தொடர்புக்கு: 8754422764
இன்றைய ராசி ரிஷபம்
ரிஷபம்

இன்றைய ராசி பலன்கள்

நேற்றைய சேமிப்பு இன்றைய செலவிற்கு கைகொடுக்கும் நாள். பொதுநல ஈடுபாடு அதிகரிக்கும். உடல் நலனில் அக்கறை காட்ட வேண்டிய சூழ்நிலை உருவாகும். அலைச்சல் அதிகரித்தாலும் ஆதாயம் கிட்டும்.

வார பலன்கள்

24-1-2022 முதல் 30-1-2022 வரை

பொறுமையை கடைபிடிக்க வேண்டிய வாரம். 8, 11-ம் அதிபதி குரு 10-ல் இருப்பதால் வேலை மாற்றம் பற்றிய சிந்தனை மேலோங்கும். நீண்ட நாட் களாக எதிர்பார்த்த பணம் இந்த வாரம் கிடைக்கக் கூடும். அந்தப் பணம் நண்பர்களின் மூலம் கிடைக்க வாய்ப்புள்ளது. புதிய கடன்கள் விஷயத்தில் கவனமாக இருப்பது நல்லது. வியாபாரத்தில் விற்பனையும் லாபமும் வழக்கம்போல சிறப்பாக இருக்கும்.

4-ம் அதிபதி சூரியனும் 9ம் அதிபதி சனியும் பாக்கிய ஸ்தானத்தில் இணைவதால் தாய், தந்தை வெளிநாட்டு பயணம் உறுதியாகும். தந்தையின் விருப்பத்தை நிறைவேற்றி மகிழும் வாய்ப்பு ஏற்படும். 1, 6-ம் அதிபதி சுக்ரனும் 7, 12-ம் அதிபதி செவ்வாயும் ராசிக்கு 8-ல் இணைவதால் விவாகரத்து வழக்கில் எதிர்பார்த்த தீர்ப்பு கிடைக்கும்.

பங்குதாரர்களுடன் மனஸ்தாபம் ஏற்படும் என்ப தால், வீண் விவாதங்களில் ஈடுபட வேண்டாம். 29-1-2022 அதிகாலை 5.07 மணிக்கு சந்தி ராஷ்டமம் ஆரம்பமாகிறது. புதிய முயற்சிகளைத் தவிர்ப்பது அவசியம். வேலைப்பளு அதிகரிக்கும். வேலை ஆட்களால் மன அமைதி குறையும். நரசிம்மரை வழிபட மன நிம்மதி கூடும்.

‘பிரசன்ன ஜோதிடர்’
ஐ.ஆனந்தி
செல்: 98652 20406

தமிழ் மாத ஜோதிடம்

14.1.22  முதல் 12.2.22 வரை

விடாமுயற்சியே வெற்றிக்கான வழி என்று சொல்லும் ரிஷப ராசி நேயர்களே!

தை மாதக் கிரக நிலைகளை ஆராய்ந்து பார்க்கும் பொழுது, உங்கள் ராசியிலேயே ராகுவும், சப்தம ஸ்தானத்தில் கேதுவும் இருக்கிறார்கள். ராசிநாதன் சுக்ரன் அஷ்டமத்தில் தன-பஞ்சமாதிபதியான புதனோடு இணைந்து சஞ்சரிக்கிறார். எனவே பொருளாதாரத்தில் இருந்த பிரச்சினை அகலும். சூரியன்- சனி சேர்க்கையால் சில முயற்சிகளில் தாமதங்கள் ஏற்படலாம்.

சூரியன் - சனி சேர்க்கை

மாதத் தொடக்கத்தில் சூரியனும், சனியும் உங்கள் ராசிக்கு 9-ம் இடத்தில் இணைந்து சஞ்சரிக்கிறார்கள். இதனால் அரசுவழித் தொல்லைகளுக்கு ஆட்பட நேரிடும். அரசியல்வாதிகளாலும் பிரச்சினைகள் உருவாகும். சுகங்களும், சந்தோஷங்களும் குறையும். தொல்லைகள் அதிகரிக்கும். உடல் ஆரோக்கியத்திற்கென்று ஒரு தொகையைச் செலவிடுவீர்கள். நல்ல நல்ல வாய்ப்புகள் வந்தாலும் அதை உபயோகப்படுத்திக் கொள்ள இயலாது. மிகக் கவனமாக செயல்பட வேண்டிய காலம் இது. பூர்வீக சொத்துப் பிரச்சினை தலைதூக்கும். தடைகள் அகல யோகபலம் பெற்ற நாளில் சிறப்பு வழிபாடுகளை மேற்கொள்வது நல்லது.

புத- சுக்ர யோகம்

புதனோடு சுக்ரன் சேர்ந்து பலம் பெற்று, நல்ல இடத்தில் சஞ்சரித்தால் ‘புத சுக்ர யோகம்’ உருவாகும். இம்மாதத்தில் உங்கள் ராசிக்கு அஷ்டமத்தில் புதனும், சுக்ரனும் இணைந்து சஞ்சரிக்கிறார்கள். 6-க்கு அதிபதி சுக்ரன் 8-ல் சஞ்சரிக்கும் பொழுது ‘விபரீத ராஜயோகம்’ செயல்படும். எனவே திடீர் முன்னேற்றங்களும், திட்டமிடாது செய்யும் செயல்களில் வெற்றியும் கிடைக்கும். அனுபவம் மிக்கவர்களின் ஆலோசனைப்படி தொழில்வளம் பெருகும். மங்கல ஓசை மனையில் கேட்க வாய்ப்புகள் கைகூடிவரும்.

தனுசு செவ்வாய் சஞ்சாரம்

இதுவரை உங்கள் ராசிக்கு 7-ம் இடத்தில் சஞ்சரித்த செவ்வாய், இனி 8-ம் இடத்திற்கு வரப்போகிறார். இந்த நிகழ்வு தை 4-ந் தேதி நடைபெற இருக்கிறது. குரு வீட்டில் செவ்வாய் வரும்பொழுது பாதிப்பு கடுமையாக இருக்காது. இருப்பினும், வாகனப்பழுதுகளால் வாட்டம், உடல் ஆரோக்கியம் பற்றிய கவலை, ஊர் மாற்றம் பற்றிய சிந்தனை தலைதூக்கும்.

மகர புதன் சஞ்சாரம்

தை 27-ந் தேதி, மகர ராசிக்கு புதன் செல்கிறார். உங்கள் ராசிக்கு 9-ம் இடத்திற்கு தனாதிபதி செல்லும் இந்த நேரம், ஒரு உன்னதமான நேரமாகும். கொடுத்த கடன் வசூலாகும். கொள்கைப்பிடிப்போடு செயல்படுவீர்கள். புதன் பலம் பெறும் போது, பொருளாதாரத்தில் நிறைவு ஏற்படும். கண்ணியமிக்க நண்பர்கள் உங்களுக்கு கைகொடுத்து உதவுவர். புனிதப் பயணம் அதிகரிக்கும். மாமன், மைத்துனர் வழியில் ஏற்பட்ட மனக்கசப்புகள் மாறும். புதிய தொழில் தொடங்கும் யோகமும் உண்டு.

இம்மாதம் அம்பிகை வழிபாடு இன்பம் வழங்கும்.

பெண்களுக்கான பலன்கள்

செலவிற்கேற்ற வரவு வந்து சேரும். செயல்பாடுகளில் தாமதம் ஏற்பட்டாலும் காரியங்கள் கடைசி நேரத்தில் கைகூடிவிடும். ஆரோக்கியத்தில் அதிக கவனம் செலுத்தக்கூடிய சூழ்நிலை உருவாகும். கணவன் - மனைவிக்குள் விட்டுக்கொடுத்துச் செல்வதன் மூலமே அமைதி கிட்டும். உத்தியோகத்தில் உள்ளவர்களுக்கு இடமாற்றங்கள் உருவாகலாம். பக்கத்திலுள்ளவர்கள் பக்கபலமாக இருக்க அனுசரித்துச் செல்வதே நல்லது.

பணத்தேவையைப் பூர்த்தி செய்யும் நாட்கள்:- ஜனவரி: 16, 17, 21, 22, 23, பிப்ரவரி: 1, 2, 5, 6, 11, 12 மகிழ்ச்சி தரும் வண்ணம்:- வைலட்.

ஆண்டு பலன் - 2022

கலையார்வம் மிகுந்த ரிஷப ராசியினருக்கு ஆங்கிலப் புத்தாண்டு நல் வாழ்த்துக்கள். இந்த ஆண்டு முழுவதும் குரு மற்றும் சனியின் சஞ்சாரங்கள் ஓரளவு சாதகமாகவே உள்ளது. ஏப்ரல் 2022-க்கு பிறகு ராகு/கேதுக்கள் 6,12-ம் இடங் களுக்கு மாறும் போது ராகு/ கேதுவால் ஏற்படும் இன்னல்கள் அகலும்.

