18.10.21 முதல் 24.10.21 வரை

ராசியில் நிற்கும் லாபாதிபதி சூரியனுக்கு சனி பார்வை இருப்பதால் வியாபாரிகள் தொழிலில் புதிய அணுகுமுறையை கடைபிடிக்க வேண்டும். தீபாவளி போன்ற பண்டிகை காலங்களில் சீசன் வியாபாரம் செய்பவர்கள் போட்டி வியாபாரிகளை சமாளிக்க வேண்டிய நேரம். தொழில் அதிபர்கள் மிக கவனமாக தொழிலாளர் பிரச்சனையை கையாள வேண்டும். தொழிலாளி, முதலாளி பேதம் வராமல் எச்சரிக்கையுடன் செயல்பட வேண்டும். அரசு ஊழியர்கள் மேலதிகாரியின் நன்மையையும் பாராட்டையும் பெறுவார்கள்.

ராசி அதிபதி சுக்கிரன் கேதுவுடன் சேர்ந்து இருப்பதால் திருமணம் ஆகாத பெண்களுக்கு நல்ல வரன் வந்து சேரும். இளைஞர்களுக்கு தகுதிக்கேற்ப நல்ல வேலை கிடைக்கும். வீட்டிற்கு அடங்காத பிள்ளையாக இருந்த பிள்ளைகளின்

நடவடிக்கை மன நிம்மதி தரும். பெண்களுக்கு கணவரின் தீபாவளி அன்பளிப்பால் குதுகுலம் நிரம்பும். 23.10. 2021 அன்று 1.38 ணீனீக்கு சந்திராஷ்டம் ஆரம்பிப்பத்தால் அதீத கோபம், மனத் தடுமாற்றம் பணிகளில் இழுபறி நிலவும் என்பதால் கவனம் தேவை.

பிரசன்ன ஜோதிடர்
ஐ.ஆனந்தி
9865220406

ஐப்பசி மாத ராசி பலன்கள் (18.10.2021 முதல் 16.11.2021 வரை)

அர்த்தாஷ்டமச் சனியின் ஆதிக்கத்தால் ஆரோக்கியத் தொல்லை ஏற்படும். வீடு மாற்றங்கள் திருப்தி அளிக்காது. கணவன் - மனைவிக்குள் விட்டுக் கொடுத்துச் செல்லுங்கள். ஆடம்பரச் செலவுகள் அதிகரிக்கும். பிள்ளைகளை உங்கள் மேற்பார்வையில் வைத்துக் கொள்ளுங்கள். பணிபுரியும் பெண்களுக்கு, சகப் பணியாளர்களால் தொல்லைகள் ஏற்படலாம். ‘பணியை வேறு இடத்திற்கு மாற்ற லாமா?’ என்ற சிந்தனை மேலோங்கும்.

எதிர்கால முன்னேற்றத்தைப் பற்றியே எப்பொழுதும் சிந்திக்கும் துலாம் ராசி நேயர்களே!

ஐப்பசி மாதக் கிரக நிலைகளை ஆராய்ந்து பார்க்கும் பொழுது, உங்கள் ராசிநாதன் சுக்ரன் தன ஸ்தானத்தில் சஞ்சரிக்கிறார். அவரோடு கேது இணைந்திருக்கிறார். சூரியன் உங்கள் ராசியிலேயே இருக்கிறார். அர்த்தாஷ்டமச் சனி மற்றும் அா்த்தாஷ்டம குரு ஆதிக்கம் இருப்பதால் ஆரோக்கியத்தில் கவனம் தேவை.

துலாம் - செவ்வாய் சஞ்சாரம்

ஐப்பசி 6-ந் தேதி, துலாம் ராசிக்கு செவ்வாய் செல்கிறார். உங்கள் ராசிக்கு தனாதிபதியான செவ்வாய் வரும்பொழுது, தனவரவு தாராளமாகும். தேங்கிய காரியங்கள் சுறுசுறுப்பாக நடைபெறும். உங்கள் ராசிக்கு 2, 7-க்கு அதிபதியான செவ்வாயால், திருமணம் போன்ற சுபகாரியங்கள் நடைபெறும். அஷ்டமத்தில் ராகு இருப்பதால், எந்த ஒரு முடிவையும் சுய ஜாதகத்தை ஆராய்ந்து எடுங்கள்.

சனி - செவ்வாய் பார்வை

ஐப்பசி 7-ந் தேதி முதல், உங்கள் ராசியில் உள்ள செவ்வாயை, மகரத்தில் உள்ள சனி பார்க்கப் போகிறார். அதே நேரத்தில் செவ்வாயின் பார்வையும் சனி மீது பதிகிறது. இந்தப் பகைக் கிரகங்களின் பார்வை நல்லதல்ல. உங்கள் ராசியில் இந்த நிகழ்வு நடப்பதால் மிகவும் கவனமாக இருக்க வேண்டும். ஆரோக்கிய தொல்லை ஏற்படும். இந்த காலகட்டத்தில் நிதானத்தோடும், அமைதியோடும் செயல்பட வேண்டும்.

பொன்னான புதன் பெயர்ச்சி

ஐப்பசி 13-ந் தேதி, துலாம் ராசிக்கு புதன் செல்கிறார். விரயாதிபதி புதன் உங்கள் ராசிக்கு வரும்பொழுது, விரயங்கள் கூடும். நினைத்ததை நினைத்த நேரத்தில் செய்ய இயலாது. நீண்ட காலத்திற்கு முன்பு வந்த நோய் மீண்டும் தலைதூக்கும். வெளிநாட்டில் இருந்து சொந்த ஊர் திரும்ப வழிபிறக்கும்.

தனுசு - சுக்ரன் சஞ்சாரம்

ஐப்பசி 14-ந் தேதி, தனுசு ராசிக்கு சுக்ரன் செல்கிறார். உங்கள் ராசிநாதன் சகாய ஸ்தானத்திற்குச் செல்லும் இந்த நேரம், நல்ல வாய்ப்புகள் இல்லம் தேடிவரும். தடைபட்ட காரியங்கள் துரிதமாக நடைபெறும். சுக்ரன் அஷ்டமாதிபதியாக விளங்குவதால் இழப்புகளை ஈடுசெய்ய புதிய வாய்ப்புகள் வரலாம். பாகப்பிரிவினை நல்ல முடிவிற்கு வரும். எதிர்கால நலன் குறித்து முக்கிய முடிவெடுப்பீர்கள்.

கும்ப - குரு சஞ்சாரம்

ஐப்பசி 27-ந் தேதி, குரு பகவான் கும்ப ராசிக்கு பெயர்ச்சியாகிறார். அவரது பார்வை உங்கள் ராசியில் பதிகின்றது. இதனால் ஆரோக்கியம் சீராகி ஆனந்தப்படுத்தும். ஆதாயம் தரும் தகவல்கள் வந்துசேரும். பொருளாதாரப் பற்றாக்குறை அகலும். புனிதப் பயணங்கள் ஏற்படும். தொழில் முன்னேற்றங்கள் உண்டு.

இம்மாதம் வெள்ளிக்கிழமைகளில் அம்பாளை வழிபடுங்கள்.

பணத்தேவையைப் பூர்த்தி செய்யும் நாட்கள்:- அக்டோபர்: 26, 27, 31, நவம்பா்: 6, 7, 8, 11, 12 மகிழ்ச்சி தரும் வண்ணம்:- நீலம்.

துலாம் ராசிக்காரர்களுக்கு பிறக்க இருக்கும் புத்தாண்டான 2021-ம் வருடம் வேலை தொழில் வியாபாரம் போன்ற ஜீவன அமைப்புகளில் நல்ல பலன்களைக் கொடுக்கின்ற வருடமாக இருக்கும். குறிப்பாகச் சொல்ல வேண்டுமானால் வருட ஆரம்பத்தை விட ஆண்டின்  பிற்பகுதியில் கிரக அமைப்புகள் நல்லமுறையில் இருப்பதால் உங்களுடைய தொழில்துறை முன்னேற்றங்களுக்கு ஏற்ற வருடமாக இது அமையும். 

இளைய பருவ துலாம் ராசிக்கார்கள் பலர் கடந்த ஆண்டு மூன்றாம் இடத்தில் இருந்த குருவின் பாதிப்பினால் வேலை, தொழில், வியாபாரம் போன்ற ஜீவன அமைப்புகளில் பாதிப்புகளை அடைந்து தன்னம்பிக்கையை இழந்திருக்கிறீர்கள்.  

