search icon
என் மலர்tooltip icon

    ஆட்டோமொபைல்

    2019 ரெனால்ட் க்விட் இந்தியாவில் அறிமுகம்
    X

    2019 ரெனால்ட் க்விட் இந்தியாவில் அறிமுகம்

    ரெனால்ட் நிறுவனத்தின் அதகம் எதிர்பார்க்கப்பட்ட 2019 க்விட் கார் இந்தியாவில் அறிமுகம் செய்யப்பட்டது. #2019RenaultKwid #Car



    ரெனால்ட் நிறுவனம் என்ட்ரி-லெவல் ஹேட்ச்பேக் மாடலான 2019 க்விட் காரினை இந்தியாவில் அறிமுகம் செய்தது. புதிய 2019 ரெனால்ட் க்விட் காரின் துவக்க விலை ரூ.2.66 லட்சம் துவங்கி, டாப் எண்ட் மாடலின் விலை ரூ.4.60 லட்சம் என நிர்ணயம் செய்யப்பட்டுள்ளது.

    2019 ரெனால்ட் க்விட் மாடலில் பல்வேறு பாதுகாப்பு அம்சங்கள் வழங்கப்பட்டுள்ளது. அந்த வகையில் புதிய என்ட்ரி-லெவல் காரில் ஆன்டி-லாக் பிரேக்கள், டிரைவர் ஏர்பேக், ஸ்பீட்-சென்சிங் டோர் லாக், ரிவர்ஸ் பார்க்கிங் சென்சார்கள், ஓவர்-ஸ்பீடிங் அலெர்ட் உள்ளிட்டவை வழங்கப்பட்டிருக்கிறது.



    ரெனால்ட் க்விட் டாப் எண்ட் மாடலில் ஆண்ட்ராய்டு ஆட்டோ மற்றும் ஆப்பிள் கார் பிளே உள்ளிட்ட கனெக்டிவிட்டி அம்சங்கள் வழங்கப்பட்டிருக்கிறது. பல்வேறு புதிய அம்சங்கள் சேர்க்கப்பட்டிருந்தாலும், புதிய க்விட் காரின் விலை குறைவாகவே நிர்ணயம் செய்யப்பட்டிருக்கிறது.

    2019 ரெனால்ட் க்விட் மாடலில் 0.8 மற்றும் 1.0 லிட்டர் என்ஜின்கள் வழங்கப்பட்டிருக்கிறது. இந்த என்ஜின்கள் 5-ஸ்பீடு கியர்பாக்ஸ் உடன் வழங்கப்படுகிறது. 1.0 லிட்டர் என்ஜின் AMT கியர்பாக்ஸ் உடன் வழங்கப்படுகிறது. 0.8 லிட்டர் என்ஜின் 53 பி.ஹெச்.பி. பவர், 72 என்.எம். டார்க் செயல்திறன் வழங்குகிறது.

    இதன் 1.0 லிட்டர் என்ஜின் 67 பி.ஹெச்.பி. பவர், 91 என்.எம். டார்க் செயல்திறன் வழங்குகிறது. இந்த என்ஜின்கள் முறையே லிட்டருக்கு 25.17 கிலோமீட்டர் மைலேஜ் மற்றும் லிட்டருக்கு 24.04 கிலோமீட்டர் மைலேஜ் வழங்குகிறது.
    Next Story
    ×