இந்தப் புத்தாண்டில் தொழில் மேன்மை உண்டாகும். ஊதியஉயர்வு, பதவி உயர்வு உண்டாகும். காரியத்தடை நீங்கும். புதிய எண்ணத்துடன் பாடுபட மனதில் தெம்பு பிறக்கும். தொட்டது துலங்கும். ஆன்மீகத் தேடுதல் கூடும். மன வேதனை மறையும். உங்களின் குலதெய்வ அருள் கிடைப்பதை உணருவீர்கள். பக்தி அதிகமாகும். நீங்கள் நினைத்த அத்தனையும் படிப்படியாக நடக்கும். இந்த புத்தாண்டிற்கான விரிவான பலன்களை காணலாம்.

குரு சஞ்சார பலன்:- ஏப்ரல் 13, 2022 வரை குரு பகவான் 10ம் இடமான தொழில் ஸ்தானத்தில் சஞ்சரிக்கிறார். வியாபாரமே செய்ய முடியாத நிலை, இழுத்து மூடிவிட்டுச் செல்லும் நிலையில் இருப்பவர்கள், வேலை யாட்களால் தொழில் நெருக்கடியில் இருந்தவர்களுக்கு கும்ப குருவால் நம்பிக்கை துளிர் விடும். தொழில், உத்தியோகத்தில் நிலவிய வெறுப்புகள் மறையும்.

தொழில் மற்றும் பிற தேவைக்காக கடன் வாங்கலாம். எதிரி, கடன், வைத்தியச் செலவு அதிகரிக்கும். போட்டி, பொறாமை உருவாகும். இவற்றை சமாளிக்கும் வைராக்கியம் உருவாகும். போட்டியையும், எதிரியையும் சமாளிக்கும் வல்லமை பெற்றவரே வாழ்க்கையில் ஜெயிக்க முடியும்.

நீண்ட காலத் திட்டங்களும், லட்சியங்களும், கனவுகளும் நிறைவேறும். கூட்டுறவு வங்கியில் கடன் பெற்றவர்களுக்கு வட்டி தள்ளுபடி, நகைக்கடன் தள்ளுபடி ஏற்பட வாய்ப்ப்பு உள்ளது. குடும்பத்தில் நிலவிய குழப்பங்கள் இருந்த இடம் தெரியாமல் மறையும். உங்கள் பெயரில் இருந்த கலங்கங்கள் மறையும். ஏப்ரல் 13-க்கு பிறகு 11-ம் இடமான லாப ஸ்தானத்திற்கு மாறும் குருவால் பயம், குழப்பம் நீங்கி தன்னம்பிக்கை அதிகரிக்கும்.

பல்வேறு விதமான தொடர் ஆதாயங்கள் கிடைக்கும். புதிய எண்ணத்துடன் உழைக்க மனதில் தெம்பு பிறக்கும். தொழிலிலும் குடும்பத்திலும் விரும்பத்தகுந்த மாறுதல்கள் நடக்கும். அவமானப்படுத்திய மனைவி, பிள்ளைகள் மதிப்பு, மரியாதை தருவார்கள். கடன் தொல்லை படிப்படியாக குறையும். சிலருக்கு கடன் இருந்த சுவடே தெரியாது.

தொட்டது துலங்கும். என்றோ வாங்கிப் போட்ட சொத்தின் மதிப்பு உயரும். புதிதாக வாங்கப் போகும் சொத்தின் மதிப்பும் பல மடங்கு உயரும். விற்காமல் கிடந்த சொத் துக்கள் நல்ல லாபத்திற்கு விற்கும். தடைபட்ட உடன் பிறந்தவர்களின் திருமணம் சிறப்பாக நடைபெறும். ஆன்மீக நாட்டம் அதிகரிக்கும். குல, இஷ்ட தெய்வம் மற்றும் முன்னோர்களின் நல்லாசியும் கிடைக்கும். வாரிசுகளுக்கு திருமணம், பிள்ளைப் பேறு, நிலையான சொத்து அமைவது, தொழில், உத்தியோக வாய்ப்பு போன்ற சுப நிகழ்வுகளால் மனதில் நிம்மதி கூடும்.

சனியின் சஞ்சார பலன்கள்:- 9-ம் இடச்சனி என்பதால் இழந்த பாக்கிய பலன்களை மீண்டும் கிடைக்கப்பெறுவீர்கள். தொழில்/ வேலைக்காக வெளியூர், வெளிநாடு செல்ல நேரலாம். மோசமான பிரச்சனைகளை சந்தித்தவர்கள் கூட தலை நிமிர்ந்து நிற்க கூடி நல்ல நேரம் ஆரம்பம். டிரேடிங் துறையில் குறிப்பாக ஜவுளி அழகு ஆடம்பர பொருள், விற் பனையில் உள்ளவர்களுக்கு நல்ல வாய்ப்புகள் தேடி வரும்.

வழக்கறிஞர்கள், ஆடிட்டர்கள், மருத்துவ துறையில் உள்ளவர்களுக்கு மறுவாழ்வு கிடைக்கப் பெற்று முன்னேற்றப் பாதையில் செல்லுவார்கள்.பகல், இரவு பாராமல் அல்லும் பகலும் உழைத்த உழைப்பு பணமாக காய்க்கப்போகிறது.

26-2-2022 முதல் 6-4-2022 வரை சனி பகவானும் 7, 12-ம் அதிபதியான செவ்வாய் இணைகிறார்கள்.சிலருக்கு தடைபட்ட திருமணம் கைகூடும்.தொழில் அல்லது உத்தியோக நிமித்தமாக இக்கால கட்டத்தில் சிலர் வாழ்க்கை துணையை பிரிந்து வாழ நேரலாம் அல்லது கணவன் மனைவி கருத்து வேறுபாட்டாலும் பிரிய நேரும். கணவன், மனைவி கருத்து வேறுபாடு பஞ்சாயத்து நீதி மன்றம் செல்லும் நிலையை ஏற்படுத்தும். சிலருக்கு இரண்டாவது திருமணம் நடக்கும். தவறான நட்பு வலையில் மாட்டலாம்.களத்திரம், நண்பர்கள் மூலம் வம்பு, வழக்கு, கோர்ட் கேஸ் பிரச்சனை வரும். வம்பு வழக்கிற்கு நீதி மன்றம் செல்லாமல் பெரியோர்களின் முன்னிலையில் பேசி தீர்த்தல் நலம் தரும்.

ராகு/கேது சஞ்சார பலன்:- ஏப்ரல் 12, 2022 வரை ராசியில் சஞ்சரிக்கும் ராகு/கேதுவால் சிலருக்கு ஆழ்மனதில் இனம் புரியாத கலக்கம் தோன்றும்.
தனித்திறமைகள் வெளிப்படும். எல்லாம் சரியாகவே நடந்தால் கூட நாம் செய்வது சரியா? என்ற இனம் புரியாத பய உணர்வு உங்களுக்குள் இருந்து கொண்டு தான் இருக்கும். ஒரு சிலருக்கு செரிமானக் கோளாறு இருக்கும்.

ஜென்ம ராசி மற்றும் ஏழில் ராகு/கேதுக்கள் என்பதால் நாக தோஷம் உண்டாகும். நாக தோஷத்தால் திருமணத்தடை மற்றும் கணவன் மனைவிக்குள் கருத்து வேறுபாடு, ஒற்றுமை குறைவு, உடல்நலக்குறைவு, கருச்சிதைவு போன்ற பிரச்சினைகள் எழும். ஜனன கால ஜாதகத்தில் தற்போது நடைபெறும் தசாபுத்திக்கு ஏற்பவே அசுப பலன்களின் பாதிப்பு இருக்கும் என்பதால் பயப்பட தேவையில்லை.

லக்னத்தில் உள்ள ராகு உங்களை மாறுபட்ட கோணத்தில் சிந்திக்க வைத்து பொருளாதார நிலையில் நல்ல முன்னேற்றத்தை ஏற்படுத்துவார். சுக்கிரன் வீட்டு ராகு பணத்தை அள்ளி அள்ளி கொடுப்பார். நிறைய பணம் வரும். ஆனால் கையில் பணம் தங்காது. ராகு அள்ளிக் கொடுக்கும் பணத்தை விருச்சக கேது அளவில்லாத செலவை கொடுத்து சேமிப்பை கரைப்பார். குடும்ப உறுப்பினர்கள், உடன் பிறந்தவர்கள், உறவினர்கள், நண்பர்களின் எதிர்பாராத பொருளாதார தேவையை நிறைவு செய்ய அதிக பண உதவி செய்ய வேண்டிய நிர்பந்தம் ஏற்படும்.

எனினும் கடன் பிரச்சனையிலிருந்து பூரண விடுதலையாகுவீர்கள். ஏப்ரல் 12-ல் ராகு பகவான் பனிரெண்டாம் இடமான மேஷத்திற்கு மாறுகிறார். கேது ஆறாம் இடமான துலாத்திற்கு மாறுகிறார். மறைவு ஸ்தானத்தில் ராகு/கேதுக்கள் வரும் போது பெரிய பாதிப்புகளை ஏற்படுத்த மாட்டார்கள். விரயத்தை ராகு மிகுதிப்படுத்துவார். வரவுக்கு மீறிய செலவு இருக்கும்.

