இன்றைய ராசி பலன்கள்
வார பலன்கள்
தமிழ் மாத ஜோதிடம்
ஆண்டு பலன் - 2020
1-1-2020 முதல் 31-12-2020 வரை
(பூரட்டாதி 4-ம் பாதம், உத்ரட்டாதி,ரேவதி வரை)
(பெயரின் முதல் எழுத்துக்கள்: தீ, து, ஓ, ஸ்ரீ, தே, தொ, சு உள்ளவர்களுக்கும்)
இடமாற்றங்கள் இனிமை தரும்
ஆண்டின் தொடக்கத்தில் உங்கள் ராசிக்கு 10-ம் இடத்தில் சூரியன், புதன், வியாழன், கேது, சனி ஆகிய 5 கிரகங்கள் சஞ்சரிக்கும் அமைப்பு இருக்கிறது. இதனால் எதிர்பாராத சிறு மாற்றங்களும், ஏற்றங்களும் நடைபெறப் போகிறது. பொதுவாக, 10-ம் இடம் வலுப்பெறுவது யோகம் தான் என்றாலும் கூட 10-ல் குரு இருப்பதால் பதவி மாற்றங்கள் இடமாற்றங்கள் வருவதும் உறுதியாகலாம். அதே நேரத்தில் 6-க்கு அதிபதி சூரியன், 4, 7 ஆகிய இடங்களுக்கு அதிபதியான புதன், லாபம் மற்றும் விரயஸ்தானத்திற்கு அதிபதி யான சனி ஆகியவற்றோடு பாம்பு கிரகமான கேதுவும் இணைந்திருக்கிறார். 10-ல் ஒரு பாவக் கிரகமாவது இருக்க வேண்டும் என்று சொல்வார்கள். ஆனால் தற்சமயம் உள்ள கிரகங்களின் சேர்க்கை அவ்வளவு நல்லதல்ல. மன நிம்மதி குறையும். திட்டமிட்ட காரியங்கள் திசைமாறி செல்லலாம்.
3, 8-க்கு அதிபதியான சுக்ரன் லாபஸ்தானத்தில் இருப்பது அவ்வளவு நல்லதல்ல. அஷ்டமாதிபதி லாப ஸ்தானத்தில் இருப்பதால் தொழிலில் இழப்புகள் ஏற்படலாம். நம்பி செய்த காரியங்கள் நடைபெறாமல் போகலாம். வேலையாட்களால் பிரச்சினை வந்து போகும். இல்லத்தில் உள்ளவர்களோடு அடிக்கடி விவாதங்கள் உண்டாகும். 4-ல் ராகு இருப்பதால் குடும்பத்தினரோடு விட்டுக்கொடுத்துச் செல்லுங்கள். கோபத்தைக் குறைத்துக் கொள்வது நல்லது. ஆரோக்கியத்தில் திடீர் திடீரென குறைபாடுகள் ஏற்படலாம்.
10-ம் இடத்து குருவின் சஞ்சாரம்
ஆண்டு தொடக்கத்தில் குரு பகவான் உங்கள் ராசிக்கு 10-ம் இடத்தில் சஞ்சரிக்கிறார். அவர் தன் சொந்த வீட்டில் தனுசு ராசியில் சஞ்சரிக்கிறார். அவரது பார்வை 2, 4, 6 ஆகிய மூன்று இடங்களையும் குரு பகவான் பார்க்கிறார். இரண்டாமிடம் என்பது குடும்ப ஸ்தானமாகக் கருதப்படுவதால், திருமணம் ஆகாதவர்களுக்கு நல்ல வாழ்க்கைத் துணை அமையும். கொடுத்த வாக்கைக் காப்பாற்றும் அமைப்பும், கூடுதல் லாபம் தொழிலில் ஏற்படும் நிலையும் உண்டு. எனவே சுபச் செலவுகள் அதிகரிக்கும். உறவினர்களுக்கும் நண்பர்களுக்கும் உதவி செய்ய முயன்று வருவீர்கள்.
குருவின் பார்வை நான்காமிடத்தில் பதிவதால், வீடு கட்டும் முயற்சியில் ஆர்வம் காட்டுவீர்கள். ஆனால் கட்டிய வீடாக வாங்குவதா? அல்லது புதிய வீடு கட்டுவதா? என சிந்தனை மேலோங்கும். குடும்ப உறுப்பினர் ஜாதகத்தை அலசி ஆராய்ந்து பாருங்கள். யாருக்கு பூமிகாரகன் செவ்வாயின் பலம் அதிகமாக இருக்கிறதோ, அவர்கள் பெயரில்தான் வீடு கட்ட வேண்டும். இல்லையேல் கட்டி முடித்தவுடன் கையை விட்டுப் போகும் சூழ்நிலையும் உண்டு. தாய்வழி ஆதரவு உங்களுக்கு கிடைக்கும். வாகனம் வாங்கும் முயற்சியில் ஆர்வம் காட்டுவீர்கள். பணிபுரியும் இடத்தில் ஒரு சிலருக்கு மேலிடத்து நிர்பந்தம் அதிகரிக்கும். வியாழன்தோறும் விரதமிருந்து குருபகவானை வழிபடுவதோடு, குருவின் சிறப்பு ஸ்தலங்களுக்கு சென்றும் வழிபட்டு வாருங்கள்.
மகர குருவின் சஞ்சாரம்
8.7.2020 முதல் 9.9.2020 வரை தனுசு ராசிக்குள் குரு வக்ரம் பெறுகிறார். இக்காலத்தில் சனியும் தனுசு ராசிக்குள்ளேயே வக்ரம் பெறுகிறார். இரண்டு கிரகங்களும் ஒரே இடத்தில் வக்ரம் பெறுவது அவ்வளவு நல்லதல்ல. ஆரோக்கிய தொல்லை அதிகரிக்கும். சீரான வாழ்க்கையில் சில குறுக்கீடுகள் வந்து அலைமோதும். பாராளும் யோகம் பெற்றவர்கள்கூட பாதாள நிலைக்கு வரும் வாய்ப்பு உண்டு. சேமிப்புகள் கரையலாம். சில பொருட்களைக் கூட விற்க நேரிடும். தொழில் கூட்டாளிகள் உங்களுக்கு துணையாக இருக்கமாட்டார்கள். வழிபாட்டில் அதிக கவனம் செலுத்த வேண்டிய நேரம் இது.
15.11.2020-ல் மகர ராசிக்கு குரு பகவான் பெயர்ச்சியாகி செல்கிறார். 12 ஆண்டுகளுக்கு ஒரு முறை குருபகவான் மகர ராசியில் சஞ்சரிப்பார். மகர ராசி குரு பகவானுக்கு நீச்ச வீடாகும். நீச்சம் பெற்றிருந்தாலும், குருவின் பார்வை நமக்கு உச்சம் பெற்ற வாழ்க்கையை அமைத்துக் கொடுக்கும். குருவின் பார்வை உங்கள் ராசிக்கு 3, 5, 7 ஆகிய இடங்களில் பதிவாகிறது. எனவே, முன்னேற்றத்திற்கான வாய்ப்புகள் அதிகரிக்கும். வழக்குகள் சாதகமாகும். உடன்பிறப்புகளில் ஒரு சிலர் உங்களை விட்டு விலகிச் சென்றவர் மீண்டும் வந்து இணைவர். பிள்ளைகளின் திருமணக் கனவு நனவாக்குவீர்கள். பூர்வீகச் சொத்து தகராறுகள் அகலும். குடும்ப ஒற்றுமை பலப்படும். இல்லத்தில் மங்கல ஓசை கேட்கும் அமைப்பு உருவாகும்.
