பேச்சுவார்த்தைக்கு அமித்ஷா அழைப்பு: நல்லவிதமாக நடந்தால் போராட்டம் வாபஸ்- விவசாயிகள்

புதுடெல்லி:

மத்திய அரசு அறிவித்த 3 வேளாண் சட்டங்களால், விவசாயத் துறைக்கு அச்சுறுத்தல் இருப்பதாக தெரிவித்த விவசாயிகள் அந்த சட்டங்களை திரும்பப்பெற வேண்டும் என கடந்த ஓராண்டாக போராட்டத்தில் ஈடுபட்டு வருகின்றனர்.

இதைதொடர்ந்து, விவசாயிகளின் கோரிக்கையை ஏற்று மத்திய அரசு 3 வேளாண் சட்டங்களையும் ரத்து செய்து கடந்த நவம்பர் மாதம் அறிவித்தது. இந்த சட்டங்கள் ரத்து செய்வதற்கான மசோதாவும் நாடாளுமன்றத்தில் நிறைவேற்றப்பட்டது.

இதனால், விவசாயிகள் தங்கள் போராட்டத்தை கைவிட்டு வீடு திரும்புமாறு மத்திய அரசு வேண்டுகோள் விடுத்தது. இருப்பினும், விவசாயிகள் போராட்டத்தை வாபஸ் பெறவில்லை.


மேலும், போராட்டத்தில் ஈடுப்டட விவசாயிகள் மீது போடப்பட்ட வழக்குகளை திரும்பப்பெற வேண்டும், போராட்டத்தின்போது உயிரிழந்த விவசாயிகளின் குடும்பங்களுக்கு நிவாரண நிதி வழங்க வேண்டும் என்பது உள்ளிட்ட கோரிக்கைகளையும் அவர்கள் வலியுறுத்தினர்.

இதுதொடர்பாக, மத்திர அரசு தங்களுடன் பேச்சுவார்த்தை நடத்த வேண்டும் என வலியுறுத்தி பிரதமர் மோடிக்கு விவசாயிகள் சங்கத்தினர் கடிதம் எழுதினர். இதற்கு செவி சாய்த்த மத்திய அரசு விவசாயிகளின் பிரச்சினை குறித்து பேசி தீர்க்க, 5 விவசாயிகள் அடங்கிய உயர்மட்டக் குழுவை அமைத்தது.

இந்நிலையில், மத்திய உள்துறை அமைச்சர் அமித் ஷா வேளாண் பிரச்சினை குறித்து பேச்சுவார்த்தை நடத்த அழைப்பு விடுத்துள்ளதாக விவசாயிகள் சங்கம் சார்பில் கூறப்பட்டுள்ளது.

இதுகுறித்து விவசாய சங்கத் தலைவர் யுத்வீர் சிங் கூறியதாவது:-


இதையும் படியுங்கள்.. மக்களுக்கு வலி மற்றும் இழப்பு என வரும்போது மத்திய அரசு தூங்குகிறது - ராகுல் காந்தி குற்றச்சாட்டு