குழந்தைகளின் படிப்பு, திருமணம் வீடு, வாகன செலவு என வாழ்க்கைக்கு அனைத்து தேவைகளையும் நிறைவு செய்து மகிழ்வீர்கள். சிலருக்கு அதிக நாட்கள் மருத்துவமனையில் தங்கி வைத்தியம் செய்ய நேரும். எலும்பு தேய்மானம், மூட்டு வலி தொடர்பான பிரச்சினைகள் கடுமையாக பாதிக்கும். ஒரு சிலருக்கு மூட்டு மாற்று அறுவை சிகிச்சை செய்ய நேரும். எது எப்படி இருந்தாலும் படுத்தவுடன் நிம்மதியான தூக்கம் வரும்.

ஆறாமிட கேது பொருள் கடன் மட்டும் அல்ல ஊழ் வினையால் ஏற்படும் உடல் உபாதைகள். எதிரிகள், பிறவிக் கடன், பித்ரு கடனையும் தீர்க்க உதவுவார்.

திருமணம்:- ராசியில் ராகுவும் ஏழில் கேதுவும் நின்று கோட்சார ரீதியான சர்ப்ப தோஷத்தை வெளிப்படுத்துகிறது.மேலும் 9-ல் ஆட்சி பலம் பெற்று நிற்கும் பாக்கியாதிபதி சனி ஆன்மீக நாட்டத்தையும், வெளியூர் வெளிநாட்டு வாழ்க்கையையும் ஏற்படுத்தியதால் திருமணம் செய்து கொள்ளும் வாய்ப்பும் குறைவுபட்டு இருக்கும். தற்போது ராசிக்கு 10-ம் இடமான கும்ப ராசியில் சஞ்சரிக்கும் குருபகவான் குடும்ப ஸ்தானமான இரண்டாம் இடத்தைப் பார்க்கிறார். நான்காம் இடமான சுக ஸ்தானத்தை பார்க்கிறார். தடைபட்ட அனைத்து வழிகளும் திறந்து 2022 ஏப்ரல் மாதத்திற்குள் உங்களுக்கு கெட்டி மேளம் கொட்டப்படும்.

பெண்கள்:- கணவன், மனைவியிடம் நிலவிய கருத்து வேறுபாடு குறையும். சில பெண்களின் விவாகரத்து வழக்கு சாதகமாகி விரும்பிய ஜீவனாம்சம் கிடைக்கும். உங்களுக்குள் நிலவிய மறைமுகப் போர், மனஸ்தாபங்கள் முடிவுக்கு வரும். சக உழியரால் ஏற்பட்ட அவமானம் மறையும். மாமியார், மாமனார், நாத்தனார், மச்சினர் பிரச்சனை குறையும்.

விவசாயிகள்: -கடந்த ஆண்டு ஏற்பட்ட இழப்புகளால் உங்களுக்குள் பதிந்த எதிர்மறை எண்ணங்களை வெளியேற்றும் நேரம் வந்துவிட்டது. இந்த ஆண்டு நீங்கள் பயிருடன் பணத்தையும் சேர்த்து தான் அறுவடை செய்வீர்கள். பங்குதாரர் இல்லாத விவசாயமாக இருந்தால் பயிருடன் பணமும் வீடு வந்து சேரும். விவசாயிகள் நீண்ட காலமாக செலுத்தாக கடன் பாக்கிகளை அரசு தள்ளுபடி செய்யும்.

உத்தியோகஸ்தர்கள்:- உத்தியோகத்தில் இருந்த பிரச்சினைகள் சிறிது சிறிதாக மேலதிகாரியுடன் இருந்த கருத்து வேறுபாடு மாறும். உங்களுக்கு ஆதரவு தரும் புதிய மேலதிகாரி வரலாம். நீண்ட நாட்களாக எதிர்பார்த்த பதவி உயர்வு, ஊதிய உயர்வு, இடமாற்றம் கிடைக்கும். வேலையில் நாட்டம் அதிகரிக்கும். இளைஞர்களுக்கு படித்த படிப்பிற்கு தகுந்த வேலை கிடைக்கும். அரசு, வெளிநாட்டு வேலைக் கான முயற்சிகள் பலிதமாகும்.

முதலீட்டாளர்கள் / வியாபாரிகள்:- புதிய தொழில் திட்டங்களுடம் போதிய முதலீடுகள் வைத்துள்ள புதிய தொழில் பங்குதாரர் அல்லது நண்பர்கள் கிடைப்பார்கள். தொழில் தடவாளப் பொருட்கள் வாங்க அரசின் நிதியுதவி மற்றும் நலத்திட்டங்கள் பயன்படும். வேலையாட்களின் அனுசரனை தொழிலில் தடையற்ற வளர்ச்சி உண்டாகும். மதி நுட்பம் நிறைந்த நல்ல தொழில் ஆலோசகர் மற்றும் வேலையாட்கள் அமைவார்கள். வெளியூர், வெளிநாட்டு தொழில், வியாபாரம் செய்பவர்களின் வளர்ச்சி சிறப்பாக இருக்கும்.

அரசியல்வாதிகள்: 9-ல் சனி இருப்பதால் பெயர், புகழ், அந்தஸ்து, கவுரவம் உயரும். நினைத்ததை நிறை வேற்றக் கூடிய ஆற்றலைப் பெறுவீர்கள். உங்கள் தொகுதி மக்களுக்கு கொடுத்த வாக்குறுதியினை நிறைவேற்றி மக்களின் ஆதரவை பெறுவீர்கள். பொருளாதார நிலை மிகச் சிறப்பாக இருக்கும். எதிர்பாராத உயர் பதவி கிடைக்கும்.

மாணவர்கள்: -படிப்பில் ஆர்வம் அதிகரிக்கும். முன்பை விட அதிக ஈடுபாட்டுடன் படித்து நல்ல மதிப்பெண் அனைவரின் பாராட்டையும் பெறுவீர்கள். படிப்பை பாதியில் நிறுத்தியவர்கள் மீண்டும் தொடர்வார்கள். அரியர்ஸ் வைத்தவர்கள் மீண்டும் எழுதி வெற்றி பெறுவார்கள்.

கிருத்திகை 2,3,4-ம் பாதம்: குடும்ப உறவுகளுடன் எல்லா விஷயங்களையும் மனம் விட்டுப் பேசி மகிழும் படியான சூழல் உருவாகும். சனிக்கிழமைகளில் வரும் பிர தோஷ நாளில் ஈஸ்வரனை வில்வ இலையால் அர்ச்சனை செய்து வழிபட நன்மை அதிகமாகும்.

ரோகிணி:- ஏற்றமும், இறக்கமும் நிறைந்தது தான் மனித வாழ்க்கை என்பதை உணர்ந்து எதர்த்தமாக வாழப் பழகுவீர்கள். திங்கட்கிழமைகளில் மஞ்சள் நிற மலர்களால் அர்ச்சித்து அம்பிகையை வழிபட மன நிம்மதி உண்டாகும்.

மிருகசீரிஷம் 1,2 :- இந்த ஆண்டு உங்கள் கவலைகள், கடன்கள் அனைத்தையும் கோட்சார குரு, சனி, ராகு/ கேதுக்கள் தீர்த்து வைப்பார்கள். செவ்வாய்கிழமை 9 நல்லெண்ணெய் தீபம் ஏற்றி நவகிரக அங்காரகனை வழிபட இன்னல்கள் அகலும்.

‘பிரசன்ன ஜோதிடர்’
ஐ.ஆனந்தி
செல்: 98652 20406

பிலவ ஆண்டு பலன்

சொத்துக்களால் ஆதாயம் கிடைக்கும்

(கார்த்திகை 2, 3, 4 பாதங்கள், ரோகிணி, மிருகசீரிஷம் 1, 2 பாதங்கள் வரை) (பெயரின் முதல் எழுத்துக்கள்: இ, உ, ஏ, ஓ, வ, வி, வு, வே, வோ உள்ளவர்களுக்கும்)

ரிஷப ராசி நேயர்களே!

10-ம் இடத்தில் குருவோடும், விரய ஸ்தானத்தில் சூரியன், புதன், சுக்ரன், சந்திரன் ஆகியவற்றின் சஞ்சாரத்தோடும், புதிய ‘பிலவ’ தமிழ் புத்தாண்டு பிறக்கின்றது. தா்ம கர்மாதிபதி யோகத்தைக் கொடுக்கும் சனி, பாக்கிய ஸ்தானத்தில் பலம்பெற்றுச் சஞ்சரிக்கின்றார். அப்புறமென்ன கவலை?, வெற்றிக்கொடி பறக்கப் போகும் இந்த ஆண்டில், வியக்கவைக்கும் தகவல்கள் ஏராளமாக உங்களை வந்தடையப் போகின்றது. தடுமாற்றங்கள் அகலும். நிலைமை சீராகி நிம்மதி கொடுக்கும்.