ராகு - கேது பெயர்ச்சி காலம்
ஆண்டின் தொடக்கத்தில் 10-ம் இடத்தில் சஞ்சரித்து வரும் கேது, 1.9.2020-ல் 9-ம் இடத்திற்குச் செல்கிறார். 4-ம் இடத்தில் சஞ்சரித்து வரும் ராகு, அதே நாளில் மூன்றாம்இடத்திற்குச் செல்கிறார். இந்த பின்னோக்கி நகரும் கிரகங்கள், நமது வாழ்க்கையில் முன்னோக்கிச் செல்ல வழிகாட்டும். 9-ல் சஞ்சரிக்கும் கேதுவால், பிதுர்ரார்ஜித ஸ்தானம் புனிதமடைகிறது. ‘ஐந்தும், ஒன்பதும் மிஞ்சும் பலன் தரும்’ என்பார்கள். எனவே, பொருளாதார வளர்ச்சி அதிகரிக்கும். பூர்வீக சொத்துக்களில் இருந்த வில்லங்கங்கள் விலகும். பாகப்பிரிவினை சுமுகமாக முடியும். உங்கள் பங்குக்கு வந்த சொத்துக்களை விற்றுவிட்டு புதிய சொத்துக்கள் வாங்குவதில் ஆர்வம் காட்டுவீர்கள். கிடைத்த தொகை மூலம் கடன் சுமை குறைய வழிவகுத்துக் கொள்வீர்கள். வீடு, வாகனம் வாங்கும் முயற்சியிலிருந்த தடைகள் அகலும். விருப்பங்கள் நிறைவேற மாற்றினத்தவர்களின் ஒத்துழைப்பு கிடைக்கும். போட்டிகளுக்கு மத்தியில் உங்கள் முன்னேற்றம் கூடும். புதிய திருப்பங்கள் ஏற்படும்.
3-ம் இடத்து ராகுவால் முக்கிய திருப்பங்கள் ஏற்படும். முட்டுக்கட்டைகள் அகன்று முன்னேற்றம் கூடும். வெற்றிக்குரிய செய்திகள் வீடுதேடி வரும். வெள்ளை உள்ளம் படைத்த நல்லவர்கள் உங்களுக்கு நண்பர்களாக மாறுவர். பரம்பரை சொத்துக்களில் கிடைக்க வேண்டிய பங்கு உங்களுக்கு முறையாக கிடைக்கும். பதவி உயர்வும், ஊதிய உயர்வும் எதிர்பார்த்தபடியே வரலாம். உயரதிகாரிகளின் அனுகூலம் உண்டு. சகாய ஸ்தானத்து ராகுவால் அனைத்து வழிகளிலும் உங்களுக்கு சகாயம் உண்டு. அடிப்படை வசதிகளை பெருக்கிக் கொள்வீர்கள்.
சனிப் பெயர்ச்சி காலம்
29.4.2020 முதல் 14.9.2020 வரை தனுசு ராசிக்குள் சனி வக்ரம் பெறுகிறார். இந்த வக்ர காலம் வளர்ச்சியில் தளர்ச்சியை ஏற்படுத்தும். பொருளாதார பற்றாக்குறை அதிகரிக்கும். வில்லங்கங்கள் வீடு தேடி வரலாம். விரயங்கள் கூடும். 13.2.2020 முதல் 22.3.2020 வரை தனுசு ராசியில் செவ்வாய் - சனி சோ்க்கை ஏற்படுகிறது. 3.5.2020 முதல் 17.6.2020 வரை தனுசு ராசியில் இருந்து கும்பத்தில் உள்ள செவ்வாயை சனி பார்க்கிறார். இந்த காலகட்டத்தில் மிகவும் கவனமாக இருக்க வேண்டும். எதிலும் தடை, தாமதங்கள் ஏற்படும். நன்மை செய்யப் போய், அது தீமையில் முடியலாம். உள்ளத்தில் நினைத்ததை உடனடியாகச் செய்ய இயலாது. கொள்கைப் பிடிப்பை தளர்த்திக் கொள்ள நேரிடும். கொடுக்கல்- வாங்கல்களில் அதிக கவனம் தேவை.
26.12.2020-ல் மகர ராசிக்கு சனி பெயர்ச்சியாகிச் செல்கிறார். தற்போது 10-ல் சஞ்சரித்து வரும் சனி பகவான், 11-ம் இடத்திற்கு வரும்பொழுது, பல பிரச்சினைகளுக்கு தீர்வு கிடைக்கும். பணக்கவலை தீரும். பாராட்டும், புகழும் கூடும். நினைத்த காரியத்தை நினைத்த நேரத்தில் முடிப்பீர்கள். உற்றார், உறவினர்கள் உங்கள் குணமறிந்து நடந்து கொள்வர். காரியங்களை முடிப்பதற்கு தேவையான பொருளாதாரமும் உங்கள் கைகளில் புரளும்.
செல்வ வளம் தரும் வழிபாடு
செவ்வாய்க்கிழமை தோறும் விரதம் இருந்து துர்க்கையை வழிபட்டு வருவதோடு, வைத்தீஸ்வரன் கோவில் சென்று வலம்புரி விநாயகர், செல்வ முத்துக்குமரன், வைத்தியநாதர், தையல்நாயகி, அங்காரகன் ஆகியோரையும் யோகம் பெற்ற நாளில் வழிபட்டு வாருங்கள்.
குருவின் வக்ர காலமும், பரிவர்த்தனை யோகமும்
27.3.2020 முதல் மகர ராசிக்கு குரு வக்ர இயக்கத்தில் செல்கிறார். அங்கு 7.7.2020 வரை இருக்கிறார். அந்த நேரத்தில் தனுசு ராசியில் சனியும் வக்ரம் பெறுகிறார். இருவரும் தங்களின் வீடுகளை மாற்றி அமர்ந்திருப்பதால், பரிவர்த்தனை யோகம் அடைகிறார்கள். ‘பரிவர்த்தனை யோகம்’ என்பது யோகங்களில் சிறந்த யோகமாகும். எனவே இரண்டு கிரகங்களும் பெரிய அளவில் பாதிப்புகளை ஏற்படுத்தாது. லாப ஸ்தானத்திற்கு அதிபதியான சனி பகவான் தொழில் ஸ்தானத்திலும், தொழில் ஸ்தானத்திற்கு அதிபதியான குரு பகவான் லாப ஸ்தானத்திலும் இருப்பதால், தொழில் வளர்ச்சி சிறப்பாக இருக்கும் என்றே சொல்லலாம். பணப்புழக்கம் நன்றாக இருக்கும். பாதியில் நின்ற பணிகள் மீதியும் நடைபெறும். எண்ணிய எண்ணங்கள் இனிதே நிறைவேறும்.
