17-1-2022 முதல் 23-1-2022 வரை

புதிய வாய்ப்புகள் கைகூடும் வாரம். ராசிக்கு 5-ல் 4, 9-ம் அதிபதி செவ்வாய், 3, 10-ம் அதிபதி சுக்ரன் சேர்க்கை இருப்பதால் உடன் பிறந்தவர்கள் மற்றும் தந்தையால் அனுகூலமான பலன்கள் உண்டாகும். ராசி அதிபதி சூரியனும் தன லாப அதிபதி புதனுடன் 6-ல் ஆட்சி பலம் பெற்ற சனியுடன் இணைந்து இருப்பதால் மறைமுக எதிரிகளால் ஏற்பட்ட இன்னல்கள் விலகும். வேலையாட்களின் ஒத்துழைப்பால் புதிய முயற்சிகள், வாய்ப்புகளில் வெற்றி வாய்ப்புகள் அதிகரிக்கும்.

தொழிலில் கடந்த காலங்களில் நிலவிய நெருக் கடிகள் குறைந்து படிப்படியாக முன்னேற்றம் உண்டாகும். வேலை இல்லாதவர்களுக்கு புதிய ஆன்லைன் வேலை கிடைக்கும். தாயின் ஆரோக்கியத் தில் சிறு குறைபாடு தோன்றும். சிம்ம ராசி பிள்ளை களுக்கு படிப்பில் ஆர்வம் அதிகரிக்கும்.

போட்டி பந்தயங்களில் வெற்றி நிச்சயம். விவசாயிகள் தொழிலுக்கு தேவையான சில தளவாடங்களை தவணை முறையில் வாங்கலாம். வங்கி கடனை திரும்பச் செலுத்த கால அவகாசம் கிடைக்கும். தம்பதிகளிடம் நெருக்கம் அதிகரிக்கும். தினமும் மாலை வேளையில் சிவபுராணம் படிக்க தொல்லைகள், மனக் கவலைகள் அகலும்.

‘பிரசன்ன ஜோதிடர்’
ஐ.ஆனந்தி
செல்: 98652 20406

14.1.22  முதல் 12.2.22 வரை

சாதனை நிகழ்த்தி சரித்திரம் படைக்க நினைக்கும் சிம்ம ராசி நேயர்களே!

தை மாதக் கிரக நிலைகளை ஆராய்ந்து பார்க்கும் பொழுது, உங்கள் ராசிநாதன் சூரியன் 6-ம் இடத்தில் சனியோடு இணைந்து சஞ்சரிக்கிறார். சப்தம ஸ்தானத்தில் உள்ள குருவின் பார்வை உங்கள் ராசியில் பதிகின்றது. எனவே பொருளாதார நிலை உயரும். உற்சாகத்தோடு செயல்படும் மாதம் இது.

சூரியன் - சனி சேர்க்கை

உங்கள் ராசிநாதன் சூரியனோடு, பகைக் கிரகமான சனி இணைந்து 6-ம் இடத்தில் சஞ்சரிக்கிறார். இருப்பினும் குருவின் பார்வை இருப்பதால் இடையிடையே தடை ஏற்படுமே தவிர, பெரிய அளவில் பாதிப்புகள் வராது. சொன்ன சொல்லைக் காப்பாற்ற இயலாமல் போகலாம். துணிவும், தன்னம்பிக்கையும் குறையும். மனக்குழப்பம் காரணமாக எதையும் திட்டமிட்டுச் செய்ய இயலாது. முயற்சிகளில் தடைகள் அகல வழிபாடு அவசியம். பணத்தேவை அதிகரிக்கும்.

புத சுக்ர யோகம்

மாதத் தொடக்கத்தில் புதனோடு சுக்ரன் சேர்ந்து பலம் பெற்று இருப்பதால், ‘புத சுக்ர யோகம்’ ஏற்படுகிறது. எனவே இம்மாதம் பூர்வ புண்ணியத்தின் பலனாக உங்களுக்கு கிடைக்க வேண்டிய யோகங்கள் அனைத்தும் கிடைக்கும். சொத்துக்களால் ஆதாயம் உண்டு. தன - லாபாதிபதியாக புதன் விளங்குவதால், பொருளாதார உயர்வு ஏற்படும். உத்தியோகத்தில் உயர் பதவிகள் கிடைக்கலாம். வெளிநாட்டில் உள்ள பிரபல நிறுவனங்களில் பணிபுரிய அழைப்புகள் வரலாம். எதையும் திட்டமிட்டுச் செய்து அதில் வெற்றி காண்பீர்கள். ஆடை, ஆபரண சேர்க்கை உண்டு.

தனுசு செவ்வாய் சஞ்சாரம்

இதுவரை உங்கள் ராசிக்கு 4-ம் இடத்தில் சஞ்சரித்து வந்த செவ்வாய், இப்பொழுது 5-ம் இடத்திற்கு செல்கிறார். இந்த நிகழ்வு தை மாதம் 4-ந் தேதி நடைபெற இருக்கிறது. யோககாரகன் செவ்வாய் 5-ல் சஞ்சரிப்பதால் பூர்வ புண்ணிய ஸ்தானம் பலமடைகிறது. எனவே நல்ல காரியங்கள் இல்லத்தில் நடைபெறும். கூட்டு முயற்சியில் ஆதாயம் கிடைக்கும். கொடுக்கல் - வாங்கல்கள் திருப்தி தரும். ஸ்தம்பித்து நின்ற தொழில் வெற்றிநடை போடும்.

மகர புதன் சஞ்சாரம்

தை 27-ந் தேதி, மகர ராசிக்கு புதன் செல்கிறார். உங்கள் ராசிக்கு 2, 11 ஆகிய இடங்களுக்கு அதிபதியான புதன் 6-ம் இடத்தில் சஞ்சரிக்கும் பொழுது கடன்சுமை பாதிக்கு மேல் குறையும். ‘வரவேண்டியது வரவில்லையே, கொடுக்க வேண்டியதைக் கொடுக்க முடியவில்லையே’ என்று அங்கலாய்த்துக் கொண்டவர்களுக்கு, இப்பொழுது நல்ல பதில் கிடைக்கும். மறைந்த புதனால் நிறைந்த தனலாபம் கிடைக்கும். கொடுக்கல்- வாங்கல் ஒழுங்காகும். தேங்கிய காரியங்கள் சுறுசுறுப்பாக நடைபெறும். இல்லத்தில் மங்கல ஓசை கேட்பதற்கான அறிகுறி தென்படும்.

இம்மாதம் பிரதோஷ வழிபாடு பெருமை சேர்க்கும்.

பெண்களுக்கான பலன்கள்

நல்ல வாய்ப்புகள் இல்லம் தேடி வரும் மாதம் இது. பொருளாதாரப் பற்றாக்குறை அகலும். கணவன் - மனைவி உறவு திருப்தி தரும். அருகில் இருப்பவர்கள் உங்கள் முயற்சிக்கு உறுதுணையாக இருப்பர். அதிகாரப் பதவியில் உள்ளவர்களின் அனுகூலம் ஏற்படும். பிள்ளைகளின் கல்யாண காரியங்கள் கை கூடும். குலதெய்வ வழிபாட்டில் ஆர்வம் காட்டுவீர்கள். பணிபுரியும் பெண்களுக்கு உயர்வும், எதிர்பார்த்த சலுகைகளும் எளிதில் கிடைக்கும்.

பணத்தேவையைப் பூர்த்தி செய்யும் நாட்கள்:- ஜனவரி: 16, 17, 23, 24, 26, 27, பிப்ரவரி: 7, 8 மகிழ்ச்சி தரும் வண்ணம்:- ஆனந்தா நீலம்.

சூரியனை ராசி நாதனாகக் கொண்ட சிம்ம ராசி வாசகர்களுக்கு ஆங்கிலப் புத்தாண்டு நல்வாழ்த்துக்கள் இந்த புத்தாண்டில் உங்களுக்கு ராஜயோக வாழ்க்கையைத் தர உள்ளது. வருட கிரகங்களின் சஞ்சாரம் சாதகமாக உள்ளது. இது வரை பொது நலமுடன் ஊருக்காக உழைத்த உங்களுக்கு மனைவி, மக்களுக்காக உழைக்க வேண்டும் என்ற எண்ணம் தோன்றும். அதற்கான வாய்ப்பும், திட்டங்களும், சந்தர்பங்களும் தானே அமையும். வருங்காலம் பற்றிய நம்பிக்கையும் தைரியமும் பெருகும். செல்வாக்கும், சொல்வாக்கும் உண்டாகும். ஓடி ஓளிந்த நிலையில் இருந்து மாறி பூர்வ புண்ணிய பலத்தால் நிச்சயமாக அனைத்து விதமான நற்பலன்களும் இந்த புத்தாண்டில் காண முடியும். இனி புத்தாண்டிற்கான விரிவான பலன்களை காணலாம்.