சிலருக்கு நல்லவேலை இல்லை, சிலருக்கோ வேலையே இல்லை. இன்னும் சிலருக்கு கிடைத்த வேலை கை நழுவிப் போய்விட்டது. இன்னும் சிலரின் வாய்ப்பை அடுத்தவர்கள் தட்டிப்பறித்து சென்றுவிட்டார்கள் என்ற நிலைதான் சென்ற வருடம் துலாம் ராசிக்கு நடந்து கொண்டிருந்தது. 

அதிலும் மூன்றாமிட குரு கோட்சார ரீதியில் தலைமைப் பொறுப்பில் இருப்பவர்களுக்கு சங்கடங்களையும், நிர்வாகச்சிக்கல்களையும் தரும் என்பதன்படி பொறுப்பில் இருக்கும் துலாம் ராசிக்காரர்களின் ஆளுமைத்திறன் பாதிக்கப்பட்டு உங்களில் சிலர் நற்பெயரை இழந்து விட்டிருப்பீர்கள். இது போன்றவர்கள் அனைவருக்கும் இந்த ஆண்டு புத்துணர்வும், நற்பெயரும் கிடைக்கும் என்பதால் பெரியவருத்தங்கள் எதுவும் இந்தவருடம் துலாமிற்கு  இல்லை.

அதேநேரத்தில் தற்போது கடந்த சில மாதங்களாக அர்த்தாஷ்டம சனி எனும் நான்காமிட சனி உங்களுக்கு நடந்து கொண்டிருக்கிறது. சனியை சுபத்துவப் படுத்தும் விதமாக குருபகவான்  சனியுடன் இணைந்திருக்கிறார். இது கெடுபலன்களைக் குறைத்து உங்களுக்கு நன்மை செய்யும் அமைப்பு.

மேலும் வரும் ஏப்ரல் மாதம் அதிசாரப் பெயர்ச்சி மூலமாக குரு ஐந்தாமிடத்திற்கு வருவதால் இனி உங்களுக்கு நன்மைகள் நடக்க வேண்டும் என்பதால் இப்போது உங்களைத் தொல்லைப் படுத்திக் கொண்டிருக்கும் அனைத்து பிரச்சினைகளும் இனி குறைய ஆரம்பிக்கும். 

உங்களுடைய தொழில், வேலை, வியாபாரம் போன்ற விஷயங்களில் நல்ல வளர்ச்சி இருக்கும் வியாபாரிகளுக்கு வியாபாரத்தில் இதுவரை இருந்து வந்த மந்த நிலை விலகி தொழில் வியாபாரம் மிகவும் சிறப்பாக நடைபெறும். பொருட்கள் சேதமின்றி மீதமுமின்றி லாபத்திற்கு விற்பனையாகும்.  

அதேநேரத்தில் வியாபாரிகள் தொழிலிடத்திலேயே இருந்து கவனிக்க வேண்டியது அவசியம். வேலைக்காரர்களை நம்பி கடையையோ தொழில் ஸ்தாபனத்தையோ ஒப்படைத்தால் வேலை செய்பவர்களின் ஆதிக்கம் மேலோங்குவதற்கான வாய்ப்பு இருக்கிறது. 

பெரிய அளவில் பணம் கொண்டு போகும் நேரங்களில் கவனமாக இருக்க வேண்டும். பெரிய தொகை பரிமாற்றங்களில் எச்சரிக்கையாக இருக்கவும். அனைத்திற்கும் வேலை செய்பவர்களை நம்பாமல் கவனமாக இருப்பது நல்லது. அர்த்தாஷ்டமச்சனி நடக்கிறது என்பதை கவனத்தில் கொள்வது நல்லது.

புதிதாக வேலை தேடிகொண்டிருக்கும் இளைய பருவத்தினருக்கு அவர்களின் தகுதிக்கு ஏற்ற வேலை கிடைக்கும். ஒருசிலருக்கு வெளியூரிலோ வெளிமாநிலத்திலோ தூரதேசங்களிலோ தங்கி வேலை செய்ய கூடிய அமைப்புகள் உருவாகும். இருக்கும் இடத்தில் இருந்து தொலைதூரம் செல்லும் படியான மாற்றங்கள் சிலருக்கு உருவாகும்.

பொதுவாழ்வில் இருக்கும் அரசியல்வாதிகள், கலைத்துறையில் இருப்பவர்கள், அன்றாடத் தொழில் செய்பவர்களுக்கு இனிமேல் பிரச்னைகள் எதுவும் இருக்காது. விவசாயிகளுக்கு இது நன்மை தரும் காலம். விளைந்த பயிருக்கு நியாயமான விலை கிடைக்கும். பணப்பயிர் மற்றும் எண்ணை வித்துகள் போன்றவை பயிரிட்டவர்களுக்கு லாபம் வரும். 

தொழிலதிபர்கள், கலைஞர்கள், பத்திரிகை மற்றும் ஊடக துறையினர், இயக்கும் தொழில் செய்பவர்கள், தினசரி சம்பளம் பெறுபவர்கள் உள்ளிட்ட சமுதாயத்தின் அனைத்துத் தரப்பினரும் முன்னேற்றம் காணுவீர்கள். குறிப்பாக காண்ட்ராக்டர்கள், நிர்வாகப்பணி சம்பந்தப்பட்டவர்கள், ஒரு துறைக்கோ அல்லது நிறுவனத்திற்கோ தலைமைப் பொறுப்பில் இருப்பவர்கள், தந்தையின் தொழிலைச்  செய்பவர்கள், நெருப்பு சம்பந்தப்பட்டவர்கள் போன்றோருக்கு இந்த வருடம் நல்ல  பலன்களைத் தரும்.

அரசு தனியார்துறைகளில் பணிபுரிபவர்கள் சம்பளம் தவிர்த்த மேல் வரும்படிகளுக்கு அதிகமாக ஆசைப்பட வேண்டாம். அதனால் சிக்கல்கள் வரலாம். முறைகேடான வருமானங்கள் வரும்போது விழிப்பாக இருக்க வேண்டியது அவசியம். அவற்றால் வேறு விதமான பிரச்னைகள் வரும்.

பணியிடங்களில் மேலதிகாரி சொல்வதைக் கேட்டு நடப்பது நல்லது. எவரிடமும் வீண் வாக்குவாதம் செய்யாதீர்கள். நண்பர்களும் விரோதியாவதற்கு வாய்ப்பு இருக்கிறது. இந்த காலகட்டத்தில் சிறு துரும்பும் பல் குத்த உதவும் என்பதால் யாரையுமே பகைத்துக் கொள்ள வேண்டாம். 

இதுவரை செய்து கொண்டிருந்த வேலையை விட்டுவிட்டு வேறு வேலைக்கு மாற முயற்சி எடுத்துக் கொண்டிருப்பவர்கள் அதைக் கவனமாகச் செய்யுங்கள். பணியாளர்களுக்கு வேலைப்பளு அதிகமாவதற்கு வாய்ப்பு இருக்கிறது. வேலை செய்யும் இடத்தில் முதலாளியாலோ அதிகாரியாலோ மனக் கசப்புக்கள் வருவதற்கும் சங்கடங்கள் தோன்றுவதற்கும் வாய்ப்பு இருப்பதால் எதிலும் எச்சரிக்கையும் கவனமுமாக இருந்து பொறுத்துப் போவது நல்லது.

சில அத்தியாவசியத் தேவைகளுக்கு கடன் வாங்கியே ஆகவேண்டியது இருக்கும். எவ்வளவு பெரிய தலை போகிற பிரச்னையாக இருந்தாலும் கந்து வட்டிக்கு கடன் வாங்க வேண்டாம். கடன் வாங்குவதால் பிரச்சனைகள் தீராமல் இன்னும் அதிகமாகவே செய்யும். ஒரு கடனை அடைக்க இன்னொரு கடன் வாங்குவது சட்டியிலிருந்து தப்பித்து அடுப்பில் விழுந்த கதை ஆகிவிடும்.

