29.5.2020 முதல் 04.06.20 வரை

பெரும்பாலான செயல்கள் உங்கள் எண்ணப்படியே நடைபெற்று மகிழ்ச்சிபடுத்தும். உத்தியோகத்தில் உயர் அதிகாரிகளின் விருப்பப்படி புதிய வேலை ஒன்றைச் செய்ய நேரிடும். தொழிலில் சாமர்த்தியமாகச் சிந்தித்து செயல்பட்டாலும் வருமானத்தில் திருப்தி இருக்காது. குடும்பத்தில் மனதுக்கு இதமான நிகழ்ச்சிகள் நடைபெறும். சனி பகவானுக்கு சனிக்கிழமை நல்லெண்ணெய் தீபமிட்டு வழிபடுங்கள்.

14.5.2020 முதல் 14.6.2020 வரை

சார்வரி வருடம் வைகாசி மாதக் கிரக நிலைகளை ஆராய்ந்து பார்க்கும் பொழுது மாதத் தொடக்கத்தில் உங்கள் ராசிநாதன் சந்திரன் சப்தம ஸ்தானத்தில் குருவோடு இணைந்து சஞ்சரித்து, குரு சந்திர யோகத்தை உருவாக்குகின்றார். எனவே சுபச்செய்திகள் வந்து சேரும். அஷ்டமத்தில் செவ்வாய் உலா வரும்பொழுது, ஆரோக்கியப் பாதிப்புகள் அதிகரிக்கத்தான் செய்யும்.

குறிப்பாக பிதுர்ரார்ஜித ஸ்தானமாக விளங்கும் இடத்திற்கு அதிபதியான குரு பகவான் நீச்சம் பெறுவதால், தந்தையின் உடல் நலத்தில் கவனம் தேவை. லாப ஸ்தானத்தில் சூரியனோடு புதன் இணைந்து புத ஆதித்ய யோகத்தை உருவாக்குகின்றார். அதே நேரம் சுக்ரன் வீட்டில் புதனும், புதன் வீட்டில் சுக்ரனும் இருந்து பரிவர்த்தனை யோகத்தையும் செயல்படுத்துகின்றார்கள். உடன்பிறப்புகளையும், உடனிருப்பவர்களையும் அனுசரித்துச் செல்வதே நல்லது. இடமாற்றங்களையும், வீடுமாற்றங் களையும் பற்றிய சிந்தனை அதிகரிக்கும்.

மிதுன புதனின் சஞ்சாரம்!

மே 24-ம் தேதி மிதுன ராசிக்குப் புதன் செல்கின்றார். உங்கள் ராசிக்கு 3, 12 ஆகிய இடங்களுக்கு அதிபதியானவர் புதன். சகோதர ஸ்தானம் மற்றும் விரய ஸ்தானத்திற்கு அதிபதியானவர் புதன் விரய ஸ்தானத்தில் தன் சொந்த வீட்டில் பலம்பெறும் இந்த நேரத்தில் உடன்பிறப்புகளின் வழியில் ஒருபெரும் விரயம் ஏற்படலாம். அது அவர்களின் ஆரோக்கியத்தை முன்னிட்டும் செல வழிக்கலாம். அல்லது அவர் வாழ்க்கைத்தேவையைப் பூர்த்தி செய்து கொள்ள உதவுவதற்காகவும் இருக்கலாம். பூர்வீக சொத்துப் பிரச்சினைகள் மீண்டும் தலை தூக்கும். அலுவலகத்தில் சலுகைகள் நிறுத்தி வைக்கப்படலாம்.

ரிஷப சுக்ரனின் சஞ்சாரம்!

இதுவரை உங்கள் ராசிக்கு 12-ம் இடத்தில் சஞ்சரித்து வந்த சுக்ரன் ஜூன் 3-ம் தேதி லாப ஸ்தானத்திற்கு செல்கின்றார். எனவே லாபமும், விரயமும் சமமாகப் போகிறது. செலவிற்கேற்ற வரவு வந்து கொண்டேயிருக்கும். வளர்ச்சி கூடுவதற்கு நீங்கள் எந்த முயற்சி எடுத்தாலும் ஜான் ஏறினால் முழம் வழுக்கும் என்ற சூழ்நிலை தான் உருவாகும். தொழிலில் போட்டிகள் அதிகரிக்கும். உங்கள் முன்னால் புகழ்ந்து பேசுபவர்களை நம்பி எந்த முடிவும் எடுக்க முடியாது. விலை உயர்ந்த பொருட்களை விற்க நேரிடலாம்.

இம்மாதம் வியாழக்கிழமை தோறும் குரு கவசம் பாடி இல்லத்து பூஜையறையில் குருதட்சிணாமூர்த்தி படம் வைத்து வழிபடுவது நல்லது.

பணத்தேவையைப் பூர்த்தி செய்யும் நாட்கள்: மே: 18, 19, 23, 24, 29, 30, ஜூன்: 3, 4, 13, 14

மகிழ்ச்சி தரும் வண்ணம்: பொன்னிற மஞ்சள்.

பெண்களுக்கு...

இம்மாதம் அஷ்டமத்தில் செவ்வாய் அடியெடுத்து வைத்திருப்பதால் மிகுந்த கவனமுடன் செயல்பட வேண்டிய மாதமாகும். ஆரோக்கியப் பாதிப்புகள் அடிக்கடி ஏற்படலாம். கூடப்பிறந்தவர்களை அனுசரித்துச்செல்வது நல்லது. செலவிற்கேற்ற வரவு வந்து சேரும். செவ்வாய்க் கிழமை தோறும் விரதமிருந்து இல்லத்து பூஜை அறையில் முருகப்பெருமானுக்குரிய துதிப் பாடல்களை படித்து வழிபடுவது நல்லது.

 

1-1-2020 முதல் 31-12-2020 வரை

புனர்பூசம் 4-ம் பாதம், பூசம், ஆயில்யம் வரை.

(பெயரின் முதல் எழுத்துக்கள்: ஹி, ஹீ, ஹே, ஹோ, ட, டி, டே, டோ உள்ளவர்களுக்கும்)
குருப்பெயர்ச்சிக்குப் பிறகு கூடுதல் நன்மை

ஆறாமிடத்தில் குரு, சனி, புதன், கேது, சூரியன் ஆகிய ஐந்து கிரகங்களும் கூடிய நிலையில் புத்தாண்டு பிறக்கிறது. எப்போதும் பொதுநலத்தில் ஈடுபாடு கொண்டு புகழ் குவிப்பவர்கள் நீங்கள். அந்த பொது வாழ்வில் வீழ்ச்சிகளும், வி.ஐ.பி.க்களின் எதிர்ப்புகளும் உங்களுக்கு எப்போதும் இருந்து கொண்டுதான் இருக்கும். அதிலும் இந்த புத்தாண்டில் எதிரிகளின் பலம் மேலோங்கும். இருப்பினும் குரு சொந்த வீட்டில் சஞ்சரிப்பதால், எதிர்ப்புகளை முறியடிக்க எளிதில் வழிபிறக்கும்.

ஆண்டின் தொடக்கத்திலேயே 6-ம் இடத்தில் 5 கிரகங்கள் இருக்கின்றன. 8-ம் இடத்தில் உங்கள் ராசிநாதன் சந்திரன் சஞ்சரிக்கிறார். 12-ம் இடத்தில் ராகு, பலம் பெற்றிருக்கிறார். இத்தனைக்கும் மத்தியில் இந்த ஆண்டு பிறந்தாலும் குருவின் பார்வை 2, 10, 12 ஆகிய மூன்று இடங்களில் பதிகின்றது. பஞ்சம ஸ்தானத்தில் செவ்வாய், தன்னுடைய சொந்த வீட்டில் சஞ்சரிக்கிறார். விருச்சிக - செவ்வாய் உங்களுக்கு விருத்தியம்சங்கள் பலவற்றையும் கொடுக்கும். இருப்பினும் குருப்பெயர்ச்சிக்குப் பிறகுதான் கொடுக்கல் - வாங்கல்கள் ஒழுங்காகும். கூடுதல் நற்பலன்களும் கிடைக்கும். இதற்கிடையில் தசாபுத்தி பலம் பெற்றவர்களுக்கு மட்டும் கெடுபலன்கள் கொஞ்சம் குறைவாக இருக்கும்.

