கோபா அமெரிக்கா கால்பந்து - பெரு அணியிடம் பொலிவியா தோல்வி

மரக்கானா:

46-வது கோபா அமெரிக்கா கால்பந்து போட்டி பிரேசில் நாட்டில் நடந்து வருகிறது. 12 அணிகள் பங்கேற்றுள்ள இப்போட்டி தொடரில் நேற்று நள்ளிரவு நடந்த ஆட்டத்தில் ‘ஏ’ பிரிவில் உள்ள பெரு-பொலிவியா அணிகள் மோதின.

இதில் பொலிவியா 28-வது நிமிடத்தில் பெனால்டி வாய்ப்பில் கோல் அடித்தது. அதன்பின் பெரு வீரர்கள் தாக்குதல் ஆட்டத்தில் ஈடுபட்டனர். அந்த அணியின் குயெர்ரே ரோ (45-வது நிமிடம்), பர்பென் (55), எடிசன் புளோரஸ் (96) ஆகியோர் கோல் அடித்தனர். முடிவில் பெரு 3-1 என்ற கோல் கணக்கில் பொலிவியாவை தோற்கடித்தது.

மற்றொரு ஆட்டத்தில் ‘ஏ’ பிரிவில் உள்ள பிரேசில்- வெனிசுலா அணிகள் மோதின. இரு அணிகளும் கோல் அடிக்க முயற்சிகளை மேற்கொண்டனர். ஆனால் ஒரு கோல் கூட அடிக்கவில்லை.

ஆட்ட நேர முடிவில் கோலின்றி ஆட்டம் டிராவில் முடிந்தது. பிரேசில் அணி 69 சதவீதம் பந்தை கையாண்டது. ஆனால் கோல் அடிக்க முடியாததால் வீரர்கள், ரசிகர்கள் கடும் ஏமாற்றம் அடைந்தனர்.