குரு சஞ்சார பலன்: ஆண்டின் தொடக்கத்தில் 13, ஏப்ரல் 2022 வரை குருபகவான் சப்தம ஸ்தானத்தில் சஞ்சரிப்பதால் கடந்த காலத்தில் உங்களை பணவசதியின்மையால் ஏளனப்படுத்தியவர்கள், தேவைக்கு பயன்படுத்தியவர்கள் உங்களின் அருமை பெருமையை உணர்வார்கள். 7ல் உள்ள குருவால் திருமண வயதில் உள்ள ஆண் பெண்களுக்கு திருமணம் கை கூடி வரும். நின்று போன திருமணங்கள் இனி சுபமாக நடைபெறும். திருமண வாழ்க்கையில் விவாகரத்து பெற்ற ஆண், பெண்களுக்கு மறுமணம் நடைபெறும். சிலருக்கு காதல் மலரும். திருமணம் ஆன தம்பதியினர் மகிழ்ச்சியாக இல்லறம் நடத்துவார்.

தம்பதியினர் தொழில் நிமித்தமாகவோ வேறு ஏதேனும் காரணமாகவோ வெவ்வேறு ஊர்களில் பிரிந்து வாழ்ந்து கொண்டிருந்தவர்கள் இப்பொழுது ஒன்றாக இணைந்து மகிழ்ச்சிகரமாக இல்லறம் நடத்துவார்கள். மனக்கசப்பு மாறும். நண்பர்களால் ஆதாயம் ஏற்படும். புதிய தொழில் கூட்டாளிகள் கிடைக்கலாம். பழைய கூட்டாளிகள் விலகலாம். நண்பர்களுடன் விருந்து உபசாரங்களில் கலந்து கொள் ளும் வாய்ப்பு ஏற்படும். இன்பச் சுற்றுலா சென்று வர வாய்ப்பு ஏற்படும்.

ஏப்ரல் 13, 2022ல் குரு பெயர்ச்சியாகி அஷ்டம் ஸ்தானமாகிய மீனத்திற்கு செல்லும் போது சில பழைய பிரச்சனைகள் தலை தூக்கும். சிலருக்கு தொழில் விருத்தியால் அளவிற்கு அதிகமான கடன் உருவாகலாம். வெகு சிலர் கடனுக்காக வம்பு வழக்கை சந்திக்க நேரும். சிலரின் குழந்தை களுக்கு ஆரோக்கிய குறைபாடு உண்டாகும். சிலருக்கு குழந்தைகளால் மன வேதனை உண்டாகும். சிலர் தொழில் உத்தியோக நிமித்தமாக வெளியூர், வெளிநாடு செல்லலாம். சிலருக்கு பங்காளிகளால் பூர்வீகச் சொத்து தொடர்பான வழக்கு உருவாகலாம்.

அனைத்து செயல்களும் இழுபறியாக இருக்கும். ஒரு கடன் வாங்கி மற்றொரு கடனை அடைப்பீர்கள். சிம்ம ராசியினர் நம்பிக்கை தளராமல் தேவையற்ற பேச்சை தவிர்த்தால் இந்த குருப்பெயர்ச்சியை எளிதாக கடக்க முடியும். இந்த காலகட்டத்தில் ஆறுதலான விசயம் என்னவென்றால் உறவுகளின் ஆதரவு குறைந்தாலும் அறியாத அந்நிய புதிய உறவுகளால், புதிய நண்பர்களால் ஆதாயம் உண்டாகும்.

சனியின் சஞ்சார பலன்கள்: ஆண்டு முழுவதும் 6ம் அதிபதி சனி 6ல் ஆட்சி பலம் பெறுகிறார். மறைவு ஸ்தான அதிபதிகள் வலுப்பெறக்கூடாது. கெட்டவன் கெட்டால் தான் ராஜ யோகம். ருண, ரோக, சத்ரு ஸ்தானதிபதி சனி வலுப்பெறுவதால் ருணம், ரோகம், சத்ரு இந்த மூன்றும் உங்களை ஆட்சி செய்யப் போகிறது.

அதனால் பொருளாதாரம் சிறப்பாக இருக்கும். கேட்ட இடத்திலும் கேட்காத இடத்திலும் கூட கடன் கிடைக்கும். வங்கிகள், நிதி நிறுவனங்கள் கடன் கொடுக்க உங்கள் வீட்டு வாசலில் காத்து இருப்பார்கள். இயன்றவரை கடன் வாங்காமல் இருந்தால் அடுத்த சனிப்பெயர்ச்சிக்கு முன் கடன் இல்லாத வாழ்வு உறுதி. அதே நேரத்தில் நோய் தாக்கமும் மிகுதியாக இருக்கும். பரம்பரை வியாதிகள் உங்களை ஆட்சி செய்ய ஆரம்பமாகும். வாயுத் தொல்லை, வாதம், நரம்பு சம்பந்தப்பட்ட நோய், இருதயம், வயிறு தொடர்பான நோய்கள் மிகும். சிலருக்கு நோயின் தன்மை புரியாது. பலருக்கு நோய் முற்றிய பிறகு நோயின் தன்மை புரியும். வழக்குகளில் தீர்ப்பு சாதகமாகும்.

26. 2. 2022 முதல் 6. 4. 2022 வரை சனி பகவானுடன் 4,9ம் அதிபதியான செவ்வாய் 6ம் அதிபதி சனியுடன் 6ம் இடத்தில் இணைகிறார்கள்.அதீத கடனும் மிகைப்படுத்தலான விரையமும் உண்டாகும். விவசாயிகள், கால்நடை வளர்ப்பவர்கள் எச்சரிக்கையுடன் இருக்க வேண்டும். கடன் பட்டு சொந்த வீடு, வாகன கனவை நிறைவேற்றுவீர்கள். வீடு கட்டும் பணியில் பட்ஜெட் எகிறும். சிலருக்கு வீடு, வாகனம் பழுதாகி அதிக செலவு வைக்கும் அல்லது மின்சார உபகரணங்களான பிரிட்ஜ், வாஷிங் மெஷின், ஏசி புதியதாக வாங்க நேரும்.

அசையாச் சொத்தில் உள்ள குடியிருப்பு தாரர்களால் தொந்தரவு வரும் அல்லது குடியிருப்புதாரர்கள் மாறலாம். பூர்வீகச் சொத்தால் உடன் பிறந்தவர்களுடன் வம்பு, வழக்கு, பகை உருவாகும். சிலருக்கு பூர்வகச் சொத்து கை விட்டுப் போகும். ரியல் எஸ்டேட் துறையினருக்கு வாடிக்கையாளர்களால் வம்பு, வழக்கு உருவாகும். தாய், தந்தையின் ஆரோக்யம் சீராகும். கூட்டுக் குடும்பமாக இருந்தவர்கள் பிரிந்து தனிக்குடித்தனம் செல்ல நேரும். சிலர் பூர்வீகத்தை விட்டு பிழைப்புக்காக வெளியூர் செல்லநேரும்.

ராகு/கேது சஞ்சார பலன்: பத்தில் ராகு நான்கில் கேது இருப்பதால் தாய்க்கு ஆரோக்கிய குறைபாடு நீங்கும். தாய், தந்தை கருத்து வேறுபாடு அகலும்.ராசி அதிபதி சூரியனின் நட்சத்திரத்தில் ராசிக்கு10ல் கோட்சார ராகு சஞ்சாரம் செய்கிறார். தொழில் தொடர்பான மன உளைச்சல் நீங்கும். தொழிலில் வளர்ச்சியும் பெரும் ஏற்றத்தையும் லாபத்தை கொடுத்து திணறச் செய்வார். சூரியனும் ராகுவும் கடும் பகை கிரகம் என்பதால் இதுவரை நியாயம் தர்மத்திற்கு கட்டுப்பட்டு தொழில் நடத்தியவர்களை கூட தொழில் தர்மத்தை கடைபிடிக்க விடமாட்டார். பண வாசனையின் இன்பத்தை அனுபவிக்க வேண்டும் என்ற ஆவல் மிகுதியாகும். தனவரவு மன மகிழ்வை தரும். பல்வேறு தொழில் தந்திரங்களை கற்பீர்கள்.

ஆயுள் ஆரோக்கியத்தை அதிகரிக்கும். உடல் உபாதைகள் கட்டுப்படும். தனிமையில் காலம் தள்ளியவர்களுக்கு பொழுதை கழிக்க நல்ல நட்பு கிடைக்கும். பய உணர்வு நீங்கும். தைரியம், தெம்பு ஏற்படும். தன்னை அழகு படுத்துவதில் ஆர்வம் அதிகரிக்கும். தடைபட்ட காரியங்கள் தாமாகவே நடக்கும். உங்களை ஏளனம் செய்தவர்கள் மதிப்பு மரியாதை தருவார்கள். உங்களை துரத்திய அசிங்கம், அவமானம், அதிர்ஷ்டக் குறைபாடு இருந்த இடம் தெரியாது. அதிர்ஷ்டம் நீங்கள் இருக்குமிடம் தேடி வரும்.மந்த தன்மை குறைந்து விரைந்து செயல்படும் தன்மை அதிகரிக்கும்.