சொந்தத் தொழில் வைத்திருப்பவர்கள் அதனை விரிவாக்கம் செய்வதற்கான முயற்சிகளை செய்வீர்கள். இதுவரை தாமதமாகி வந்த வங்கிக்கடன் தற்போது உடனடியாக ஓகே செய்யப்படும். இதுவரை உங்களிடம் முகம் கொடுத்தும் பேசாத வங்கி அதிகாரி தற்போது உபசரித்து கடன் தருவார். ஆடம்பரச் செலவுகளுக்கு கடன் வாங்குவதை தவிர்ப்பது நல்லது. கிரெடிட்கார்டு உபயோகப் படுத்துவதில் கவனமாக இருப்பது நன்மையைத் தரும்.

யாரிடமும் தேவையற்ற வீண் வாக்குவாதம் வைத்துக் கொள்ள வேண்டாம். தேவையற்ற பிரச்னைகளில் தலையிட வேண்டாம். யாரையும் நம்பி கையெழுத்து போடுவதோ எவருக்கும் ஜாமீன் கொடுப்பதோ கூடாது.

நடுத்தர வயதை எட்டுபவர்கள் மருத்துவ பரிசோதனைகள் செய்து கொள்ள வேண்டியது அவசியம். சர்க்கரை ரத்தஅழுத்தம் போன்றவைகள் கண்டுபிடிக்கப்படும் நேரம் இது என்பதால் உடல்நல விஷயத்தில் அலட்சியம் காட்டாமல் சிறு சுகக்குறைவு என்றாலும் மருத்துவரை உடனே அணுகுவது நல்லது. முடிந்தால் ஒரு முழு உடல் பரிசோதனை கூட செய்து கொள்ளலாம். 

நேர்மையற்ற செயல்கள் மற்றும் சட்டத்திற்கு புறம்பான தொழில்கள் போன்றவற்றில் தற்போது ஆர்வம் காட்டாதீர்கள். அவற்றால் சிக்கல்கள் வரலாம். போட்டி பந்தயங்களில் கலந்து கொள்ள வேண்டாம். பங்குச் சந்தை போன்ற ஊக வணிகங்கள் இப்போது கை கொடுக்காது. நஷ்டம் வருவதற்கு வாய்ப்பு உள்ளதால் ஷேர் மார்க்கட்டில் மிகவும் கவனம் தேவை. கொடுக்கல் வாங்கல்களில் மிகவும் கவனமாக நடந்து கொள்வது நல்லது.

அடிதடி சண்டை போன்றவைகளால் கோர்ட் காவல்துறை போன்ற இடங்களுக்கு அலைய வேண்டியது ஏற்படக்கூடும் என்பதால் எதிலும் கவனமாக இருக்க வேண்டியது அவசியம். ஏற்கனவே வழக்கு விவகாரங்கள் இருந்தால் அவற்றை முடிப்பதற்கும் அவசரப்பட வேண்டாம். தீர்ப்பு வரும் நிலை இருந்தால் அவற்றை தள்ளி வைக்க முயற்சிப்பது நல்லது. 

பெண்களுக்கு இந்த வருடம் நல்லபலன்கள்தான் அதிகம் இருக்கும். குடும்பத் தலைவியாக இருக்கும் பெண்களுக்கு அதிகமாக நன்மைகள் நடைபெறும். குடும்பத்தில்  செலவுகள் அதிகமாக இருக்கும் என்பதால் இருக்கும் சேமிப்பு செலவழிந்து உங்கள் பாடு திண்டாட்டமாகலாம். கணவன் மனைவி உறவு மகிழ்ச்சிகரமாக இருக்கும். இருவரும் ஒருவருக்கு ஒருவர் அனுசரித்து போவீர்கள்

உங்களில் சிலருக்கு இந்தவருடம் மேற்கு நாடுகளுக்கு வேலை, தொழில் விஷயமாக பயணப்படுதலும் குறிப்பாக இஸ்லாமிய நாடுகளில் வேலை அமைதலும் இருக்கும். இன்னும் சிலருக்கு முஸ்லிம், கிறித்துவ நண்பர்கள், அமைப்புகள், பங்குதாரர்கள் மூலம் நன்மைகள் நடக்கும். பிறப்பால் முஸ்லிம் கிறித்துவ மதத்தைச் சேர்ந்தவர்களுக்கு இந்து மதத்தினர் மூலம் நல்லவைகள் நடக்கும்.

கேது பகவான் பிறந்த ஜாதகத்திலோ, கோட்சார நிலையிலோ யோகநிலையில் அமரும் போது மறைமுகமான வழிகளில் அளவற்ற செல்வத்தைத் தந்து மகிழ்ச்சிக்கு உள்ளாக்குவார். அதன்படி இம்முறை அவர் அதிர்ஷ்டம் தரும் அமைப்பில் இரண்டில் இருப்பதால் சாதுர்யமான வழிகளில் உங்களை ஈடுபடுத்தி தனலாபத்தைத் தருவார். 

ராகு எட்டில் இருந்தாலும் குருவின் பார்வையில் இருப்பதால் துலாம்  ராசிக்காரர்கள் சிலர் இந்த வருடம் திடீர் புகழடைவீர்கள். அவரவர் துறைகளில் அவரவர் வயதிற்கேற்ப சாதனைகள் செய்வீர்கள். டி.வி. போன்ற காட்சி ஊடகங்களிலும், பத்திரிகை போன்ற எழுத்து ஊடகங்களிலும் இந்த வருடம் உங்களால் சாதிக்க முடியும். 

எப்படிப் பார்த்தாலும் வருடத்தின் முதல் நான்கு மாதங்கள் சிறிது பின்னடைவுகளைத் தந்தாலும் பிற்பகுதி மாதங்கள் உங்களின் எதிர்கால நன்மைக்கு அச்சாரம் போடும் வருடமாக புது வருடம் அமையும் என்பது உறுதி. பொதுவில் துலாம் ராசிக்கு கெடுபலன்கள் இல்லாத புது வருடம் இது.  

 “ஜோதிடக்கலை அரசு” 

  ஆதித்ய குருஜி

விழிப்புணர்வுடன் செயல்படுங்கள்
(சித்திரை 3, 4 பாதங்கள், சுவாதி, விசாகம் 1, 2, 3 பாதங்கள் வரை) (பெயரின் முதல் எழுத்துக்கள்: ர, ரி, ரு, ரே, த, தி, து, தே உள்ளவர்களுக்கும்)

வளர்ச்சி தரும் வழிபாடு
இந்த ஆண்டு முழுவதும் சனிக்கிழமை தோறும் சனிபகவானை வழிபடுவதோடு, மூலம் நட்சத்திரம் வரும் நாளில் அனுமனுக்கு வெற்றிலை மாலை சூட்டி வழிபட்டால் தடைகள் அகலும். தகுந்த பலன் கிடைக்கும்.

துலாம் ராசி நேயர்களே!

பிறக்கும் புத்தாண்டு அா்த்தாஷ்டமச் சனியின் ஆதிக்கத்தோடும், அஷ்டமத்தில் ராகு, செவ்வாய் சோ்க்கையோடும், இரண்டில் கேதுவின் சஞ்சாரத்தோடும் பிறப்பதால் விரயங்கள் அதிகரிக்கும். வீடு மாற்றங்களும், இடமாற்றங்களும் தானாக வந்து சேரும். தடைகளையும், தாமதங்களையும் தகர்த்து எறிய வேண்டுமானால் அவ்வப்போது திசாபுத்திக்கேற்ற தெய்வங்களை வழிபடுங்கள். ஆரோக்கியத்தில் சிறு அச்சுறுத்தல் ஏற்பட்டு அகலும்.

புத்தாண்டின் தொடக்கத்தில் உங்கள் ராசிநாதன் சுக்ரன், புதனோடும், சூரியனோடும் இணைந்து சப்தம ஸ்தானத்தில் சஞ்சரிக்கின்றார். புத-சுக்ர யோகம், புத -ஆதித்ய யோகம் ஆகியவற்றோடு, செவ்வாய், சுக்ரன் பரிவர்த்தனை யோகமும் பெற்றிருக்கின்றது. அஷ்டமாதிபதி பரிவா்த்தனை பெறுவது அவ்வளவு நல்லதல்ல. எதிரிகளை நம்பி ஏமாறும் சூழ்நிலையும், தொழிலில் இழப்புகளும் ஏற்படலாம். வரவைக் காட்டிலும் செலவு இருமடங்காகும். ‘வாங்கிய சொத்தை விற்க நேரிடுகிறதே’ என்று கவலைப்படுவீர்கள். முன்னேற்றத்தில் குறுக்கீடு சக்திகள் அதிகரிக்கும். உடன்பிறப்புகளின் பகையை வளர்த்துக் கொள்ள வேண்டாம்.