புத்தாண்டின் தொடக்கத்தில் உங்கள் ராசிநாதன் சுக்ரன், செவ்வாய் வீட்டில் பரிவர்த்தனை யோகம் பெற்றிருக்கின்றார். பூமிகாரகன் என்று அழைக்கப்படும் செவ்வாய் பரிவா்த்தனை யோகம் பெறுவதால், பூமி வாங்கும் யோகம் உண்டு. கடந்த சில வருடங்களாகவே ‘இடம் வாங்க முடியவில்லையே?’ என்ற குழப்பத்தில் இருந்தவர்களுக்கு இப்பொழுது காலம் கனியப் போகின்றது. வருடத் தொடக்கத்திலேயே, யோக பலம் பெற்ற நாளில் உங்கள் ஜாதகத்திற்கு சகல பாக்கியங்களையும் வழங்கும் தெய்வத்தைக் கண்டறிந்து வணங்குங்கள்.

புத - ஆதித்ய யோகம், புத -சுக்ர யோகம் ஆகிய இரண்டு யோகங்களும், இந்த ஆண்டின் தொடக்கத்திலேயே உருவாகின்றது. மகர குருவின் சஞ்சார காலத்தில் நீச்ச குருவின் பார்வையும் உங்கள் ராசியில் பதிகின்றது. உங்கள் ராசிநாதன் சுக்ரனுக்கு பகைக் கிரகமாக விளங்கும் குருபகவான் நீச்சம் பெற்றுச் சஞ்சரிக்கும் பொழுது அதன் பார்வையால் கிடைக்கும் பலன்கள் மிகுந்த நன்மை தருவதாக அமையும். அந்த அடிப்படையில் பார்க்கும் பொழுது ஆதாயம் தரும் தகவல்கள் வாழ்க்கைத் துணை வழியே வரலாம். கல்விக்காக எடுத்த முயற்சி கைகூடும். கடமையை சரிவரச் செய்து நிலைமையை சீராக்கிக் கொள்வீர்கள். பிள்ளைகளின் மேற்படிப்பு சம்பந்தமாக எடுத்த முயற்சி கைகூடும்.

குருவின் வக்ர இயக்கம்

ஆண்டின் தொடக்கம் முதல் 13.9.2021 வரை, கும்ப ராசியில் அதிசார கதியில் குருபகவான் சஞ்சரிக்கின்றார். அதோடு 16.6.2021 முதல் வக்ர இயக்கத்திலும் இருக்கின்றார். மீண்டும் 14.9.2021 முதல் 12.10.2021 வரை, மகர ராசியில் குருபகவான் வக்ரம் பெற்றுச் சஞ்சரிக்கின்றார்.

உங்கள் ராசியைப் பொறுத்தவரை 8, 11 ஆகிய இடங்களுக்கு அதிபதியானவர், குரு பகவான். அஷ்டமாதிபதி நீச்சம் பெறுவது யோகம்தான். உங்கள் ராசிநாதன் சுக்ரனுக்கு பகைக் கிரகமாக விளங்கும் குருபகவான் வக்ரம் பெறும்பொழுது அதிகபட்சமான நன்மைகள் கிடைக்கும். பொருளாதார வளர்ச்சி பிரமிக்கதக்கதாக இருக்கலாம். புதிய ஒப்பந்தங்கள் அடுக்கடுக்காக வந்து சேரும். உடல்நலம் சீராகி உற்சாகப்படுத்தும்.

குருப்பெயா்ச்சி காலம்

ஆண்டின் தொடக்கத்தில் கும்ப ராசியில் அதிசார கதியில் சஞ்சரிக்கும் குரு பகவான், மீண்டும் வக்ர கதியில் மகர ராசிக்கு வந்து, அதன் பிறகு 13.11.2021 அன்று முறையாக கும்ப ராசிக்கு பெயர்ச்சியாகிறார். அதன் பிறகு மீண்டும் 13.4.2022-ல் மீன ராசிக்கு பெயா்ச்சியாகிச் செல்கின்றார். கும்பத்தில் குரு சஞ்சரிக்கும் பொழுது அதன் பார்வை 2, 4, 6 ஆகிய இடங்களில் பதிவாகின்றது. எனவே அந்த இடங்களெல்லாம் புனிதமடைகின்றன. குரு பார்வை 2-ம் இடத்தில் பதிவதால், கொடுத்த வாக்கைக் காப்பாற்றுவீர்கள். கொடிகட்டிப் பறந்த பிரச்சினைகள் படிப்படியாக மாறும். அடிப்படை வசதிகளைப் பெருக்கிக் கொள்வீர்கள். ஆதாயம் தரும் தகவல் வந்துசேரும். புகழ்மிக்கவர்களின் தொடர்பால் சில காரியங்கள் முடிவடையும்.

குருவின் பார்வை 6-ம் இடத்தில் பதிவதால் எதிரிகள் உதிரியாவர். லாப நோக்கத்தோடு பழகியவர்களை இனம் கண்டு கொள்வீர்கள். உங்கள் மீது தொடுக்கப்பட்ட வழக்குகள், அதுவாகவே விலக்கப்படும். உத்தியோகம் சம்பந்தமாக எடுத்த முயற்சியில் வெற்றி கிடைக்கும். அரசு வேலைக்கு விண்ணப்பித்தவர்களுக்கு அது கைகூடும். வெளிநாட்டில் இருந்து அனுகூலமான தகவல் கிடைக்கும். பணியாளர்கள் தொல்லை அகலும்.

ராகு-கேது பெயா்ச்சி காலம்

21.3.2022 அன்று மேஷத்தில் ராகுவும், துலாத்தில் கேதுவும் பெயர்ச்சியாகிறார்கள். உங்கள் ராசியைப் பொறுத்தவரை 12-ம் இடத்தில் ராகுவும், 6-ம் இடத்தில் கேதுவும் வரப்போகிறார்கள். 12-ம் இடம் என்பது விரய ஸ்தானம். எனவே, விரயங்கள் கூடுதலாகவே இருக்கும். 6-ல் கேது இருப்பதால் உத்தியோகத்தில் சில பிரச்சினைகள் உருவாகலாம். சா்ப்ப சாந்திப் பரிகாரங்களை செய்து கொள்வதன் மூலம் தடைகள் அகன்று தக்க பலன் கிடைக்கும்.

சனியின் வக்ர காலம்

12.5.2021 முதல் 26.9.2021 வரை, மகர ராசியில் சனிபகவான் வக்ரம் பெறுகின்றார். உங்கள் ராசிக்கு 9, 10 ஆகிய இடங்களுக்கு அதிபதியானவர் சனிபகவான். அவர் வக்ரம் பெறுவது அவ்வளவு நல்லதல்ல. எனவே இக்காலத்தில் கொஞ்சம் விழிப்புணா்வோடு செயல்பட வேண்டும். உறவினா் பகை உருவாகலாம்.

கவனமுடன் செயல்பட வேண்டிய காலம்

14.4.2021 முதல் 3.6.2021 வரை, 4.6.2021 முதல் 2.7.2021 வரை மற்றும் 24.10.2021 முதல் 7.12.2021 வரை, செவ்வாய் - சனி பார்வை உள்ளது. இக்காலத்தில் பகைக் கிரகங்களின் பார்வை இருப்பதால், எதையும் திட்டவட்டமாகச் செய்ய இயலாது. எதிரிகளின் பலம் மேலோங்கி இருக்கும். எவ்வளவு விழிப்புணர்ச்சியோடு இருந்தாலும் விரயங்கள் அதிகரிக்கத்தான் செய்யும். ‘வாங்கிய கடனுக்கு வட்டி கட்ட முடியவில்லையே’ என்று ஆதங்கப்படுவதோடு, சொத்துக்களை விற்கவும் நேரிடும். மருத்துவச் செலவுகளும், மனக்கலக்கங்களும் உருவாகும்.

பெண்களுக்கான பலன்கள்
இந்தப் புத்தாண்டு உங்களுக்கு சுபச்செலவுகளை உருவாக்கும் ஆண்டாகும். உடல்நலனில் ஒவ்வாமை நோய் வராமல் பார்த்துக் கொள்ளுங்கள். 10-ல் குரு இருப்பதால் பதவி மாற்றங்கள், இடமாற்றங்கள் உருவாகலாம். கணவன் - மனைவிக்குள் அன்பும், ஆதரவும் பெருகும். உங்கள் பெயரிலேயே சொத்துக்கள் வாங்கும் யோகம் உண்டு. பிள்ளைகளின் மேற்படிப்பு சம்பந்தமாக எடுத்த முயற்சிக்கு, பிரபலமானவர்கள் உதவிகரமாக இருப்பார்கள். சனி-செவ்வாய் பார்வை காலத்தில் விரயங்கள் அதிகரிக்கும். பிறரை நம்பிச் செயல்படுவது இயலாது. வெள்ளிக்கிழமை தோறும் அம்பிகையை வழிபடுங்கள்.

வளா்ச்சி தரும் வழிபாடு
பிரதோஷ விரதமிருந்து நந்தீஸ்வரர் வழிபாட்டை மேற்கொள்வதோடு, வேந்தன்பட்டி நெய் நந்தீஸ்வரரை யோகபலம் பெற்ற நாளில் வழிபட்டு வந்தால் யோகங்கள் படிப்படியாக வந்து சேரும். நினைத்தது நிறைவேறி நிம்மதி கிடைக்கும்.

