நடிகர் விக்ரம் படத்தின் புதிய தகவல்

விக்ரம் நடிப்பில் தற்போது கோப்ரா, பொன்னியின் செல்வன் உள்ளிட்ட படங்கள் தயாராகி உள்ளது. இப்படங்கள் அடுத்தடுத்து வெளியாக இருக்கிறது. இதையடுத்து, பா.இரஞ்சித் இயக்கும் படத்தில் விக்ரம் நடிக்க போவதாக அதிகாரப்பூர்வமாக படக்குழு அறிவித்திருந்தது.

'சியான் 61' என தற்காலிகமாக பெயரிடப்பட்டுள்ள இப்படத்தை ஸ்டூடியோ க்ரீன் நிறுவனம் சார்பில் கே.இ.ஞானவேல்ராஜா தயாரிக்கிறார். இயக்குனர் பா.இரஞ்சித் 'நட்சத்திரம் நகர்கிறது' படத்தில் கவனம் செலுத்தியதால் 'சியான் 61' படத்தின் படப்பிடிப்பு சற்று தாமதமானது.

விக்ரம் - பா. ரஞ்சித்

இந்நிலையில் நட்சத்திரம் நகர்கிறது படம் திரையிடுவதற்கு தயாராகவுள்ளதால் பா. ரஞ்சித் 'சியான் 61' படத்தின் பணிகளில் ஆர்வம் காட்டி வருவதாகவும் படப்பிடிப்பு ஓரிரு நாட்களில் சென்னையில் பூஜையுடன் தொடங்கவுள்ளதாகவும் கூறப்படுகிறது. மேலும், இப்படம் பொங்கலுக்கு ரிலீஸ் செய்யப்படவுள்ளதாக தகவல் வெளியாகியுள்ளது.