ஆறாமிடத்து குரு என்ன செய்யும்

உங்கள் ராசிக்கு 6, 9 ஆகிய இரண்டு இடங்களுக்கும் அதிபதியானவர் குரு. அவர் தன் சொந்த வீட்டில் சஞ்சரிக்கும் பொழுது, ‘விபரீத ராஜயோக’ அடிப்படையில் செயல்படுவார். அதன் பார்வை பலத்தாலும் பலன் கொடுப்பார். அவரோடு தனாதிபதி சூரியன், சகாய - விரய ஸ்தானாதிபதி புதன், சப்தம அஷ்டமாதிபதி சனி, கேது ஆகிய கிரகங்களும் இணைந்திருப்பதால் பெரிய அளவில் பாதிப்புகள் ஏற்படாது. கொடிகட்டிப் பறந்த குடும்பப் பிரச்சினைகள் படிப்படியாக நல்ல முடிவிற்கு வரும். ஆரோக்கியத் தொல்லையில் இருந்து விடுபட மாற்று மருத்துவம் கைகொடுக்கும். நீண்ட தூரப் பயணங்கள் நிகழ்காலத் தேவையைப் பூர்த்தி செய்யும். உத்தியோகம் சம்பந்தமாக வெளிநாடுசெல்ல வேண்டும் என்று விண்ணப்பித்தவர்களுக்கு, இப்பொழுது நல்ல தகவல் கிடைக்கும். சக பணியாளர்களுடன் நல்லிணக்கம் ஏற்படும். உங்கள் திறமைக்கும் அங்கீகாரம் கிடைக்கும். ஒரு சிலருக்கு பணி நிரந்தரம் பற்றிய தகவல் வந்து மகிழ்விக்கும். கொடுக்கல்- வாங்கலில் இருந்த மனகசப்புகள் மாறும். பரிசீலனையில் இருந்த பதவி உயர்வு ஏப்ரல் மாதத்திற்கு பிறகு கிடைக்கும். ஒருசிலர் சுதந்திரமாகச் செயல்பட முற்படுவர். ராகுவிற்குரிய துர்க்கை, காளி, மாரியம்மன், கேதுவிற்குரிய விநாயகர், சித்ரகுப்தர் போன்ற தெய்வங்களை எல்லாம் வருடத் தொடக்கத்திலேயே வழிபடுவதன் மூலம் எதிரிகள் விலகுவர். லாபம் எதிர்பார்த்தபடியே வந்து சேரும்.

மகர குருவின் சஞ்சாரம்

8.7.2020 முதல் 9.9.2020 வரை தனுசு ராசிக்குள் குரு வக்ரம் பெறுகிறார். இக்காலத்தில் சனியும் தனுசு ராசிக்குள்ளேயே வக்ரத்தில் இருக்கிறார். 6, 9 ஆகிய இடங்களுக்கு குரு அதிபதி என்பதால், தந்தை வழியில் சில பிரச்சினைகள் ஏற்பட்டு அகலும். பங்காளிப் பகை உருவாகலாம். அன்பு செலுத்தி வந்த அண்ணன், தம்பிகளில் ஒருசிலர் உங்களைவிட்டு விலக நேரிடும். அனைவரையும் அனுசரித்துச் செல்வதன் மூலம் மட்டுமே ஆதாயம் எதிர்பார்த்தபடி கிடைக்கும். ஜென்ம குரு வக்ரம்அடையும் பொழுது வாகன மாற்றங்கள், இடமாற்றங்கள் தானாகவே வந்து சேரும். வரும் மாற்றங்களை ஏற்றுக் கொள்ளுங்கள். சங்கிலித் தொடர்போல வந்த கடன்சுமை பாதிக்கு மேல் குறையும்.

15.11.2020-ல் மகர ராசிக்கு குரு பகவான் பெயர்ச்சியாகிச் செல்கிறார். மகர ராசி குரு பகவானுக்கு நீச்ச வீடாகும். நீச்சம் பெற்றிருந்தாலும் குருவின் பார்வை நமக்கு உச்சம் பெற்ற வாழ்க்கையை அமைத்துக்கொடுக்கும். எனவே இந்த குருப்பெயர்ச்சி உங்களுக்கு சாதகமான பெயர்ச்சியாகவே அமையப் போகிறது. சராசரி மனிதனைக் கூட சக்கரவர்த்தியாக்கும் ஆற்றல் குருவின் பார்வைக்கு உண்டு. எனவே இக்காலம் ஒரு பொற்காலமாக அமையும். இல்லத்தில் மகிழ்ச்சி பொங்கும். தட்டுப்பாடுகள் அகன்று தனவரவு பெருகும். பட்டி தொட்டிகளில் எல்லாம் உங்கள் புகழ் பரவும்.

ராகு -கேது பெயர்ச்சிக் காலம்

ஆண்டின் தொடக்கத்தில் 12-ம் இடமான விரய ஸ்தானத்தில் ராகு சஞ்சரிக்கிறார். 6-ம் இடமான எதிரிகள் ஸ்தானத்தில் கேது பகவான் சஞ்சரிக்கிறார். 1.9.2020-ல் ராகு - கேது பெயர்ச்சி நிகழவிருக்கிறது. பின்னோக்கிச் செல்லும் இந்த இரண்டு கிரகங்களும் உங்கள் வாழ்வில் எண்ணற்ற நற்பலன்களை வழங்கப்போகின்றன. இந்த நேரத்தில் ரிஷபத்தில் ராகுவும், விருச்சிகத்தில் கேதுவும் சஞ்சரிப்பார்கள். 11-ம் இடத்தில் சஞ்சரிக்கும் ராகுவால் தொழிலில் எதிர்பார்த்த லாபம் வந்து சேரும். வியாபாரத்தில் இதுவரை இருந்த சரிவை சரிக்கட்டுவீர்கள். தொழிலை விரிவுபடுத்தும் முயற்சிக்கு வங்கிகளின் உதவி கிடைக்கும். வாடகை இடத்தில் நடைபெறும் தொழில் நிலையத்தைச் சொந்த இடத்திற்கு மாற்றுவது பற்றி சிந்திப்பீர்கள். சமூகத்தில் உயர்ந்த அந்தஸ்து படைத்தவர்களின் ஒத்துழைப்பு கிடைக்கும். ஒருசிலருக்கு வெளிநாட்டில் இருக்கும் சொத்துக்களை விற்று அதன் மூலம் பெரும்தொகை வரலாம். கொடுத்த வாக்குறுதியைக் காப்பாற்றி மகிழ்வீர்கள். எதிர்காலத்தைப் பற்றிய பயம் அகலும். பணியாளர்கள் உங்களுக்குப் பக்கபலமாக இருப்பார்கள்.

பஞ்சம ஸ்தானத்தில் கேது சஞ்சரிப்பதால், பிள்ளைகளை உங்கள் மேற்பார்வையில் வைத்துக்கொள்வது நல்லது. பள்ளியில் படிக்கும் பிள்ளைகளாக இருந்தால் அவர்கள் குணத்தில் மாறுபாடு ஏற்படலாம். அவ்வப்போது பார்த்து நெறிப்படுத்துங்கள். பூர்வீக சொத்துப் பிரச்சினைகள் நல்ல முடிவிற்கு வரும். பஞ்சாயத்துக்கள் உங்களுக்கு சாதமாக முடியும். பாகப்விரிவினையில் கிடைத்த இடத்தில் வீட்டைக்கட்டி அழகுபார்க்கும் யோகமும் உண்டு. பிள்ளைகளின் உத்தியோகம் சம்பந்தமாக முயற்சித்திருந்தால் அந்த முயற்சிக்குப் பலன் கிடைக்கும் நேரம் இது. ‘பிள்ளைகளின் எதிர்காலம் எப்படியிருக்குமோ’ என்ற சிந்தனையால் ஏற்பட்ட மனக்குழப்பம் நீங்கும். தட்டுப்பாடுகளைத் தகர்த்தெறிய குலதெய்வப் பிரார்த்தனைகளை மேற்கொள்ளுங்கள்.

சனிப்பெயர்ச்சிக் காலம்!

உங்கள் ராசிக்கு 6-ம் இடத்தில் சஞ்சரித்து வரும் சனி பகவான் 29.4.2020 முதல் 14.9.2020 வரை தனுசு ராசியில் வக்ரம் பெறுகிறார். உங்கள் ராசி அடிப்படையில் 7, 8 ஆகிய இடங்களுக்கு அதிபதியானவர் சனிபகவான். களத்திர ஸ்தானம் மற்றும் ஆயுள் ஸ்தானத்திற்கு அதிபதியான அவர் வக்ரம் பெறுவது அவ்வளவு நல்லதல்ல. குடும்பப் பிரச்சினைகள் அதிகரிக்கும். பிறரை விமர்சிப்பதால் நல்ல வாய்ப்புகள் கூட கைநழுவிச் செல்லலாம்.
13.2.2020 முதல் 22.3.2020 வரை தனுசு ராசிக்குள் செவ்வாய்- சனி சேர்க்கை நடக்கிறது. 3.5.2020 முதல் 17.6.2020 வரை கும்பத்தில் உள்ள செவ்வாயை சனி பார்க்கிறார். இந்த காலகட்டத்தில் மிகுந்த கவனம் தேவை. விரயங்கள் கூடுதலாக இருக்கும். கொடுத்த பணம் திரும்ப வராது. கொள்கைப் பிடிப்போடு செயல்பட இயலாது.