பெண்களுக்கான பலன்கள்
இந்த புத்தாண்டு தொடக்கத்தில் விரயங்களும், வருட மத்தியில் வளர்ச்சியும் அமையும். முக்கிய முரண்பாடான கிரகங்களின் சேர்க்கை இருப்பதால் உறவினர் பகை அதிகரிக்கும். உடல் ஆரோக்கியத்தில் சீர்கேடுகள் உருவாகும். நினைத்த நேரத்தில் நினைத்த நிகழ்ச்சிகளில் கலந்து கொள்ள முடியவில்லையே என்று கவலைப்படுவீர்கள். கணவன் - மனைவிக்குள் அனுசரித்துச் செல்வதன் மூலமே அமைதி காண முடியும். பணப்பற்றாக்குறை ஏற்படும். சங்கிலி தொடர்போல கடன்சுமை உருவாகலாம். தாயின் உடல்நலத்தில் கவனம் தேவை. பெற்றோர் வழி ஆதரவு ஓரளவு கிடைக்கும். உத்தியோகத்தில் உள்ளவர்களுக்கு பதவி மாற்றம், இடமாற்றம் உருவாகலாம். கேட்ட சலுகைகளை மேலதிகாரிகள் தர மறுப்பர். எனவே, வேலையை விட்டுவிட்டு சுய தொழில் செய்யலாமா? என்று சிந்திப்பீர்கள். குலதெய்வ வழிபாடு, குரு தட்சிணாமூர்த்தி வழிபாடு செய்வதோடு, யோக பலம் பெற்ற நாளில் சர்ப்ப சாந்தி பரிகாரங்களைச் செய்தால் சந்தோஷம் நிலையாக இருக்கும்.
சார்வரி வருட பலன்
சார்வரி வருடத் தொடக்கத்தில், உங்கள் ராசிநாதன் குரு பகவான், லாப ஸ்தானத்தில் நீச்சம் பெற்று சஞ்சரிக்கிறார். அவரோடு உச்சம்பெற்ற செவ்வாயும் இணைந்துள்ளார். செவ்வாய், சூரியன் உச்சம் பெற்றும், புதன் நீச்சம் பெற்றும், சுக்ரன் சொந்த வீட்டில் பலம் பெற்றும் இந்த ஆண்டு தொடங்குகிறது. எல்லா வழிகளிலும் உங்களுக்கு நன்மை கிடைக்கும் ஆண்டாக இது அமையப்போகிறது.
ராகு-கேது பெயர்ச்சி
1.9.2020 அன்று உங்கள் ராசிக்கு 3-ம் இடத்திற்கு ராகுவும், 9-ம் இடத்திற்கு கேதுவும் பெயர்ச்சியாகிறார்கள். ராகுவால், சென்ற ஆண்டில் முடிவடையாத சில காரியங்கள் பெயர்ச்சிக்குப் பிறகு துரிதமாக நடைபெறும். எடுத்த காரியத்தை துணிச்சலோடு செய்து முடித்து, எல்லாக் காரியங்களிலும் வெற்றி காணப்போகிறீர்கள். அடிப்படை வசதிகள் பெருகும். ஆக்கப்பூர்வமாக சிந்திப்பீர்கள். கேதுவால், ஞானம் விருத்தியாகும். ஆற்றல் பெருகும். தந்தை வழியில் நன்மை கிடைக்கும்.
குருப்பெயர்ச்சி
15.11.2020 அன்று குரு பகவான், மகர ராசிக்கு பெயர்ச்சி யாகி செல்கிறார். அது குருவுக்கு நீச்ச வீடு. கேந்திராதிபத்ய தோஷம் பெற்ற கிரகம் நீச்சம் பெறும்போது, சில நல்ல பலன்களை அள்ளி வழங்கும். அதே நேரம் ஆரோக்கியத் தொல்லை அடிக்கடி வரலாம். தொழிலில் புதிய பணியாளர்களைச் சேர்க்க முன்வருவீர்கள். பொதுநலத்தில் உள்ளவர்களுக்கு இது ஒரு பொற்காலம். திட்டமிட்ட காரியங்களைத் திட்டமிட்டபடியே செய்து முடிப்பீர்கள். பூர்வீக சொத்துக்களில் இருந்த வில்லங்கள் விலகும்.
சனிப்பெயர்ச்சி
26.12.2020 அன்று வாக்கிய பஞ்சாங்கப்படி சனி பகவான், மகர ராசிக்கு பெயர்ச்சியாகிறார். எனவே லாப ஸ்தானம் பலம்பெறுகிறது. தொழிலில் லாபம் கிடைக்கும். பணம் பல வழிகளிலும் வந்து பையை நிரப்பும். மாற்றங்களும், ஏற்றங்களும் வந்து சேரப்போகிறது. அரசு வழி யிலும் நன்மை கிடைக்கும். நவநாகரிகப் பொருட்களை வாங்க நினைப்பீர்கள். சகோதரர்களின் திருமணத்தை முன் நின்று நடத்தி வைப்பீர்கள். கொடுத்த வாக்குறுதியைக் காப்பாற்றக் கொள்கைப் பிடிப்புடன் செயல்படு வீர்கள். சனிப்பெயர்ச்சிக்குப் பிறகு ஒவ்வொரு சனிக் கிழமையும் சனிபகவானை வழிபடுங்கள்.
குரு வக்ரமும், அதிசாரமும்
13.5.2020 முதல் 7.7.2020 வரை குருபகவான் அதிசாரமாகவும், வக்ரமாகவும் சஞ்சரிக்கிறார். 8.7.2020 முதல் 9.9.2020 வரை தனுசு ராசியில் குருவக்ர இயக்கத்தில் இருக்கின்றார். அதே நேரத்தில் சனியும் வக்ர கதியில் குருவோடு இணைந்து சஞ் சரிக்கிறார். மீண்டும் குருபகவான் 6.4.2021-ல் கும்ப ராசிக்கு அதிசாரத்தில் செல்கிறார். இதன் விளைவாக விரயங்கள் ஏற்படலாம். வீடு மாற்றங்களும், விருப்பமில்லாத இடத்திற்கு உத்தியோக மாற்றங்களும் ஏற்படும். பணத் தட்டுப்பாடு அதிகரிக்கும். பொதுவாழ்வில் இருப்பவர்களுக்கு பொறுப்புகளும் மாற்றப்படும். வீண்பழிகளுக்கும் ஆளாக நேரிடும்.
வழிபாடு
சஷ்டி திதியில் விரதமிருந்து முருகப்பெருமானை வழிபடுவதோடு, தென்முகக் கடவுளையும் வழிபட்டு வந்தால் நன்மைகள் உண்டாகும்.
சனிப்பெயர்ச்சி பலன்கள்
(பூரட்டாதி 4ம் பாதம் உத்திரட்டாதி, ரேவதி ஆகிய நட்சத்திரங்களில் பிறந்தவர்கள் மற்றும் தி, து, ஸ, ச, த, தே, தோ, ச, சி ஆகிய எழுத்துக்களை பெயரின் முதல் எழுத்தாக கொண்டவர்களுக்கும்.)