சனிப்பெயர்ச்சி பலன்கள்

ஜனவரி 24-ம் தேதி 2020 முதல் 2023 ஆண்டு வரை

ஒன்பதாமிடத்தில் சனி, உயர்வுகள் வந்திடும் இனி!

ரிஷப ராசி நேயர்களே!

இதுவரை உங்கள் ராசிக்கு 8-ம் இடத்தில் சஞ்சரித்து வந்த சனி பகவான், 26.12.2020 அன்று 9-ம் இடத்திற்கு அடியெடுத்து வைக்கின்றார். அஷ்டமத்துச் சனி விலகிவிட்டது. எனவே இனி தொட்ட காரியங்களில் வெற்றி கிடைக்கும். உங்கள் ராசிக்கு 9, 10 ஆகிய இடங்களுக்கு அதிபதியானவர் சனி. தொழில் ஸ்தானத்திற்கும், பாக்கிய ஸ்தானத்திற்கும் அதிபதியானவர் என்பதால், சனி பகவான் தன் சொந்த வீடான மகர ராசியில் சஞ்சரிக்கும் பொழுது எண்ணற்ற நற்பலன்களை வழங்குவார். தொழில் வளம் சிறப்பாக இருக்கும்.

மகர ராசியில், ஏற்கனவே நீச்சம் பெற்ற குரு இருக்கின்றார். அந்த குருவின் பார்வை உங்கள் ராசியில் பதிகின்றது. மேலும் அங்குள்ள குருவோடு இப்பொழுது சனியும் சேர்ந்து ‘நீச்சபங்க ராஜயோகம்’ ஏற்படப் போகின்றது. மகரத்தில் குரு இருக்கும் பொழுது, சனி சாதகமான பலன்களை ஏராளமாக கொடுக்கலாம்.

பொன் பொருள் சேர்க்கை உண்டு

டிசம்பர் 26-ந் தேதி முதல் உங்கள் ராசிக்கு 9-ம் இடமான பிதுர்ரார்ஜித ஸ்தானத்திற்கு சனி வருகின்றார். அதுமட்டுமல்லாமல் 9-ம் இடம் பாக்கிய ஸ்தானமாகவும் கருதப்படுகின்றது. அதே நேரத்தில் 10-ம் இடம் எனப்படும் தொழில் ஸ்தானத்திற்கும் அதிபதியாக சனி விளங்குவதால், இதுவரை தடைப்பட்ட உயர்வுகள் தானாக வந்து சேரும். தொழில் முன்னேற்றம் அதிகரிக்கும் விதத்திலேயே இந்த சனிப்பெயர்ச்சி அமைகின்றது. உத்தியோகத்தில் உள்ளவர்களுக்கு உயர் பதவிகளும், எதிர்பார்த்த ஊதிய உயர்வும் வந்து சேரும். கொடிகட்டிப் பறந்த குடும்பப் பிரச்சினைகள் படிப்படியாக மாறும். பிதுர்ரார்ஜித சொத்துக்களில் இருந்த பிரச்சினைகள் தீரும். உடல்நலம் சாதாரண சிகிச்சையிலேயே குணமாகி உற்சாகத்துடன் பணிபுரிவீர்கள்.

சனியின் பார்வை பலன்கள்

உங்கள் ராசிக்கு 9-ம் இடத்தில் சஞ்சரிக்கும் சனி பகவான் 3, 6, 11 ஆகிய மூன்று இடங்களையும் முறையாகப் பார்க்கின்றார். எனவே இதுவரை பிரச்சினையுடன் வாழ்ந்த உங்களுக்கு மன அமைதி கிடைக்கப்போகின்றது. 3-ம் இடத்தை சனி பார்ப்பதால் முன்னேற்றப் பாதையில் இருந்த குறுக்கீடுகள் அகலும். உடல் ஆரோக்கியம் சீராகும். மேலும் யோககாரகனாக சனி விளங்குவதால், உத்தியோகத்தில் திடீரென புதிய பொறுப்புகளும், அதற்கேற்ற விதம் சம்பள உயர்வுகளும் கூட கிடைக்கலாம்.

சனியின் பார்வை 11-ம் இடமான லாப ஸ்தானத்தில் பதிவதால், பொருளாதாரப் பற்றாக்குறை அகலும்.

சனியின் பாதசாரப் பலன்கள்

27.12.2020 முதல் 27.12.2021 வரை: சூரிய சாரத்தில் சனி சஞ்சரிக்கும் இந்த நேரத்தில், துணிந்து சில முடிவுகளை எடுத்து மற்றவர்களை ஆச்சரியத்தில் ஆழ்த்துவீர்கள். சுக ஸ்தானாதிபதி சூரியன் என்பதால், சுகங்களும், சந்தோஷங்களும் அதிகரிக்கும்.

28.12.2021 முதல் 26.1.2023 வரை: சந்திரன் சாரத்தில் சனி சஞ்சரிக்கும் இந்த நேரத்தில், வெற்றிச் செய்திகள் வீடு வந்துசேரும். குடும்பத்தில் விரிசல்கள் அகன்று உறவு பலப்படும். அஸ்திவாரத்தோடு நின்ற கட்டிடப் பணி தொடரும்.

27.1.2023 முதல் 19.12.2023 வரை: செவ்வாய் சாரத்தில் சனி சஞ்சரிக்கும் பொழுது, திருமண வாய்ப்புகள் கைகூடும். திடீர் திருப்பங்கள் ஏற்படும். இடையில் கும்ப ராசியில் சனி சஞ்சரிக்கப் போகின்றார். எனவே ‘சொந்த வீடு கட்டியும் அதில் வசிக்க முடியவில்லையே’ என்று கவலைப்பட்டவர்களுக்கு, அதில் குடியேறும் முயற்சி கைகூடும்.

குருப்பெயர்ச்சிக் காலம்

சனிப்பெயர்ச்சி காலத்தில், மூன்று முறை குருப்பெயர்ச்சி நடைபெற இருக்கின்றது. கும்ப ராசியில் குரு சஞ்சரிக்கும் பொழுது, உங்கள் ராசிக்கு 10-ல் குரு வருவதால் பதவி மாற்றங்களும், இடமாற்றங்களும் உருவாகலாம். மீனத்தில் குரு சஞ்சரிக்கும் பொழுது, லாப ஸ்தானம் புனிதமடைகின்றது. எனவே தொழில் வளர்ச்சி அதிகரிக்கும். மேஷத்தில் குரு சஞ்சரிக்கும் பொழுது, ‘விபரீத ராஜயோக’ அடிப்படையில் எதிர்பாராத நல்ல திருப்பங்கள் ஏற்படும்.

ராகு-கேது பெயர்ச்சிக் காலம்

21.3.2022-ல் ராகு-கேது பெயர்ச்சி நடக்க உள்ளது. அப்போது மேஷத்தில் ராகுவும், துலாத்தில் கேதுவும் சஞ்சரிப்பார்கள். இந்த காலகட்டத்தில் உங்களுக்கு மனநிம்மதி குறையும். எதிரிகளின் தொல்லை அதிகரிக்கும். வாங்கிய இடத்தை விற்க நேரிடும். தூரதேசத்தில் உள்ள சொந்தங்களால் சில நன்மைகள் ஏற்படும். குடும்ப ரகசி யங்களை வெளியில் சொல்வதன் மூலம் பிரச்சினைகள் ஏற்படலாம்.

8.10.2023-ல் நடைபெறும் பெயர்ச்சியின்போது, மீனத்தில் ராகுவும், கன்னி ராசியில் கேதுவும் சஞ்சரிப்பார்கள். அப்பொழுது உங்கள் ராசிக்கு லாப ஸ்தானம் பலம்பெறுகின்றது. வெளிநாட்டு வணிகம் லாபம் தரும். பிள்ளைகள் வெளிநாடு செல்ல எடுத்த முயற்சி கைகூடும். உத்தியோகத்தில் உள்ளவர்களுக்கு, இதுவரை கேட்டுக் கிடைக்காத சலுகைகள் இப்பொழுது கிடைக்கலாம்.

வெற்றிக்குரிய வழிபாடு

சனிக்கிழமை தோறும் விரதமிருந்து சனி பகவானை வழிபட்டு வருவதோடு, இல்லத்து பூஜை அறையில் அபிராமி அம்மன் படம் வைத்து, அபிராமி அம்மன் பதிகம் பாடி வழிபட்டால் எதிர்பார்ப்புகள் நிறைவேறும். எளிதில் வெற்றி கிடைக்கும்.

குருப்பெயர்ச்சி பலன்கள்

அழகான ரிஷபராசியினரே.. சுக்கிரனை ராசி அதிபதியாக கொண்ட உங்களின் ராசிக்கு எட்டு, பதினொன்றாம் அதிபதியான குரு பகவான் பத்தாம் இடத்திற்கு பெயர்ச்சியாகிறார். ஒன்பதாமிடத்தில் சனி ஆட்சி பலம் பெற்று இருக்கிறார். ராசியில் ராகுவும் ஏழில் கேதுவும் நிற்கிறார்கள்.

