search icon
என் மலர்tooltip icon

    ஆட்டோமொபைல்

    சிட்ரோயன் சி5 ஏர்கிராஸ்
    X
    சிட்ரோயன் சி5 ஏர்கிராஸ்

    சிட்ரோயன் சி5 ஏர்கிராஸ் இந்திய வெளியீட்டு விவரம்

    சிட்ரோயன் நிறுவனம் தனது புதிய சி5 ஏர்கிராஸ் மாடலின் இந்திய வெளியீட்டு தேதியை அறிவித்து இருக்கிறது.
    சிட்ரோயன் நிறுவனத்தின் சி5 ஏர்கிராஸ் மாடல் இந்தியாவில் ஏப்ரல் 7ஆம் தேதி அறிமுகம் செய்யப்படுகிறது. இந்திய சந்தையில் சி5 ஏர்கிராஸ், சிட்ரோயன் நிறுவனத்தின் முதல் மாடல் ஆகும். புதிய மிட்-சைஸ் எஸ்யுவி மாடலின் முன்பதிவு துவங்கப்பட்டு இருக்கிறது. இந்த மாடலுக்கான முன்பதிவு கட்டணம் ரூ. 50 ஆயிரம் ஆகும்.

    புதிய சிட்ரோயன் சி5 ஏர்கிராஸ் மாடல்கள் இந்தியாவில் செயல்படும் பத்து லா மைசன் விற்பனையகங்கள் மூலம் விற்பனை செய்யப்பட இருக்கிறது. புதிய மாடல் ஷோரூம் ஆன் வீல்ஸ் மூலம் பல்வேறு நகரங்களில் அறிமுகம் செய்யப்பட இருக்கிறது. அறிமுகம் செய்யப்பட்டதும், இந்த எஸ்யுவி மாடலுக்கான வினியோகம் துவங்கும் என தெரிகிறது.

     சிட்ரோயன் சி5 ஏர்கிராஸ்

    சி5 ஏர்கிராஸ் மாடலில் கிராஸ்ஓவர் போன்ற ஸ்டான்ஸ், ட்வின்-ஸ்லாட் முன்புற கிரில், டூயல் பீம் எல்இடி ஹெட்லைட்கள், எல்இடி டிஆர்எல்கள், எல்இடி பாக் லேம்ப், 18 இன்ச் டூயல் டோன் அலாய் வீல், குரோம் பாக்ஸ் டூயல் எக்சாஸ்ட் பைப் மற்றும் எல்இடி டெயில் லேம்ப்கள் வழங்கப்பட்டு இருக்கிறது.

    புதிய சிட்ரோயன் சி5 ஏர்கிராஸ் மாடலில் 2.0 லிட்டர் டீசல் என்ஜின் வழங்கப்படுகிறது. இந்த என்ஜின் 175 பிஹெச்பி பவர், 400 என்எம் டார்க் செயல்திறன் வழங்குகிறது. இத்துடன் 8 ஸ்பீடு டார்க் கன்வெர்டர் ஆட்டோமேடிக் டிரான்ஸ்மிஷன் வழங்கப்படுகிறது.

    சிட்ரோயன் சி5 ஏர்கிராஸ் மாடல் பீல் மற்றும் ஷைன் என இரண்டு வேரியண்ட்களில் கிடைக்கும். இத்துடன் பியல் வைட், குமுலஸ் கிரே, டிஜூசா புளூ மற்றும் பெர்லா நெரா பிளாக் உள்ளிட்ட நிறங்களில் கிடைக்கும்.
    Next Story
    ×