கவுன்ட்டி கிரிக்கெட்டில் அஸ்வின் அசத்தல்: அரைசதத்துடன் 12 விக்கெட்டுக்கள் வீழ்த்தினார்

இந்தியாவின் முன்னணி சுழற்பந்து வீச்சாளராக திகழ்பவர் ரவிச்சந்திரன் அஸ்வின். டெஸ்ட் போட்டியில் தொடர்ந்து விளையாடும் அவருக்கு ஒருநாள் போட்டியில் இடம் கிடைக்கவில்லை. இதனால் இங்கிலாந்தில் நடைபெற்று வரும் கவுன்ட்டி கிரிக்கெட்டில் விளையாடி வருகிறார்.

இங்கிலாந்தின் நாட்டிங்காம்ஷைர் அணிக்காக விளையாடி வரும் அஸ்வின் சர்ரே அணிக்கெதிராக முதல் இன்னிங்சில் 69 ரன்கள் விட்டுக்கொடுத்து 6 விக்கெட் வீழ்த்தினார். அதேபோல் 2-வது இன்னிங்சிலும் 75 ரன்கள் விட்டுக்கொடுத்து 6 விக்கெட் வீழ்த்தினார்.

இரண்டு இன்னிங்சிலும் சிறப்பாக பந்து வீசியதோடு 2-வது இன்னிங்சில் அரைசதமும் அடித்தார். நாட்டிங்காம்ஷைர் அணியில் இரண்டு இன்னிங்சில் அதிக ரன்கள் சேர்த்தவர் இவர்தான். என்றாலும் அந்த அணி 167 ரன்கள் வித்தியாசத்தில் தோல்வியடைந்தது.