மீன ராசிக்காரர்களுக்கு தற்போதிருக்கும் பத்தாமிடத்தில் இருந்து மிகுந்த நன்மைகளைத் தருகின்ற 11-மிடத்திற்கு சனிபகவான் மாறுகிறார். இந்த சனிப் பெயர்ச்சியின் மூலம் மிகவும் மேன்மையான ஒரு காலகட்டத்திற்குள் மீனத்தினர் நுழைகிறீர்கள். சனிபகவான் ராசி மண்டலத்தை ஒருமுறை சுற்றி வருவதற்கு 30 ஆண்டுகள் எடுத்துக் கொள்கிறார். இதையே வேறுவிதமாக சொல்லப் போனால் 12 ராசிகளிலும் தலா இரண்டரை ஆண்டுகாலம் சனி இருப்பார். இந்த 30 ஆண்டுகால முழுச்சுற்றில் வெறும் மூன்று நிலைகளில் மட்டுமே சனி நன்மைகளைத் தரக் கடமைப்பட்டவர். அதாவது 3, 6, 11 ஆகிய இடங்களில் இருக்கும் போது மட்டுமே ஒரு மனிதனுக்கு சனிபகவான் நன்மைகளைச் செய்வார்.
அதிலும் லாபஸ்தானம் எனப்படும் 11-மிடம் சனிக்கு மிகுந்த நன்மை தரும் இடமாக நம்முடைய மூலநூல்களில் சொல்லப்பட்டு உயர்வானதாக கருதப்படுகிறது. 30 ஆண்டுகளுக்கு ஒருமுறை மட்டுமே வருகின்ற லாபஸ்தான, பதினொன்றாம் இடத்துச் சனி தற்போது மீனராசிக்கு வருவதால் இன்னும் மூன்றாண்டு காலத்திற்கு கோட்சார ரீதியில் மீனத்தினருக்கு நன்மைகளைத் தரக்கூடிய ஒரு மேன்மையான காலம் அமைய இருக்கிறது.
துல்லியமான கோட்சார பலன்கள் என்பது சனியை மட்டுமல்ல, ஒன்பது கிரகங்களின் நிலையையும் கணித்துச் சொல்லப்படுவது. அதன்படிதான் கிரக பலாபலன்களும் செயல்படும். அதன்படி பார்க்கப் போனால் 11-மிடத்து சனிக்கு நிகரான ஒரு நல்ல அமைப்பாக வருடக் கிரகங்களான ராகு-கேது, குரு போன்றவைகளும் மீனராசிக்கு நன்மை தரும் நிலையில் அடுத்து அமைய இருக்கின்றன.
கடந்த சில வாரங்களுக்கு முன் நடந்த குருப் பெயர்ச்சி மூலமாக உங்கள் ராசிநாதனான குரு ஆட்சி நிலையில் பத்தாமிடத்தில் இருக்கிறார். அடுத்த வருடம் அவரும் பதினொன்றுக்கு மாறி சனியுடன் இணைந்து சனியை சுபத்துவப்படுத்தி சனியை கூடுதல் நன்மைகளைத் தர வைப்பார். இது மீன ராசிக்கு நல்ல பண வரவை தரும் நிலை. இது அடுத்த வருடம் ஆரம்பிக்க இருக்கிறது.
இன்னொரு வருடக் கிரகமான ராகு தற்போது உங்கள் ராசிக்கு நான்காம் இடத்தில் இருக்கிறார். வரும் செப்டம்பர் முதல் அவரும் யோகம் தரக்கூடிய மூன்றாமிடத்திகு மாறி இந்த சனிப்பெயர்ச்சி காலம் முழுமைக்கும் மூன்றில் இருப்பார். ஆகவே வருடக் கிரகங்களான மூன்று கிரகங்களும் மீனத்திற்கு நன்மைகளைத் தரக்கூடிய அமைப்பில் இருப்பதால் வருகின்ற மூன்று ஆண்டு காலம் மீனத்தின் பொற்காலமாக இருக்கும். பிறந்த ஜாதக அமைப்பிலும் நன்மையான தசா,புக்திகள் நடந்து கொண்டிருந்தால் உங்களுடைய முழு வாழ்க்கைக்கும் தேவையான வசதிகளை இந்த மூன்று ஆண்டுகளில் அடையும் அளவிற்கு நன்மையான கிரக நிலைகள் தற்போது மீனத்திற்கு அமைந்துள்ளன.
சுருக்கமாகச் சொல்லப் போனால் மீன ராசிக்காரர்களுக்கு இனிய அனுபவங்களை கொண்ட பொற்காலம் ஆரம்பிக்க உள்ளது. அனைத்து மீனத்தினரும் இந்த நன்மை தரும் நிலைக்காக பரம்பொருளுக்கு நன்றி செலுத்துவீர்கள். இதுவரை உங்களுக்கு இருந்து வந்த கவலைகள் குழப்பங்கள், உடல்நலக் குறைவு, கடன் தொல்லை மற்றும் எதிர்மறை எண்ணங்கள், தொழில்தேக்கம், அதிர்ஷ்டக்குறைவு, தடைகள், தாமதங்கள் போன்ற அனைத்தும் இனித் தீரப் போகிறது.
இளைய பருவத்தினருக்கு உடலிலும் மனதிலும் புதுத் தெம்பு பிறக்கும். எங்கும் எதிலும் உற்சாகமாக இருப்பீர்கள். நினைத்த காரியங்கள் நினைத்தபடியே நிறைவேறும். எந்த ஒரு செயலையும் உடனுக்கு உடன் நிறைவேற்ற முடியும். வாக்குப் பலிதம் ஏற்படும். இதுவரை நடக்காமல் இருந்த நல்ல விஷயங்கள், தாமதமாகிப் போனவைகள் அனைத்தும் நல்லபடியாக நடந்து உங்களுக்கு மகிழ்ச்சியையும், வருமானத்தையும், புகழையும் தரும். உங்களுடைய சிந்தனை, செயல்திறன் கூடும், முகத்தில் பொலிவு வரும்.
இதுவரை பணவிஷயத்தில் புரட்ட முடியாமல் கஷ்டப்பட்டுக் கொண்டிருந்தவர்கள் இனிமேல் சிறிதளவு முயற்சி, பெரிதளவு அதிர்ஷ்டம், அதனால் நல்ல மேம்பாடான நிலை ஆகியவற்றை காண்பீர்கள். தன்னம்பிக்கை மனதில் குடி கொள்ளும். கௌரவம், அந்தஸ்து கூடும்படியான சம்பவங்கள் நடக்கும். பணப் புழக்கம் அதிகரித்து உங்களுடைய சொல்லை அனைவரும் கேட்கும் நிலை உருவாகும்.