குடும்ப உறுப்பினர்களிடையே இணக்கமான சூழ்நிலை நிலவும் ஏப்ரல் 12, 2022ல் ராகு/கேது பெயர்ச்சிக்குப் பிறகு 3ல் கேதுவும் 9ல் ராகுவும் சஞ்சாரம் செய்கிறார்கள். ஆன்ம பலம் பெருகும். சூரியனே ஆத்மகாரகன். தந்தைக்கும் காரகனாவார். எண்ணங்கள் மற்றும் முன்ஜென்ம பூர்வ புண்ணியத்துக்கு காரகன் சூரியனே என்பதால் முன்னோர்களில் நல் ஆசிகள் உங்களை சிறப்பாக வழி நடத்தும். விபரீத ராஜ யோகம் உண்டாகும்.

சில குழந்தைகள் தந்தையை பிரிந்து தாத்தா வீட்டிற்கு செல்ல நேரும் அல்லது தந்தை குறுகிய காலத்திற்கு தொழில் நிமித்தம் அல்லது ஏதேனும் காரணத்திற்காக தந்தை குழந்தையை பிரிந்து வாழ நேரும். கற்பனையில், கனவில் வாழும் நிலை ஏற்படும். உடன் பிறந்தவர்களின் மனஸ்தாபம் நீதி மன்றம் வரைச்செல்லும். உறவுகளுக்காகசூழ்நிலைக் கைதியாக வாழும் நிலை இருக்கும். இன்னல்களை தவிர்க்க முன்னோர்களின் முறையான வழிபாடு அவசியம்.
திருமணம்: ஏழாம் அதிபதி சனி கோட்சாரத்தில் 6ல் ஆட்சி பெற்று இருப்பதால் வெகு சிலருக்கு நல்ல வரன்கள் கிடைப்பதில் தடை இருக்கலாம். தற்போதைய கோட்சார குரு கும்பத்தில் இருப்பதால் ஏப்ரல் 2022க்குள் திருமணம் நிச்சயமாகிவிடும். பலருக்கு விருப்ப விவகாகமாகவோ, நெருங்கிய உறவுகளிலோ திருமணம் நடக்கும்.

பெண்கள்: பெண்களுக்கு சுமாரான நேரம். பெண்களுக்கு மாமனார், மாமியார் நாத்தனார் வகையில் அதிக தொந்தரவு உண்டாகும். வயது முதிர்ந்த பெண்களுக்கு அரசின் உதவித் தொகை கிடைப்பதில் தடை தாமதம் ஏற்படும்.முக்கிய ஆவணங்கள், நகைகள் கை மறதியாகவைத்துவிடுவீர்கள்.காது கேளாமை அல்லது ஞாபக சக்தி குறைவு உண்டாகும்.தந்தையின் ஆரோக்கிய பாதிப்பு மன வருத்தத்தை தரும்.

விவசாயிகள்: வட்டிக்கு வட்டி கட்டி சமாளிக்க முடியாத கடன் பிரச்சனையில் இருப்பவர்களுக்கு கடன் தொகை தள்ளுபடியாகும். சிறிய விளை நிலத்தையும் அடமானம் வைத்து விட்டு வாழ வழி தெரியாமல் தடுமாறிய விவசாயிகள் கடன் பிரச்சனையிலிருந்தும் மீண்டு வருவீர்கள்.

உத்தியோகஸ்தர்கள்:தற்காலிக பணியில் இருப்பவர்களுக்கு நிரந்தர பணி கிடைக்கும். வேலையில் இருப்பவர்களுக்கு பதவி உயர்வுடன் கூடிய ஊதிய உயர்வு கிட்டும். அரசுப் பணிக்கு தேர்வு எழுதும் சிம்ம ராசியினருக்கு பெற்றி கிடைக்கும். அலுவலகமே வியக்கும் வகையில் உங்கள் திறமைகள் வெளிப்படும்.
முதலீட்டாளர்கள் / வியாபாரிகள்: சுயதொழில் செய்து கொண்டிருப்பவர்களுக்கு அபாரமான வளர்ச்சி இருக்கும். வியாபாரம் விறுவிறுப்பாக நடைபெறும். தொழிலுக்கு தேவையான பணப்புழக்கம் சரளமாக இருக்கும். கடனில் தத்தளித்துக் கொண்டு இருந்த தொழில் நிறுவனங்கள் கடனில் இருந்து மீளும் வழி புலப்படும்.

அரசியல்வாதிகள்: அரசியல் பிரமுகர்கள் பதவியை தக்க வைப்பதில் சிரமம் இருக்கும். சிலர் அரசியலில் கட்சிவிட்டு கட்சி மாறி தன் எதிர்காலத்தை அதிர்ஷ்டமாக்கி தக்க வைத்துக் கொள்ளலாம். கௌரவம், அந்தஸ்தை நிலை நிறுத்த போரட நேரும். எந்தப் பிரச்சனையையும் நேருக்கு நேர் நின்று போரிட்டு சமாளிப்பீர்கள். தன்னை நம்பி வருபவர்களுக்கு யாரும் சொல்ல முடியாதபடி நியாய தீர்ப்பு கிடைக்க பாடுபடுவீர்கள்.

மாணவர்கள்: உயர் கல்விக்காக மாணவர்கள் வெளிநாடு செல்லும் வாய்ப்பு கிடைக்கும். பள்ளி, கல்லூரிப் படிப்பை பாதியில் நிறுத்திய மாணவ, மாணவிகள் மீண்டும் படிப்பைத் தொடரும் வாய்ப்பு உண்டாகும். தேர்வில் அதிக மதிப்பெண் பெற மாணவ, மாணவிகள் அதிகம் சிரமம் எடுக்க வேண்டும்.

மகம்: சுறுசுறுப்போடு செயல்பட்டு பெயர், புகழ், பெருமை அடைய முடியும். பெயர் புகழ் உண்டாகும். கோவில் பிரார்த்தனைகளை செய்து முடிப்பீர்கள். சிலர் வீடு மாற்றம் செய்ய நேரும். நிம்மதியை அதி தரிக்க கால பைரவரை வணங்குவது சிறப்பு.

பூரம்: திட்டமிட்ட காரியம் கைகூடும். பிரிந்த உறவுகள் இணைவார்கள் விரோதிகளும் நண்பர்களாக மாறி நற்பலன் செய்வார்கள். மறைமுக எதிர்ப்புகள் குறைந்து தங்கு தடையில்லாத காரிய அனுகூலம் உண்டாகும். ஆண்டாள் வழிபாடு செய்வதால் சுப பலன்கள் மிகுதியாகும்.

உத்திரம் 1ம் பாதம்: அன்றாடப் பணிகளில் சுறுசுறுப்பாக செயல்பட முடியும். வெளிவட்டாரத் தொடர்புகள் விரிவடையும். குடும்ப தேவைகள் பூர்த்தியாகி கடன் குறையும். ஞாயிற்று கிழமை ஜேஷ்டா தேவியை வழிபட இன்னல்கள் நீங்கும்.

‘பிரசன்ன ஜோதிடர்’
ஐ.ஆனந்தி
செல்: 98652 20406

சுபகாரியப் பேச்சுக்கள் கைகூடும்
(மகம், பூரம், உத்ரம் 1-ம் பாதம் வரை) (பெயரின் முதல் எழுத்துக்கள்: ம, மி, மு, மெ, மோ, ட, டி, டு, டே உள்ளவர்களுக்கும்)

வளர்ச்சி தரும் வழிபாடு
வியாழக்கிழமை தோறும் விரதமிருந்து குருபகவானை வழிபடுவதோடு, வைரவன்பட்டி கோவிலில் உள்ள தட்சிணாமூர்த்தியை யோகபலம் பெற்ற நாளில் வழிபட்டு வந்தால் எல்லா நாட்களும் இனிய நாட்களாக அமையும்.

சிம்ம ராசி நேயர்களே!

பிறக்கும் புத்தாண்டு குரு பார்வையோடு பிறப்பதால், நினைத்த காரியம் நிறைவேறும் ஆண்டாகவே அமைகின்றது. 9-ம் இடத்திற்கு அதிபதியான செவ்வாயும், 10-ம் இடத்திற்கு அதிபதியான சுக்ரனும் பரிவர்த்தனை யோகம் பெற்றிருப்பதால், தொழில் வளம் மிகச் சிறப்பாக இருக்கும். பெரிய மனிதர்களின் ஒத்துழைப்போடு புதிய தொழில் தொடங்கும் திட்டங்களை நிறைவேற்றிக் கொள்வீர்கள். பொருளாதார நிலை உயரும். புத -ஆதித்ய யோகம் இருப்பதால் மகிழ்ச்சிக்குரிய தகவல் வந்து சேரும் வருடமாக இந்த வாரம் அமையும்.

