அதிமுக- பாஜக இடையே பிரச்சினை என்று கனவிலும் கூட நினைத்துப் பார்க்க வேண்டாம்: நயினார் நாகேந்திரன்

மதுரையில் இந்து முன்னணி சார்பில் முருகன் மாநாடு நடைபெற்றது. இந்த மாநாட்டில் பெரியார், அண்ணா ஆகியோரை விமர்சிக்கும் வகையில் வீடியோ வெளியிடப்பட்டது. அதிமுக முன்னாள் அமைச்சர்கள் உள்பட முக்கிய நிர்வாகிகள் கலந்து கொண்ட விழாவில், இந்த வீடியோ வெளியான நிலையில், ஒருவர் கூட எதிர்ப்பு தெரிவிக்கவில்லை என திமுக கடுமையாக விமர்சித்தது.

பின்னர் இந்த வீடியோ குறித்து முன்னதாகவே தங்களுக்கு தெரியாது. வீடியோ ஒளிபரப்பானது தவறு என அதிமுக தரப்பில் கண்டனம் தெரிவிக்கப்பட்டது.

இந்த நிலையில் பாஜக தலைவர் நயினார் நாகேந்திரன் "அதிமுக- பாஜக இடையே பிரச்சினை என்று கனவிலும் கூட நினைத்துப் பார்க்க வேண்டாம். இந்த கூட்டணி உண்மை கூட்டணி, வெல்லும் கூட்டணி. 2026 தேர்தலில் பாஜக கூட்டணிதான் ஆட்சி அமைக்கும். 2026-ல் எங்களுடைய ஆட்சி. பழனிசாமி முதல்வராக பதவி ஏற்பார்" எனத் தெரிவித்துள்ளார்.