செய்திகள்
கூடங்குளம் 2-வது அணு உலையில் மின் உற்பத்தி நிறுத்தம்
பராமரிப்பு பணிக்காக கூடங்குளம் 2-வது அணு உலையில் மின் உற்பத்தி நிறுத்தப்பட்டுள்ளது. இதையடுத்து பராமரிப்பு பணி தீவிரமாக நடந்து வருகிறது.
நெல்லை:
நெல்லை மாவட்டம் கூடங்குளத்தில் ரஷ்ய நாட்டு உதவியுடன் தலா ஆயிரம் மெகாவாட் மின் உற்பத்தி திறன் கொண்ட இரு அணு உலைகள் அமைக்கப்பட்டு உள்ளன. இதில் முதல் அணு உலை கட்டுமானப்பணி முடிவடைந்து கடந்த 2013-ம் ஆண்டு செப்டம்பர் மாதம் முதல் மின் உற்பத்தி தொடங்கியது. 2014-ம் ஆண்டு டிசம்பர் 31-ந்தேதியன்று வணிக ரீதியிலான மின் உற்பத்தி தொடங்கி நடந்து வருகிறது.
தொடர்ந்து 2-வது அணு உலையில் கடந்த 2016-ம் ஆண்டு ஆகஸ்டு மாதம் முதல் மின் உற்பத்தி நடைபெற்று வருகிறது. இதையடுத்து 2017-ம் ஆண்டு மார்ச் மாதம் 31-ந்தேதி முதல் 2-வது அணு உலையில் வணிக ரீதியிலான மின் உற்பத்தி தொடங்கியது.
இந்த இரு அணு உலைகளில் இருந்தும் உற்பத்தியாகும் மின்சாரம் நெல்லை அபிசேகப்பட்டியில் உள்ள மத்திய மின் தொகுப்பில் இணைக்கப்பட்டு மின் வினியோகம் செய்யப்பட்டு வருகிறது. கூடங்குளம் அணுமின் நிலையத்தில் தற்போது 3 மற்றும் 4-வது அணு உலைகள் அமைப்பதற்கான பணிகள் நடைபெற்று வருகின்றன.
இந்நிலையில் முதலாவது அணு உலையில் இருந்து 900 மெகாவாட் மின் உற்பத்தியும், 2-வது அணு உலையில் இருந்து 600 மெகாவாட் மின் உற்பத்தியும் செய்யப்பட்டு வந்தது. அணு உலைகள் பராமரிப்பு பணிக்காக சில நாட்கள் நிறுத்தி வைக்கப்படும். அதன்படி கடந்த அக்டோபர் மாதம் 22-ந்தேதி முதல் தொடர்ந்து இயங்கி வந்த 2-வது அணு உலை பராமரிப்பு பணிக்காக நேற்று நிறுத்தப்பட்டது.
இதையடுத்து அந்த அணுஉலையில் பராமரிப்பு பணி தீவிரமாக நடந்து வருகிறது. இதனால் இரண்டாவது அணுஉலையில் மின்உற்பத்தி நடக்கவில்லை. முதல் அணுஉலையில் மட்டும் 900 மெகாவாட் மின் உற்பத்தி செய்யப்படுகிறது.
நெல்லை மாவட்டம் கூடங்குளத்தில் ரஷ்ய நாட்டு உதவியுடன் தலா ஆயிரம் மெகாவாட் மின் உற்பத்தி திறன் கொண்ட இரு அணு உலைகள் அமைக்கப்பட்டு உள்ளன. இதில் முதல் அணு உலை கட்டுமானப்பணி முடிவடைந்து கடந்த 2013-ம் ஆண்டு செப்டம்பர் மாதம் முதல் மின் உற்பத்தி தொடங்கியது. 2014-ம் ஆண்டு டிசம்பர் 31-ந்தேதியன்று வணிக ரீதியிலான மின் உற்பத்தி தொடங்கி நடந்து வருகிறது.
தொடர்ந்து 2-வது அணு உலையில் கடந்த 2016-ம் ஆண்டு ஆகஸ்டு மாதம் முதல் மின் உற்பத்தி நடைபெற்று வருகிறது. இதையடுத்து 2017-ம் ஆண்டு மார்ச் மாதம் 31-ந்தேதி முதல் 2-வது அணு உலையில் வணிக ரீதியிலான மின் உற்பத்தி தொடங்கியது.
இந்த இரு அணு உலைகளில் இருந்தும் உற்பத்தியாகும் மின்சாரம் நெல்லை அபிசேகப்பட்டியில் உள்ள மத்திய மின் தொகுப்பில் இணைக்கப்பட்டு மின் வினியோகம் செய்யப்பட்டு வருகிறது. கூடங்குளம் அணுமின் நிலையத்தில் தற்போது 3 மற்றும் 4-வது அணு உலைகள் அமைப்பதற்கான பணிகள் நடைபெற்று வருகின்றன.
இந்நிலையில் முதலாவது அணு உலையில் இருந்து 900 மெகாவாட் மின் உற்பத்தியும், 2-வது அணு உலையில் இருந்து 600 மெகாவாட் மின் உற்பத்தியும் செய்யப்பட்டு வந்தது. அணு உலைகள் பராமரிப்பு பணிக்காக சில நாட்கள் நிறுத்தி வைக்கப்படும். அதன்படி கடந்த அக்டோபர் மாதம் 22-ந்தேதி முதல் தொடர்ந்து இயங்கி வந்த 2-வது அணு உலை பராமரிப்பு பணிக்காக நேற்று நிறுத்தப்பட்டது.
இதையடுத்து அந்த அணுஉலையில் பராமரிப்பு பணி தீவிரமாக நடந்து வருகிறது. இதனால் இரண்டாவது அணுஉலையில் மின்உற்பத்தி நடக்கவில்லை. முதல் அணுஉலையில் மட்டும் 900 மெகாவாட் மின் உற்பத்தி செய்யப்படுகிறது.