அலுவலகத்தில் பதவி உயர்வு கிடைக்கப் பெறுவீர்கள். சம்பள உயர்வு கிடைக்கும். போட்டி பந்தயங்கள் கை கொடுக்கும். தொழில் ஆரம்பிக்க உகந்த நேரம் இது. சுய தொழில் செய்வோருக்கு எடுக்கும் முயற்சிகள் கை கொடுக்கும். தொழிலில் இருந்த முட்டுக்கட்டைகளும் அதிருப்தியான நிலைமையும் மாறி தொழில் சூடு பிடிக்கும். வேலை செய்பவர்களும் பங்குதாரர்களும் உதவிகரமாக இருப்பார்கள். தொழில் முன்னேற்றம் மற்றும் விரிவாக்கத்திற்கான அனைத்தையும் தற்போது நல்ல விதமாகச் செய்ய முடியும்.
வியாபாரிகளுக்கு இது லாபங்கள் வரக்கூடிய ஒரு காலகட்டமாக அமையும். எல்லாவிதமான வியாபாரமும் கை கொடுக்கும். கிளைகள் திறக்கலாம். புதிய டீலர்ஷிப் எடுக்கலாம். வருமானம் சிறப்பாக இருக்கும். தொழிலில் பங்குதாரர்களை சேர்த்துக் கொள்வதற்கு நல்ல நேரம் இது. அவர்கள் மூலம் முன்னேற்றங்கள் இருக்கும்.
சில தொழில் முனைவோர்களுக்கு நல்ல சந்தர்ப்பங்கள் கிடைத்து அமோகமான வெற்றியைப் பெற்று பணக்காரர்கள் ஆவதற்கு தற்போது வாய்ப்பு இருக்கிறது. விடாமுயற்சியுடன் எதையும் செய்வதன் மூலம் கடவுள்அருள் உங்கள் பக்கம் இருக்கும் என்பது நிச்சயம். பொதுவாழ்வில் இருப்பவருக்கு பொறுப்பான பதவி கிடைக்கும். மக்கள் மத்தியில் அந்தஸ்தும் கௌரவமும் கிடைப்பதோடு வருமானத்திற்கும் வழி பிறக்கும்.
அரசு வேலை எதிர்பார்த்துக் காத்திருப்பவர்களுக்கு வேலை உண்டு. ஐ.ஏ.எஸ், குரூப்ஒன் போன்ற பதவிகளுக்கு நல்லமுறையில் தேர்வுகளை எழுத முடியும். ஏற்கனவே தேர்வுகளை எழுதி முடிவுகளை எதிர்பார்த்துக் காத்துக் கொண்டிருப்பவர்களுக்கு நல்ல செய்திகள் கிடைக்கும்.
திருமணமாகாத இளைய பருவத்தினருக்கு திருமண காலம் கூடி வந்து விட்டது. காதலித்துக் கொண்டிருந்தவர்களுக்கு பெற்றோர் சம்மதம் கிடைக்கும். ஒரு சிலர் புதிதாக காதலிக்க ஆரம்பித்து தங்களின் வாழ்க்கைத் துணைவரை அடையாளம் காண்பீர்கள். குழந்தை பாக்கியம் இல்லாதவர்களுக்கு குழந்தை பிறக்கும். மகன் மகள் விஷயத்தில் இதுவரை இருந்துவந்த மனக்கவலைகள் இனிமேல் இருக்காது.
சொந்த வீடு கட்டுவதற்கு இருந்த தடைகள் விலகும். வீடு கட்ட ஆரம்பித்து பாதியில் நிறுத்தி இருந்தவர்கள் வேலையை முடித்து கிரகப் பிரவேசம் செய்வீர்கள். சிலருக்கு கட்டிய வீடோ, காலிமனையோ வாங்குவதற்கு சந்தர்ப்பம் வரும். புதிதாக வாகனம் வாங்குவீர்கள். குடும்பத்தில் சொத்து சேர்க்கை மற்றும் நகை சேர்க்கை இருக்கும்.
கணவன் மனைவி உறவு சந்தோஷமாக இருக்கும். குடும்பத்தில் மகிழ்ச்சியும், சுபிட்சமும் இருக்கும். மனைவிக்கு நகை வாங்கி கழுத்தில் போட்டு அழகு பார்க்க முடியும். குழந்தைகளின் எதிர் காலத்துக்கு முதலீடு செய்ய முடியும். பிள்ளைகள் விரும்பிய பள்ளி, கல்லூரிகளில் அவர்களை சேர்க்க முடியும்.
கடன் தொல்லையால் அவதிப்பட்டவர்களுக்கு கடனை தீர்க்கக் கூடிய அமைப்புக்கள் உருவாகும். இனிமேல் கடன்கள் கஷ்டங்களைத் தராது. உடல்நலம் சரியில்லாமல் இருந்தவர்கள் ஆரோக்கியம் திரும்பக் கிடைக்கப் பெறுவீர்கள். பிரிந்திருந்த கணவன் மனைவியர் ஒன்று சேருவீர்கள். விவாகரத்து வரை போன தம்பதிகள் சமரசமாகி திரும்ப இணைவீர்கள். முதல் வாழ்க்கை கோணலாகிப் போனவர்களுக்கு இரண்டாவது வாழ்க்கை நல்லபடியாக அமையும்.
மீன ராசிப் பெண்களுக்கு இந்த சனிப்பெயர்ச்சி மேன்மைகளை அளிக்கும். வேலை செய்யும் இடங்களில் இருந்து வந்த மனக் கசப்புகள் தீர்ந்து உங்களுடைய மேலாண்மை நிலை நாட்டப்படும். குடும்பத்தில் உங்களுடைய ஆலோசனைகளை ஏற்காமல் தவிர்த்து அதனால் பிரச்னைகளில் சிக்கித் தவித்தவர்கள் இனிமேல் உங்களின் அருமை பெருமைகளை உணர்ந்து உங்களின் சொல்லைக் கேட்பார்கள்.
குலதெய்வ வழிபாடு செய்ய முடியும். இதுவரை குலதெய்வம் எதுவென்று தெரியாதவர்களுக்கு இறையருளால் இவர்தான் தெய்வம் என்று தெரிய வரும். ஆன்மீக நாட்டம் அதிகமாகும். அறப்பணிகளில் ஈடுபாடு காட்டுவீர்கள். ஆலயத் திருப்பணிகளில் பங்கேற்கும் பாக்கியம் கிடைக்கும். இதுவரை தரிசிக்காத புனிதத் தலங்களுக்கு சென்று திரும்புவீர்கள்.
சிலர் வெளிநாடு செல்வீர்கள். இஸ்லாமியர்களுக்கு புனித ஹஜ் பயணம் செல்லும் வாய்ப்பை இறைவன் அருளுவார். சகோதர வழியில் உதவிகளும் நன்மைகளும் இருக்கும். சகோதர சகோதரிகள் உங்களிடம் காரியம் சாதித்து கொள்வார்கள். இதுவரை இருந்த வீண் செலவுகளும் விரயங்களும் தவிர்க்கப்பட்டு சேமிப்பு கண்டிப்பாக இருக்கும். குறிப்பிடத்தக்க அளவில் பணவரவும் லாபங்களும் இருக்கும் என்பதால் நல்லவகையில் முதலீடு செய்யமுடியும். பங்குச் சந்தை யூக வணிகம் போன்ற துறைகளில் லாபம் கிடைக்கும்.