26.12.2020 மகர ராசிக்குச் சனி செல்கிறார். சப்தம ஸ்தானத்தில் சனி இருக்கும்போது, ‘கண்டகச் சனி’ செயல்படும். இந்த காலகட்டத்தில் முன்னேற்றத்திற்கு இடையூறாக முன்கோபம் அதிகரிக்கும். எதிர்மறைச் சிந்தனைகளை வளர்த்துக்கொள்ள வேண்டாம். எந்தக் காரியத்தைச் செய்தாலும் ஒருமுறைக்குப் பலமுறை யோசித்துச் செய்யுங்கள். ஆரோக்கியத் தொல்லைகள் அதிகரிக்கும். உடன் இருப்பவர்களை நம்பி எதுவும் செய்ய இயலாது. பிறரிடம் ஒப்படைத்த பொறுப்புகள் சரிவர நடைபெறாது. மனநிம்மதி குறையலாம். இதுபோன்ற காலங்களில் வழிபாடுகள் தான் உங்களை வளப்படுத்தும். சனி பகவான் அருளும் சிறப்பு தலங்களுக்குச் சென்று வழிபாடு செய்வதோடு, அனுமனையும் வழிபாடு செய்து வாருங்கள்.
செல்வ வளம் தரும் வழிபாடு

திங்கட்கிழமை தோறும் விரதம் இருந்து தெற்கு நோக்கிய அம்பிகையை வழிபட்டு வருவதோடு யோகம் பெற்ற நாளில் தஞ்சை பெரிய கோவில் சென்று நந்தீஸ்வரர், வராகி அம்மன் உள்ளிட்ட தெய்வங்களுக்கு அர்ச்சனைகள் செய்து வழிபட்டு வந்தால் சந்தோஷத்தை தக்க வைத்துக்கொள்ளலாம்.
குருவின் வக்ர காலமும், பரிவர்த்தனை யோகமும்

27.3.2020-ல் மகர ராசிக்கு, குரு வக்ர இயக்கத்தில் செல்கிறார். அங்கு 7.7.2020 வரை இருக்கிறார். இக்காலத்தில் தனுசு ராசிக்குள் சனியும் வக்ர இயக்கத்தில் இருப்பதால், இருவரும் பரிவர்த்தனை யோகம் அடைகிறார்கள். ‘பரிவர்த்தனை யோகம்’ என்பது யோகங்களில் சிறந்த யோகமாகும். இக்காலத்தில் கல்யாணக் கனவுகள் நனவாகலாம். கடமையில் இருந்த தொய்வு அகலும். ‘இல்லத்தில் மங்கல ஓசை கேட்கவில்லையே’ என்று கவலைப்பட்டவர்களுக்கு, சுபச்செய்திகள் வந்த வண்ணமாக இருக்கும். மனவலிமையோடு எடுத்த காரியத்தையும் எதிர்கொள்வீர்கள். மற்றவர்களுக்கு பொறுப்பு சொல்லி வாங்கிக் கொடுத்த தொகையும் வந்து சேரும். வாழ்க்கைத் துணை வழியே வந்த பிரச்சினை அகலும். ‘வாரிசு இல்லையே’ என்று ஏங்கியவர்களுக்கு, நீங்கள் செய்த வழிபாடுகளும், பரிகாரங்களும் நல்ல பலனை வழங்கப்போகின்றன.
பெண்களுக்கான பலன்கள்

இந்தப் புத்தாண்டு மார்ச் மாதத்திற்கு பிறகு மகிழ்ச்சியும், முன்னேற்றமும் கொடுக்கும். வருடத் தொடக்கத்தில் புத-ஆதித்ய யோகமும், பலம்பெற்ற செவ்வாயும் இருப்பதால் பொருளாதாரம் திருப்திகரமாக இருக்கும். ஆபரண சேர்க்கை உண்டு. கணவன்- மனைவிக்குள், உடன் இருப்பவர்களால் சில பிரச்சினைகள் வரலாம். தொழில், உத்தியோகம் நிமித்தமாக கணவன் ஓரிடத்திலும், மனைவி ஓரிடத்திலும் வசிக்கும் சூழ்நிலை கூட உருவாகலாம். பிள்ளைகளின் கல்வி முன்னேற்றம், கல்யாண வாய்ப்புகளில் தடை ஏற்பட்டாலும் இறுதியில் நல்ல முடிவு ஏற்படும். தாய் மற்றும் சகோதரத்தின் ஒத்துழைப்பு திருப்தி தரும். குருப்பெயர்ச்சிக்குப் பின்னால் தொட்டது துலங்கும். துணிவும், தன்னம்பிக்கையும் கூடும். பணிபுரியும் பெண்களுக்கு இடமாற்றம், இனிய மாற்றமாக அமையும். வீடு, வாகனம் வாங்க கடனுதவி கிடைக்கும். சனிப்பெயர்ச்சிக்குப் பிறகு கொஞ்சம் கூடுதல் கவனம் தேவை. பவுர்ணமி கிரிவலமும், குலதெய்வப் பிரார்த்தனையும், அனுமன் வழிபாடும் நல்ல பலன்களைக் கொடுக்கும்.

 

சார்வரி வருடத்தொடக்கத்தில், உங்கள் ராசிநாதன் சந்திரன், சனி மற்றும் கேதுவுடன் இணைந்து 6-ம் இடத்தில் சஞ்சரிக்கிறார். சப்தம ஸ்தானத்தில் குருவும் செவ்வாயும் இணைந்து குரு-மங்கள யோகத்தை உருவாக்குகிறார்கள். புதன் நீச்சம் பெற்று மீனத்தில் சஞ்சரிக்கிறார். தனாதிபதி சூரியன் உச்சம் பெற்றும், லாபாதிபதி சுக்ரன் சொந்த வீட்டிலும் சஞ்சரித்து ஆண்டு தொடங்குவதால் பணப்பற்றாக்குறை அகலும்.

ராகு-கேது பெயர்ச்சி

1.9.2020 அன்று உங்கள் ராசிக்கு 11-ம் இடத்திற்கு ராகுவும், 5-ம் இடத்திற்கு கேதுவும் பெயர்ச்சியாகிறார்கள். லாப ஸ்தானத்தில் ராகு சஞ்சரிக்கும் பொழுது, பணம் பல வழிகளிலும் வந்து பையை நிரப்பும். தொழில் எதிர்பார்த்ததை காட்டிலும் கூடுதல் லாபம் கிடைக்கும். வங்கிகளின் ஒத்துழைப்பால் கடன் உதவி பெறுவீர்கள். பிள்ளைகள் வழியில் உதிரி வருமானம் கிடைக்கும். பூர்வீக வீடுகளில் பாகப்பிரிவினை செய்துகொள்ள எடுத்தப் பஞ்சாயத்துகள் நல்லமுடிவிற்கு வரும். ஆன்மிகப் பணியை தொடர முன்வருவீர்கள்.

குருப்பெயர்ச்சி

15.11.2020 அன்று மகர ராசிக்கு குருபகவான் பெயர்ச்சியாகி செல்கிறார். அது குருவுக்கு நீச்ச வீடு. இருப்பினும் பார்க்கும் இடங்களால் உங்களுக்கு நல்ல பலன் வந்து சேரும். தனவரவு திருப்தி தரும் பெண்களால் நன்மை உண்டு. உதிரி வருமானங்கள் கிடைக்கும். எடுத்த காரியம் எளிதில் முடியும். மாமன், மைத்துனர் வகையில் மகத்தான ஒத்துழைப்பு கிடைக்கும். திருமண முயற்சி கைகூடும். உற்சாகத்துடன் பணிபுரிவீர்கள். சகோதர ஒற்றுமை பலப்படும். புதிய ஒப்பந்தங்கள் அடுக்கடுக்காக வந்து சேரும்.

சனிப்பெயர்ச்சி

26.12.2020 அன்று வாக்கிய பஞ்சாங்க ரீதியாக சனி பகவான் மகரத்திற்கு பெயர்ச்சியாகிறார். ராசிக்கு 7-ம் இடத்தை கண்டகச் சனி என்பார்கள். இந்த நேரத்தில் விரயங்கள் அதிகரிக்கலாம். வீடு மாற்றங்களும், நாடு மாற்றங்களும், உத்தியோக மாற்றங்களும் விருப்பமின்றி நடைபெறும். குடும்ப சுமை கூடும். அலைச்சலுக்கேற்ற ஆதாயம் கிடைக்காது.

குரு வக்ரமும், அதிசாரமும்

13.5.2020 முதல் 7.7.2020 வரை குருபகவான் அதிசாரமாகவும், வக்ரமாகவும் சஞ்சரிக்கிறார். 8.7.2020 முதல் 9.9.2020 வரை தனுசு ராசியில் குரு வக்ர இயக்கத்தில் இருக்கிறார். அதே நேரத்தில் சனியும் வக்ர கதியில் அவரோடு இணைந்து சஞ்சரிக்கிறார். மீண்டும் குருபகவான் 6.4.2021 முதல் கும்ப ராசிக்கு அதிசாரத்தில் செல்கிறார். இவற்றின் விளைவாக உங்களுக்கு திடீர் மாற்றங்கள் செல்கிறார். தொழில் பங்குதாரர்களால் தொல்லைகள் ஏற்படலாம். ஒரு சிலருக்கு வாங்கல், கொடுக்கல்களில் ஏமாற்றங்களைக்கூட சந்திக்க நேரிடும். வீடு மாற்றம் நாடு மாற்றம் சம்பந்தமாக எடுத்த முயற்சிகளில் தாமதம் உண்டாகும். உறவினர்களின் ஒத்துழைப்பு குறையலாம்.

