கங்குலியை போல் முடிவுகளை தைரியமாக எடுக்கிறார் விராட் கோலி: ஜாகீர் கான் சொல்கிறார்

இந்திய கிரிக்கெட் அணியின் முன்னாள் வேகப்பந்து வீச்சாளர் ஜாகீர்கான் அளித்த ஒரு பேட்டியில், ‘‘தற்போதைய இந்திய கிரிக்கெட் அணியில் இடம் பெற்றுள்ள வேகப்பந்து வீச்சாளர்கள் சிறப்பாக செயல்படுவது மகிழ்ச்சி அளிக்கிறது. பும்ரா, முகமது ஷமி, இஷாந்த் ஷர்மா, புவனேஷ்வர் குமார், நவ்தீப் சைனி உள்ளிட்ட வீரர்கள் இந்திய கிரிக்கெட் அணியின் வேகப்பந்து வீச்சு அசுர பலம் கொண்டு இருப்பதை உலகுக்கு நிரூபித்து வருகிறார்கள்.


நெருக்கடியான நிலையிலும் கூட விராட் கோலி அணிக்கு உத்வேகம் அளிக்கும் வகையில் செயல்படுகிறார். அத்துடன் அவருடைய பேட்டிங் திறமை அணியை வழி நடத்துவதில் பிரதிபலிக்கிறது. அவர் ஒருநாளில் நமக்கு உலகக்கோப்பையை வென்று தருவதை பார்க்க விரும்புகிறேன்’’ என்றார்.