திருச்செந்தூர் சுப்பிரமணிய சுவாமி கோவிலில் கவர்னர் ஆர்.என்.ரவி தரிசனம்

திருச்செந்தூர்:

தமிழக கவர்னர் ஆர்.என்.ரவி நெல்லை, தூத்துக்குடி மாவட்டங்களில் பல்வேறு நிகழ்ச்சிகளில் கலந்து கொள்வதற்காக நேற்று தூத்துக்குடி வந்தார்.

எட்டயபுரம், தூத்துக்குடியில் நிகழ்ச்சிகளை முடித்துக்கொண்டு இரவு திருச்செந்தூரில் உள்ள அரசு விருந்தினர் மாளிகையில் தங்கினார். இன்று காலை கவர்னர் ஆர்.என். ரவி, தனது மனைவி லட்சுமியுடன் திருச்செந்தூர் சுப்பிரமணிய சுவாமி கோவிலுக்கு சென்றார். கோவில் நிர்வாகம் சார்பில் அவருக்கு பூரண கும்ப மரியாதை அளித்து வரவேற்பு அளிக்கப்பட்டது.



திருச்செந்தூர் கோவிலில் தரிசனத்தை முடித்துக்கொண்டு கவர்னர் ஆர்.என். ரவி, கார் மூலம் நெல்லை வந்தார். அவரை மாவட்ட நிர்வாகம் சார்பில் கலெக்டர் விஷ்ணு வரவேற்றார். பின்னர் மகேந்திரகிரி இஸ்ரோ மையத்திற்கு சென்று பணிகளை பார்வையிட்டார்.

பிற்பகலில் நெல்லை மனோன்மணியம் சுந்தரனார் பல்கலைக்கழகத்திற்கு செல்லும் கவர்னர், ஓய்வு பெற்ற ராணுவ வீரர்கள் மற்றும் என்.சி.சி. அதிகாரிகள், மாணவர்களுடன் கலந்துரையாடுகிறார். அங்கு மாலையில் நடைபெறும் நிகழ்ச்சியில் பல்கலைக்கழக சின்டிகேட் உறுப்பினர்கள், பல்கலைக்கழக உறுப்பு கல்லூரி முதல்வர்கள், மாணவ-மாணவிகளுடன் கலந்துரையாடுகிறார்.

இன்றைய நிகழ்ச்சிகளை முடித்துக்கொண்டு வண்ணார்பேட்டை அரசு விருந்தினர் மாளிகையில் இரவு தங்குகிறார்.