search icon
என் மலர்tooltip icon

    ஆட்டோமொபைல்

    ரெனால்ட் டிரைபர்
    X
    ரெனால்ட் டிரைபர்

    ரெனால்ட் டிரைபர் வெளியீட்டு விவரம்

    ரெனால்ட் இந்தியா நிறுவனத்தின் டிரைபர் எம்.பி.வி. காரின் வெளியீட்டு விவரங்களை தொடர்ந்து பார்ப்போம்.



    ரெனால்ட் இந்தியா நிறுவனம் 4-மீட்டர்களுக்குள் உருவாக்கி இருக்கும் எம்.பி.வி. கார் மாடலான டிரைபர் இந்தியாவில் ஆகஸ்ட் 28 ஆம் தேதி அறிமுகம் செய்வதாக அறிவித்துள்ளது. புதிய காருக்கான முன்பதிவு ஆகஸ்ட் 17 ஆம் தேதி துவங்குகிறது.

    முன்னதாக சர்வதேச சந்தையில் டிரைபர் கார் அறிமுகம் செய்தது. புதிய டிரைபர் முன்பதிவு செய்ய ரூ. 11,000 கட்டணம் நிர்ணயிக்கப்பட்டுள்ளது. முன்பதிவு ஆன்லைன் மற்றும் நாடு முழுக்க இயங்கி வரும் ரெனால்ட் விற்பனையகங்களில் நடைபெறுகிறது.

    4 மீட்டருக்குள்ளான 7 பேர் பயணிக்கும் வகையில் டிரைபர் எம்.பி.வி. அறிமுகமாக இருக்கிறது. இந்நிறுவனத்தின் பிரபலமான ரெனால்ட் க்விட் மாடலின் மேம்பட்ட ரகமாக இது உருவாக்கப்பட்டுள்ளது.

    ரெனால்ட் டிரைபர்

    இதில் இருக்கை வசதி பயணிகளின் வசதிக்கேற்ப மாற்றி அமைக்கும் வகையில் உருவாக்கப்பட்டுள்ளது. 3 சிலிண்டர் 1 லிட்டர் என்ஜினைக் கொண்டது. இதில் 5 கியர்கள் மேனுவல் டிரான்ஸ் மிஷன் மற்றும் ஆட்டோமேடிக் ஆப்ஷனுடன் வருகிறது.

    புதிய டிரைபர் காரில் ப்ரோஜெக்டர் ஹெட்லேம்ப்கள், எல்.இ.டி. ஃபாக் லேம்ப்கள், க்ரோம் ஸ்டட் கிரில் உள்ளிட்டவை வழங்கப்படுகிறது. இதன் உள்புறம் டிஜிட்டல் இன்ஸ்ட்ரூமென்ட் கிளஸ்டர், பெரிய தொடுதிரை வசதி கொண்ட இன்ஃபோடெயின்மென்ட் சிஸ்டம், ஆப்பிள் கார் பிளே, ஆண்ட்ராய்டு ஆட்டோ கனெக்டிவிட்டி உள்ளிட்டவை வழங்கப்படுகிறது.
    Next Story
    ×