காந்தி 150-வது பிறந்த ஆண்டையொட்டி தென்னாப்பிரிக்காவில் சைக்கிள் பேரணி

ஜோகனஸ்பர்க்:

மகாத்மா காந்தி 150-வது பிறந்தநாள் இந்த ஆண்டு கொண்டாடப்படுகிறது. இதையொட்டி, அவர் நிறவெறிக்கு எதிராக போராடிய தென்னாப்பிரிக்காவில் சைக்கிள் பேரணி நடைபெற்றது. இந்தியர்கள் அதிகமாக வசிக்கும் லெனாசியா நகரில், இந்திய துணை தூதர் கே.ஜே.சீனிவாசா ஏற்பாட்டில் இந்த பேரணி நடைபெற்றது.
சிறிய 3 சக்கர சைக்கிள்களில் குழந்தைகளும் பங்கேற்றனர். இந்திய தூதரக அதிகாரிகள் உள்பட ஏராளமானோர் கலந்துகொண்டனர். 3 கி.மீ. தூர பேரணியின் முடிவில், காந்தி உருவம் பொறித்த நினைவு பதக்கம் வழங்கப்பட்டது.

காந்தியின் கொள்கைகளான வாய்மை, அகிம்சை, சத்யாகிரகம் ஆகியவை குறித்து விழிப்புணர்வு ஏற்படுத்தும் முயற்சியாக இப்பேரணி நடைபெற்றது.