புத்தாண்டின் தொடக்கத்தில் உங்கள் ராசிநாதன் சூரியன் உச்சம் பெற்று, தனலாபாதிபதியான புதனோடு இணைந்திருக்கின்றார். எனவே ஆரோக்கியம் சீராகும். உற்சாகத்தோடு செயல்படுவீர்கள். அரசியல் மற்றும் பொதுநலத்தில் உள்ளவர்களுக்கு நல்ல பொறுப்பு கிடைக்கும். சகோதர வர்க்கத்தினர் உங்களுக்கு உறுதுணையாக இருப்பர். தனவரவில் இருந்த தட்டுப்பாடுகள் அகலும். ‘வாங்கியதைக் கொடுக்க முடியவில்லையே, கொடுத்ததை வாங்க முடியவில்லையே’ என்று கவலைப்பட்டவர்களுக்கு, இப்பொழுது விடிவுகாலம் பிறந்துவிட்டது. தடையின்றித் தனவரவு வந்து கொண்டேயிருக்கும். புகழ்மிக்கவர்களோடு இணைந்து புதிய தொழிலைத் தொடங்குவீர்கள்.

10-ம் இடத்தில் உள்ள செவ்வாய், சுக்ரன் வீட்டில் பரிவர்த்தனை யோகம் பெறுகின்றார். தொழில் ஸ்தானம் வலுவாக உள்ளது. ஸ்தம்பித்து நின்ற தொழில் இனி வெற்றி நடைபோடும். வாடிக்கையாளர்கள் வந்த வண்ணமாக இருப்பர். வருமானம் எதிர்பார்த்ததைக் காட்டிலும் கூடுதலாக இருக்கும். கரைந்த சேமிப்புகளை ஈடுகட்டுவீர்கள். அரசியல் பிரமுகர்களின் ஆதரவு கிடைக்கும். அடுத்தடுத்து நல்ல சம்பவங்கள் இல்லத்தில் நடந்து கொண்டே இருக்கும். கொடுத்த வாக்கை காப்பாற்றுவீர்கள். உத்தியோகத்தில் உள்ளவர்களுக்கு திறமைக்கான அங்கீகாரம் கிடைக்கும். ஊர் மாற்றம், இலாகா மாற்றங்களை எதிர்பார்த்துக் காத்திருந்தால், அதுவும் நிறைவேறும்.

6-ம் இடத்தில் சனி இருக்கின்றார். அதுவும் சொந்த வீட்டில் பலம் பெற்றிருக்கின்றார். 6-ம் இடம் என்பது எதிர்ப்பு, வியாதி, கடன் ஆகியவற்றை குறிப்பதாகும். எனவே மறைமுக எதிர்ப்பும், சிறிதளவு கடனும் இருந்துகொண்டே இருக்கும். இதையெல்லாம் தாண்டி, குரு பகவானின் பார்வை உங்கள் ராசியில் பதிவதுதான் யோகம். அந்த குருவைப் பலப்படுத்த வியாழன் தோறும் விரதமிருந்து குரு பகவானை வழிபடுவதோடு, யோகபலம் பெற்ற நாளில் பாக்கிய ஸ்தானாதிபதிக்குரிய தெய்வங்களை வழிபட்டு வாருங்கள்.

குருவின் வக்ர இயக்கம்

ஆண்டின் தொடக்கம் முதல் 13.9.2021 வரை, கும்ப ராசியில் அதிசார கதியில் குருபகவான் சஞ்சரிக்கின்றார். 16.6.2021 முதல் வக்ர இயக்கத்திலும் இருக்கின்றார். மீண்டும் 14.9.2021 முதல் 12.10.2021 வரை, மகர ராசியில் குருபகவான் வக்ரம் பெறுகின்றார். உங்கள் ராசியைப் பொறுத்தவரைபஞ்சம -அஷ்டமாதிபதியானவர் குரு. அவர் வக்ரம் பெறும்பொழுது பிள்ளைகளால் சில பிரச்சினைகள் ஏற்படலாம். அவர்களை உங்கள் மேற்பார்வையில் வைத்துக் கொள்வது நல்லது. 6-க்கு அதிபதி வக்ரம் பெறுவது நன்மைதான் என்றாலும், 9-ம் இடத்திற்கு அதிபதியாகவும் குரு விளங்குவதால், தந்தை வழி உறவில் விரிசல்கள் வரலாம். சொத்துக்களை விற்கும் பொழுதும், வாங்கும் பொழுதும், பத்திரங்களில் கையெழுத்திடும் பொழுதும் நன்றாக சரிபார்த்துக் கொள்ளுங்கள்.

குருப்பெயா்ச்சி காலம்

ஆண்டின் தொடக்கத்தில் கும்ப ராசியில் அதிசார கதியில் சஞ்சரிக்கும் குருபகவான், மீண்டும் வக்ர கதியில் மகர ராசிக்கு வந்து, 13.11.2021 அன்று முறையாக கும்ப ராசிக்கு பெயர்ச்சியாகிறார். அதன்பிறகு 13.4.2022-ல் மீன ராசிக்கு பெயா்ச்சியாகிச் செல்கின்றார். கும்பத்தில் குரு சஞ்சரிக்கும் பொழுது, அதன் பார்வை உங்கள் ராசியிலும், 3, 11 ஆகிய இடங்களிலும் பதிகின்றது.

ராசியைக் குரு பார்ப்பதால், லட்சியங்கள் நிறைவேறும். நினைத்தபடி வாழ்க்கைப் பாதையில் மாற்றங்கள் ஏற்படும். நிகழ்காலத் தேவைகள் பூர்த்தியாகும். அனைத்து முன்னேற்றங்களும் அடுக்கடுக்காக வந்து சேரும். ஆரோக்கியத் தொல்லைகள் அகலும். மருத்துவச் செலவுகளில் இருந்து விடுதலை கிடைக்கும். குடும்ப முன்னேற்றத்திற்கு குந்தகம் விளைவித்தவர்கள், உங்களை விட்டு விலகுவர்.

ராகு-கேது பெயர்ச்சி காலம்

21.3.2022 அன்று மேஷத்தில் ராகுவும், துலாத்தில் கேதுவும் சஞ்சரிக்கப் போகிறார்கள். உங்கள் ராசியைப் பொறுத்தவரை 3-ம் இடத்திற்கு கேதுவும், 9-ம் இடத்திற்கு ராகுவும் வருகிறார்கள். 9-ல் ராகு சஞ்சரிக்கும் பொழுது பொன், பொருள் சேர்க்கை அதிகரிக்கும். பொருளாதார நிலை உயரும். பெற்றோர் வழியில் இருந்த பிரச்சினைகள் தீரும். உத்தியோகத்தில் எதிர்பார்த்த நல்ல முன்னேற்றங்கள் உண்டு. தளராத முயற்சியும், தன்னம்பிக்கையும் உங்கள் நிலையை உயர்த்தும். பொதுவாழ்வில் இருப்பவர்களுக்கு உழைத்த உழைப்பிற்கேற்ற பலன் கிடைக்கும். அடிப்படை வசதிகளைப் பெருக்கிக் கொள்வீர்கள். புதிய வாகனங்களை வாங்கும் முயற்சியில் இருந்த தடை அகலும். ஆக்கப்பூர்வமாக சிந்தித்து செயல்படும் நேரம் இது என்பதால், தேக்க நிலை மாறும். திடீர் வரவும் வந்து சேரும்.

3-ம் இடத்தில் கேது சஞ்சரிப்பதால் உடன்பிறப்புகளின் ஒற்றுமை பலப்படும். அவர்களின் இல்லங்களில் நடைபெறும் சுப நிகழ்ச்சிகளை முன்னின்று நடத்துவீர்கள். பூர்வீக சொத்துக்களை விற்றுவிட்டுப் புதிய சொத்துக்களை வாங்கும் யோகம் உண்டு. பொருளாதாரப் பற்றாக்குறை அகலும். வழக்குகள் சாதகமாக அமையும். ‘மூத்த சகோதரர்களின் ஒத்துழைப்பு கிடைக்கவில்லையே’ என்று கவலைப்பட்டவர்களுக்கு, அவர்கள் வாயிலாக ஆதாயம் தரும் தகவல் வந்து சேரும். அதிகாரப் பதவியில் இருப்பவர்களின் ஒத்துழைப்போடு, புதிய ஒப்பந்தங்களை வரவழைத்துக் கொள்வீர்கள். இழந்த பொறுப்புகள், பதவிகள் கூட சிலருக்கு கிடைக்கும்.

சனியின் வக்ர காலம்

12.5.2021 முதல் 26.9.2021 வரை, மகர ராசியில் சனிபகவான் வக்ரம் பெறுகின்றார். உங்கள் ராசிக்கு 6, 7 ஆகிய இடங்களுக்கு அதிபதியானவர் சனி பகவான். 6-க்கு அதிபதி வக்ரம் பெறுவது நன்மைதான் என்றாலும், 7-ம் இடத்திற்கும் அதிபதியாக சனிபகவான் இருப்பதால் குடும்பத்தில் பிரச்சினைகள் தலைதூக்கலாம். ஒரு சில காரியங்களில் ஏமாற்றங்கள், பண இழப்புகள் ஏற்படலாம். பிறருக்கு பொறுப்பு சொல்லி வாங்கிக் கொடுத்த தொகையால், பிரச்சினைகள் உருவாகலாம். பிள்ளைகளால் தொல்லைகளும், செலவுகளும் உண்டாகும். மருத்துவரின் ஆலோசனை இல்லாமல் மருந்துகளை உட்கொள்ள வேண்டாம். எதிலும் கவனம் தேவைப்படும் நேரம் இது.

