கே.டி.எம். இந்தியா நிறுவனத்தின் புதிய ஆர்.சி. 125 மோட்டார்சைக்கிள் அறிமுகம் செய்யப்பட்டது. இந்தியாவில் இதன் விலை ரூ. 1.47 லட்சம் (எக்ஸ்-ஷோரூம்) என நிர்ணயம் செய்யப்பட்டுள்ளது. இது அந்நிறுவனத்தின் கே.டி.எம். 125 மாடலை விட ரூ. 17,000 வரை அதிகமாகும்.
இந்தியாவில் கிடைக்கும் குறைந்த திறன் கொண்ட ஃபுல்லி-ஃபேர்டு மோட்டார்சைக்கிளாக கே.டி.எம். ஆர்.சி. 125 இருக்கிறது. இந்த மோட்டார்சைக்கிள் இந்தியாவில் யமஹா YZF-R15 மாடலுக்கு போட்டியாக இருக்கும் என கூறப்படுகிறது. யமஹா YZF R15 மாடலை விட கே.டி.எம். ஆர்.சி. 125 விலை ரூ. 8,000 வரை அதிகமாகும்.
கே.டி.எம். ஆர்.சி. 125 மாடலில் 125சிசி, லிக்விட்-கூல்டு சிங்கிள் சிலிண்டர் என்ஜின் கொண்டிருக்கிறது. இதே என்ஜின் டியூக் 125 மாடலிலும் வழங்கப்பட்டிருக்கிறது. இந்த என்ஜின் 14.5 பி.எஸ். திறன் மற்றும் 12 என்.எம். டார்க் செயல்திறன் வழங்குகிறது. இத்துடன் 6-ஸ்பீடு கியர்பாக்ஸ் கொண்டிருக்கிறது.
புதிய ஆர்.சி. 125 மாடலில் சிங்கிள் சேனல் ஏ.பி.எஸ். கொண்டிருக்கிறது. இத்துடன் மோட்டார்சைக்கிளின் முன்புறம் 43 எம்.எம். அப்சைடு டவுன் ஃபோர்க், பின்புறம் மோனோஷாக் சஸ்பென்ஷன் வழங்கப்படுகிறது. இதன் ஃபியூயல் டேன்க் 9.5 லிட்டர் கொள்ளலவு கொண்டிருக்கிறது.