மீன ராசிக்கு இந்த சனிப்பெயர்ச்சி மட்டுமின்றி, அடுத்துவரும் பெயர்ச்சிகளும் சாதகமாக இருப்பதால் பரம்பொருள் தரும் இந்த சந்தர்ப்பத்தை நல்ல விதமாக பயன்படுத்திக் கொள்வீர்கள் என்பது உறுதி.
பரிகாரங்கள்:
மீனத்திற்கு பரிகாரங்கள் எதுவும் தேவையில்லை. வீட்டிலிருந்து கிளம்பும் போது சுவாமியின் திருவுருவப் படத்தின் முன்பு நின்று “இன்று எவருக்கும் என்னால் எவ்வித தீங்கும் வர விடாமல் செய்க பெருமானே” என்று வேண்டி அதன்படி நடப்பது மட்டுமே சிறந்த பரிகாரம்.
ஜோதிடக்கலை அரசு ஆதித்யகுருஜி
(செல்: 8870 99 8888)
குருப்பெயர்ச்சி பலன்கள்
15-11-2020 முதல் 13-11-2021 வரை
பதினோராம் இடத்தில் குரு பகவான், பார்க்கும் தொழிலில் லாபம் உண்டு!
மீன ராசி நேயர்களே!
இதுவரை உங்கள் ராசிக்கு 10-ம் இடத்தில் சஞ்சரித்து வந்த குரு பகவான், 15.11.2020 அன்று 11-ம் இடமான லாப ஸ்தானத்திற்கு வருகின்றார். எனவே தொழில் முன்னேற்றம் அதிகரிக்கும். லாபம் எதிர்பார்த்ததைப் போல வந்துசேரும். புதிய தொழில் தொடங்கும் திட்டங்களும் ஒருசிலருக்கு நிறைவேறும். உடல்நலம் சீராகி உற்சாகப்படுத்தும். சொத்துக்களில் இருந்த வில்லங்கங்கள் விலகும். உடன்பிறந்தவர்களோடு நல்லுறவு ஏற்படும். உத்தியோகத்தில் உள்ளவர்கள் அதிலிருந்தபடியே தனித்து தொழில் செய்யும் முயற்சியில் ஆர்வம் காட்டுவர். அதிகார வர்க்கத்தினர்களின் ஆதரவோடு புதிய முயற்சிகளிலும் வெற்றி கிடைக்கும். வீட்டிற்குத் தேவையான ஆடம்பரப் பொருட்களை வாங்குவதில் அக்கறை காட்டுவீர்கள். வெளிநாட்டில் வாழும் உறவினர்கள் மூலம் அனுகூலத் தகவல் வரலாம்.
குருவின் பார்வை பலன்
இந்தக் குருப்பெயர்ச்சியின் விளைவாக, உங்கள் ராசிக்கு 3, 5, 7 ஆகிய இடங்களை குரு பகவான் பார்க்கின்றார். குருவின் பார்வை உங்கள் ராசிக்கு 3-ம் இடத்தில் பதிவதால் தைரிய ஸ்தானம் புனிதமடைகின்றது. துணிந்து சில முடிவுகளை எடுத்து உறவினர்களை ஆச்சரியப்படுத்துவீர்கள். வழக்குகள் சாதகமாக முடியும். அடகுவைத்த தங்க நகைகளை மீட்டுக்கொண்டு வருவீர் கள். தொழிலை விரிவு செய்யும் முயற்சி பலன்தரும். நீண்ட நாட்களாக விலகியிருந்த உடன்பிறப்புகள் மீண்டும் ஒன்று சேர்வார்கள். அதன்மூலம் பாகப்பிரிவினையை சுமுகமாக முடித்துக்கொள்ள வழிபிறக்கும்.
குருவின் பார்வை 5-ம் இடத்தில் பதிவதால் பூர்வ புண்ணிய ஸ்தானம் பலம்பெறுகிறது. எனவே பூர்வ புண்ணியத்தின் பலனாக உங்களுக்கு கிடைக்க வேண்டிய யோகங்கள் அனைத்தும் வரப்போகின்றது. சண்டை போட்ட உறவினர்கள் சமாதானம் அடைவர். நீடித்த நோய் அகலும். தாய்வழி அனுகூலமும், ஆதரவும் கிடைக்கும். பிள்ளைகளின் மேற்படிப்பு சம்பந்தமாகவோ, கல்யாணம் சம்பந்தமாகவோ எடுக்கும் முயற்சிகள் பலன் தரும் நேரமிது.
குருவின் பார்வை 7-ம் இடத்தில் பதிவதால் களத்திர ஸ்தானம் புனிதமடைகின்றது. இல்லற வாழ்க்கை இனிமையாக அமையும். தம்பதியர்களுக்குள் ஏற்பட்ட பிணக்குகள் அகன்று இணக்கம் ஏற்படும். வாழ்க்கைத் துணைக்கு படிப்புக்கேற்ற வேலை கிடைத்து உதிரி வருமானங்கள் வந்து சேரும். தொழில் வளர்ச்சி சிறப்பாகவே இருக்கும். சுயதொழில் தொடங்கும் முயற்சியில் ஈடுபட்டிருப்பவர்களுக்கு அது கைகூடும். வெளிநாட்டிலிருந்து அனுகூலத் தகவல் கிடைக்கும். தொழிலில் பழைய பங்குதாரர்கள் வந்திணைந்து பொருளாதார வளர்ச்சிக்கு உறுதுணையாக இருப்பர். உத்தியோகத்தில் உள்ளவர்களுக்கு பணி நிரந்தரம் பற்றிய தகவல்கள் கிடைக்கும்.
நட்சத்திரப் பாதசாரப் பலன்கள்
உத்ராடம் நட்சத்திரக்காலில் சூரியன் சாரத்தில் குரு சஞ்சாரம் (15.11.2020 முதல் 4.1.2021 வரை)
உங்கள் ராசிக்கு 6-ம் இடத்திற்கு அதிபதியானவர் சூரியன். அவரது சாரத்தில் குரு சஞ்சரிக்கும் பொழுது, கொஞ்சம் விழிப்புணர்ச்சியோடு செயல்பட வேண்டும். விரயங்கள் அதிகரிக்கும். முடிவிற்கு வந்த பிரச்சினைகள் கூட மீண்டும் தலைதூக்கலாம். தொழில் ரீதியாக பெரும் தொகையைக் கடன் வாங்க வேண்டிய நிர்ப்பந்தங்கள் வரலாம். குடும்பத்தில் ஒருவர் மாற்றி ஒருவருக்கு மருத்துவச் செலவுகள் ஏற்படலாம். உத்தியோகத்தில் மேலதிகாரிகள் உங்கள் திறமையைக் கண்டுகொள்ள மாட்டார்கள். அதிரடியாக இடமாற்றங்கள் வரலாம். அருகில் இருப்பவர்களிடம் உங்கள் முன்னேற்றத்தை முன்கூட்டியே சொல்வதன் மூலம் காரியங்களில் தாமதம் ஏற்படும். மறைமுக எதிர்ப்புகள் உண்டு.