கவனமுடன் செயல்பட வேண்டிய காலம்

14.4.2021 முதல் 3.6.2021 வரை, 4.6.2021 முதல் 21.7.2021 வரை மற்றும் 24.10.2021 முதல் 7.12.2021 வரை செவ்வாய் - சனி பார்வை உள்ளது. இக்காலத்தில் மிகுந்த கவனம் தேவை. திடீர் விரயங்கள் அதிகரிக்கும். திட்டமிட்ட காரியங்கள் திசைமாறிச் செல்லும். வாங்கிய சொத்துக்களால் பிரச்சினைகள் ஏற்படலாம். மனக்கசப்பு தரும் தகவல் உறவினர்கள் வாயிலாக வரலாம். உயர்ந்த மனிதர்களின் பகையையும், உடன் பணிபுரிபவர்களால் உபத்திரவங்களையும் சந்திக்க நேரிடும். உத்தியோகத்தில் உள்ளவர்களுக்கு சலுகைகள் மறுக்கப்படலாம். வேலைப்பளு கூடும். வேலையை விட்டு விலகும் சூழ்நிலையும் ஒரு சிலருக்கு உருவாகலாம். தெய்வ வழிபாடுகளால் அமைதி காண வேண்டிய நேரம் இது.

பெண்களுக்கான பலன்கள்
இந்தப் புத்தாண்டு புதிய வாய்ப்புகள் பலவற்றையும் வரவழைத்துத் தரும் ஆண்டாகவே அமையப் போகின்றது. கணவன் - மனைவிக்குள் ஒற்றுமை பலப்படும். புதிய திருப்பங்களைச் சந்திக்கும் விதத்தில் குருவின் பார்வை பலம்கொடுக்கப் போகின்றது. எனவே தொழில் வளம் சிறப்பாக இருக்கும். உற்றார், உறவினர்களின் ஆதரவு கிடைக்கும். தாய் மற்றும் உடன்பிறப்புகள் உங்கள் முன்னேற்றத்திற்கு உறுதுணையாக இருப்பர். பிள்ளைகளின் கல்யாணக் கனவுகளை நனவாக்குவீர்கள். அவர்கள் எதிர்கால நலன்கருதி தீட்டிய திட்டங்களும் வெற்றிபெறும். பணிபுரியும் பெண்களுக்கு சம்பள உயர்வும், ஊதிய உயர்வும் கிடைக்கும். செவ்வாய் -சனி பார்வை காலத்தில், எதையும் யோசித்துச் செய்வது நல்லது.

ஜனவரி 24-ம் தேதி 2020 முதல் 2023 ஆண்டு வரை

ஆறில் வருகிறது சனி, அனைத்திலும் வெற்றி இனி!

சிம்ம ராசி நேயர்களே!

இதுவரை உங்கள் ராசிக்கு 5-ம் இடத்தில் சஞ்சரித்து வந்த சனி பகவான், 26.12.2020 அன்று 6-ம் இடத்தில் அடியெடுத்து வைக்கின்றார். 6-ம் இடம் என்பது எதிர்ப்பு, வியாதி, கடன் ஆகியவற்றைக் குறிப்பதாகும். உங்கள் ராசிக்கு 6, 7 ஆகிய இடங்களுக்கு அதிபதியானவர் சனி பகவான். எதிரிகள் ஸ்தானாதிபதி, எதிரிகள் ஸ்தானத்திலேயே இப்பொழுது சஞ்சரிப்பதால் எதிர்ப்புகள் விலகும். பகை பாராட்டியவர்கள் பாசம் காட்ட முன்வருவர். ஜீவன ஸ்தானமாகவும் அது கருதப்படுவதால் உத்தியோகம் மற்றும் தொழிலில் உங்கள் முன்னேற்றம் சிறப்பாக இருக்கும். மகர ராசியில், ஏற்கனவே நீச்சம் பெற்ற குரு பகவான் இருக்கின்றார். அவரோடு இப்பொழுது சனி இணைவதால் ‘நீச்ச பங்க ராஜயோகம்’ ஏற்படுகின்றது. சப்தமாதிபதியாகவும் சனி விளங்குவதால், குடும்பப் பிரச்சினைகள் அவ்வப்போது வரத்தான் செய்யும்.

எதிரிகளின் பலம் குறையும்

டிசம்பர் 26-ந் தேதி முதல் உங்கள் ராசிக்கு 6-ம் இடத்தை அடையும் சனி பகவானால், தொழில் மற்றும் உத்தியோகத்தில் நற்பலன்கள் கிடைக்கும். குடும்பத்தில் சுப காரியங்கள் நடைபெறுவதில் இருந்த தடைகள் அகலும்.

சனியின் பார்வை பலன்கள்

உங்கள் ராசிக்கு 6-ம் இடத்தில் சஞ்சரிக்கும் சனியின் பார்வை, 3, 8, 12 ஆகிய இடங்களில் பதிகின்றது. அதன்படி சகோதரம், சகாயம், வழக்குகள், உடல்நலம், இழப்புகள், இடமாற்றங்கள், தூரதேசப் பயணங்கள், விரயங்கள், கடன் சுமை, ஆயுள் விருத்தி, நீங்காப்பகை, ஏமாற்றம், புனிதப்பயணங்கள், மூதாதையர் சொத்துக்கள் சம்பந்தப்பட்டவைகளை குறிக்கும் இடங்களில் சனியின் பார்வை பதிவதால், அந்த ஆதிபத்யங்களில் மாற்றங்களும், ஏற்றங்களும் வந்து சேரலாம். 3-ம் இடத்தை சனி பார்ப்பதால் உடன்பிறப்புகளின் பகை அகலும். சொத்து பிரச்சினைகளுக்கு தீர்வு காண்பீர்கள். சனியின் பார்வை 8-ம் இடத்தில் பதிவதால் சிறுசிறு ஆரோக்கியத் தொல்லைகள் வந்து அலைமோதும்.

சனியின் பார்வை 12-ம் இடத்தில் பதிவதால், திடீர் திடீரென பயணங்கள் ஏற்படும். வாடகை வாகனத்தில் உலா வந்த நீங்கள், இனி சொந்த வாகனம் வைத்துக்கொள்ள வாய்ப்புகள் கைகூடிவரும்.

சனியின் பாதசாரப் பலன்கள்

27.12.2020 முதல் 27.12.2021 வரை: சூரியன் சாரத்தில் சனி சஞ்சரிக்கும் பொழுது, சந்தோஷ வாய்ப்புகள் ஏராளமாக வந்து சேரும். சிந்தித்த காரியங்களில் எல்லாம் வெற்றி கிடைக்கும். சனி பகவான், உங்கள் ராசி நாதனான சூரியன் காலில் சஞ்சரிப்பதால் பிரகாசமான எதிர் காலம் உங்களுக்கு வந்து சேரும். மனையில் மங்கல ஓசையும், மழலையின் ஓசையும் கேட்கும்.

28.12.2021 முதல் 26.1.2023 வரை: சந்திரன் சாரத்தில் சனி சஞ்சரிக்கும் பொழுது, சுபவிரயங்கள் அதிகரிக்கும். விரயாதிபதியாக சந்திரன் விளங்குவதால் இக்காலத்தில் வீட்டுப் பராமரிப்புச் செலவுகளை மேற்கொள்ளலாம். அசையாத சொத்துக்கள் வாங்கும் முயற்சியில் இருந்த தடை அகலும்.

27.1.2023 முதல் 19.12.2023 வரை: செவ்வாய் சாரத்தில் சனி சஞ்சரிக்கும் பொழுது, மனைகட்டிக் குடியேறும் யோகம் உண்டு. குடும்ப உறுப்பினர்களில் ஒன்றுக்கு மேற்பட்டவர்களுக்கு வேலை கிடைத்து குடும்ப வருமானம் உயரும். செவ்வாய் உங்கள் ராசிக்கு யோகம் செய்யும் கிரகமாவார். எனவே பூமி விற்பனை தொழில் செய்பவர்களுக்கு, பொருளாதாரநிலை நினைக்க இயலாத அளவு உயரும். இக்காலத்தில் சனியும் கும்ப ராசிக்குச் செல்கின்றார். கண்டகச்சனியாக இருந்தாலும் கும்பம் அவருக்குச் சொந்த வீடு என்பதால் கெடுபலன்களை கொடுக்க மாட்டார். புது முயற்சிகளில் தாமதம் உருவாகலாமே தவிர, காரியம் கடைசி நேரத்தில் கைகூடிவிடும்.