பத்தாமிடமான தொழில் ஸ்தானத்தில் சஞ்சரிக்கவிருக்கும் குரு பகவான் அஷ்டமாதிபதி வேலையைச் செய்வாரா? லாபாதிபதி வேலையைச் செய்வாரா? அஷ்டமாதிபதியாகி தொழில் ஸ்தானத்திற்கு செல்வதால் தொழிலில் இடர் ஏற்படுமோ? லாபாதிபதி தொழில் ஸ்தானத்திற்கு செல்வதால் தொழில் லாபம் கிடைக்குமா?

பத்தில் குரு வந்தால் பதவி பறிபோகுமோ?அப்பப்பா ரிஷப ராசியினருக்கு குரு தொழில் ஸ்தானத்திற்கு செல்வதால் எத்தனை சந்தேகங்களை எழுப்பி இருக்கிறார். அஷ்டமாதிபதி மற்றும் லாபாதிபதி குரு பத்தாமிடத்திற்கு செல்வது சுபம் அல்ல. குரு பகவான் தான் நின்ற இடத்தை விட பார்வை படும் இடங்களை புனிதப்படுத்துவார் என்பது ஜோதிடவிதி. அதன்படி குருவின் பார்வை பதியும் இரண்டு, நான்கு, ஆறாம் இடங்கள் மூலம் ரிஷப ராசியினர் சுப பலன்கள் பெறுவது உறுதி. அதே நேரத்தில் பத்தில் நிற்கும் குரு தொழிலை ஒரு மனிதன் எப்படி தக்க வைத்துக் கொள்வது என்ற செப்படி வித்தையை உங்களுக்கு நிச்சயம் கற்பிப்பார்.

தசம குருவின் பலன்கள்: பத்தாமிட குரு புதிய தொழில் வாய்ப்பையும், மேன்மையையும், எதிர்பாராத தொழில் மாற்றத்தையும் கொடுப்பார். அதன் மூலம் கம்பீரம், கவுரவம், அந்தஸ்து, மிடுக்கான தொழில் தோரணையையும் கொடுப்பார். தொழிலுக்கு மூத்த சகோதரரின் ஆதரவு கிடைக்கும். ஜனன கால ஜாதகத்தில் சாதகமான தசாபுத்தி நடப்பவர்களுக்கு லாபாதிபதி என்பதால் பல்வேறு வழிகளில் அதிர்ஷ்ட வருமானத்தையும் பெருக்குவார்.

குரு அஷ்டமாதிபதி என்பதால் மறைமுக லாபம் ஈட்டும் எண்ணத்தையும் ஏற்படுத்துவார். அல்லது லாபத்தை குறைத்து கணக்கு காட்டும் குறுக்கு சிந்தனையை புகுத்துவார். சாதகமற்ற தசா புக்தி நடப்பவர்களுக்கு வாடிக்கையாளர்களின் தேவையை பூர்த்தி செய்ய முடியாத சூழ்நிலை உருவாகும். தொழில் கூட்டாளிகள் பிரிந்து செல்வார்கள். புதிய தொழில் கூட்டாளிகள் கிடைப்பதில் தடை தாமதம் இருக்கும்.

உத்தியோகத்தில் ஸ்திரத் தன்மை ஏற்படும். குடும்ப சூழ்நிலை காரணமாக பொருத்தமில்லாத வேலையில் இருப்பவர்களுக்கு தகுதிக்கும் திறமைக்கும், படிப்பிற்கும் தகுந்த வேலை தேடி வரும். உத்தியோகத்தில் ஏற்பட்ட மன வருத்தம் பய உணர்வு நீங்கும். வெகு சிலருக்கு குறைந்த ஊதியத்திற்கு அதிக நேரம் உழைக்க நேரும். உடன் வேலை பார்ப்பவர்களின் வேலையையும் சேர்த்து செய்ய வேண்டி வரும். அரசு ஊழியர்களுக்கு விரும்பிய இடத்திற்கு இடமாற்றம் கிடைக்கும். பணி நீக்கம் செய்யப்பட்டவர்கள் மீண்டும் பணியில் சேர வாய்ப்புகள் கை கூடி வரும்.

பத்தாமிடம் என்பது கர்மஸ்தானம் என்பதால் குடும்பத்தில் நடைபெறும் கர்ம காரியங்களில் கலந்து கொள்வதில் தடை ஏற்படும். முறையாக நீத்தார் கடன் செய்ய முடியாதது போன்ற அசௌகரியங்கள் இருக்கும்.

ஐந்தாம் பார்வை பலன்கள்: குருவின் ஐந்தாம் பார்வை இரண்டாம் இடமான தனம், வாக்கு, குடும்ப ஸ்தானத்தில் பதிகிறது. கொடுத்த வாக்கை காப்பாற்ற முடியாமல் ஏற்பட்ட மன உளைச்சல் தீரும். வாக்கு தோஷம் நிவர்த்தியாகும்.வாக்கு வன்மை அதிகரிக்கும். சதா எதையாவது பேசிக்கொண்டே இருப்பவர்கள் கூட அமைதியை விரும்புவார்கள்.

நியாயம், தர்மம் பற்றிய சிந்தனை மேலோங்கும். குடும்பத்தில் இருந்த குழப்பங்கள் தீரும். பிரிந்த குடும்ப உறவுகள் நடந்ததை மறந்து கூடி மகிழ்வார்கள். குடும்பத்தில் சுப நிகழ்வுகளும் ஆடம்பர விருந்துகளும் நடந்து கொண்டே இருக்கும். நல்ல விதவிதமான உணவு சாப்பிடும் யோகம் உண்டாகும். பேச்சைத் தொழிலாக கொண்டவர்களுக்கு அதிர்ஷ்டம் பணமாக காய்க்கும்.

பணப் பற்றாக்குறை அகலும். கையில் ஐந்து ரூபாய் பணம் இல்லாமல் ஆரம்பித்த சுப காரியங்கள் வெகு விமரிசையாக, ஆடம்பரமாக நடக்கும். திருமணம் போன்ற சுப காரியங்களுக்கு வேண்டிய பொருள் வரவு தேடிவரும். கண்களிலுள்ள குறைபாட்டை சரி செய்ய அறுவை சிகிச்சை செய்ய ஏற்ற காலம். பேச்சை மூலதனமாக கொண்டவர்கள், அன்றாடம் அழியக்கூடிய பொருட்களை விற்பனை செய்யும் சில்லறை வியாபாரிகள் ஏற்றம் பெறுவார்கள். கலைத்துறையினருக்கு பல புதிய வாய்ப்புகள் கிடைக்கும்.

ஏழாம் பார்வை பலன்கள்: குருவின் ஏழாம் பார்வை நான்காமிமான சுக ஸ்தானத்திற்கு பதிகிறது. ஆரோக்கிய கேடு நீங்கும். தாயின் ஆரோக்கியம் சீராகும். தாயுடன் இருந்த கருத்து வேறுபாடு குறையும். தாய் வழிச் சொத்து பாகப் பிரிவினையில் இருந்த சர்ச்சைகள் நீங்கி முழுப் பங்கும் தாயின் பெயருக்கு மாறுதலாகிவிடும். பல வருடங்களாக விற்க முடியாமல் பயன்படுத்த முடியாமல் கிடந்த சொத்துக்கள் விற்று பல லட்சங்களாக மாறும்.

வாடகை வீட்டில் குடியிருந்தவர்கள் குடியிருக்கும் வீட்டையே சகாய விலைக்கு வாங்குவார்கள். புதிய வாகனம் யோகம் உண்டு. பழைய வாகனம் வைத்திருப்பவர்கள் புதிய வாகனம் வாங்குவார்கள். வீட்டிற்கு தேவையான ஆடம்பர பொருட்களின் சேர்க்கை உண்டாகும். வாடகைக்கு போகாமல் கிடந்த அசையும் அசையாச் சொத்துக்கள் நல்ல வாடகை தாரர்கள் கிடைப்பார்கள். ரிஷப ராசி விவசாயிகளுக்கு நிலம் பொன் விளையும் பூமியாகும். நீர்ச் சத்து நிறைந்த காய்களை பயிரிடும் விவசாயிகளுக்கு மகசூல் அதகரிக்கும். கால்நடை வளர்ப்பவர்களுக்கு மகத்தான வருமானம் உண்டு. போரிங் போட, கிணறு வெட்ட சாதகமான நேரம்.

கல்லூரி பள்ளிப் படிப்பை இடையில் நிறுத்திய மாணவ - மாணவிகள் மீண்டும் படிப்பைத் தொடர்வார்கள். ஏழில் கேது இருப்பதால் நண்பர்களின் சகாவாசத்தால் வீண் வம்பு, வழக்கை தவிர்க்கவும். படிப்பில் அதிக கவனம் செலுத்தினால் போட்டித் தேர்வில் அதிக மதிப்பெண் கிடைக்கும்.