2-ல் கேது இருப்பதால் கொடுத்த வாக்கைக் காப்பாற்ற இயலாது. குடும்பப் பிரச்சினை அதிகரிக்கும். உதவி செய்வதாகச் சொன்னவர்கள் கடைசி நேரத்தில் கையை விரிக்கலாம். குடும்பத்தில் ஒருவர் மாற்றி ஒருவருக்கு ஆரோக்கியத் தொல்லைகளும், வைத்தியச் செலவுகளும் ஏற்பட்டுக் கொண்டேயிருக்கும். சென்ற ஆண்டில் சேமித்த சேமிப்புகள் இப்பொழுது கரையத் தொடங்கும். கொடுத்த வாக்கைக் காப்பாற்ற இயலாது. உத்தியோகத்தில் பணியாளர்களால் தொல்லைகள் அதிகரிக்கும். தொழில் செய்பவர்களுக்கு பங்குதாரர்கள் பக்கபலமாக இருப்பது அரிது.

5-ல் குரு சஞ்சரிப்பதால் அதன் பார்வை உங்கள் ராசியில் பதிகின்றது. ‘ராசிநாதன் சுக்ரனுக்கு பகைக் கிரகமான குருவின் பார்வை பலன் தருமா?’ என்று நீங்கள் நினைக்க வேண்டாம். ‘குரு பார்க்க கோடி நன்மை’ என்பதற்கு ஏற்ப, ஓரளவாவது தீமைக்கு நடுவில் நன்மை உருவாகும். மேலும் புத்திரகாரகன் குரு புத்திர ஸ்தானத்தில் சஞ்சரிக்கும் போது பிள்ளைகளின் மேற்படிப்பு சம்பந்தமாகவோ, படிப்பிற்கேற்ற வேலை சம்பந்தமாகவோ நீங்கள் செய்யும் முயற்சியில் வெற்றி கிடைக்கும். ‘எண்ணற்ற வரன்கள் வந்தும் இதுவரை ஒன்றும் முடிவடையவில்லையே’ என்று கவலைப்பட்டவர்களுக்கு, இப்போது திருமண வாய்ப்பு கைகூடும்.

அா்த்தாஷ்டமச் சனியின் ஆதிக்கம் நடைபெறுவதால் சுக ஸ்தானம் பலமிழக்கின்றது. எனவே ஆரோக்கியத்தில் தொல்லைகள் அதிகரிக்காமல் இருக்க வேண்டுமானால் ஆகாரத்தில் கட்டுப்பாடு செலுத்த வேண்டும். எந்த வேலையும் ஒருமுறைக்கு இருமுறை செய்ய வேண்டிய சூழ்நிலை உருவாகலாம். தொழில், உத்தியோகம் போன்றவற்றில் அதிக கவனம் செலுத்த வேண்டும். பிறரிடம் பொறுப்பை ஒப்படைக்கும் பொழுதோ, பொறுப்புச் சொல்லி தொகை வாங்கிக் கொடுக்கும் பொழுதோ ஒருகணம் சிந்திப்பது நல்லது.

குருவின் வக்ர இயக்கம்

ஆண்டின் தொடக்கம் முதல் 13.9.2021 வரை, கும்ப ராசியில் அதிசார கதியில் குருபகவான் சஞ்சரிக்கின்றார். 16.6.2021 முதல் வக்ர இயக்கத்திலும் இருக்கின்றார். மீண்டும் 14.9.2021 முதல் 12.10.2021 வரை மகர ராசியில் குருபகவான் வக்ரம் பெற்றுச் சஞ்சரிக்கின்றார். உங்கள் ராசியைப் பொறுத்தவரை 3, 6 ஆகிய இடங்களுக்கு அதிபதியானவர் குருபகவான். அவர் வக்ரம் பெறுவது யோகம்தான். நல்ல வாய்ப்புகள் இல்லம் தேடிவரும். சகோதரர்கள் உங்கள் செயல்பாட்டிற்கு உறுதுணையாக இருப்பர். உத்தியோகத்தில் எதிர்பார்த்த முன்னேற்றம் கிடைக்கும். வழக்குகள் சாதகமாக முடியும்.

குருப்பெயா்ச்சி காலம்

ஆண்டின் தொடக்கத்தில் கும்ப ராசியில் அதிசார கதியில் சஞ்சரிக்கும் குருபகவான், மீண்டும் வக்ர கதியில் மகர ராசிக்கு வந்து, 13.11.2021 அன்று முறையாக கும்ப ராசிக்கு பெயர்ச்சியாகிறார். அதன்பிறகு 13.4.2022-ல் மீன ராசிக்குப் பெயா்ச்சியாகி செல்கின்றார். கும்பத்தில் குரு சஞ்சரிக்கும்பொழுது, அதன் பார்வை உங்கள் ராசியில் பதிவதோடு 9, 11 ஆகிய இடங்களிலும் பதிகின்றது. எனவே ஆரோக்கியம் சீராகி ஆனந்தப்படுத்தும். உற்சாகத்துடன் பணிபுரிந்து உழைப்பால் உயர்வீர்கள். நல்ல இடமாற்றம், பணி மாற்றம் ஏற்படுவதோடு நம்பிக்கைகள் அனைத்தும் நடைபெறும். போட்டிகளில் வெற்றி கிடைக்கும். பேட்டி கொடுக்கும் அளவிற்கு பெரிய நிலையை அடைய சந்தர்ப்பங்கள் கைகூடிவரும்.

மீனத்தில் குரு சஞ்சரிக்கும் பொழுது, 6-ம் இடத்தில் குரு வருவதால் மீண்டும் பழைய பிரச்சினை தலைதூக்கலாம். நட்பு பகையாகும். இல்லத்திலும், உள்ளத்திலும் அமைதி குறையலாம். எதையும் திட்டமிட்டுச் செய்ய இயலாது. முக்கியப் பிரமுகர்களை பகைத்துக் கொள்ள வேண்டாம்.

ராகு-கேது பெயா்ச்சி காலம்

21.3.2022 அன்று மேஷத்தில் ராகுவும், துலாத்தில் கேதுவும் சஞ்சரிக்கப் போகிறார்கள். உங்கள் ராசியைப் பொறுத்தவரை ஜென்மத்தில் கேதுவும், 7-ம் இடத்திற்கு ராகுவும் வருகிறார்கள். எனவே சர்ப்ப தோஷத்தின் ஆதிக்கத்தில் உங்கள் ராசி அமைகின்றது. ஏற்றமும், இறக்கமும் கலந்த வாழ்க்கையே அமையும். வரவைக் காட்டிலும், செலவு அதிகரிக்கலாம். ஒருதொகை செலவழிந்த பிறகே அடுத்த தொகை வந்து சேரும். வாய்ப்புகளில் ஒன்று இரண்டு கைநழுவிப் போகலாம். தொழில் கூட்டாளிகளிடம் கொஞ்சம் விழிப்புணா்ச்சியோடு இருப்பது நல்லது. பயணங்களால் இடையூறுகள் உண்டு. ஆன்மிக நாட்டம் அதிகரிக்கும். முறையாக சர்ப்ப சாந்திப் பரிகாரங்களை செய்து கொள்வதன் மூலம் முன்னேற்றத்திலுள்ள இடையூறுகள் அகலும்.

ஜென்ம கேதுவால் இடமாற்றம், ஊா்மாற்றம், வீடுமாற்றங்கள் வரலாம். இல்லத்தில் உள்ளவர்களின் அனுசரிப்பு குறையும். தொழில் ரீதியாக நீங்கள் எடுத்த முயற்சி, பொருளாதாரப் பற்றாக்குறையின் காரணமாக பாதியிலேயே நின்று போகலாம். உத்தியோகத்தில் உள்ளவர்களுக்கு பதவி உயர்வு கிடைப்பதில் தாமதம் ஏற்படும். எதையும் யோசித்து முடிவெடுப்பது நல்லது. இன்னல்கள் அனைத்தும் விலக ஒவ்வொரு வாரமும் நவக்கிரகத்தில் உள்ள கேது பகவானை நெய் தீபம் ஏற்றி வழிபட்டு வந்தால் ஓரளவு நன்மை கிடைக்கும்.