திருவோணம் நட்சத்திரக்காலில் சந்திரன் சாரத்தில் குரு சஞ்சாரம் (5.1.2021 முதல் 1.3.2021 வரை)
உங்கள் ராசிக்கு 5-ம் இடத்திற்கு அதிபதியானவர், சந்திரன். பூர்வ புண்ணிய ஸ்தானத்திற்கு அதிபதியான சந்திரன் சாரத்தில் குரு சஞ்சரிக்கும் பொழுது, தொட்டது துலங்கும். தொல்லைகள் அகலும். உற்றார், உறவினர்கள் உங்கள் முன்னேற்றம் கண்டு வியப்பர். பாகப்பிரிவினைகள் சுமுகமாக முடிந்து பூர்வீக சொத்துக்களை முறையாகப் பெற்றாலும், அவற்றில் ஒரு பகுதியைக் கொடுத்துவிட்டுப் புதிய சொத்துக்கள் வாங்குவதில் ஆர்வம் காட்டுவீர்கள். தொழில் வியாபாரத்தில் எதிர்பார்த்த லாபம் கிடைக்கும். உத்தியோகத்தில் உள்ளவர்களுக்கு தடைப்பட்ட பதவிகள் தானாக வந்துசேரும். உயர் அதிகாரிகளின் கெடுபிடி குறையும். உங்கள் திறமையைக் கண்டு சகப் பணியாளர்கள் வியப்பர். வீடு, வாகனம் வாங்கும் முயற்சி கைகூடும். பொதுவாழ்வில் இருப்பவர்களுக்கு எதிர்பார்த்த பதவிகள் கிடைக்கும்.
அவிட்டம் நட்சத்திரக்காலில் செவ்வாய் சாரத்தில் குரு சஞ்சாரம் (2.3.2021 முதல் 4.4.2021 வரை, மீண்டும் 14.9.2021 முதல் 13.11.2021 வரை)
உங்கள் ராசிக்கு 2, 9 ஆகிய இடங்களுக்கு அதிபதியானவர் செவ்வாய். அவரது சாரத்தில் குரு சஞ்சரிக்கும் பொழுது, அற்புதமான பலன்கள் வந்து சேரும். இக்காலத்தை ஒரு பொற்காலமாகக் கருதலாம். பணம் பலவழிகளிலும் வந்து பையை நிரப்பும். தொழில் முன்னேற்றம் அதிகரிக்கும். புதிய ஒப்பந்தங்கள் அடுக்கடுக்காக வரலாம். என்றைக்கோ மலிவு விலையில் வாங்கிப்போட்ட சொத்துக்கள் இப்பொழுது விலை உயரும். அதை விற்பனை செய்து வந்த தொகையை மேலும் முதலீடு செய்ய முன்வருவீர்கள். ஆரோக்கியம் சீராவதோடு அன்றாடப் பணிகளையும் சுறுசுறுப்பாகச் செய்து முடிப்பீர்கள். வியாபாரம் சூடுபிடிக்கும். விவசாயம், கால்நடை வளர்ப்பில் ஆர்வம் காட்டுவீர்கள். குடும்பத்தினரின் தேவைகளைப் பூர்த்தி செய்வீர்கள். உத்தியோகத்தில் உள்ளவர்களுக்கு உயர்பதவிகள் கிடைப்பதற்கான வாய்ப்பு உண்டு. உங்கள் தகுதிக்கேற்ற நல்ல வேலை கிடைக்கலாம்.
அவிட்டம் மற்றும் சதயம் நட்சத்திரக்காலில்செவ்வாய், மற்றும் ராகு சாரத்தில் குரு சஞ்சாரம்(5.4.2021 முதல் 13.9.2021 வரை)
இக்காலத்தில் கும்ப ராசியில் குரு சஞ்சரிக்கின்றார். அப்பொழுது அவரது பார்வை 4, 6, 8 ஆகிய இடங்களில் பதிகின்றது. அப்பொழுது சுகங்களும், சந்தோஷங்களும் அதிகரிக்கும். இருப்பினும் செலவுகள் கொஞ்சம் கூடுதலாகவே இருக்கும். சில நேரங்களில் வீண் விரயங்களையும் சந்திப்பீர்கள். அலைச்சலுக்கேற்ற ஆதாயம் கிடைக்காது. வெளிநாட்டுத் தொடர்பால் எதிர்பார்த்த நல்ல தகவல் உண்டு. இருப்பினும் 12-ம் இடத்தில் குரு சஞ்சரிப்பதால் இனம்புரியாத கவலை மேலோங்கும். எதையும் தீர்மானமாக செய்ய இயலாது. திட்டமிட்ட காரியங்களை திடீர், திடீரென மாற்ற நேரிடும். உத்தியோகத்தில் சகப் பணியாளர்களை அனுசரித்துச் செல்வது நல்லது. நீண்ட தூரத்திற்கான இடமாறுதல்கள் ஒரு சிலருக்கு கிடைக்கும். போட்டிகளுக்கு மத்தியில் முன்னேற்றம் கிடைக்கும் நேரமிது.
குருவின் வக்ர இயக்கம்
16.6.2021 முதல் 13.10.2021 வரை குரு வக்ர இயக்கத்தில் இருக்கின்றார். மகரம், கும்பம் ஆகிய இரண்டு ராசிகளிலும் வக்ரம் பெறுகின்றார். உங்கள் ராசிநாதனாக விளங்கும் குரு வக்ரம் பெறுவதால், இக்காலத்தில் ஆரோக்கியத்தில் குறைபாடுகள் வரலாம். உடலில் சிறு தொல்லை வந்தாலும் உடனடியாக மருத்துவ ஆலோசனை பெறுவதே நல்லது. அக்கம், பக்கத்தில் உள்ளவர்களை அனுசரித்துக் கொண்டால்தான் ஆதாயம் கிடைக்கும். குடும்ப ரகசியங்களையும், தொழில் வளர்ச்சியையும் மூன்றாம் நபரிடம் சொல்ல வேண்டாம். அதே நேரத்தில் கேந்திராதிபத்ய தோஷம் பெற்ற கிரகம் குரு என்பதால், ஒருசில நன்மைகளையும் குரு பகவான் செய்வார். பெற்றோர் வழி ஆதரவு உண்டு. உத்தியோகத்தில் புதிய பொறுப்புகள் வந்து சேரும்.
ராகுகேது பெயர்ச்சி பலன்கள்
மீன ராசிக்காரர்களுக்கு தற்போது நான்கு, பத்தாமிடங்களில் இருக்கும் ராகு-கேதுக்கள் மிகவும் நற்பலன்களை தரக்கூடிய மூன்று, ஒன்பதாம் இடங்களுக்கு மாற இருக்கிறார்கள். இந்த ராகு-கேதுப் பெயர்ச்சியினால் மிகவும் நல்ல பலன்களை அடையப் போகும் ராசிகளில் மீன ராசியும் ஒன்று.
கடந்த காலங்களில் வீடு, வாகனம், உயர்கல்வி, தாயார் நலம், தன் சுகம் ஆகிய பலன்களை காட்டக் கூடிய நான்காமிடத்தில் இருள் கிரகமான ராகு அமர்ந்திருந்ததால் கடந்த ஒன்றரை ஆண்டுகாலமாக மேற்கண்ட விஷயங்களில் மீன ராசிக்காரர்களுக்கு நல்ல பலன்கள் எதுவும் நடைபெற வில்லை.