குருப்பெயர்ச்சிக் காலம்

கும்ப ராசியில் குரு சஞ்சரிக்கும் பொழுது, உங்கள் ராசிக்கு ஏழாமிடத்தில் வருவதால், அதன் பார்வை பலம் உங்களுக்கு மிகுந்த நற்பலன்களை வழங்கும். ஆரோக்கியம் சீராகும். தொட்ட காரியங்களில் வெற்றி கிடைக்கும். மேஷத்தில் குரு சஞ்சரிக்கும் பொழுது சுபகாரியங்கள் முடிவடையும். பூர்வீக சொத்துக்களால் லாபம் உண்டு. வருமானம் இருமடங்காக உயரும்.

ராகு-கேது பெயர்ச்சிக் காலம்

21.3.2022-ல் நடைபெறும் ராகு-கேது பெயர்ச்சியின்போது, மேஷத்தில் ராகுவும், துலாத்தில் கேதுவும் சஞ்சரிப்பார்கள். எனவே உங்கள் ராசிக்கு பாக்கிய ஸ்தானம் பலப்படுகின்றது. இதனால் தொழில் வளர்ச்சி சிறப்பாக இருக்கும். கேது மூன்றில் இருப்பதால் சகோதரர்களிடையே ஒற்றுமை குறையலாம். கூட்டு வியாபாரம் செய்த உடன்பிறப்புகள் தனித்தியங்க வேண்டுமென்று கோரிக்கை வைப்பர்.

8.10.2023-ல் நடைபெறும் ராகு-கேது பெயர்ச்சியின்போது, மீனத்தில் ராகுவும், கன்னியில் கேதுவும் சஞ்சரிப்பார்கள். அஷ்டமத்தில் ராகு வருவதால் ஆதாயத்தைக் காட்டிலும் விரயங்கள் கூடலாம். இருப்பினும் குரு வீடாக இருப்பதால் சுபவிரயங்களே அதிகரிக்கும். கேது சஞ்சாரத்தால் கொடுத்த வாக்கைக் காப்பாற்ற இயலாது. குடும்பப் பிரச்சினைகள் அதிகரிக்கும். இக்காலத்தில் சர்ப்ப சாந்திப் பரிகாரங்களை மேற்கொள்வது நல்லது.

வெற்றி பெற வைக்கும் வழிபாடு

ஞாயிற்றுக்கிழமை தோறும் விரதமிருந்து சிவபெருமான் வழிபாட்டை மேற்கொள்ளுங்கள். இல்லத்துப் பூஜை அறையில் சிவ குடும்ப படம் வைத்து திருவாசகம் படித்து வழிபடுவது நல்லது. வாழ்க்கை வளமாக அமையும்.

ராஜயோகம் நிரம்பிய சிம்ம ராசியினரே இதுவரை ராசிக்கு ஆறாமிடத்தில் நின்ற குருபகவான் ஏழாம் இடமான கும்பத்திற்கு செல்கிறார். சனிபகவான் ஆறாமிடத்திலும் ராகு பகவான் பத்தாமிடத்திலும், கேது பகவான் நான்காமிடத்திலும் சஞ்சாரம் செய்கிறார்கள்.

ஏழாமிட குருவின் பொதுபலன்கள்: ஏழாமிடம் என்பது களத்திரஸ்தானம்.திருமண வாழ்க்கை, நண்பர்கள்,தொழில் கூட்டாளிகள், சமுதாய அந்தஸ்து ஆகியவற்றை பற்றிக் கூறுமிடம். சிம்மத்திற்கு குரு ஐந்து மற்றும் எட்டாம் அதிபதி. ஐந்தாம் அதிபதியாகி ஏழாமிடத்திற்கு செல்லும் குரு பல சாதகங்களைச் செய்தாலும் அஷ்டமாதிபதியாகி சப்தம ஸ்தானத்திற்கு செல்வதால் சில சாதகமற்ற பலன்களையும் தருவார். அதே நேரத்தில் குரு சிம்மத்திற்கு பூர்வ புண்ணிய ஸ்தானாதிபதி என்பதால் சுப பலன்கள் மிகைப்படும்.

ஐந்தாம் பாவத்திற்கு வளர்ச்சியை கொடுக்கக் கூடிய பாவகம் ஏழாம் பாவகம் என்பதால் அதிர்ஷ்டம் பேரதிர்ஷ்டமாகும். குரு அஷ்டமாதிபதியாகவும் இருப்பதால் விபரீத ராஜயோகமாகும். ஐந்தாம் அதிபதி ஏழிற்கு செல்வதால் இரண்டாவது குழந்தை பிறக்கும். சிறிய இடப்பெயர்ச்சி செய்ய நேரும். குடியிருக்கும் வீடு, தொழில் நடத்துமிடம் என ஏதாவது ஒரு இடமாற்றம் செய்ய நேரும்.

வெளியூர், வெளிநாட்டில் இருப்பவர்கள் நான்கைந்து மாதங்கள் பூர்வீகம் வந்து செல்வார்கள் .பூர்வீகத்தில் இருப்பவர்கள் வேலை விஷயமாக குறுகிய காலம் வெளிநாடு சென்று வரலாம். அடிக்கடி குல தெய்வ கோவிலுக்கு சென்று வரும் ப்ராப்தம் கிடைக்கும். பங்குச்சந்தை முதலீடுகள் பல மடங்கு லாபத்தை பெருக்கித்தரும். நண்பர்கள், தொழில் கூட்டாளிகள், பங்குதாரர்கள் மற்றும் வாடிக்கையாளர்களால் அனுகூலமான பலன்கள் கிடைக்கும். கணவன்,மனைவி ஒற்றுமை பலப்படும். பிரபலமானவர்களின் நட்பால் ஆதாயம் உண்டு. புதிய நண்பர்கள் கிடைப்பார்கள். பொது வாழ்வில் இருப்பவர்களுக்கு புதிய பொறுப்புகள், பதவிகள் தேடி வரலாம்.

இதுவரை அரசியலில் காலடி எடுத்து வைக்காதவர்கள் அதிகார வர்க்கத்தினரின் ஆதரவோடு அரசியல் களத்தில் குதிப்பீர்கள். அரசியலில் ஈடுபாடு உடையவர்களுக்கு பொறுப்புகளும், கவுரவப் பதவிகளும் விபரீத ராஜ யோகமாக தேடி வரும். சில புத்திசாலி அரசியல்வாதிகள் கட்சி விட்டுக் கட்சி மாறி தமது அதிர்ஷ்டத்தை பேரதிர்ஷ்டமாக்கிக் கொள்வார்கள். அதே குரு அஷ்டமாதிபதியாகவும் இருப்பதால் கூட்டணி கட்சியின் மூலம் சில பல சங்கடங்களையும் சந்திக்கலாம்.

உத்தியோகத்தில் இருப்பவர்களுக்கு உயர் பதவிகள், தலைமைப் பதவிகள் தேடிவரும். திறமைக்கும்,தகுதிக்கும் உரிய அங்கீகாரம் கிடைக்கும். மேலதிகாரிகளின் உங்கள் திறமையைக் கண்டு ஆச்சரியப்படுவர்.விரும்பிய சலுகைகள் கிடைக்கும். அரசு வேலைக்கு முயற்சி செய்பவர்களுக்கு சாதகமான பலனும் ஆதாயமும் உண்டு.

பத்தாமிட ராகுவால் தொழிலில் நினைத்ததை அடைய குறுக்கு வழியில் செல்ல மனம் ஆசைப்படும். புதிய தொழில் முயற்சிகள் வெற்றி பெரும். இதுவரை போட்டியாகவும், பகையாகவும் இருந்தவர்கள் உங்களின் திறமை தெரிந்து நட்பு பாராட்டலாம். உங்களோடு இணைந்து தொழில் செய்ய முன்வரலாம்.சில தம்பதிகள் ஒன்றாக இணைந்து கூட்டுத் தொழில் தொடங்குவார்கள். நிதி நிறுவனங்கள் மூலம் தொழிலுக்கு தேவையான முதலீடுகள் கிடைக்கும்.
பலரின் வெளிநாட்டு வியாபாரக் கனவு நினைவாகும். ஏற்கனவே வெளிநாட்டு வணிகம் செய்பவர்களுக்கு புதிய வெளிநாட்டு ஒப்பந்தங்கன் கிடைக்கும். அந்நிய மதத்தவர், வேற்று மொழிய பேசுபவர், வெளிநாட்டவர்களின் முதலீடு மற்றும் ஆதரவு கிடைக்கும்.

நல்ல வருமானம் வரும். நல்ல செலவும் வரும்.நல்ல தொழில் முன்னேற்றம் ஏற்படும் காலத்தில் வரும் லாபத்தை மறு முதலீடாக்குவது சுப விரயமாக்குவது உங்கள் கையில் தான் இருக்கிறது. கால புருஷ ஐந்தாம் அதிபதி சூரியனின் நட்சத்திரத்தில் நிழல் கிரகமான கோட்சார ராகு பயனிப்பதால் கலைத் துறையின் அனைத்துப் பிரிவினருக்கும் ஏற்றம் உண்டாகும்.