சனியின் வக்ர காலம்

12.5.2021 முதல் 26.9.2021 வரை, மகர ராசியில் சனிபகவான் வக்ரம் பெறுகின்றார். உங்கள் ராசிக்கு 4, 5 ஆகிய இடங்களுக்கு அதிபதியானவர் சனி. சுகஸ்தானம் மற்றும் பூர்வ புண்ணிய ஸ்தானத்திற்கு அதிபதியான இவர் வக்ரம் பெறுவது அவ்வளவு நல்லதல்ல. உடல்நிலையில் பாதிப்புகள் ஏற்பட்டு அகலும். வாகனங்களில் செல்லும் பொழுது கவனம் தேவை. பூர்வீக சொத்துக்கள் சம்பந்தமான பஞ்சாயத்துக்கள் இழுபறி நிலையில் இருக்கும். எதையும் திட்டமிட்டுச் செய்ய இயலாது. திடீர் மாற்றங்கள் பலவற்றையும் சந்திக்க நேரிடும். விரயங்கள் கூடும். வீண் பிரச்சினைகள் பலவற்றையும் எதிர்கொள்ளும் சூழ்நிலை உண்டு. சனி பகவான் வழிபாடு உங்கள் சஞ்சலங்களைத் தீர்க்கும்.

கவனமுடன் செயல்பட வேண்டிய காலம்

14.4.2021 முதல் 3.6.2021 வரை, 4.6.2021 முதல் 21.7.2021 வரை மற்றும் 26.10.2021 முதல் 7.12.2021 வரை, செவ்வாய் - சனி பார்வை உள்ளது. இக்காலத்தில் சகோதர ஒற்றுமை குறையும். வாழ்க்கைத் துணை வழியே பிரச்சினை அதிகரிக்கும் என்பதால் ஒருவரை ஒருவர் புரிந்து கொண்டு செயல்படுவது நல்லது. அலைச்சலுக்கேற்ற ஆதாயம் கிடைக்காது. ஊா் மாற்றங்களும், வீடு மாற்றங்களும் திருப்தி அளிக்காது. பிறருக்கு பொறுப்பு சொல்லி வாங்கிக் கொடுத்த தொகையால் பிரச்சினைகள் ஏற்படும். அரைகுறையாக பல பணிகள் நிற்கலாம். பிறரிடம் கடன் வாங்கும் சூழ்நிலை உருவாகலாம். எதையும் யோசித்துச் செய்வதன் மூலமே காரியங்களில் வெற்றி காண இயலும்.

பெண்களுக்கான பலன்கள்
இந்தப் புத்தாண்டு அதிக விரயங்களைச் சந்திக்கும் ஆண்டாக அமைகின்றது. மனக்குழப்பம் அதிகரிக்கும். உறவினர்களின் பகையால் ஒருசில நல்ல காரியங்கள் தடைபடலாம். கணவன் - மனைவிக்குள் ஒற்றுமை பலப்பட அனுசரித்துச் செல்வது நல்லது. பிள்ளைகளாலும், தொல்லைகள் ஏற்படலாம். பெற்றோர் மற்றும் உடன்பிறப்புகளின் ஆதரவு, சென்ற ஆண்டைக் காட்டிலும் கொஞ்சம் குறைவாகவே கிடைக்கும். தன்னம்பிக்கையைத் தளர விட வேண்டாம். பணிபுரியும் இடத்தில் பக்கத்தில் இருப்பவர்களால் சிக்கல்கள் ஏற்படலாம். சனீஸ்வரர் வழிபாடு சந்தோஷம் வழங்கும்.

ஜனவரி 24-ம் தேதி 2020 முதல் 2023 ஆண்டு வரை

நான்காமிடத்தில் சனி, நல்ல விரயங்கள் இனி!

துலா ராசி நேயர்களே!

இதுவரை உங்கள் ராசிக்கு 3-ம் இடத்தில் சஞ்சரித்து வந்த சனி பகவான், 26.12.2020 அன்று நான்காமிடத்திற்கு செல்கின்றார். இதை ‘அர்த்தாஷ்டமச்சனி’ என்று சொல்வது வழக்கம். அஷ்டமத்துச் சனி நடைபெறும் பொழுது, ஏற்படும் கெடுபலன்களில் சரிபாதி அளவு இக்காலத்தில் உருவாகும் என்பர். ஆனால் உங்கள் ராசிக்கான அதிபதி சுக்ரன், சனி பகவானுக்கு நட்பு கிரகமாவார். எனவே பெரிய அளவில் கெடுபலன்களைக் கொடுக்கமாட்டார். மேலும் கும்பம் அவருக்குச் சொந்த வீடு. உங்கள் ராசிக்கு சுக ஸ்தானம் மற்றும் பாக்கிய ஸ்தானத்திற்கு அதிபதியான சனி பகவான், சுக ஸ்தானத்திலேயே சஞ்சரிக்கப் போவதால் பொருளாதாரம் சிறப்பாக இருக்கும். மகர ராசியில், ஏற்கனவே நீச்சம் பெற்ற குரு பகவான் சஞ்சரிக்கின்றார். அவரோடு இப்பொழுது சனி பகவான் சேர்வதால் ‘நீச்ச பங்க ராஜயோகம்’ உருவாகின்றது. எனவே குடும்ப முன்னேற்றம் கூடும். சுகாரியப் பேச்சுக்கள் முடிவிற்கு வரும்.

தேவைக்கேற்ற பணம் வரும்

டிசம்பர் 26-ந் தேதி முதல் உங்கள் ராசிக்கு 4-ம் இடத்தில் சனி பகவான் சஞ்சரிக்கப்போகின்றார். இது தாய், சுகம், கல்வி விருத்தி, வீடு, இடம், வாகனம் போன்றவற்றைக் குறிப்பதாகும். அந்த இடத்தில் அடியெடுத்து வைக்கும் சனி பகவான் நல்ல பலன்களை வழங்குவார். மகர ராசி அவருக்கு சொந்த வீடாகும். ஆயுள்காரகன் என்று சனியை வர்ணிப்பதால், உங்களுக்கும், உங்கள் தாய்க்கும், உடன்பிறப்புகளுக்கும், உடன் இருப்பவர்களுக்கும் உடல்நிலையில் சிறுசிறு தொல்லைகள் வந்து விலகும். பொருளாதாரத்தில் தேவைக்கேற்ற பணம் வரும். எதிலும் கூட்டு முயற்சி உகந்தது. கல்வி, கட்டிடப்பணி சம்பந்தமாக எடுத்த முயற்சி கைகூடிவரும்.

சனியின் பார்வை பலன்கள்

உங்கள் ராசிக்கு 4-ம் இடத்தில் சஞ்சரிக்கும் சனி பகவான், உங்கள் ராசியையும் 6, 10 ஆகிய இடங்களையும் பார்க்கப் போகின்றார். உடல் ஆரோக்கியம், செயல்திறன், கவுரவம், எதிர்ப்பு, வியாதி, கடன் சுமை, மனக்குழப்பம், பங்காளிப் பகை, தைரியம், தொழில், ஜீவனம், அரசுப்பணி, வணிகம், போன்றவற்றை எடுத்துரைக்கும் இடங்களில் எல்லாம் சனியின் பார்வை பதிவதால், அதற்கு ஏற்ப பலன்கள் உங்களுக்கு வந்து சேரும். குறிப்பாக உங்கள் ராசியைச் சனி பார்ப்பதால் ஆரோக்கியத்தில் மட்டும் மிகவும் கவனம் தேவை. அலைச்சலை குறைத்துக்கொள்ளுங்கள்.

சனியின் பார்வை 6-ம் இடத்தில் பதிவதால், உத்தியோகத்தில் பொறுப்புகள் அதிகரிக்கும். பணிபுரியும் இடத்தில் வாக்குவாதங்கள் வந்து அலைமோதும். இருப்பினும் சனி உங்கள் ராசிநாதனுக்கு நட்பு கிரகம் என்பதால் கடைசியில் காரியங்கள் வெற்றிகரமாக முடியும். ‘உழைப்பிற்கேற்ற பலன் கிடைக்கவில்லையே’ என்று ஒருசிலர், உத்தியோக மாற்றத்திற்கு ஏற்பாடு செய்யலாம். விருப்ப ஓய்வு பெற்று வெளிவந்து கூட்டுமுயற்சியில் சுயதொழில் தொடங்கவும் வாய்ப்புகள் கைகூடி வரும். கூட்டாளிகள் ஜாதகத்தில் சஷ்டாஷ்டம தோஷம் இல்லாமல் இருப்பதை கவனித்துக் கொள்வது நல்லது.