குறிப்பாக வசதி இல்லாத வீட்டில் இருந்து வந்த நிலைமை, சொந்த வீட்டுக் கனவு இழுத்துக் கொண்டே போகுதல், தாயார் வழி விஷயங்களில் தடைகளும், தாமதங்களும், அம்மா சம்பந்தபட்ட விஷயங்களில் எதிர்மறை பலன்கள், மாணவர்களுக்கு படிப்பில் ஆர்வமின்மை, உயர்கல்வி கற்க தடை, நடுத்தர வயதில் இருப்பவர்களுக்கு ஆரோக்கிய குறை ஆகியவை நான்காமிடத்தில் இருந்து வந்த ராகுவால் நடந்து கொண்டிருந்தன.
மேற்கண்ட சாதகமற்ற பலன்கள் அனைத்தும் இன்னும் சில வாரங்களில் நடக்க இருக்கும் ராகு-கேது பெயர்ச்சியின் மூலம் மாறுதல் அடைந்து அனைத்திலும் இருக்கும் தடைகள் உங்களுக்கு நீங்கும். குறிப்பாக தன்னுடைய 18 ஆண்டுகால ஒரு முழுச் சுற்றில் ராகு-கேதுக்கள் மூன்று, ஆறு, பதினொன்றாம் இடங்களில் மட்டுமே நற்பலன்களை தருவார்கள் என்று நமது மூல நூல்களில் சொல்லப்பட்டு இருக்கின்றன. அதாவது தன்னுடைய சுற்றுப் பாதையில் வெறும் நான்கரை ஆண்டு காலம் மட்டுமே ஒரு மனிதனுக்கு நன்மைகளை தரக்கூடிய விதத்தில் ராகு-கேதுக்கள் அமர்வார்கள். அதில் மிக முக்கியமான ஒரு அமைப்பு மூன்றாமிடமாகும்.
எனவே 18 ஆண்டுகளுக்கு மட்டுமே வரக் கூடிய மூன்றாமிட ராகு தற்போது மீன ராசிக்காரர்களுக்கு அமைந்திருப்பதால் இது ஒரு சிறப்பான ஒரு நற்பலன்களை தரக் கூடிய பெயர்ச்சியாகவே உங்களுக்கு இருக்கும். இன்னும் ஒரு கூடுதல் நன்மையாக தற்போது மாற இருக்கும் ரிஷப வீடு, ராகுவிற்கு மிகவும் பிடித்த வீடு என்பதாலும் இம்முறை மீனத்திற்கு நற்பலன்கள் நன்றாகவே இருக்கும்.
அடுத்து ஒன்பதாமிடத்திற்கு மாற இருக்கும் கேது அவர் மாறப்போகும் விருச்சிக வீடு உங்கள் ராசிநாதன் குருவிற்கு நட்பு வீடு என்பதால், சிலருக்கு ஆன்மிக எண்ணங்களை கூடுதலாக தருவார். கேது நல்ல அமைப்பில் இருக்கும் போது ஒரு மனிதனுக்கு ஆன்மிக அனுபவங்கள் தூக்கலாக இருக்கும் எனும் விதிப்படி. தற்போது மாற இருக்கும் கேதுவின் அமைப்பினால் உங்களுக்கு நல்ல ஆன்மிக அனுபங்கள் ஏற்படும்.
பாக்கிய ஸ்தானத்திற்கு வரப் போகும் கேதுவால் இதுவரை கிடைக்காத சில பாக்கியங்கள் உங்களுக்கு இப்போது கிடைக்கும். அவரவர்களின் வயதிற்கேற்ப அந்த வயதிற்குரிய நல்ல அமைப்புகள் இப்போது நிறைவேறும். எதுவும் கிடைக்க இருந்து வந்த தடைகள் விலகும்.
ராகு-கேது பெயர்ச்சியை அடுத்து சில வாரங்களில் நடக்கப் போகும் குருப் பெயர்ச்சியின் மூலம் உங்கள் ராசிநாதன் குரு லாபஸ்தானத்திற்கு மாற இருக்கும் நிலையில் ராகு-கேதுக்கள் முயற்சி மற்றும் தைரிய ஸ்தானம் எனப்படும் மூன்றாமிடத்தில் வருவது உங்களுக்கு சாதகமான அமைப்பு.
இதன் மூலம் உங்களுடைய சிந்தனை தெளிவாகும். திட்டமிடல் நன்றாக இருக்கும். எந்த ஒரு பிரச்னையையும் தீர்க்கமுடன் யோசித்து சமாளிக்கும் தைரியம் உண்டாகும். எனவே எப்படிப் பார்த்தாலும் இம்முறை நடக்க இருக்கும் ராகு கேதுப் பெயர்ச்சி உங்களுக்கு ஒரு நல்ல மாற்றத்தை தரும் என்பது உறுதி’
ராகு, கேது பெயர்ச்சியும், குருப் பெயர்ச்சியும்தான் உங்களை சந்தோஷப்படுத்தப் போகிறது என்றால் ஏற்கனவே கோட்சாரத்தில் முக்கிய கிரகமான சனி லாப ஸ்தானம் எனப்படும் பதினொன்றாமிடத்தில் இருக்கிறார். எனவே எந்த வகையில் பார்த்தாலும் இன்னும் மூன்று வருடங்களுக்கு கோட்சார ரீதியில் மீனத்திற்கு மிகுந்த சாதகமான பலன்கள் நடக்க இருக்கின்றன.
அதேநேரத்தில் கோட்சார பலன்கள் என்பவை பொதுவானவைதான். ஒரு மனிதனுக்கு நடக்க இருக்கும் நல்ல கெட்ட சம்பவங்களையும், நன்மை தீமைகளையும் உறுதியாகச் சொல்பவை அவனது பிறந்த ஜாதக அமைப்புப்படி நடக்க இருக்கும் தசாபுக்தி அமைப்புகள்தான். தசாபுக்தி பலன்களும், இப்போது நீங்கள் படித்துக் கொண்டிருக்கும் கோட்சார பலன்களும் சரியான விதத்தில் நன்மையாக ஒன்று சேரும் போது ஒரு மனிதன் சந்தோஷ வாழ்வின் உச்சத்திற்கு செல்ல முடியும்.
பரிகாரங்கள்:
வேலூர் வாலாஜாபேட்டையில் மகான் கயிலை ஞானகுரு ஸ்ரீலஸ்ரீ முரளிதர சுவாமிகளால் ஒரே கல்லில் ஸ்தாபிக்கப்பட்ட ராகு கேதுக்களை வணங்கி முறையான பரிகாரங்களைச் செய்யுங்கள். மேலும் அன்னை மீனாட்சியின் தவப்புதல்வர் ஸ்ரீஸ்ரீஸ்ரீ குழந்தையானந்த சுவாமிகளின் அருள் பொழியும் திருமுகத்தை தரிசியுங்கள். அனைத்து பிரச்னைகளும் பஞ்சாய் பறந்து போகும்.
ஜோதிடக்கலை அரசு ஆதித்யகுருஜி
(செல்: 8870 99 8888)