வழிபாடு

பஞ்சமி திதியில் விரதமிருந்து வராகி அம்மனை வழிபட்டு வருவதோடு யோகபலம் பெற்ற நாளில் சிவகங்கை மாவட்டம் இளையாத்தங்குடியிலுள்ள நித்ய கல்யாணி, கயிலாசநாதரை வழிபட்டு வந்தால் நிகழ்கால தேவைகள் பூர்த்தியாகும்.

ஜனவரி 24-ம் தேதி 2020 முதல் 2022 ஆண்டு வரை

(புனர்பூசம் 4ம் பாதம், பூசம், ஆயில்யம் மற்றும் ஹி, ஹீ, ஹ, ட, டு, டே, டோ ஆகிய எழுத்துக்களை பெயரின் முதல் எழுத்தாக கொண்டவர்களுக்கும்.)
கடக ராசிக்கு தற்போதய ஆறாமிடத்தில் இருந்து மாறி ஏழாடத்திற்கு சனிபகவான் செல்கிறார்.

கடந்த காலங்களில் சனிபகவான் நிலை கொண்டிருந்த ஆறாமிடம் யோகமான இடம், தற்போது மாறி இருக்கின்ற ஏழாமிடம் நல்ல பலன்களைத் தரக் கூடிய இடம் இல்லை என்றும் நம்முடைய மூல நூல்கள் சொல்கின்றன. கோட்சார பலன்கள் என்பது ஒன்பது கோள்களின் இருப்பிடத்தையும் கணித்து பொதுவாக சொல்லப்பட வேண்டியது. அந்த அமைப்பில் பலன் சொல்ல முற்படும் போது, இன்னும் சில மாதங்களுக்கு ஆறு பனிரெண்டாமிடங்களில் உள்ள ராகு கேதுக்கள் கடகத்திற்கு யோகங்களை தருகின்ற விதத்தில் அமைந்திருப்பதால் இன்னும் சிலகாலத்திற்கு கோட்சார பலன்கள் கடகத்திற்கு சாதகமாகவே இருக்கும்.

மேலும் ஏழாமிடத்திற்கு வருகின்ற சனிபகவானால் கணவன்-மனைவி இடையே கருத்து வேற்றுமை, பிரிவு, குடும்பத்தில் குழப்பம், ஆரோக்கியக் குறைவு, நண்பர்கள், பங்குதாரர்களிடையே மனக் கசப்பு, தந்தைவழி உறவினர்களால் விரோதம் போன்ற பலன்கள் சொல்லப் பட்டிருந்தாலும் தற்போதைய நிலையில் சனிபகவான் தனது சொந்த வீட்டில் ஆட்சிநிலை பெறப்போவதாலும் அடுத்த வருடம் சுபரான குருவுடன் இணைந்து சுபத்துவம் அடையப் போவதாலும் மற்ற ராசிகளுக்கு அவர் ஏழாமிடத்தில் இருக்கும்போது தருகின்ற கெடுபலன்களைப் போல கடகத்திற்கு இம்முறை தரப் போவது இல்லை. எனவே தற்போது நடைபெறுகின்ற சனி மாற்றம் கடகத்திற்கு நிச்சயமாக கெடுபலன்களைத் தரப் போவது இல்லை.

பொதுவாக கோட்சார பலன்கள் எல்லா ராசியினருக்கும் ஒரே போன்று அமைவது இல்லை. மாறுகின்ற கிரகம் அந்த ராசிக்கு யோகத்தை தருவதா? அவ யோகத்தை தருவதா? என்பதை வைத்துத்தான் துல்லியமான பலன்களை ஒரளவிற்கேனும் கணிக்க முடியும். பாபக் கிரகமாயினும் அந்தக் கிரகம் சுபத்துவ, சூட்சும வலுவோடு இருக்கையில் கெடுபலன்களைத் தந்து விடுவது இல்லை. அந்த அமைப்பின்படி கடகராசிக்கு தற்போதைய சனி மாற்றம் கெடுதல்களை எதையும் தராது.

ஆயினும் சனிபகவான் ராசியைப் பார்க்கப் போவதால் இந்த சனி மாற்றத்தினால் உங்களுடைய குணநலன்களில் சிறிது மாற்றம் இருக்கும். குறிப்பாக சனியின் தனிப்பட்ட குணமான பிடிவாதம் உங்களுக்கு அதிகரிக்கும். எதிலும் வளைந்து கொடுக்க மாட்டீர்கள். சற்று சுயநலக்காரனாக மாறி விடுவீர்கள். சனியின் ராசி பார்வை உடல், மனம் இரண்டையும் இறுக்கமாக்கும் என்பது விதி.

எனவே நடுத்தர வயதில் உள்ளவர்கள் தங்களுடைய உடல்நலத்தில் அக்கறையோடு இருக்க வேண்டியது அவசியம். ராசியைப் பார்க்கும் சனி இனம் புரியாத கவலைகளையும், நோயே இல்லாவிட்டாலும் தனக்கு ஏதோ ஒன்று இருக்கின்றது என்கின்ற எண்ணத்தையும் கொடுத்து மனத்தையும், உடலையும் அலைக்கழிப்பார் என்பதால் இதுபோன்ற விஷயங்களில் கடக ராசிக்காரர்கள் கவனமாக இருக்க வேண்டியது என்பது நல்லது.

ஏழாமிடத்து சனியால் இனம் புரியாத மனக்கலக்கம் மற்றும் ஏதோ ஒன்று தவறாக நடக்க போகிறது, அது என்னவென்று தெரியவில்லையே என்று ஒரு உறுத்தல், கெட்டது நடந்து விடுமோ என்ற பயம், ஒன்றும் இல்லாத சிறிய விஷயத்தை பெரிதாக நினைத்துப் பயப்படுதல் போன்ற விஷயங்கள் உங்களுக்கு வரும் என்பதால் எதிலும் மனஉறுதியுடன் இருக்க வேண்டியது அவசியம்.

இந்த ஒருவிதமான மனப்பான்மையை தவிர வேறு எவ்வித கெடுதலையும் சனி உங்களுக்கு தராது என்பதாலும் சனிபகவான் ஏழாம் இடத்தில் இருந்தாலும், ராகுகேதுக்கள் இன்னும் சில மாதங்களுக்கு சாதகமான அமைப்பில் இருக்க போவதாலும், சனி தற்போது ஆட்சி வீட்டில் அமரப் போவதாலும், அடுத்த வருடம் குரு பகவான் சனியுடன் இணையப் போவதாலும் கடகத்திற்கு தற்போதைய நிலையில் கெடுதல்கள் இல்லை.

ராசியை சனி பார்ப்பதால் ஆன்மீக உணர்வுகள் சிலருக்கு அதிகமாகும். ஆன்மீகம் சம்பந்தப்பட்ட நிகழ்வுகள் சிலரைத் தேடிவரும். ஆலயத்தில் பணி செய்ய வாய்ப்பு கிடைக்கும். இதுவரை தரிசிக்க வேண்டும் என்று ஏங்கியிருந்த புனிதத் தலங்களுக்கு சென்று மனநிறைவுடன் திரும்பி வருவீர்கள். ஞானிகளின் ஆசிர்வாதமும் அவர்களின் தொடர்பும் கிடைக்கும்.

சிலர் புனிதத்தலங்களுக்கு அருகில் வேலை மாறுதல்கள் பெறுவீர்கள். சிதிலம் அடைந்த ஆலயங்களை புனருத்தானம் செய்வீர்கள். கும்பாபிஷேக திருப்பணிகளில் கலந்து கொள்ளும் பாக்கியம் கிடைக்கும். காசி, ராமேஸ்வரம், ரிஷிகேஷ், ஹரித்துவார் போன்ற பயணங்கள் இப்போது உண்டு. பெண்களுக்கு நகை சேரும் காலம் இது. வேலை செய்யும் பெண்களுக்கு அலுவலகத்தில் நல்ல பலன்கள் இருக்கும். பதவி உயர்வு, சம்பள உயர்வு கிடைக்கும். பிடித்தமில்லாத வேலையில் இருந்தவர்களுக்கு உங்களுக்கேற்ற தகுதியான வேலையில் சேர்வீர்கள். குடும்பத்தில் மதிப்பும், மரியாதை இருக்கும். உங்களுடைய பேச்சுக் கேட்கப்படும். ஆலோசனை ஏற்கப்படும்.

வியாபாரிகளுக்கு தொழில் நல்லபடியாக நடக்கும் காலகட்டம் இது. நல்ல வேலைக்காரர்கள் அமைவார்கள். புதுக் கம்பெனி ஸ்டாக்கிஸ்ட், டீலர்ஷிப் கிடைத்து வியாபாரம் பெருகும். நல்ல வருமானம் இருக்கும். சொந்தத் தொழில் செய்பவர்கள் ஆர்டர்கள் நிறையக் கிடைத்து மேன்மை அடைவீர்கள். குறிப்பிட்ட நேரத்தில் டெலிவரி செய்து நல்ல பெயர் எடுப்பீர்கள். வருமானத்திற்கு குறைவிருக்காது.