சனியின் பார்வை பத்தாமிடத்தில் பதிவதால் தொழில் ஸ்தானம் புனிதமடைகின்றது. பழைய தொழிலில் சில மாற்றங்களை செய்ய முன்வருவீர்கள்.

சனியின் பாதசாரப் பலன்கள்

27.12.2020 முதல் 27.12.2021 வரை: சூரியன் சாரத்தில் சனி சஞ்சரிக்கும் பொழுது, நல்ல வாய்ப்புகள் இல்லம் தேடி வரும். சூரியன் உங்களுக்கு லாபாதிபதியாகவும் விளங்குவதால் தொழில் சீராகவும், சிறப்பாகவும் நடைபெறும்.

28.12.2021 முதல் 26.1.2023 வரை: சந்திரன் சாரத்தில் சனி சஞ்சரிக்கும் பொழுது, அற்புதமான பலன்கள் வந்து சேரும். கடன் சுமை குறைய புதிய வழிபிறக்கும்.

27.1.2023 முதல் 19.12.2023 வரை: செவ்வாய் சாரத்தில் சனி சஞ்சரிக்கும் பொழுது, சுபச்செலவுகள் அதிகரிக்கும். நீண்ட நாட்களாக எதிர்பார்த்த சுபகாரியங்கள் மிகவிரைவில் முடியும். செவ்வாய் உங்கள் ராசிக்கு 2, 7 ஆகிய இடங்களுக்கு அதிபதி என்பதால், குடும்ப ஒற்றுமை பலப்படும். விலகிச் சென்ற வரன்கள் மீண்டும் வரலாம். ‘வீடு கட்டி வைத்தும் வாடகைக்கு ஆள் வரவில்லையே’ என்று கவலைப்பட்டவர்களுக்கு, நல்ல தகவல் வரப்போகின்றது. இக்காலத்தில் சனியும் கும்ப ராசிக்கு வருகின்றார். பஞ்சம ஸ்தானம் புனிதமடைவதால் நெஞ்சம் மகிழும் சம்பவங்கள் நிறையவே நடை பெறும். உத்தியோகஸ்தர்களுக்கு உயர்பதவி எதிர்பார்த்தபடி வந்து சேரும்.

குருப்பெயர்ச்சிக் காலம்

கும்ப ராசியில் குரு சஞ்சரிக்கும் பொழுது, 5-ம் இடத்திற்கு குரு வருகின்றார். அப்பொழுது குரு உங்கள் ராசியைப் பார்க்கப் போகின்றார். எனவே திட்டமிட்ட காரியங்கள் திட்டமிட்டபடியே நடைபெறும். தெய்வீக சிந்தனை அதிகரிக்கும். மீனத்தில் குரு சஞ்சரிக்கும் பொழுது, ‘ஆறில் குரு ஊரில் பகை’ என்பதால் எதிரிகளின் தொல்லை அதிகரிக்கலாம். எதையும் யோசித்துச் செய்வது நல்லது. மேஷத்தில் குரு சஞ்சரிக்கும் பொழுது மிகச்சிறந்த பலன்கள் வந்து சேரும். குருவின் நேரடிப்பார்வை பதிவதால் தொட்டது துலங்கும், தொல்லைகள் அகலும். வருமானம் திருப்திகரமாக இருக்கும். சமுதாயத்தில் உயர்ந்த நிலையை அடைவீர்கள்.

ராகு-கேது பெயர்ச்சிக்காலம்

21.3.2022-ல் நடைபெறும் ராகு-கேது பெயர்ச்சியின்போது, மேஷத்தில் ராகுவும், துலாத்தில் கேதுவும் சஞ்சரிக்கப் போகிறார்கள். ஜென்மத்தில் கேதுவும், 7-ல் ராகுவும் சஞ்சரிப்பதால் ஆன்மிக நாட்டம் அதிகரிக்கும். சப்தம ராகுவின் ஆதிக்கத்தால் கணவன்-மனைவிக்குள் கருத்து வேறுபாடுகள் ஏற்படலாம்.

8.10.2023-ல் நடைபெறும் ராகு-கேது பெயர்ச்சியின்போது, மீனத்தில் ராகுவும், கன்னியில் கேதுவும் சஞ்சரிக்கப் போகிறார்கள். மறைந்த ராகுவால் நிறைந்த பலன் கிடைக்கும். உத்தியோகத்தில் நல்ல முன்னேற்றமும், சலுகைகளும் கிடைக்கும்.

வெற்றி பெற வைக்கும் வழிபாடு

சனிக்கிழமை தோறும் அனுமன் வழிபாட்டை மேற்கொள்வதோடு, இல்லத்து பூஜை அறையில் பஞ்சமுக அனுமன் படம் வைத்து, அனுமன் கவசம் பாடி வழிபடுவது நல்லது. ராமதூதன் வழிபாடு சேமிப்பை உயர்த்தும்.

15-11-2020 முதல் 13-11-2021 வரை

நான்கில் வந்தது குரு பகவான், நலம்பெறக் கவனம் மிகத்தேவை!

துலாம் ராசி நேயர்களே!

இதுவரை உங்கள் ராசிக்கு 3-ம் இடத்தில் சஞ்சரித்து வந்த குரு பகவான், 15.11.2020 அன்று நான்காமிடத்தில் அடியெடுத்து வைக்கின்றார். 4-ம் இடத்தை ‘அர்த்தாஷ்டம ஸ்தானம்’ என்று சொல்வது வழக்கம். எனவே ஆரோக்கியத் தொல்லைகளும், மனக்கவலைகளும் அதிகரிக்கும். குடும்பத்தில் அடிக்கடி பிரச்சினைகள் ஏற்பட்டு நிம்மதிக் குறைவு உருவாகும். சொந்தம், சுற்றங்களின் பகைகளை வளர்த்துக்கொள்ளாமல் பார்த்துக்கொள்ளுங்கள். தொழிலில் சில ஏமாற்றங்களை சந்திக்க நேரிடும். வெளிநாடு சென்று வேலை பார்ப்பவர்கள், வேலையின்மை காரணமாக சொந்த ஊருக்கு திரும்ப நேரிடும். வாகனங்களில் செல்லும் பொழுதும் கவனம் தேவை. இடையில் சில மாதங்கள் குரு பகவான் 5-ம் இடத்திற்கு செல்கின்றார். அப்பொழுது நற்பலன்கள் ஏற்படும். குரு வக்ர இயக்கத்திலும் இருக்கின்றார். சுய ஜாதகத்தில் திசா புத்தி பலமிழந்தவர்கள், வியாழக்கிழமை தோறும் விரதமிருந்து குருவை வழிபடுவது நல்லது.

குருவின் பார்வை பலன்

இந்தக் குருப்பெயர்ச்சியின் விளைவாக, குரு பகவான் உங்கள் ராசிக்கு 8, 10, 12 ஆகிய இடங்களை பார்க்கப் போகின்றார். குரு பகவான் இருக்குமிடத்தைக் காட்டிலும் பார்க்கும் இடத்திற்கே பலன் அதிகம். அந்த அடிப்படையில் குரு பார்வை அஷ்டம ஸ்தானத்தில் பதிவதால், புதிய வாய்ப்புகள் வந்து சேரும். ‘அறுவை சிகிச்சை செய்ய வேண்டும்’ என்று சொன்ன மருத்துவர்கள், சாதாரண சிகிச்சையிலேயே குணமாக்கிவிடுவர். உங்கள் ராசி நாதன் சுக்ரனுக்கு குரு பகவான் பகைக் கிரகமாவார். அந்த குரு நீச்சம் பெற்று பார்ப்பதால், அந்த பார்வைக்கு நல்ல பலன்கள் அதிகம் கிடைக்கும். இதற்கு நீங்கள் தொடர்ந்து குருவை வழிபட வேண்டும். அஷ்டம ஸ்தானத்தை குரு பார்ப்பதால் தொழிலில் புதிய கூட்டாளிகள் இணைவர். உத்தியோகத்தில் உள்ளவர்களுக்கு இடமாற்றங்கள் உறுதியாகலாம்.