பல்வேறு சாதகமான பலன்களை குரு வழங்கினாலும் கோட்சாரத்தில் நான்காமிடத்தில் இருக்கும் கேதுவால் சில சங்கடங்கள் உண்டாகும். நான்காமிடம் என்பது சுக ஸ்தானம். தாய் மற்றும் வீடு, வாகனயோகம் பற்றிக் கூறுமிடும். பஞ்சு மெத்தை இருக்கும். வேலைப் பளுவால் மன உளைச்சலால் தூங்க முடியாது.
இது போன்ற அசௌகரியங்கள் வந்து போகும். சொத்து வாங்கப் போனால் விலை ஒத்து வராது. விலை படிந்தால் சொத்து பிடிக்காது போன்ற இன்னல்கள் வந்து கொண்டே இருக்கும். எனவே 1.1.2022க்குப் பிறகு சொத்துகள் தொடர்பான முயற்சியில் ஈடுபடவும்.

கல்வியில் தடை ஏற்பட்ட மாணவர்களுக்கு மீண்டும் படிப்பைத் தொடர வாய்ப்பு ஏற்படும். ராசிக்கு குரு பார்வை இருப்பதால் 10ம் வகுப்பு 12ம் வகுப்பு படிக்கும் சிம்ம ராசி மாணவர்கள் மாநில,மாவட்ட, பள்ளி அளவில் முதல் மாணவ மாணவியராக தேர்வடைவார்கள்.

ராசிக்கு குரு பார்வை இருந்தாலும் ஏழாம் அதிபதி சனி ஆறில் ஆட்சி பலம் பெறுவதால் திருமணம் பலமுறை தள்ளிப்போகும். காதலுக்கு எதிர்ப்பு தெரிவித்த பெற்றோர்கள் திருமணத்திற்கு சம்மதம் தெரிவிப்பார்கள். அன்னிய உறவில் தாரம் அமையும். சில சிம்ம ராசி இளைஞர்கள் கணவனால் கைவிடப்பட்டவர்கள், வாழ்கை இழந்தவர்கள், விதவைகளுக்கு மறுவாழ்வு தர முன் வருவார்கள்.

ஏழாமிடத்திற்கு வரும் குருவின் பார்வை ராசி, மூன்று மற்றும் பதினொன்றாமிடத்திற்கு பதிவதால் பல்வேறு சுப பலன்கள் தேடி வரும் நேரம் வந்து விட்டது.
ஐந்தாம் பார்வை பலன்கள்: குருவின் ஐந்தாம் பார்வை ராசிக்கு பதினொன்றாமிடத்தில் பதிவதால் லாபம் கூடும். குருவின் பார்வை உங்களை வளமான வாழ்க்கைக்கு அழைத்து செல்லப் போகிறது. விவாகரத்தாகி தனியாக அல்லல் படுபவர்களுக்கு இரண்டாம் திருமணம் நடக்கும். இதுவரை தொழில் கூட்டாளிகளுடன் இணைந்து தொழில் செய்தவர்கள் கூட்டுத் தொழிலிருந்து விடுபட்டு தனியாக செயல்படக்கூடிய நேரம்.

கூட்டுத் தொழில் செய்து வந்த அண்ணன் தம்பிகள் பிரிந்து தனித்தனியாக தொழில் செய்யலாம். மூத்த சகோதரத்தால் தொழிலில் இருந்த இடர்கள் அகலும். வட்டிக்கு வட்டி கட்டி சமாளிக்க முடியாத கடன் பிரச்சனையில் இருப்பவர்களுக்கு கடன் தொகை தள்ளுபடியாகும் . நீண்ட நாட்களாக தீர்க்க முடியாத சட்டம் தொடர்பான பிரச்சனைகளுக்கும் வழக்குகளால் அலைக்கழிகப்பட்டு மன வேதனை அடைந்தவர்களுக்கும் வழக்குகளில் தீர்ப்பு சாதகமாகும். மன நிறைவும், நிம்மதியும் ஏற்படும். களத்திரம், பிள்ளைகளால் பொருள் வரவு உண்டாகும். வருவாய் அதிகரித்து சேமிப்பு உயரும். தங்கம், வெள்ளி போன்ற விலை உயர்ந்த பொருட்களின் சேர்க்கை அதிகமாகும்.

குருவின் ஏழாம் பார்வை பலன்கள்:குருவின் ஏழாம் பார்வை ராசிக்கு இருப்பதால் ஆன்ம பலம் பெருகும். உடல் பொழிவு ஏற்படும். தோற்றம் மற்றும் செயல்களில் மாற்றம் ஏற்படும். பொது நலமான சிந்தனை தோன்றி அதன் படி செயல்பட்டு நற்பெயர் பெறுவீர்கள். சமூகத்தில் மதிப்பு மரியாதை ஏற்படும். பெரிய மனிதர்களின் ஆசி கிட்டும். உங்களின் தனித் திறமை வெளிஉலகத்திற்கு தெரிய வரும். எண்ணிய எண்ணம் பலிதமாகும். செய்யும் வேலைகளை தெளிவான மனநிலையோடு விரைவாக செய்து முடிக்க குருபகவான் உங்களுக்கு ஆசி வழங்குவார்.

ஆயுள்,ஆரோக்கியம் சிறப்படையும். ஆயுளுக்கு பங்கம் விளைவிக்க கூடிய கொடிய நோய்க்கு சிகிச்சை செய்பவர்களின் ஆரோக்கியத்தில் முன்னேற்றம் ஏற்படும். நீண்ட நாட்களாக என்னவென்றே தெரியாத நோய் தாக்கம் இருப்பவர்களுக்கு எந்த வைத்தியம் செய்தால் நோய் பூரணமாக குணமாகும் என்ற புரிதல் ஏற்படும். உடலும், மனமும் புத்துணர்வு பெறும்.

குருவின் ஒன்பதாம் பார்வை பலன்கள்: குருவின் ஒன்பதாம் பார்வை மூன்றாமிடமான சகாய ஸ்தானத்திற்கு இருப்பதால் உங்கள் வாழ்க்கை முன்னேற்றத்திற்கு நீங்கள் காணும் கனவுகள் பலிதமாகும்.

 உடன் பிறந்த சகோதர, சகோதரிகளின் வாழ்வில் ஏற்படும் கடனுக்கு அல்லது குடும்பத்திற்கு நீங்கள் பணம் செலவு செய்ய நேரும். அவர்களின் சுமைதாங்கியாக இருக்க வேண்டிய காலம். அதனால் கருத்து வேறுபாடு வரும் என்பதால் கவனம் தேவை. புதிய தங்க நகைகள் வாங்கி மகிழ்வீர்கள். செவித்திறன் குறைதல்,சீழ்வடிதல் போன்ற காது தொடர்பான பாதிப்புகள் குறையும்.

ஆவணங்கள் தொடர்பான சர்ச்சைக்கள் முடிவுக்கு வரும். தொலைந்த ஆவணங்கள் மீண்டும் கிடைக்கும்.உயில் எழுத ஏற்ற காலம். கடவுளே இல்லை என்று கூறியவர்கள் கூட ப்ரபஞ்ச சக்தியை உணர்வார்கள்.தடைபட்ட குலதெய்வ வழிபாடு தொடரும். குலதெய்வ அனுக்கிரகம் ஏற்படும்.

சித்தர்கள் மற்றும் ஆன்மீக குருமார்களின் நல் ஆசி கிடைக்கும்.ஆன்மீக சுற்றுலா கேதார்நாத், பத்திரிநாத்,கைலாஷ், மானசரோவர் போன்ற தலங்களுக்கு செல்லும் வாய்ப்பு ஏற்படும்.கோவில் திருப்பணியில் ஈடுபடும் ஆர்வம் வரும். தான தர்மம் செய்து புண்ணிய பலனை கூட்டுவீர்கள் தந்தையின் ஆரோக்கியம் சிறப்பாக இருக்கும். தந்தை வழி முன்னோர்களுக்கு முறையான திதி, தர்பணம் செய்து ஆசி பெற முயல்வீர்கள்.

பெண்கள்: எட்டாமிடம் என்பது மாங்கல்ய ஸ்தானம் என்பதால் பெண்கள் எந்தக் காரணத்தைக் கொண்டும் மாங்கல்யத்தைக் கழட்டக் கூடாது. குடும்பத்தில் மகிழ்ச்சிகரமான சூழல் காணப்படும்.உங்கள் பேச்சிற்கு மதிப்பு உயரும்.

அடமானத்திலிருந்த நகைகள் வீடு வந்து சேரும். சுப நிகழ்வுகள், ஆடம்பர விருந்துகள்,ஆடம்பர உணவு விடுதிக்கு செல்லுதல் போன்ற பொழுபோக்கு இடங்களுக்கு சென்று உங்கள் நேரத்தை மகிழ்ச்சியாக கழிப்பீர்கள்.வாக்கு வன்மை பெறும்.கொடுத்த வாக்கை எளிதாக காப்பாற்றி விடுவீர்கள்.