சிலருக்கு பயணம் சம்பந்தமான வேலைகள் அமைந்து அலைச்சல்களும் பிரயாணங்களும் அதிகமாக இருக்கும். பயணங்களால் லாபமும் இருக்கும். பெற்றோர் வழியில் சுமாரான ஆதரவு நிலை இருக்கும். பங்காளிகள் மற்றும் உறவினருடன் சுமூக நிலையை கடைப்பிடிக்க வேண்டியது அவசியம். சகோதர சகோதரிகள் வழியில் உங்களுக்கு செலவு இருக்கலாம். அவர்களிடம் இருந்து உதவியை எதிர்பார்க்க வேண்டாம்.

சனிபகவானின் பார்வை நான்காம் வீட்டில் விழுவதால் வீடு, வாகனம், தாயார், தன்சுகம், உயர்கல்வி போன்ற விஷயங்களில் சில எதிர்மறை பலன்களும், சாதகமற்ற நிலைகளும் இருக்கும். அதேபோல வாகனமாற்றம், புதிய அதிகவிலை உள்ள வாகனம் வாங்குதல் போன்றவற்றிலும் நிதானத்துடன் செயல்படுங்கள். வயதான தாயாரினால் மருத்துவச் செலவுகள் வரும். தாயாரின் உடல்நலத்தில் அலட்சியம் வேண்டாம். அவருக்கு சிறு பிரச்னை என்றாலும் உடனே மருத்துவரை அணுகுவது நல்லது.

ஏழாமிடத்தில் இருக்கும் சனிபகவானால் கணவன்-மனைவிக்குள் கருத்து வேறுபாடுகள் வரும் என்றாலும் அவர் ஆட்சியாக இருப்பதால் உங்களுக்கு நேரடி கெடுபலன்களை தரமாட்டார். சிலர் வேலை விஷயமாக மனைவியை பிரிந்து வெளிமாநிலத்திற்கோ வெளிநாட்டிற்கோ இந்த காலக்கட்டத்தில் செல்வீர்கள். மிக மிக முக்கியமாக வாழ்க்கைத் துணையின் ஆரோக்கியத்தில் கவனம் வையுங்கள், அலட்சியமாக இருக்காதீர்கள்.

கூட்டுத்தொழிலில் இருப்பவர்கள் கவனமாக இருக்க வேண்டிய நேரம் இது. பார்ட்னர்களுக்குள் கருத்துவேற்றுமைகளையும், சந்தேகங்களையும் சனி உருவாக்குவார் என்பதால் எந்த ஒரு விஷயத்திலும் அவரப்படாமல் தீர்க்கமாக ஆலோசித்து ஒருவரையொருவர் புரிந்து கொண்டு நிறுவனத்தை நடத்திச் செல்வது நல்லது.

குடும்பத்தில் சுபகாரியங்கள் நடக்கும். நீண்டநாள் திருமணம் ஆகாத இளைய பருவத்தினருக்கு உடனடியாக திருமணம் நடக்கும். ஏற்கெனவே மணமாகி முதல் வாழ்க்கை கோணலாகிப் போனவர்களுக்கு இரண்டாவது வாழ்க்கை நல்லபடியாக நடந்து அனைத்தும் சீரடையும். இளையவர்களுக்கு மனத்திற்குப் பிடித்தமான வேலை அமையும். திருமண பருவத்தில் இருப்பவர்களுக்கு வாழ்க்கைத் துணையை இப்போது சனிபகவான் அடையாளம் காட்டுவார். சிலர் காதலிக்க ஆரம்பிப்பீர்கள்.

இந்த சனிப்பெயர்ச்சியால் பணவரவும் பொருளாதார நிலைமையும் நன்றாகவே இருக்கும். எனவே நிதிநிலைமையைப் பற்றி கவலைப்பட வேண்டியது இருக்காது. ஆனாலும் வீண் செலவு செய்வதை தவிருங்கள். என்னதான் பணவரவு நிறைவாக இருந்தாலும் பற்றாக்குறையை ஏழாமிடத்து சனிபகவான் ஏற்படுத்துவார் என்பதால் எல்லாவற்றிலும் சிக்கனமாக இருப்பது நல்லது.

யூக வணிகம் எனப்படும் பங்குச் சந்தை விவகாரங்களில் கவனமாக இருங்கள். ஸ்பெகுலஷன் துறைகள் இப்போது கை கொடுக்காது. அதிக வட்டிக்கு ஆசைப்பட்டு தனியார் துறையில் முதலீடு செய்ய வேண்டாம். நம்பகமான துறைகளில் அரசு வங்கிகளில் முதலீடு செய்யுங்கள். சனி ராசியைப் பார்ப்பதால் எண்ணத் தடுமாற்றம் உண்டாகி தவறான முடிவு எடுப்பீர்கள். குறிப்பாக பண விவகாரங்க்களில் கவனமாக இருங்கள். அடுத்தவர் கடனுக்கு பொறுப்பேற்பதும் இப்போது வேண்டாம். அண்ணன் தம்பியாக இருந்தாலும் பணப் பரிவர்த்தனையில் யாரையும் நம்ப வேண்டாம்.

அரசு, தனியார்துறை ஊழியர்களுக்கு துறைரீதியான இடமாறுதல்களோ அல்லது பதவி உயர்வுடன் கூடிய ஊர்மாற்றமோ இருக்கலாம். தற்போது இருக்கும் வசதியான ஊரை விட்டு வேறு எங்கோ மாற்றம் இருக்கும் என்பதால் பதவி உயர்வு என்றாலும் அதை அரைகுறையான மனதுடன் தான் நீங்கள் ஏற்றுக் கொள்ளும்படி இருக்கும்.

மொத்தத்தில் இந்த சனிப்பெயர்ச்சி கெடுபலன்கள் எதையும் தராமல் மிதமான நற்பலன்களை மட்டுமே கடகத்திற்குத் தரும் என்பது உறுதி.

பரிகாரங்கள்:

ஒரு சனிக்கிழமை இரவு எட்டு மணியிலிருந்து ஒன்பது மணிக்குள் அல்லது உங்களின் ஜென்ம நட்சத்திர நாளன்று இரவில் சனி ஹோரையில் அய்யப்ப பக்தர்கள் நான்கு பேருக்கு உங்கள் வீட்டில் இல்லாமல் பொது இடத்தில் அல்லது கோவிலில் கருப்பு வேட்டி கருப்பு துண்டு தானம் செய்யுங்கள்.

ஜோதிடக்கலை அரசு ஆதித்யகுருஜி
(செல்: 8870 99 8888)

கடக ராசிக்காரர்களுக்கு தற்போது நற்பலன்களைத் தரும் இடமாக சொல்லப்படும் ஐந்தாம் இடத்தில் இருந்து, சாதகமற்ற பலன்களை தருவதாக சொல்லப்படும் ஆறாம் இடத்திற்கு குரு மாறுதல் அடைகிறார்.

பொதுவாக ஆறாம் இடம் என்பது கடன், நோய், எதிரிகளை குறிக்கும் இடம் என்பதாலும், சுப கிரகமான குரு ஆறாம் இடத்தில் அமரும் நிலையில் கடன், நோய் தொந்தரவுகளை வளர்ப்பார் என்ற முறையிலும் ஆறாம் இடம் குருவுக்கு ஏற்றதல்ல என்று சொல்லப்பட்டது. ஆனாலும் அனைத்து விதிகளும் விதி விலக்குகளுக்கு உட்பட்டது என்ற முறையில், எல்லா ராசிகளுக்கும் குரு ஆறாம் இடத்தில் ஒரே பலனைத் தருவதில்லை.

கடகம் என்பது ஒரு சர ராசி என்பதாலும், கடகத்திற்கு குரு நன்மைகளைத் தரக்கூடிய பாக்கியாதிபதி மற்றும் யோகாதிபதி என்பதாலும் தற்போது தனது ஆட்சி வீட்டில் அமர்ந்து இருப்பதாலும், ஆறாமிடத்து கெடுபலன்களை கண்டிப்பாக குரு தரமாட்டார். அதைவிட மேலாக இருக்கும் இடத்தை விட, பார்க்கும் இடத்தை புனித படுத்துபவர் குரு என்ற விதிப்படி அவர் பார்க்கும் இடங்களான பத்து, பன்னிரெண்டு, மற்றும் இரண்டாம் இடங்கள் புனிதமடைகின்றன.

இதில் பத்தாமிடம் என்பது வேலை, தொழில் போன்றவைகளை குறிக்கின்ற ஒரு இடமாகும். எனவே இதுவரை கடக ராசியில் பிறந்து நிம்மதியற்ற தொழிலில் இருப்பவர்களும், முன்னேற்றம் இல்லாத வேலையில் உள்ளவர்களும் இந்த குருப்பெயர்ச்சியின் மூலம் வரும் நவம்பர் மாதத்திலிருந்து வேலை தொழில் வியாபாரம் போன்ற ஜீவன அமைப்புகளில் முன்னேற்றங்களை காண்பீர்கள்.