குருவின் ஒன்பதாம் பார்வை பலன்: ராசிக்கு ஆறாம் இடத்தில் குருவின் ஒன்பதாம் பார்வை பதிவதால் சுப நிகழ்விற்குத் தேவையான பொருளாதாரத்தை கடனாக பெற்றுக் கொடுப்பார். திருமணம், கல்வி, அசையும், அசையாச் சொத்து, தொழில் முன்னேற்றத்திற்கு எதிர்பார்த்த கடன் தொகை கிடைக்கும்.

சிலருக்கு தீராத கடன் மற்றும் வட்டி தொல்லையிலிருந்து இடைக்கால நிவாரணம் கிடைக்கும். தொழில் சரிவால் தலைமறைவாகலாம் என்று நினைத்தவர்கள் கூட புதிய கடன் வாங்கி பழைய கடனை சமாளிப்பார்கள். கடனையும் வட்டியையும் நினைத்து பயந்து நோயை வரவழைத்தவர்களுக்கு கடனை அடைக்கும் மார்க்கம் தென்படும். நீண்ட நெடுங்காலமாக சிகிச்சை செய்து வந்த கட்டுக்கடங்காத நோயின் பாதிப்பு குறையும். உங்களை அவ்வப்போது சீண்டி வந்த உற்றார் உறவினர்கள், எதிரிகள் கண்டும் காணாது போல் சென்று விடுவார்கள்.

குரு நின்ற மற்றும் பார்வை பெறும் இடங்களால் பல சாதகங்கள் நடைபெறும் சாத்தியக்கூறுகள் இருந்தாலும் ராசியில் உள்ள ராகுவும் ஏழில் நிற்கும் கேதுவும் சுப பலன்களை தட்டிப்பறிப்பார்கள்.

ராசியில் நான்காம் அதிபதி சூரியனின் நட்சத்திரத்தில் சஞ்சரிக்கும் ராகுவால் மனக் குழப்பம், பய உணர்வு, கண் திருஷ்டி, செய்வினைக் கோளாறு, செரிமானக் கோளாறு சிறுசிறு உடல், மனரீதியான பாதிப்பு இருக்கும். வீண் பழி, நடத்தையின் மேல் களங்கம் தீய வழியில் பொருளீட்டும் சிந்தனை, உடன் பிறந்த பெண்கள் மூலம் தேவையில்லாத மனக்கசப்பைத் தரலாம். என்பதால் அதிக கவனம் தேவை.

ராசியில் ராகுவும் ஏழில் கேதுவும் இருப்பதால் சுய ஜாதக ஏழாமிட வலிமை மற்றும் தசா புக்திக்கு ஏற்ப திருமணத்தை முடிவு செய்வது நலம்.

ஏழில் பிரிவினையை மிகைப்படுத்தும் கிரகமான கேது இருப்பதால் தொழில், உத்தியோக நிமித்தமாக, கருத்து வேறுபாடு காரணமாக தம்பதிகளை பிரித்து வாழ வைப்பார். நீண்ட நெடுங்காலமாக முடியாமல் இருந்த விவாகரத்து வழக்குகள் முடிவுக்கு வரும். தொழில் பங்குதாரர்களிடையே கருத்து வேறுபாடு மிகுதியாகி கூட்டுத் தொழில் உடையும். கூட்டுக் குடும்பத்தில் வசிக்கும் சகோதரர்கள் தொழிலை பிரித்து தனிக் குடித்தனம் செல்வார்கள். பிறரை நம்பிச் செய்த முயற்சிகளில் நல்ல முடிவு ஏற்படாது.

ஏழாமிட கேது அரசியல்வாதிகளை தங்கள் கட்சி மற்றும் கூட்டணி கட்சியால் அவமானம் தந்து கட்சி மற்றும் பதவியிலிருந்து நீக்கச் செய்வார். தன்னலமற்ற பொதுச் சேவையை பிறருக்காகச் செய்யும் போது அனைத்தும் பரிபூரணமாக முடிந்து பாராட்டு கிடைக்கும். இதையே சுய நலனுக்காக செய்யும் போது வம்பு வழக்கும் குற்றமும் பதிவாகும். எனவே எந்த செயலையும் ஒரு முறைக்கு பல முறை திட்டமிட்டு செயல்பட வேண்டும். தினமும் வம்பு, வழக்கு என அலைந்து அரசியல் வாழ்க்கையே வெறுக்கும்.

பெண்கள்: பல பெண்கள் அரசின் ஆதரவு மற்றும் மகளிர் சுய உதவிக்குழு மூலம் சுய தொழில் தொடங்கும் வாய்ப்பு கிடைக்கும். பணப்புழக்கம் சரளமாக இருக்கும். தாய்வழிச் சொத்து பாகப் பிரிவினையில் தாயின் ஆதரவு குறையலாம்.

ஏழில் கேது இருப்பதால் வாழ்க்கைத் துணையை அனுசரித்து செல்ல வேண்டும். விட்டுக் கொடுத்து வாழ்ந்தால் வாழ்நாள் வசந்தமாகும். ஏற்றம், இறக்கம் நிறைந்த மனித வாழ்க்கையில் எதையும் ஏற்றுக் கொள்ளும் மனப் பக்குவத்தை தசம குரு உங்களுக்கு கற்றுத் தருவார். எனினும் 5 மாத காலம் மட்டுமே குரு கும்பத்தில் இருப்பார் என்பதால் கண் இமைக்கும் முன்பு அடுத்த குருப் பெயர்ச்சி வந்து விடும். மேலும் பாக்கியாதிபதி சனி ஆட்சி பலம் பெற்று இருப்பதும் உங்களுக்கு சாதகமே.

பரிகாரம்: தினமும் திருக்கோளாறு பதிகம் படித்து வர பாதிப்புகள் வெகுவாக குறையும். முறையான துர்க்கை வழிபாடு ஜென்ம ராகுவின் தாக்கத்தை குறைத்து சுப பலனை மிகுதிப்படுத்தும். மேலும் பிரிந்த தம்பதியினரை சேர்த்து வைப்பதுடன் இடுப்பில் சர்ப்பம் தரித்த விநாயகரை செவ்வாய் கிழமை காலை 8--9 மணிக்குள் வழிபாடு செய்துவர நல்ல மாற்றம் உடனே தெரியும். ரிஷப ராசி அரசியல் பிரமுகர்கள் சத்ரு தொல்லையில் இருந்து விடுபட அமாவாசை நாட்களில் பிரித்தியங்கரா தேவியை வழிபட வேண்டும்.

‘பிரசன்ன ஜோதிடர்’
ஐ.ஆனந்தி
செல்: 98652 20406

 

ராகுகேது பெயர்ச்சி பலன்கள்

1.9.2020 முதல் 20.3.2022 வரை

ரிஷப ராசிக்காரர்களுக்கு வரும் செப்டம்பர் மாதம் நடைபெற இருக்கின்ற ராகு-கேது பெயர்ச்சி நல்ல பொருளாதார முன்னேற்றத்தை தரும்.

கடந்த முறை ராகு-கேதுக்கள் 2, 8 எனப்படும் நன்மைகளைத் தர முடியாத ஸ்தானங்களில் அமர்ந்தார்கள். இதன் காரணமாக பெரும்பாலான ரிஷபத்தினரின் தனம், வாக்கு, குடும்பம் எனப்படும் மூன்று அமைப்புகளும் பாதிக்கப்பட்டன.

சிலருக்கு ஜீவன அமைப்புகளான வேலை, தொழில், வியாபாரம் போன்றவற்றில் சிக்கல்களும், திருமணபருவத்தில் இருப்பவர்களுக்கு கல்யாணம் தடையாகியாதும் இருந்து வந்தது. தற்போதைய பெயர்ச்சியின் மூலம் சர்ப்பக் கிரகங்கள் மேற்கண்ட இனங்களில் தடைகளை கொடுத்து வந்த நிலைமை மாறும்.
அதே நேரத்தில் தற்போது மாற இருக்கும் 1, 7-ம் இடங்களும் ராகு-கேதுக்களுக்கு நல்ல இடங்களாக நமது மூல நூல்களில் சொல்லப்பட வில்லை. ஆயினும் வாழ்க்கைக்கு மிக முக்கிய தேவையான பண வரவை தடுத்துக் கொண்டிருந்த நிலை, மற்றும் வாழ்க்கையே அமையாத, ஏற்கனவே அமைந்த வாழ்க்கையிலும் சிக்கல்களை தந்து கொண்டிருந்த நிலையில் இருந்து ராகு-கேதுக்கள் மாறுகிறார்கள் என்பதே ரிஷபராசிக்கு மிகப்பெரிய உதவியாக இருக்கும்.

இன்னொமொரு நல்ல பலனாக உங்களின் ராசியான ரிஷப வீடு ராகுவிற்கு மிகவும் பிடித்த வீடு என்பதும், ரிஷபத்தில் அமர்ந்த ராகு சுப பலன்களையே அதிகம் செய்வார் என்பதும் இந்தப் பெயர்ச்சியில் உங்களுக்கு கிடைக்க இருக்கும் மிகப் பெரிய நல்ல விஷயங்களில் ஒன்றாக இருக்கும்.