குருவின் பார்வை 10-ம் இடத்தில் பதிவதால் செயல் ஸ்தானம் புனிதமடைகின்றது. முடங்கிக் கிடந்த தொழிலில் முன்னேற்றம் ஏற்படும். ‘தொழிலை விரிவு செய்ய வங்கிகளிலும் கடன் கிடைக்கவில்லை, வள்ளல்களிடமும் கடன் கிடைக்கவில்லை’ என்று நினைத்தவர்களுக்கு, இப்பொழுது நல்ல பதில் கிடைக்கப்போகின்றது. அதிகாரப் பதவியில் உள்ளவர்களின் ஆதரவோடு, புதிய முயற்சிகளில் வெற்றி காண்பீர்கள். புதிய ஒப்பந்தங்களில் யோசித்து கையெழுத்திடுவது நல்லது.

குருவின் பார்வை 12-ம் இடத்தில் பதிவதால் சுபவிரயங்கள் அதிகரிக்கும். வீட்டிற்குத் தேவையான அத்தியாவசியப் பொருட்கள் மற்றும் ஆடம்பரப் பொருட்கள் வாங்குவதில் ஆர்வம் காட்டுவீர்கள். பெண் பிள்ளைகளின் சுபச்சடங்குகள், திருமணம் போன்ற சுபகாரியங்கள் நடைபெறுவதற்கான அறிகுறிகள் தென்படும். அடகு வைத்த நகைகளை மீட்டுக் கொண்டு வருவீர்கள். பழைய நகைகளை மாற்றி புதிய நகைகளாக வாங்க சந்தர்ப்பங்கள் கைகூடி வரும். வெளிநாட்டிலிருந்து எதிர்பார்த்த அனுகூலத் தகவல் உண்டு. உத்தியோகத்தில் நீண்ட தூரத்திற்கான மாறுதல் ஒருசிலருக்கு கிடைக்கலாம்.

நட்சத்திரப் பாதசாரப்படி பலன்கள்

உத்ராடம் நட்சத்திரக்காலில் சூரியன் சாரத்தில் குரு சஞ்சாரம் (15.11.2020 முதல் 4.1.2021 வரை)

உங்கள் ராசிக்கு 11-ம் இடத்திற்கு அதிபதியாக விளங்குபவர் சூரியன். அதாவது லாபாதிபதி. அவரது சாரத்தில் குரு வலம் வரும்பொழுது, தொழிலில் லாபம் இரு மடங்காக உயரும். தொல்லை தந்த எதிரிகள் விலகுவர். கிளைத்தொழில் தொடங்கும் முயற்சியில் ஒருசிலர் ஆர்வம் காட்டுவர். ஒப்பந்தங்கள் தேடி வரும். இருப்பினும் அவற்றை ‘உரிய காலத்தில் நிறைவற்ற முடியுமா?’ என்று ஆராய்ந்து, அதன்பிறகு கையெழுத்திடுவது நல்லது. மூத்த சகோதரத்தோடு இணக்கம் ஏற்படும். கவுரவப் பதவிகள் ஒருசிலருக்கு கிடைக்கலாம். பிள்ளைகளின் மேற்படிப்பு சம்பந்தமாக நீங்கள் எடுத்த முயற்சி கைகூடும். கூட்டு முயற்சியில் இருந்து விலகித் தனித்து இயங்க முற்படுவீர்கள். உத்தியோகத்தில் உள்ளவர்கள், விருப்ப ஓய்வு பெற்றுக்கொண்டு சுயதொழில் தொடங்கும் முயற்சியில் ஆர்வம் காட்டுவீர்கள்.

திருவோணம் நட்சத்திரக்காலில் சந்திரன் சாரத்தில் குரு சஞ்சாரம் (5.1.2021 முதல் 1.3.2021 வரை)

உங்கள் ராசிக்கு 10-ம் இடத்திற்கு அதிபதியாக விளங்குபவர் சந்திரன். அவரது சாரத்தில் குரு பகவான் சஞ்சரிக்கும் பொழுது, தொழில் வளம் சிறப்பாக இருக்கும். துணிந்து சில முடிவுகளை எடுத்து ஆச்சரியத்தில் ஆழ்த்துவீர்கள். வாங்கிய கடனைக் கொடுத்து மகிழ்வீர்கள். ‘வியாபாரத்தை விரிவு செய்ய நண்பர்களை கூட்டாகச் சேர்த்துக் கொள்ளலாமா?’ என்று யோசிப்பீர்கள். அன்பு நண்பர்கள் ஆதரவுக்கரம் நீட்டுவர். உத்தியோகத்தில் மறுக்கப்பட்ட சலுகைகள் உங்களுக்கு கிடைக்கும். ஒருசிலருக்கு இப்பொழுது பணி நிரந்தரமாகி நிலையான வருமானத்திற்கு வழிகிடைக்கும்.

அவிட்டம் நட்சத்திரக்காலில் செவ்வாய் சாரத்தில் குரு சஞ்சாரம் (2.3.2021 முதல் 4.4.2021 வரை, மீண்டும் 14.9.2021 முதல் 13.11.2021 வரை)

இக்காலத்தில் குரு பகவானின் சஞ்சாரம் மிகச்சிறப்பாக இருக்கின்றது. உங்கள் ராசிக்கு 2, 7 ஆகிய இடங்களுக்கு அதிபதியானவர் செவ்வாய். அவரது சாரத்தில் குரு சஞ்சரிக்கும் பொழுது, உங்களுக்கோ, உங்கள் உடன்பிறந்தவர்களுக்கோ, திருமண வாய்ப்பு கைகூடும். கொடுத்த வாக்கைக் காப்பாற்றுவீர்கள். தனவரவு தாராளமாக வந்து சேரும். எனவே எந்த காரியத்தைச் செய்ய நினைக்கிறீர்களோ, அதை அந்த நேரத்தில் செய்ய இயலும். வாங்கல்- கொடுக்கல்கள் திருப்தி தரும். உதாசீனப்படுத்தி விலகிச்சென்ற உறவினர்கள் ஓடிவந்து ஒட்டிக்கொள்வர். குடும்ப முன்னேற்றம் திருப்திகரமாக இருக்கும். உத்தியோகத்தில் உள்ளவர்கள், கூடுதல் சம்பளம் கிடைக்குமிடத்தில் வேலை செய்ய முயற்சிப்பர். நட்பால் நல்ல காரியங்கள் பலவும் நடைபெறும்.

அவிட்டம் மற்றும் சதயம் நட்சத்திரக்காலில் செவ்வாய் மற்றும் ராகு சாரத்தில் குரு சஞ்சாரம்(5.4.2021 முதல் 13.9.2021 வரை)

இக்காலத்தில் கும்ப ராசியில் குரு சஞ்சரிக்கப் போவதால், அவர் 9-ம் பார்வையாக உங்கள் ராசியைப் பார்க்கப் போகின்றார். ‘ஐந்தும், ஒன்பதும் மிஞ்சம் பலன் தரும்’ என்பதால், இக்காலத்தில் பணப்புழக்கம் சரளமாக இருக்கும். கும்ப குருவின் ஆதிக்க காலத்தில் பொன், பொருட்கள் சேரும். புகழ்கூடும். உடல்நலம் சீராகும். உடன்பிறப்புகள் உறுதுணையாக இருப்பர். பூர்வீக சொத்துப் பிரச்சினைகள் அகலும். பாகப்பிரிவினைகள் சுமுகமாக முடியும். வெளிநாட்டிலிருந்து எதிர்பார்த்த அனுகூலத் தகவல் வந்து சேரும். இளைய சகோதரத்தோடு இணக்கம் ஏற்படும். வசதிகள் பெருகும் நேரமிது. தொழில் முன்னேற்றம் உண்டு. கரைந்த சேமிப்புகளை ஈடுகட்டுவீர்கள்.

