செய்திகள்
இங்கிலாந்து கிரிக்கெட் அணி

உலகக்கோப்பை சாம்பியனோடு ஐசிசி தரவரிசையில் முதல் இடத்தில் நீடிக்கிறது இங்கிலாந்து

Published On 2019-07-15 15:06 GMT   |   Update On 2019-07-15 15:06 GMT
உலகக்கோப்பை சாம்பியன் பட்டத்தோடு ஐசிசி தரவரிசையில் முதல் இடத்தில் நீடிக்கிறது இங்கிலாந்து அணி.
இங்கிலாந்தில் நடைபெற்ற உலகக்கோப்பை கிரிக்கெட் தொடரில் நியூசிலாந்தை பவுண்டரிகள் அடிப்படையில் வீழ்த்தி சாம்பியன் பட்டம் வென்றது இங்கிலாந்து.

உலகக்கோப்பை கிரிக்கெட் தொடர் தொடங்குவதற்கு முன் இங்கிலாந்து அணி ஐசிசி தரவரிசையில் நம்பர் ஒன் இடத்தில் இருந்தது. இந்தியா நம்பர் 2-வது இடத்தில் இருந்தது.

தொடரின் லீக் ஆட்டங்கள் பாதி முடிந்த நிலையில் இங்கிலாந்து தொடர்ச்சியாக சில தோல்விகளை சந்தித்ததால் ஐசிசி தரவரிசையில் 2-வது இடத்திற்கு பின் தங்கியது. அதன்பின் இந்தியா - இங்கிலாந்து இடையிலான ஆட்டத்தில் இங்கிலாந்து வெற்றி பெற்றதும் மீண்டும் நம்பர் ஒன் இடத்திற்கு முன்னேறியது.

தற்போது உலகக்கோப்பையை வென்றதன் மூலம் 125 புள்ளிகளுடன் நம்பர் ஒன் இடத்தில் தொடர்ந்து நீடிக்கிறது. இந்தியா 122 புள்ளிகளுடன் 2-வது இடத்தில் நீடிக்கிறது. 2-வது இடம் பிடித்த நியூசிலாந்து 112 புள்ளிகளுடன் 3-வது இடத்திலும், அரையிறுதியில் தோல்வியடைந்த ஆஸ்திரேலியா 111 புள்ளிகளுடன் 4-வது இடத்தில் உள்ளது.
Tags:    

Similar News