தன வரவு இரட்டிப்பாகும். செலவுகளைகுறைத்துக் கொண்டால் சேமிப்பு உயரும் . புதிய ஆடை ஆபரணங்கள் வாங்கி மகிழ்வீர்கள்.உறவினர்களிடம் இருந்து வந்த கருத்து வேறுபாடு மறையும். இந்த குருப்பெயர்ச்சியில் பல சாதகமான பலன்கள் சிம்ம ராசிக்கு உண்டு என்பதில் எந்த சந்தேகமும் இல்லை.

பரிகாரம்: பௌர்ணமி மற்றும் வெள்ளிக் கிழமைகளில் குல தெய்வத்திற்கு அபிஷேக ஆராதனை செய்து சர்க்கரை பொங்கல் படையலிட பொருளாதாரத்தில் தன்னிறைவு கிடைக்கும். மன வளர்ச்சி குன்றிய குழந்தைகளின் பராமரிப்பிற்கு உதவ வேண்டும்.குழந்தைகள் காப்பகம் முதியோர் இல்லங்களுக்கு புத்தாடையுடன் இட்லியும் எள்ளு சட்னியும் தண்ணீருடன் தானம் தர முன்னோர்களின் நல் ஆசி கிடைக்கும்.

‘பிரசன்ன ஜோதிடர்’
ஐ.ஆனந்தி
செல்: 98652 20406

1.9.2020 முதல் 20.3.2022 வரை

சிம்ம ராசிக்கு தற்போது ராகு-கேதுக்களுக்கு நல்ல இடம் என்று சொல்லப்படும் பதினொன்றாமிடத்தில் இருந்து ராகு பெயர்ச்சியாகி, பத்தாம் இடத்திற்கும், கேது ஐந்தாமிடத்தில் இருந்து நான்காமிடத்திற்கும் பெயர்ச்சியாகிறார்கள்.

இப்போது இருக்கும் பதினொன்றாம் இடம் ராகு-கேதுக்களுக்கு நல்ல இடம் என்று சொல்லப்பட்டாலும் ராகுவின் மூலம் மிகப்பெரிய நன்மைகள் எதையும் கடந்த காலங்களில் சிம்ம ராசி பெற்றுவிடவில்லை.

அதே நேரத்தில் கேந்திர ஸ்தானங்கள் என்று சொல்லப் படக்கூடிய நான்கு, ஏழு, பத்தாம் இடங்களில் பாபக் கிரகங்கள் எனப்படும் சனி, செவ்வாய், சூரியன், ராகு-கேதுக்கள் நன்மைகளை செய்வார்கள் என்ற விதியின் அடிப்படையில் மிகப்பெரிய துன்பங்கள் எதையும் இம்முறை உங்களுக்கு ராகு-கேதுக்கள் கொடுத்துவிடப் போவது இல்லை.

மேலும் ராகு இப்போது மாறப் போகும் வீடான ரிஷபத்தில் அவர் அதி நட்புநிலை பெறுவார் என்பதால் உங்களுக்கு கெடுதல்கள் எதையும் உறுதியாகத் தந்து விட மாட்டார். பெயர்ச்சியின் இன்னொரு நிலையாக கேதுவும் கேந்திர ஸ்தானமான நான்காம் வீட்டிற்கு மாறுவது உங்களுக்கு நன்மைகளைத் தரும் அமைப்புத்தான்.

உங்கள் ராசியின் பூரண ராஜயோகாதிபதியான செவ்வாயின் ஸ்திர வீடான விருச்சிகத்தில் சுப வலிமை பெறும் கேது, சூட்சும வலுவும் பெறுவதால் செவ்வாய் தரவிருக்கும் வீடு, வாகனம், ஆரோக்கியம், தாயார் சுகம், உயர்கல்வி உள்ளிட்ட அனைத்து நன்மைகளையும் இப்போது உங்களுக்குத் தருவார்.

குறிப்பாக கோட்சார நிலையில் ஒரு மனிதனின் நல்ல, கெட்ட நிலையை முழுமையாக தீர்மானிக்கக் கூடிய கிரகமான சனி, இந்த ராகு-கேது பெயர்ச்சிக் காலம் முழுவதும் உங்களின் சிம்ம ராசிக்கு ஆறாமிடத்தில் நல்லவைகளை தரும் நிலையில் உள்ளதாலும் இனிமேல் சிம்மத்திற்கு கெடுதல்கள் இல்லை.

மேலும் பிறந்த ஜாதக அமைப்புப்படி நல்ல தசா புக்திகள் நடப்பவர்களுக்கு, சனியின் ஆறாமிட நிலையால் பருத்தி புடைவையாக காய்த்தது எனும் அளவிற்கு இரட்டிப்பு நல்ல பலன்கள் நடைபெறும் . எனவே எப்படிப் பார்த்தாலும் உங்களுக்கு இனி யோகம் மட்டும்தான்.

சொந்தத் தொழில் செய்பவர்கள், வியாபாரிகள், தனது அறிவையும் புத்திசாலித்தனத்தையும் முதலீடாக வைத்து சுயதொழில் செய்பவர்கள் அனைவருக்கும் இது முன்னேற்றமான காலம். கொரானா காலமாக இருந்தாலும் சுயதொழிலர்களுக்கு பணவரவு தடைப்படாது.

வியாபாரிகளுக்கு வியாபாரம் நல்லபடியாக நடக்கும். போட்டியாளர்களால் தொந்தரவு இருக்காது. கடன் பிரச்னைகள் கட்டுக்குள் இருக்கும். விவசாயிகளுக்கு இம்முறை இயற்கை ஒத்துழைக்கும். தேவையான நேரத்தில் மழை பெய்யும். பணப்பயிர் விளைவிக்கும் விவசாயிகளுக்கு பெரிய நன்மைகள் உண்டு.

இதுவரை கருத்து வேற்றுமைகளாலும், குடும்பச் சிக்கல்களினாலும் பிரிந்திருந்த கணவன் மனைவி ஒன்று சேர்வார்கள். குடும்பத்திற்கு தேவையான அத்தியாவசியப் பொருட்கள் வாங்குவீர்கள். சொத்துச் சேர்க்கை இருக்கும். பிள்ளைகளின் பெயர்களிலோ மனைவியின் பெயரிலோ ஏதேனும் சொத்து வாங்க முடியும். பிள்ளைகளின் திருமணத்திற்கு நகை வாங்கி சேமிக்கலாம்.

நண்பர்களால் மகிழ்ச்சி தரும் நிகழ்ச்சிகள் இருக்கும். இதுவரை சுப காரியங்களுக்கு இருந்த தடை விலகி குடும்பத்தில் சுப நிகழ்ச்சிகளும் சுற்றுலா செல்வது போன்ற மனதிற்கு இனிமை தரும் நிகழ்வுகளும் நடக்கும். அம்மாவால் அனுகூலம் உண்டு. தாய்வழி உறவினர்கள் உதவுவார்கள்.

இதுவரை தள்ளிப் போய் இருந்த வெளிநாடு தொடர்பான வேலை விஷயங்களும் வெளிநாட்டு பயணங்களும் தற்போது வெற்றிகரமாக கை கூடி வரும். வாழ்க்கைத் துணைவர் வழியில் ஆதரவுகளும் லாபங்களும் இருக்கும். பெற்றோர்களின் ஆசிர்வாதம் கிடைக்கும். பங்காளிச் சண்டை தீரும். பூர்வீக சொத்துப் பிரச்னை சுமுகமாக ஒரு முடிவுக்கு வரும்.

வழக்கு, கோர்ட், காவல்துறை போன்றவற்றில் சிக்கித் திண்டாடிக் கொண்டிருந்தவர்களுக்கு அவை அனைத்தும் நல்லபடியாக முடிவுக்கு வரும். அநியாய வட்டிக்கு கடன் வாங்கி அதில் இருந்து மீள முடியாமல் அவஸ்தைப் பட்டு விழி பிதுங்கி கொண்டிருந்தவர்களுக்கு கடனை அடைப்பதற்கு நல்ல வழி பிறக்கும்.

பரிகாரங்கள்

உங்களின் ஜன்ம நட்சத்திரம் அன்று திருநாகேஸ்வரம், திருப்பாம்புரம், ஸ்ரீகாளஹஸ்தி, சீர்காழி டவுன் பாம்புக் கோவில் அல்லது அருகில் இருக்கும் நாகநாத சுவாமி, நாகேஸ்வரன் என்ற திருநாமம் கொண்ட போன்ற திருத்தலங்களுக்குச் சென்று ராகுவிற்குரிய பரிகாரங்களையும் வழிபாடுகளையும் செய்யுங்கள். குறைகள் ஒன்றும் வராது.

ஜோதிடக்கலை அரசு ஆதித்யகுருஜி
(செல்: 8870 99 8888)