குருவின் வக்ர இயக்கம்

16.6.2021 முதல் 13.10.2021 வரை குரு வக்ர இயக்கத்தில் இருக்கின்றார். கும்பம், மகரம் ஆகிய இரண்டு ராசிகளிலும் வக்ரம் பெறுகின்றார். இக்காலம் ஒரு இனிய காலமாகும். எதைச் செய்தாலும் அதில் வெற்றி கிடைக்கும். உங்கள் ராசிநாதன் சுக்ரனுக்கு குரு பகவான் பகை கிரகம் என்பதால், அது வலிமை இழக்கும் இந்த நேரம் வளர்ச்சி கூடுதலாக இருக்கும். பணத்தேவைகள் உடனுக்குடன் பூர்த்தியாகும். அரசியல் ஈடுபாடு கொண்டவர்களின் அனுகூலத்தோடு வருங்காலத்தை நலமாக்கிக்கொள்வீர்கள். பணிபுரியும் இடத்திலிருந்த பிரச்சினைகள் படிப்படியாக மாறும். தொழிலில் புதிய கூட்டாளிகள் வந்திணைந்து பொருளாதாரத்தை பெருக்கும் முயற்சியில் ஆர்வம் காட்டுவர். மறைமுகப் பகை மாறும். தொழில் செய்யுமிடம் வாடகை செலுத்துமிடமாக இருந்தால், அதை விலை கொடுத்து வாங்குமளவிற்கு உங்களுக்கு வளர்ச்சி ஏற்படும். திருமணத்தடை அகலும். நினைத்த காரியத்தை நினைத்த நேரத்தில் செய்து முடித்து வெற்றி காண்பீர்கள்.

1.9.2020 முதல் 20.3.2022 வரை

துலாம் ராசிக்கு இதுவரை ஒன்பதாமிடத்தில் இருந்த ராகு இப்போது எட்டாமிடத்திற்கு மாறி அஷ்டம ராகுவாக மாற்றம் பெறுகிறார். அதேபோல இதுவரை மூன்றாமிடத்தில் இருந்து நல்ல பலன்களைத் தந்து கொண்டிருந்த கேதுவும் சாதகமற்ற இரண்டாமிடத்திற்கு மாறுகிறார்.

இந்த இரண்டு மாற்றங்களும் உங்களுக்கு நல்ல நிலை என்று சொல்ல முடியாது. ஆனாலும் ராகு அவருக்கு மிகவும் பிடித்த நட்பு வீடும், உங்கள் ராசிநாதன் சுக்கிரனின் இன்னொரு வீடான ரிஷபத்திற்கு மாறுவதால் கெடுதல்கள் எதையும் உங்களுக்கு தருவதற்கு வாய்ப்பில்லை.

அதேபோல கேதுவும் அவருக்கு உகந்த விருச்சிகத்தில் அமர்வதால் சுபத்துவமும், சூட்சும வலுவும் அடைந்து கெடுபலன்களைத் தராமல் இரண்டாமிடத்தின் தனம், வாக்கு ஆகிய நல்ல பலன்களை மட்டுமே உங்களுக்கு தருவார். சிலருக்கு தொழில் ரீதியிலான பிரச்னைகள் இருந்தாலும் இரண்டாமிடமான தன ஸ்தானம் வலுப் பெறுவதால் பணக் கஷ்டம் இருக்காது. பணம் இருந்தால் எதையும் சமாளிக்கலாம் என்பதால் இந்தப் பெயர்ச்சியால் தொல்லைகள் எதுவும் வராது.

இன்னொரு நிலையாக ராகுகேது பெயர்ச்சியை அடுத்து சில வாரங்களில் நடக்க இருக்கும் குருப் பெயர்ச்சியின் மூலம் குரு இதுவரை இருந்து வந்த மோசமான பலன்களை தரக்கூடிய மூன்றாமிடத்திலிருந்து நான்கிற்கு மாறி எட்டில் இருக்கும் ராகுவை பார்ப்பார். இது ராகுவை கட்டுப்படுத்தும் ஒரு அமைப்பு. எனவே ராகு கேதுக்களால் வரும் சாதகமற்ற பலன்களை குரு நீக்கி அருள்வார். கவலை வேண்டாம்.

ராகு மாறுகின்ற எட்டாமிடம் சூதாட்டம், பங்குச்சந்தை, எம்.எல்.எம். எனப்படும் மல்டிலெவல் மார்க்கெட்டிங் போன்ற பண இரட்டிப்பு விஷயங்களைக் குறிப்பிடும் இடம் என்பதால் இது போன்ற துறைகளில் உங்கள் பணத்தை முதலீடு செய்து ஏகப்பட்ட லாபங்களை சம்பதிக்கலாம் என்று ஆசை காட்டி ராகு மோசம் போகச் செய்வார்.

எனவே இந்த ராகு-கேது பெயர்ச்சிக் காலத்தின் முழுமையான ஒன்றரை வருட காலத்திற்கும் சூதாட்டம், பங்குச்சந்தை போன்ற விஷயங்களில் அதிக ஆர்வம் காட்டாமல், அதிக வட்டிக்கு ஆசைப்படாமல், சுலபமாக பணம் சம்பாதிக்கலாம் என்று தூண்டில் போடப்படும் விஷயங்களில் பணத்தை முதலீடு செய்ய வேண்டாம். இதன் மூலம் எட்டாமிடத்து ராகு நிச்சயம் ஏமாற்றங்களைத் தருவார்.

ஏற்கனவே பங்குச்சந்தை துறையில் இருப்பவர்கள் அகலக்கால் வைக்காமல், அதிகமான முதலீடு செய்யாமல் கவனமுடன் இருப்பது நல்லது. மேலும் லாட்டரி போன்ற சூதாட்டங்களில் அதிகமாக ஈடுபட்டு பணத்தை இழக்கும் அமைப்பு இருப்பதால் லாட்டரி, கிரிக்கெட் போன்ற சூதாட்டங்களின் பக்கம் தலை வைத்துப் படுக்காமல் இருப்பது உங்கள் பணத்திற்குப் பாதுகாப்பு.

குறிப்பாக பணியிலிருந்து ஓய்வுபெற்றவர்கள், சீனியர் சிட்டிசன் எனப்படும் முதியவர்கள், மற்றும் ஏதேனும் ஒருவழியில் ஒரு பெரியதொகை கிடைக்கப்பெற்று அதை முதலீடு செய்து வட்டி மூலம் வாழ்க்கை நடத்த விரும்புபவர்கள் அதிக வட்டிக்கு ஆசைப்படாமல் பொதுத்துறை வங்கிகள் போன்ற நம்பகமான அமைப்புகளில் மட்டும் டெபாசிட் செய்து வாழ்க்கை நடத்துவது நல்லது.

பேராசைப்பட வைத்து இருப்பதையும் இழக்க வைப்பவர் அஷ்டம ராகு என்பதால் இந்த ராகுகேது பெயர்ச்சியில் பண விவகாரங்கள் அனைத்திலும் கூடுதல் விழிப்புடன் இருங்கள்.

அரசு தனியார்துறை பணியாளர்கள் அதிகாரிகளை பகைத்துக் கொள்ள வேண்டாம். அவர்கள் சொல்வதை கேட்டு நடந்து கொள்வது நல்லது. அலுவலகங்களில் உங்களைப் பிடிக்காதவர்கள் கை ஓங்கும் சூழ்நிலை வரலாம். சில நேரங்களில் சுவர்களுக்கு கூட கண்களும் காதுகளும் இருக்கிறது என்பதை புரிந்து கொள்ளுங்கள். உடன் வேலை செய்பவர்களிடம் வீண் அரட்டை, மேல் அதிகாரியின் செயல் பற்றிய விமரிசனங்கள் போன்ற விஷயங்களை தவிருங்கள்.

அரசு, தனியார்துறைகளில் பணிபுரிபவர்கள். சம்பளம் தவிர்த்த மேல் வரும்படிகளுக்கு ஆசைப்பட வேண்டாம். அதனால் சிக்கல்கள் வரலாம். முறைகேடான வருமானங்கள் வரும்போது விழிப்பாக இருக்க வேண்டியது அவசியம்.

பரிகாரங்கள்

ஒரு சனிக்கிழமை ராகுகாலத்தில் கருப்பு நிறமுள்ள விதவைப் பெண்மணி ஒருவரை மேற்கு நோக்கி நிறுத்தி வைத்து ஒரு கருப்புநிற பிளாஸ்டிக் தட்டில் ஒரு கருப்புப்புடவை ரவிக்கை நான்குகிலோ கருப்பு உளுந்து ஒரு கருப்பு பென்சில் பாக்கெட் ஒரு கண்மை டப்பா வைத்து தானம் செய்யுங்கள்.

ஜோதிடக்கலை அரசு ஆதித்யகுருஜி
(செல்: 8870 99 8888)