என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
ஆட்டோமொபைல்
X
இந்தியாவில் சோதனை செய்யப்படும் யமஹா எம்.டி.15
Byமாலை மலர்12 Feb 2019 12:07 PM GMT (Updated: 12 Feb 2019 12:07 PM GMT)
யமஹா நிறுவனத்தின் எம்.டி. 15 மோட்டார்சைக்கிள் இந்தியாவில் சோதனை செய்யப்படும் புகைப்படங்கள் வெளியாகியுள்ளது. #YamahaMT15 #Motorcycle
மோட்டார் சைக்கிள் உற்பத்தியில் முன்னணி நிறுவனமாக இருக்கும் யமஹா நிறுவனம் எம்.டி.15 என்ற பெயரில் புதிய மோட்டார் சைக்கிளை விரைவில் இந்தியாவில் அறிமுகம் செய்ய இருக்கிறது. இந்த மோட்டார்சைக்கிள் இந்திய சாலைகளில் ஓட்டுவதற்கு ஏற்றது என்பதற்கான மத்திய மோட்டார் வாகன சட்டத்தின்கீழ் சி.எம்.வி.ஆர். அனுமதி சான்று பெறப்பட்டுள்ளது.
அந்த அனுமதி விண்ணப்பத்தில் குறிப்பிட்டுள்ளபடி இந்த மோட்டார்சைக்கிள் 155சி.சி. திறன் கொண்டிருக்கும் என தெரிய வந்துள்ளது. ஒற்றை சிலிண்டர் என்ஜின் கொண்டதாகவும், இது 19.3 ஹெச்.பி. திறனை 10,000 ஆர்.பி.எம்., 14.7 என்.எம். டார்க் இழுதிறனை 8,500 ஆர்.பி.எம். வேகத்திலும் வெளிப்படுத்தக் கூடியது. இந்த என்ஜின் 6-ஸ்பீடு டிரான்ஸ்மிஷன் மற்ரும் ஸ்லிப்பர் கிளட்ச் உடன் வரும் என தெரிகிறது.
விரைவில் இந்தியாவில் அறிமுகம் செய்யப்பட இருக்கும் யமஹா எம்.டி. 15 மோட்டார்சைக்கிள் இந்திய சாலைகளில் சோதனை செய்யப்படும் புகைப்படங்கள் மீண்டும் இணையத்தில் லீக் ஆகியுள்ளது. அதன்படி புதிய மோட்டார்சைக்கிள் உற்பத்திக்கு தயாராகி விட்ட நிலையில் காட்சியளிக்கிறது.
புகைப்படம் நன்றி: Auto Today
புதிய யமஹா எம்.டி. 15 மோட்டார்சைக்கிளில் ஃபுல்-எல்.இ.டி. ஹெட்லேம்ப், டிஜிட்டல் இன்ஸ்ட்ரூமென்ட் கன்சோல், டூயல் சேனல் ஏ.பி.எஸ். மற்றும் பல்வேறு அம்சங்கள் வழங்கப்படுகின்றன. இந்தியாவில் அறிமுகமானதும் 150-160 சிசி பிரிவில் அதிக செயல்திறன் வழங்கும் மோட்டார்சைக்கிளாக யமஹா எம்.டி. 15 இருக்கும் என தெரிகிறது.
தாய்லாந்தில் இந்நிறுவனம் அறிமுகப்படுத்திய இதே மாடல் மோட்டார்சைக்கிளை விட இந்தியாவில் அறிமுகமாகும் மாடலின் நீளம் அதிகமாகும். இருந்தாலும் மாடல்களிலும் ஒரே அளவிலான சக்கரங்கள் பயன்படுத்தப் பட்டுள்ளன. இந்த மோட்டார்சைக்கிளின் எடை 138 கிலோ இருக்கும் என்று தெரிகிறது.
சர்வதேச சந்தையில் கிடைக்கும் இந்த மாடல் மோட்டார்சைக்கிளைக் விட இந்திய மாடல்களில் சில மாறுதல்கள் செய்யப்பட்டுள்ளன. இதில் வழக்கமான டெலஸ்கோப்பிக் ஃபோர்க் உள்ளது. அடுத்த சில வாரங்களில் இந்த மோட்டார்சைக்கிள் அறிமுகமாக உள்ளது.
Next Story
×
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
X