தொழில் விஷயங்களில் விரிவாக்கங்கள், புதிய முயற்சிகள் போன்றவற்றை செய்வதற்கு யோசித்து, தயங்கி கொண்டிருந்தவர்கள் இனிமேல் தாராளமாக புதிய முயற்சிகளைத் தொடங்கலாம். படித்த படிப்பிற்கு ஏற்றார்போல வேலை கிடைக்காத இளைய பருவத்தினருக்கு மனதுக்கு ஏற்ற மாதிரியான வேலை வாய்ப்புகள் நிச்சயமாக உண்டு.

அதேநேரத்தில் இன்னும் சில வாரங்களில் நடக்கும் சனிப்பெயர்ச்சி மூலம் சனி ஏழாமிடத்திற்குச் சென்று கணவன் மனைவி மற்றும் நண்பர்கள், பங்குதாரர்கள் இடையே பிரச்னைகளை தூண்டி விடக் காத்துக் கொண்டிருக்கிறார். இது போன்ற நிலையை தனது இரண்டாமிடப் பார்வையால் தடுத்து கடகத்தினரை காக்கும் செயலை குரு செய்வார்.

அடுத்து குரு ஆறாம் இடத்தில் இருந்து 12-ஆம் இடத்தைப் பார்ப்பது வீண் செலவுகளையும், விரயங்களையும் தருகின்ற ஒரு நிலை என்பதாலும் ஆறாம் இடத்தில் இருந்து அவர் பார்க்கிறார் என்பதாலும் செலவுகள் விஷயத்தில் இந்த வருடம் நீங்கள் கவனமுடன் இருந்தாக வேண்டி இருக்கும். 6-ஆம் இடம் என்பது கடன் தொந்தரவுகளை கொடுக்கக்கூடிய இடம்தான். இருப்பினும் கடன்களில் இரண்டு வகைகள் இருக்கின்றன. ஒன்று சுபக்கடன் எனவும் அடுத்தது அசுபக்கடன் எனவும் சொல்லப்படக் கூடியது.

இங்கே கடன் வாங்காமல் எந்த மனிதரும் இருக்க முடியாது. கடன் வாங்கித்தான் தொழில் செய்கிறோம். தொழிலை விரிவாக்கம் செய்யவும் கடன் வாங்குகிறோம். கடன் வாங்காமல் எந்த ஒரு உயிரும் இருப்பதில்லை. அதேநேரத்தில் வாங்குகின்ற கடன் நல்லவழியில் செலவாகிறதா அல்லது கெட்ட வழியில் செலவாகிறதா என்பதுதான் நமக்குள்ள பிரச்சினையாக இருக்கும்.

குரு ஒரு இயற்கை சுப கிரகம் என்பதாலும், அவர் ஆறாமிடத்தில் ஆட்சி வீட்டில் சுபமாக அமர்ந்திருப்பதாலும், இம்முறை கடக ராசிக்காரர்களுக்கு சுபக் கடன்களை மட்டுமே தருவார் என்பது உறுதி. இதில் சுபக் கடன் என்பது வாழ்க்கைக்கு தேவையான நல்ல விஷயங்களான திருமணம், தொழில் அமைப்பு போன்றவர்களின் மட்டும்தான் இருக்கும்.

மருத்துவச் செலவு போன்ற தேவையில்லாத கடன்களை குரு ஒருபோதும் தருவதில்லை. ஆகவே ஆறாமிடத்தில் வருகின்ற குருவைப் பார்த்து பயப்பட வேண்டிய அவசியமில்லை. அடுத்து குரு தன்னுடைய 7-ஆம் பார்வையால் 12-ஆம் இடத்தைப் பார்ப்பது விரயங்களையும் குறிக்கும் என்பதால், இம்முறை கடக ராசியினர் வீட்டில் திருமணம், வீடு கட்டுதல் போன்ற சுப செலவினங்களும் அதற்கேற்றார்போல சுபக் கடன் வாங்கும் நிலையும் இருக்கும். இதுவரை வீடு இல்லாதவர்கள் கடன் வாங்கி வீடு கட்டவோ அல்லது ஹவுசிங் லோன் போட்டு, பிளாட் வாங்குவது போன்ற நற்பலன்கள் இருக்கும். சிலருக்கு வாகன கடன்கள் ஏற்படலாம். நல்லவைகளை வாங்கத் தூண்டும் கிரகமான குரு இம்முறை உங்களை நல்ல செலவு செய்ய வைப்பார்.

அடுத்து குரு தன்னுடைய 9ம் பார்வையால் இரண்டாம் இடமான தனம் வாக்கு குடும்ப ஸ்தானத்தைப் பார்க்கிறார். ஏற்கனவே இரண்டாம் வீட்டில் செவ்வாய் இருப்பதால் சிலர் கடக ராசிக்காரர்களின் பொருளாதார நிலைமை சற்று முன் பின்னாகத்தான் இருக்கிறது.

நினைத்த இடத்தில் பணம் கிடைக்காமல் சிலர் திண்டாடிக் கொண்டிருக்கிறார்கள். வந்து கொண்டிருக்கின்ற வருமானத்திலும் சிலருக்கு துண்டு விழுந்திருக்கிறது. நிரந்தர வருமானம் இல்லாமல் சிலர் அவதிப்பட்டுக் கொண்டிருக்கிறார்கள். 100 ரூபாய் கிடைக்க வேண்டிய இடத்தில் 50 ரூபாய் கூட கிடைக்காமல் அவஸ்தைப் பட்டுக் கொண்டிருக்கும் கடகத்தினர் அதிகம் பேர்.

இது போன்றவர்களுக்கு தன ஸ்தானத்திற்கு குரு பார்வை கிடைப்பதால் இந்த நவம்பர் மாத குருப்பெயர்ச்சிக்குப் பிறகு பொருளாதார நிலைமை நன்கு மேம்படும். தொழில் வேலை அமைப்புகளில் நல்ல லாபங்கள் கிடைக்கும்.

இரண்டாம் இடத்தைப் பார்க்கும் குருவால் இதுவரை திருமணம் ஆகாத சிலருக்கு குடும்பம் அமையும். 35 வயது தாண்டியும் திருமணம் ஆகாமல் இருக்கும் ஆண், பெண்களுக்கு இது போன்று குடும்ப ஸ்தானத்திற்கு சுப கிரகமான குருவின் பார்வை கிடைக்கும் போதுதான் திருமண அமைப்பு கூடி வரும் என்பதால் இம்முறை திருமணத்திற்கு தாமதமானவர்களுக்கு கண்டிப்பாக திருமணம் நடைபெறும்.

உங்களில் நடுத்தர வயதை எட்டுபவர்கள் மருத்துவ பரிசோதனைகள் செய்து கொள்ள வேண்டியது அவசியம். சர்க்கரை ரத்த அழுத்தம் போன்றவைகள் கண்டு பிடிக்கப்படும் நேரம் இது என்பதால் உடல்நல விஷயத்தில் அலட்சியம் காட்டாமல் சிறு சுகக் குறைவு என்றாலும் மருத்துவரை உடனே அணுகுவது நல்லது. முடிந்தால் ஒரு முழு உடல் பரிசோதனை கூட செய்து கொள்ளலாம்.

நேர்மையற்ற செயல்கள் மற்றும் சட்டத்திற்கு புறம்பான தொழில்கள் போன்றவற்றில் தற்போது ஆர்வம் காட்டாதீர்கள். அவற்றால் சிக்கல்கள் வரலாம். போட்டி பந்தயங்களில் கலந்து கொள்ள வேண்டாம். பங்குச் சந்தை போன்ற ஊக வணிகங்கள் இப்போது கை கொடுக்காது. நஷ்டம் வருவதற்கு வாய்ப்பு உள்ளதால் ஷேர் மார்க்கட்டில் மிகவும் கவனம் தேவை. கொடுக்கல் வாங்கல்களில் மிகவும் கவனமாக நடந்து கொள்வது நல்லது.

பெண்களுக்கு இந்த குருப் பெயர்ச்சியால் நல்ல பலன்கள்தான் அதிகம் இருக்கும். குடும்பத் தலைவியாக இருக்கும் பெண்களுக்கு நன்மைகள் நடைபெறும். குடும்பத்தில் செலவுகள் அதிகமாக இருக்கும் என்பதால் இருக்கும் சேமிப்பு செலவழிந்து உங்கள் பாடு திண்டாட்டமாகலாம். கணவன் மனைவி உறவு மகிழ்ச்சிகரமாக இருக்கும். இருவரும் ஒருவருக்கு ஒருவர் அனுசரித்து போவீர்கள்

சிலருக்கு வெளியூரிலோ, வெளிமாநிலத்திலோ, தூரதேசங்களிலோ தங்கி வேலை செய்ய கூடிய அமைப்புகள் உருவாகும். இருக்கும் இடத்தில் இருந்து தூர இடங்களுக்குச் செல்லும்படி இருக்கும். இப்போது பார்த்துக் கொண்டிருக்கும் வேலையை விட்டுவிட்டு வேறு வேலைக்கு மாற முயற்சி எடுத்துக் கொண்டிருப்பவர்கள் கவனத்துடன் செய்ய வேண்டும்.