இதுவரை எட்டாமிடத்தில் இருந்து வந்த கேதுவால் பொருள் இழப்பு, கடன் தொல்லை, பேராசை பெரும் நஷ்டம் என்ற நிலை, குடும்பத்தில் சிக்கல்கள் நற்பெயர் இழப்பு, வழக்குகளை சந்தித்தல் போன்ற நிலைமைகள் ரிஷப ராசிக்கு இருந்து வந்தன. இவை அனைத்தும் இப்போது மாறும்.

ராகு, கேது ஒன்று, ஏழாமிடத்திற்கு வருவது பொதுவாக நண்பர்கள், கூட்டுத் தொழில் செய்பவர்கள் போன்றவர்களுக்கு ஆகாத ஒரு நிலைமை என்றாலும் ராகு-கேதுக்களுக்கு உகந்த இடமான ரிஷப- விருச்சிகத்தில் இந்த பெயர்ச்சி நடப்பதால் உறுதியாக உங்களுக்கு கெடுபலன்கள் நடப்பதற்கு வாய்ப்பு இல்லை.
மாறாக கேதுவின் ஏழாமிட இருப்பினால் இதுவரை திருமணம் ஆகாத இளைய பருவத்தினருக்கு கல்யாணம் கூடி வருதலும், புதிய தொழில் உருவாதலும், நண்பர்கள் மூலம் ஆதாயங்களும், வாழ்க்கை துணை விஷயத்தில் நினைப்பது நடப்பதும், குறிப்பாக காதல் நிறைவேறுதலும் இம்முறை இருக்கும்.

ரிஷப ராசிக்கார்ர்களுக்கு இதுவரை இருந்து வந்த பொருளாதார சிக்கல்கள் விலக வேண்டும் என்பதால் இந்தப் பெயர்ச்சியினால் உங்களின் தொழில் முயற்சிகள் மிகவும் நல்லபடியாக இருக்கும். எனவே எந்த ஒரு விஷயத்திலும் முழு முயற்சியுடன், ஆகத்திறனுடன், ஊக்கத்துடன் செயல்பட்டால் அனைத்தும் நல்லபடியாக நடந்து வாழ்க்கை மேம்பாடுகள் கிடைக்கும் என்பது உறுதி.

ராகு-கேதுக்கள் மறைமுகமான தன லாபத்தையும், திடீர் அதிர்ஷ்டத்தையும் தர இருக்கும் கிரகங்கள் என்பதால் இவர்கள் இருவரும் ரிஷப- விருச்சிக வீடுகளில் அமரும் நிலைகளில் ஜாதகத்தில் யோக தசா புக்திகள் நடைபெறுபவர்களுக்கு மிகச் சிறந்த நல்ல பலன்களே அளிப்பார்கள். எனவே பிறந்த ஜாதகப்படி ராகு தசை புக்தி நடப்பவர்களுக்கும் ஜாதகப்படி நன்மைகள் நடக்க இருப்பவர்களுக்கும் இம்முறை நல்ல பணவரவுகளையும், தனலாபங்களையும் ராகு தருவார்.

மேலும் ராகு-கேது பெயர்ச்சிக்குப் பிறகு நடக்க இருக்கும் குருப்பெயர்ச்சி உங்களுக்கு மிகவும் நன்மைகளைச் செய்யப் போகும் ஒன்றாக இருக்கும். கடந்த வருடம் சாதகமற்ற அமைப்பில் எட்டாமிடத்தில் இருந்து வந்த குரு இன்னும் சில வாரங்களில் உங்களுக்கு நன்மை தரும் இடமான ஒன்பதுக்கு மாறி உங்கள் ராசியை தனது சுபப் பார்வையால் பார்க்கப் போகிறார். இது உங்களுக்கு மேன்மை தரும் அமைப்பு.

குருவின் பார்வையினால் ராசி சுபத்துவம் அடைந்திருக்கும் நேரங்களில் மற்ற கிரகங்கள் தரும் சாதகமற்ற பலன்கள் மட்டுப்படும் என்பது ஜோதிட விதி. எனவே ரிஷபத்திற்கு இந்த ராகு-கேது பெயர்ச்சியின் மூலம் சங்கடமான சூழ்நிலைகள் எதுவும் வந்து விடப் போவதில்லை.

கேது பகவானின் ஏழாமிட மாறுதலால் செய்கின்ற தொழிலில் முழுமையான லாபம் கிடைக்கும். இதுவரை வியாபாரம் நன்றாக நடந்தாலும் கையில் காசைக் காணோமே பணநெருக்கடி இருந்து கொண்டே இருகிறதே என்ற நிலைமை மாறி தாராளமான பணப்புழக்கம் உங்களிடம் இருக்கும்.

பரிகாரங்கள்:

ஏழைகளுக்கும் முடியாமல் இருப்பவர்களுக்கும் சிறு உதவியாக இருந்தாலும் தேடிப்போய் உதவி செய்து அவர்களின் மனம் நிறைந்த வாழ்த்துக்களையும் ஆசிகளையும் பெறுங்கள். வயதானவர்களுக்கு ஏதேனும் உதவி தேவைப் பட்டால் உதவுவுது, ஏழை மாணவருக்கு கல்வி உதவி, வசதிக்குறைவான குடும்பப் பெண்ணிற்கு திருமணத்திற்கு உதவுவது போன்றவைகளால் ராகுவின் பாதிப்புகளைத் தவிர்க்கலாம்.

ஜோதிடக்கலை அரசு ஆதித்யகுருஜி
(செல்: 8870 99 8888)

What’s in store for you?

Maalaimalar brings you: The Latest Tamil News | Tamil Cinema News and | Reviews | Kollywood gossips | astrology in Tamil.


Maalaimalar Tamil brings you the latest Tamil news from India and rest of the World.

You Also Get Top Breaking News | Political News from Tamil Nadu and India.

Get In-depth Coverage of National and International Politics | Business | Sports | Cricket News and Score Update of IPL & TNPL, if you are a Chennai Super Kings- CSK or Chepauk Super Gillies-CSG fan, look no further as we have year round updates about these.

We also focus on Tamil Spiritual News | Astrology | Technology | Traditional Tamil Food Recipes | Tamil Cinema Entertainment i.e. Tamil Cinema News | About Tamil Top Actors such as | Rajinikanth | Kamalhasan | Vijay | Ajith etc.

Further Latest Tamil movie reviews with ranking of Top Tamil Movies | Top Tamil Actor and Actress | Photo Gallery | History of Tamil Cinema | Tamil Movie Video Reviews. Catch the Start Interviews and latest events on our site as and when it happens


If you are looking for news from your home town, trust Maalaimalar.com Tamil to get you all the latest happenings not only from districts of Tamil Nadu

Ariyalur News in Tamil | Chennai News in Tamil | Coimbatore News in Tamil | Cuddalore News in Tamil | Dharmapuri News in Tamil | Dindigul News in Tamil | Erode News in Tamil | Kanchipuram News in Tamil | Kanyakumari News in Tamil | Karur News in Tamil | Krishnagiri News in Tamil | Madurai News in Tamil | Nagapattinam News in Tamil | Namakkal News in Tamil | Nilgiris (Ooty) News in Tamil | Perambalur News in Tamil | Pudukkottai News in Tamil | Ramanathapuram News in Tamil | Salem News in Tamil | Sivagangai News in Tamil | Thanjavur (Tanjore) News in Tamil | Theni News in Tamil | Thoothukudi (Tuticorin) News in Tamil | Tiruchirappalli (Trichy) News in Tamil | Tirunelveli (Nellai) News in Tamil | Tirupur News in Tamil | Tiruvallur News in Tamil | Tiruvannamalai News in Tamil | Tiruvarur News in Tamil | Vellore News in Tamil | Viluppuram News in Tamil | Virudhunagar News in Tamil | But also from Puducherry (Pondycherry) News in Tamil.

Others

Other than News and Entertainment in Tamil we also provide Astrology predictions | Daily Tamil Rasi palan for your star Mesham rasi palan | Rishabam rasi palan | Midhunam rasi palan | Kadagam rasi palan | Simmam rasi palan | Kanni rasi palan | Thulam rasi palan | Viruchagam rasi palan | Dhanusu rasi palan | Magaram rasi palan | Kumbam rasi palan | Meenam rasi palan everyday also we publish Tamil New year palan, Guru Peyarchi palan and Sani Peyarchi Palangal etc.

We do care about your wellbeing. We provide health tips such as simple | exercise | Yoga | Home Medicine | Health food recipe rasi palan | Child care | Natural beauty tips | Medicine for Woman | Safety tips for Woman

Technology and Automobile is part of our busy life, we provide tech news in Tamil about latest mobile phone | computers and gadgets. Cars | Bikes and automobile news in Tamil are well appreciated by our readers.

If you are looking for Tamil News and entertainment in video format then Maalaimalar video [video.maalaimalar.com] is the right choice. We bring the latest Tamil movie trailers | Tamil Cinema events | Cinema gossips. | Special star interviews and | Tamil news in video format.



To stay updated, all you need to do is just one thing - get the latest Tamil News on the go.. just download Maalaimalar Tamil News APP from Apple App store or Google Play Store


Download Our Apps

Apple Store Google Play Store