search icon
என் மலர்tooltip icon

    ஆட்டோமொபைல்

    டொயோட்டா பிரியுஸ் கார்
    X
    டொயோட்டா பிரியுஸ் கார்

    சூரிய தகடு மேற்கூரையோடு தயாராகிறது டொயோடா பிரியுஸ் பேட்டரி கார்

    டொயோட்டா நிறுவனத்தின் புதிய பிரியுஸ் கார் ஓடும் போதே சார்ஜ் ஏற்றிக் கொள்ளும் வகையில் சூரிய தகடுகளை கொண்டிருக்கிறது.
    மேம்பட்ட தொழில்நுட்பம், பிற நிறுவனங்களுக்கு முன்பாகவே புதிய தொழில்நுட்பங்களை தனது தயாரிப்புகளில் புகுத்துவதை டொயோடா நிறுவனம் வழக்கமாகக் கொண்டுள்ளது. உலகம் முழுவதும் பேட்டரி கார் தயாரிப்பை நோக்கி சென்று கொண்டிருக்கும் போது, டொயோட்டா நறுவனம் பேட்டரி மாடல், ஹைபிரிட் மாடல் என பிற நிறுவனங்களுக்கு முன்பாகவே அறிமுகம் செய்தது.

    தற்போது அதையும் தாண்டி ஒரு படி மேலாக சூரிய பலகை (சோலார் பேனல்) பதிக்கப்பட்ட காரை உருவாக்கும் முயற்சியில் தீவிரமாக இறங்கியுள்ளது. இந்நிறுவனத்தின் பிரியுஸ் மாடல் கார் தற்போது சோதனை ஓட்டத்தில் ஈடுபடுத்தப்பட்டுள்ளது.

    காரின் மேற்கூரை, முன்பக்க பானெட், பின் பகுதி என அனைத்து பாகங்களிலும் சூரிய பலகை பதிக்கப்பட்டு அதிலிருந்து கிடைக்கும் மின்சாரம் பேட்டரியை சார்ஜ் செய்யும். தொடர் மின் விசையில் கார் செயல்படும் வகையில் இது உருவாக்கப்பட்டுள்ளது.

    டொயோட்டா பிரியுஸ் கார்

    பேட்டரி காரைப் பொருத்தமட்டில் சார்ஜிங் மிகப்பெரும் சவாலாக உள்ளது. மாறாக கார் இயங்கும்போதே காரின் மேற்பகுதியில் உள்ள சூரிய பலகை மின்சாரத்தை தயாரித்து பேட்டரிக்கு அனுப்பும்போது காரின் பேட்டரியை தனியாக சார்ஜ் செய்ய வேண்டிய அவசியமிருக்காது. இந்த சூரிய மின்பலகை 0.3 மி.மீ தடிமன் கொண்டது.

    இது 860 வாட் மின்சாரத்தை உற்பத்தி செய்யும் திறன் கொண்டது. வழக்கமாக பேட்டரி கார் ஓடும் தூரத்தை விட கூடுதலாக 45 கி.மீ. தூரம் இந்த சோலார் மேற்கூரை கார் ஓடியுள்ளது குறிப்பிடத்தக்கது.

    இந்த கார் வெற்றிகரமாக செயல்பட்டால் இந்தியா போன்று ஆண்டு முழுவதும் வெயில் காயும் நாடுகளில் பிரியுஸ் காருக்கு அமோக வரவேற்பு இருக்கும். சுற்றுச் சூழலும் காக்கப்படும்.
    Next Story
    ×