குரு ஆறாமிடத்தில் வலுப் பெறுவதால் சில அத்தியாவசியத் தேவைகளுக்கு கடன் வாங்கியே ஆக வேண்டியது இருக்கும். எவ்வளவு பெரிய தலை போகிற பிரச்னையாக இருந்தாலும் கந்து வட்டிக்கு கடன் வாங்க வேண்டாம். அதிக வட்டிக்கு வாங்கினால் அடுத்த வருட ஆரம்பத்தில் கடன் தொல்லையில் கொண்டு போய் விடும் என்பதால் எச்சரிக்கை தேவை.

இதுவரை தாமதமாகி வந்த வங்கிக் கடன் தற்போது உடனடியாக ஓகே செய்யப்படும். இதுவரை உங்களிடம் முகம் கொடுத்தும் பேசாத வங்கி அதிகாரி தற்போது உபசரித்து கடன் தருவார். ஆனால் அந்தக் கடனைக் கட்ட முடியாமல் சிக்கல்கள் வரும். எனவே கடன் வாங்குவதில் உஷாராக இருங்கள்

ஆடம்பரச் செலவுகளுக்கு கடன் வாங்குவதை தவிர்ப்பது நல்லது. கிரெடிட்கார்டு உபயோகப் படுத்துவதில் கவனமாக இருப்பது நன்மையைத் தரும். யாரிடமும் தேவையற்ற வீண் வாக்குவாதம் வைத்துக் கொள்ள வேண்டாம். ஆறாமிடத்துக் குரு நல்ல நண்பர்களையும் சிறு பிரச்னைகளால் எதிரிகளாக மாற்றுவார் என்பதால் தேவையற்ற பிரச்னைகளில் தலையிட வேண்டாம். யாரையும் நம்பி கையெழுத்து போடுவதோ எவருக்கும் ஜாமீன் கொடுப்பதோ கூடாது.

பாக்கெட்டில் எவ்வளவு பணம் இருந்தாலும் அதற்கு அதிகமாக செலவு இருப்பதால் வரவுக்கேற்ப செலவு செய்வது நல்லது. வீண்விரயங்கள் ஏற்படும் காலம் இது என்பதால் செலவு செய்யும் முன் நன்கு யோசனை செய்து செலவு செய்யுங்கள். ஆடம்பர செலவுகளை தவிருங்கள். செலவுகளை குரு இழுத்து விடுவார் என்பதால் கையில் இருக்கும் சேமிப்பு பணத்தை நிலத்திலோ, வேறு வகையான விஷயத்திலோ முதலீடு செய்வது நல்லது.பொதுவில் கடகத்திற்கு கெடுதல்கள் எதுவும் இல்லாமல் நற்பலன்களை மட்டுமே தரக்கூடிய குரு பெயர்ச்சி இது.

பரிகாரம் :

குருவின் நன்மைகளை கூடுதலாகப் பெற வியாழக்கிழமை தோறும் அருகிலுள்ள பழமையான ஈஸ்வரன் கோவிலில் அருள்பாலிக்கும் ஸ்ரீ தக்ஷிணாமூர்த்திப் பெருமானுக்கு கொண்டைக்கடலை மாலை சாற்றி, மஞ்சள் ஆடை சமர்ப்பித்து, மஞ்சள் நிற இனிப்பான லட்டு நைவேத்தியம் செய்து, நெய் தீபம் ஏற்றி வாருங்கள். வயதில் மூத்தவர்கள் மனம் குளிரும் காரியங்களை செய்யுங்கள்.

ஆதித்ய குருஜி செல்: 8870 99 8888

திருக்கணிதப் பஞ்சாங்கப்படி வரும் மார்ச் மாதம் (7-3-2019) முதல் ஏறத்தாழ ஒன்றரை ஆண்டு காலம்

கடக ராசிக்காரர்களுக்கு கடந்த காலங்களில் ஜென்ம ராகுவாக ராசியிலேயே நிலை கொண்டிருந்து உங்களின் சிந்தனைகளை ஆக்கிரமித்து செயல் திறனைக் குறைத்திருந்த ராகு அந்த நிலை மாறி கெடுபலன் தராத பனிரெண்டாம் இடத்திற்கு மாறிச் செல்கிறார்.

இதில் ஒரு முக்கிய நிலையாக இன்னும் சில மாதங்களில் நடக்க இருக்கும் குருப் பெயர்ச்சியின் மூலம் அவர் குருவின் பார்வையை ஒரு வருடத்திற்கு பெறுவார் என்பதாலும் குரு உங்களின் யோகாதிபதி என்பதாலும் குருவினால் சுபத்தன்மை பெறும் ராகு உங்களுக்கு நன்மைகளைச் செய்வார்.

இதுவரை சொந்தவீடு இல்லாதவர்களுக்கு சொந்த வீடு கட்டுதல், அல்லது கட்டிய வீடு வாங்குதல் போன்ற பலன்களும் பெரு நகரங்களில் சிலருக்கு பிளாட் வாங்குதல் போன்ற பலன்களும் இந்த ராகுகேது பெயர்ச்சியினால் நடக்கும். இதுவரை திருமணமாகாமல் தாமதித்துக் கொண்டிருக்கும் இளைய பருவத்தினருக்கு நல்லவிதமாக திருமணம் நடைபெறும். ஏற்கனவே முதல் திருமணம் கசந்து முறிவிற்குள்ளானவர்களுக்கும் இரண்டாம் திருமணம் நினைத்தபடியே நடந்தேறும். அது நிலையாகவும் இருக்கும்.

ராகு-கேதுக்களுக்கு நல்லபலன்களைத் தரும் இடமாக நமது மூலநூல்களில் சொல்லப்பட்ட 3, 6, 11-ம் இடங்களில் தற்போது உங்களின் ஆறாமிடத்திற்கு கேது மாற இருப்பது கடக ராசிக்கு யோகம் தரும் ஒரு அமைப்பாகும். ஆறாமிடத்திற்கு மாறும் கேதுவின் முக்கியபலனாக இதுவரை கடன் தொல்லையில் அவதிப் பட்டுக் கொண் டிருப்பவர்களுக்கு விடிவுகாலம் பிறக்கும். கடனை அடைப்ப தற்கான வழிகள் தெரியும். கடன் தீர்ந்தே ஆகவேண்டும் என்பதால் வருமான மும் கூடும். இதுவரை உங்களை விரோதியாக நினைத்தவர்கள் மனம் மாறி நட்பு பாராட்டுவார்கள். இதனால் இதுவரை கடக ராசிக்காரர்களுக்கு இருந்து வந்த கடன் தொல்லைகளும், பணப்பிரச்சினைகளும் தீரும். குறிப்பிட்ட சிலருக்கு வேண்டாத நபர்களாலும், பொறாமை கொண்டவர்களாலும் இருந்து வந்த சங்கடங்களும், உடல் நலக்குறைவு களும் நீங்கும்.

பொதுவிஷயங்களிலும், குடும்பத்திலும், அலுவலகத்திலும் உங்களைப் பிடிக்காதவர் களின் கை தாழ்ந்து உங்களின் கை ஓங்கும். குடும்பத்தில் உங்களைப் புரிந்து கொள்ளாமல் உங்கள் மேல் கோபம் கொண்டிருந்தவர்கள் தங்கள் தவறை உணர்ந்து இனிமேல் நீங்கள் சொல்வதைக் கேட்பார்கள்.

ஆறாமிடத்துக் கேதுவால் இதுவரை உங்களுக்கு தடங்கலாகி வந்த அனைத்துக் காரியங்களி லும் வெற்றி உண்டாகும். உங்களின் லட்சியங்கள் நிறைவேறும் காலம் இது. கடந்த காலங்களில் பெரிய முயற்சி எடுத்து கஷ்டப்பட்டும் நினைத்த காரியம் நிறைவேறாதவர்கள் இப்போது அதிக சிரமம் இல்லாமல் அதிர்ஷ்டத்தினால் அனைத்தும் நடப்பதைப் பார்ப்பீர்கள்.

ஜென்மராசியில் இருந்து ராகு விலகுவதால் எந்த ஒரு விஷயத்திலும் இதுவரை உங்களுக்கு இருந்து வந்த மனக்கவலைகள் குழப்பங்கள், மற்றும் எதிர்மறை எண்ணங்கள், தொழில்தேக்கம், அதிர்ஷ்டக்குறைவு, தடைகள், தாமதங்கள் போன்ற அனைத்தும் இனித் தீரும். உடலிலும் மனதிலும் புதுத்தெம்பு பிறக்கும். எங்கும் எதிலும் உற்சாகமாக இருப்பீர்கள். இதுவரை இல்லாத வகையில் வாக்குப் பலிதம் ஏற்படும். தாமதமாகிப் போனவைகள் நல்லபடியாக நடந்து உங்களுக்கு மகிழ்ச்சியையும், வருமானத்தையும், புகழையும் தரும். உங்களுடைய சிந்தனை, செயல்திறன் கூடும், முகத்தில் பொலிவு வரும். தன்னம்பிக்கை உங்களைத் தேடி வந்து மனதில் குடிகொள்ளும். தலைநிமிர்ந்து நடப்பீர்கள்.

