சவுதி அரேபியாவில் கொரோனா பாதிப்பு 80 ஆயிரத்தை தாண்டியது

ரியாத்:

சீனாவில் உருவான கொரோனா வைரசின் தாக்கம் உலகின் பல்வேறு நாடுகளில் பரவி அச்சுறுத்தலை ஏற்படுத்தி வருகிறது. கொரோனா வைரசைக் கட்டுப்படுத்த பல நாடுகளிலும் ஊரடங்கு அமல்படுத்தப்பட்டுள்ளது.

இந்நிலையில், சவுதி அரேபியாவில் கொரோனா பாதிப்பு எண்ணிக்கை 80 ஆயிரத்தை கடந்துள்ளது.

கடந்த 24 மணி நேரத்தில் அங்கு 1,644 பேருக்கு கொரோனா பாதிப்பு  ஏற்பட்டுள்ளது. இதையடுத்து, சவுதி அரேபியாவில் கொரோனா பாதிப்பு  80,185 ஆக அதிகரித்துள்ளது. ஒரே நாளில் 16 பேர் பலியானதை அடுத்து, அங்கு பலி எண்ணிக்கை 441 ஆக உயர்ந்துள்ளது என அந்நாட்டு சுகாதார துறை தெரிவித்துள்ளது.