வாய்ப்புகளும் தேடி வரும். அதைவிட மேலாக ஏற்கனவே வாய்ப்புக் கிடைத்தும் அதை சரியாக செய்ய முடியாமல், கிடைத்த வாய்ப்பினை நழுவ விட்டவர்களுக்கு மீண்டும் ஒரு வாய்ப்பு கிரகங்களால் கொடுக்கப்படும்.

ராகு ஒன்பதாம் இடத்திற்கு வருவது நன்மைகளைத் தராது என்று நமது மூலநூல்களில் சொல்லப்பட்டிருந்தாலும், ராகு இப்போது செல்லும் இடம் அவருக்கு மிகவும் பிடித்த ரிஷப வீடு என்பதால் பெரிய துன்பங்கள் எதையும் கொடுத்து விட மாட்டார்.

மூன்றாமிடமான விருச்சிகத்தில் கேது சுப, சூட்சும வலுப் பெறுவதால் மூன்றாமிடத்தின் நற்பலன்கள் அனைத்தும் உங்களுக்கு முழுமையாகக் கிடைக்கும். வேலை தேடிக் கொண்டிருப்பவர்களுக்கு அவர்கள் படிப்புக்கும் தகுதிக்கும் ஏற்ற பொருத்தமான வேலை உடனடியாக அமையும். உயர் கல்வி கற்பதற்கு இதுவரை இருந்து வந்த தடைகள் அனைத்தும் விலகும்.

வேலை செய்யும் இடத்தில் இதுவரை இருந்த அதிருப்திகள் இனிமேல் இருக்காது. நீண்ட நாட்களாக நிலுவையில் இருந்த சம்பள உயர்வும் பாக்கித் தொகையும் பெறுவீர்கள். பதவி உயர்வுடன் கூடிய இடமாற்றங்கள் உண்டு. கொரோனாவின் சாதகமற்ற நிலையையும் மீறி சொந்தத் தொழில் செய்பவர்களுக்கு தொழிலில் இருந்த முட்டுக்கட்டைகள் மாறி தொழில் சூடு பிடிக்கும். வேலை செய்பவர்களும் பங்குதாரர்களும் உதவிகரமாக இருப்பார்கள்.

பரிகாரங்கள்

ராகு கேது பெயர்ச்சி நடந்தபிறகு ஒருமுறை ஜென்ம நட்சத்திரத்திற்கு முதல் நாள் மாலை சூரியன் அஸ்தமிக்கும் முன்பே பேரருள் திருத்தலமான ஸ்ரீ காலஹஸ்திக்குச் சென்று இரவு தங்கி அதிகாலை எம்பெருமான் காளத்திநாதனுக்கும் அன்னை ஞானப் பிரசுன்னாம்பிகைக்கும் நடக்கும் ருத்ராபிஷேகத்தில் கலந்து கொண்டு திரும்புங்கள். ஒரு குறையும் வராது.

ஜோதிடக்கலை அரசு ஆதித்யகுருஜி
(செல்: 8870 99 8888)

What’s in store for you?

Maalaimalar brings you: The Latest Tamil News | Tamil Cinema News and | Reviews | Kollywood gossips | astrology in Tamil.


Maalaimalar Tamil brings you the latest Tamil news from India and rest of the World.

You Also Get Top Breaking News | Political News from Tamil Nadu and India.

Get In-depth Coverage of National and International Politics | Business | Sports | Cricket News and Score Update of IPL & TNPL, if you are a Chennai Super Kings- CSK or Chepauk Super Gillies-CSG fan, look no further as we have year round updates about these.

We also focus on Tamil Spiritual News | Astrology | Technology | Traditional Tamil Food Recipes | Tamil Cinema Entertainment i.e. Tamil Cinema News | About Tamil Top Actors such as | Rajinikanth | Kamalhasan | Vijay | Ajith etc.

Further Latest Tamil movie reviews with ranking of Top Tamil Movies | Top Tamil Actor and Actress | Photo Gallery | History of Tamil Cinema | Tamil Movie Video Reviews. Catch the Start Interviews and latest events on our site as and when it happens


If you are looking for news from your home town, trust Maalaimalar.com Tamil to get you all the latest happenings not only from districts of Tamil Nadu

Ariyalur News in Tamil | Chennai News in Tamil | Coimbatore News in Tamil | Cuddalore News in Tamil | Dharmapuri News in Tamil | Dindigul News in Tamil | Erode News in Tamil | Kanchipuram News in Tamil | Kanyakumari News in Tamil | Karur News in Tamil | Krishnagiri News in Tamil | Madurai News in Tamil | Nagapattinam News in Tamil | Namakkal News in Tamil | Nilgiris (Ooty) News in Tamil | Perambalur News in Tamil | Pudukkottai News in Tamil | Ramanathapuram News in Tamil | Salem News in Tamil | Sivagangai News in Tamil | Thanjavur (Tanjore) News in Tamil | Theni News in Tamil | Thoothukudi (Tuticorin) News in Tamil | Tiruchirappalli (Trichy) News in Tamil | Tirunelveli (Nellai) News in Tamil | Tirupur News in Tamil | Tiruvallur News in Tamil | Tiruvannamalai News in Tamil | Tiruvarur News in Tamil | Vellore News in Tamil | Viluppuram News in Tamil | Virudhunagar News in Tamil | But also from Puducherry (Pondycherry) News in Tamil.

Others

Other than News and Entertainment in Tamil we also provide Astrology predictions | Daily Tamil Rasi palan for your star Mesham rasi palan | Rishabam rasi palan | Midhunam rasi palan | Kadagam rasi palan | Simmam rasi palan | Kanni rasi palan | Thulam rasi palan | Viruchagam rasi palan | Dhanusu rasi palan | Magaram rasi palan | Kumbam rasi palan | Meenam rasi palan everyday also we publish Tamil New year palan, Guru Peyarchi palan and Sani Peyarchi Palangal etc.

We do care about your wellbeing. We provide health tips such as simple | exercise | Yoga | Home Medicine | Health food recipe rasi palan | Child care | Natural beauty tips | Medicine for Woman | Safety tips for Woman

Technology and Automobile is part of our busy life, we provide tech news in Tamil about latest mobile phone | computers and gadgets. Cars | Bikes and automobile news in Tamil are well appreciated by our readers.

If you are looking for Tamil News and entertainment in video format then Maalaimalar video [video.maalaimalar.com] is the right choice. We bring the latest Tamil movie trailers | Tamil Cinema events | Cinema gossips. | Special star interviews and | Tamil news in video format.



To stay updated, all you need to do is just one thing - get the latest Tamil News on the go.. just download Maalaimalar Tamil News APP from Apple App store or Google Play Store


Download Our Apps

Apple Store Google Play Store