வேலைக்குச் செல்லும் பெண்களுக்கு இதுவரை வேலை செய்யும் இடத்தில் இருந்து வந்த பிரச்னை கள் தீரும். பதவி உயர்வு உண்டு. இடமாற்றம், கேட்டபடியே கேட்கும் இடத்தில் கிடைக்கும். கூட்டுக் குடும்பத்தில் இருப்பவர்கள் தனிக்குடித்தனம் போக வேண்டிய சூழ்நிலை வரலாம். மாமியார் மாமனாருடன் கருத்து வேறுபாடுகளும் தந்தையுடன் உடன் பிறந்த அத்தைகளுடன் சிறிய பிரச்னைகளும் வரலாம்.

குடும்பத்தில் இதுவரை இருந்து வந்த சிறுசிறு சண்டை, சச்சரவுகள் கணவன் மனைவிக்கிடையே இருந்து வந்த கருத்து வேறுபாடுகள், கூட்டுக் குடும்பத்தில் தொடர்ந்த முரண்பாடுகள் ஒருவரையருவர் புரிந்து கொள்ளாததால் ஏற்பட்டிருந்த பிணக்குகள் அனைத்தும் நீங்கி குடும்பத்தில் மகிழ்ச்சியும், குதுகலமும் இருக்கும்.

கணவன் ஓரிடம் மனைவி வேறிடம் என்று பிரிந்து இருந்தவர்கள், வேலை விஷயமாக வெளியூரில் பிரிந்து வேலை பார்த்தவர்கள் உடனடியாக ஒன்று சேருவீர்கள். பிள்ளைகள் விஷயத்தில் செலவுகள் இருக்கும். படிப்புச்செலவு மற்றும் அவர்களுடைய எதிர்கால வாழ்க்கைக்கான அடித்தளச் செலவுகளுக்காக கையில் இருக்கும் சேமிப்பை நீங்கள் செலவிட வேண்டியதிருக்கும்.

இந்த காலகட்டத்தில் விரயங்கள் இருக்கும் என்பதால் பாக்கெட்டில் இருந்து பணத்தை எடுக்குமுன் ஒரு முறைக்கு இரண்டு முறை யோசித்து செலவு செய்யுங்கள். கோர்ட், கேஸ், நிலம் சம்பந்தமான வழக்குகள். போலீஸ் விவகாரங்கள் கிரிமினல் வழக்குகள் உள்ளவர்கள் இந்த சாதகமான காலத்தில் வழக்கை முடிக்கப் பாருங்கள்.

கேதுவிற்கு சனி, குருவின் இணைவு இருப்பதால் கோவில் திருப்பணிகளில் ஆர்வம் காட்டுவீர்கள். ஞானிகளின் திருத்தலங்களுக்கு பயணம் செல்வீர்கள். மகாபெரியவரின் அதிஷ்டானத்திற்கு சென்று அவரின் அருளைப் பெறும் பெரிய பாக்கியம் கிடைக்கும். ஷீரடி மந்திராலயம், பகவான் சத்யசாயியின் திரு இடம் போன்ற புனிதத் தலங்களுக்கு போக முடியும்.

திருமணமாகாத இளையவர் களுக்கு வரும் வருடம் திருமணம் நல்லபடியாக முடியும். ஒரு சிலர் புதிதாக காதலிக்க ஆரம்பித்து தங்களுடைய வாழ்க்கைத்துணையை அடையாளம் காண்பீர்கள். கூட்டு வியாபாரத்தில் குறைகளை கண்டவர்கள் இனிமேல் அவை நீங்கி மன ஒற்றுமை ஏற்பட்டு தொழில் முன்னேற்றம் காண்பார்கள்.

தகப்பனாரின் ஆரோக்கியம் மேம்படும். தந்தை மகனுக்கு இடையே இருந்து வந்த சண்டை, சச்சரவுகள், பிணக்குகள் நீங்கி தந்தையுடன் இணைவீர்கள். நீண்ட நாட்களாக நீங்கள் கேட்டுக் கொண்டிருக்கும் கோரிக்கைகளை அப்பா நிறைவேற்றித் தருவார். நீங்களே ஒரு நல்ல தகப்பனாக உங்கள் குழந்தைகளுக்கு கேட்பதை செய்து தர முடியும். சமூகத்தில் உயர்நிலையில் உள்ள பெரியவர்கள், மதிப்புமிக்கவர்கள், அந்தஸ்தும், அதிகாரமும் கொண்டவர்களின் அறிமுகமும் ஆதரவும் கிடைக்கும். குறிப்பிட்ட சிலருக்கு அந்தஸ்து உயரும். அதிகாரமிக்க பதவிகள் கிடைக்கும். அரசியலில் ஏற்றங்கள் உண்டு. 2019ல் வரும் தேர்தலில் ஜெயிக்க முடியும்.

ஒரு சிலர் தொழில் சம்பந்தமாக கடல் தாண்டி வெளிநாடு செல்வீர்கள். குறிப்பாக ஆன்மிகம் சம்பந்தப்பட்டவர்களுக்கு வெளிநாட்டு சுற்றுப் பயணங்கள் ஏற்படும். வெளிநாடு சம்பந்தமான முயற்சிகள் வெற்றியாகும். பாகப்பிரிவினை சம்பந்தமான முக்கியமான முடிவுகள் எடுப்பதை தற்போது தள்ளிப் போடுவது நல்லது.
மதுபானத் தொழில் சம்பந்தப்பட்டோர், விவசாயிகள், நிலத்தரகர்கள், காலிமனை விற்கும் ரியல் எஸ்டேட்காரர்கள், மருத்துவமனையினர், கடைநிலை ஊழியர்கள், காவல்பணி செய்வோர், துப்புரவு தொழிலாளர்கள், ஊராட்சி, நகராட்சி, மாநகராட்சித் தலைவர்கள், கவுன்சிலர்கள் உள்ளிட்டவர்கள் மிகவும் வளம் பெறுவார்கள். வருமானமும் சிறப்பாக இருக்கும்.

அரசு தனியார்துறை ஊழியர்களுக்கு ‘இதர வருமானங்கள்’ சிறப்பாக சொல்லிக் கொள்ளும்படி இருக்கும். தொழிலாளர்களுக்கு வேலைப்பளு குறைந்து சம்பளஉயர்வு, பதவி உயர்வு போன்றவைகள் கிடைக்கும். தொழிற்சங்கங்களில் பதவியில் இருப்பவர்கள் பாராட்டுகளைப் பெறுவீர்கள். மாணவர்களுக்கு பள்ளி கல்லூரி களில் இனிய சம்பவங்கள் நிகழும். படிப்பது மனதில் பதியும். தேர்வுகளை நன்றாக எழுத முடியும்.

சொந்தத்தொழில் செய்பவர்கள், வியாபாரிகள், இயக்கும் வேலையில் உள்ளவர்கள் போன்ற துறையினர் தங்களது தொழிலை விரிவாக்கம் செய்வதற்கோ புதிய கிளைகள் ஆரம்பிப்பதற்கோ இது மிகவும் நல்ல நேரம். சுயதொழில், வியாபாரம் போன்றவைகளில் இதுவரை இருந்து வந்த மந்தநிலை விலகி அனைத்தும் இனிமேல் சுறுசுறுப்பாக நடக்கும்.

தொழிலதிபர்களுக்கு இதுவரை இருந்து வந்த முட்டுக்கட்டைகள் விலகும். அரசாங்கஆதரவு உண்டு. இடைத்தரகர்களை நீக்கி நேரடியாக அமைச்சர்களையோ அதிகாரிகளையோ பார்த்து காரியங்களை வெற்றியாக்க முடியும். எந்த ஒரு காரியத்திலும் எடுக்கும் முயற்சிகள் இப்போது பலிதமாகும். தொழிலை விரிவுபடுத்தலாம். புதிய சோதனை முயற்சிகளை இப்போது செய்யலாம்.

பொதுவாக கடக ராசிக்கு இது எதிர்கால முன்னேற் றத்திற்கு அடித்தளம் போடும் காலகட்டமாக அமையும். இந்த ராகு,கேதுப் பெயர்ச்சியில் நன்மை தரும் நல்ல மாற்றங்கள் உங்களுக்கு உண்டு.

பரிகாரங்கள்

கேது பகவானிடம் இருந்து பெறப்போகும் நன்மைகளைக் கூட்டிக் கொள்ள ஞானிகளின் ஜீவ சமாதிகளுக்குச் சென்று அவர்களின் ஆசிகளைப் பெற்று வாருங்கள். தென்மாவட்டத்தவர்கள் மதுரை திருப்பரங்குன்றத்தில் அருள்பாலிக்கும் சோமப்பசாமிகளின் ஜீவசமாதியில் வழிபடலாம்.

கணித்தவர் ஜோதிடக்கலை அரசு
ஆதித்யகுருஜி
88709 98888