திருவனந்தபுரம், கொல்லம் உள்பட 12 மாவட்டங்களில் கனமழைக்கு வாய்ப்பு

திருவனந்தபுரம்:

கேரள மாநிலத்தில் சமீபத்தில் இடைவிடாமல் கொட்டிய மழையால் மாநிலத்தில் பெரும்பாலான மாவட்டங்கள் வெள்ளக்காடாக காட்சியளித்தது.

தொடர் மழையால் மாநிலத்தில் முக்கியமான அணைகளில் நீர்மட்டம் கிடுகிடுவென உயர்ந்தது. மழை பாதிப்பு மற்றும் நிலச்சரிவு காரணமாக இடுக்கி மற்றும் கோட்டயம் மாவட்டங்களில் 50-க்கும் மேற்பட்டோர் பலியானார்கள். இந்த நிலையில் தென்மேற்கு அரபிக்கடலில் புதிய புயல் சின்னம் உருவாகி உள்ளது.

இந்த புயல் சின்னம் மேற்கு திசை நோக்கி நகர்ந்து வருகிறது. இது மேலும் தீவிரமடைந்து வருவதால் கேரளாவின் பல்வேறு மாவட்டங்களில் 31-ந்தேதி வரை பலத்த மழை பெய்ய வாய்ப்பு உள்ளதாக வானிலை ஆய்வு மையம் எச்சரிக்கை விடுத்துள்ளது.

இது தொடர்பாக விடுத்துள்ள அறிக்கையில், வருகிற 31-ந்தேதி வரை திருவனந்தபுரம், கொல்லம், ஆலப்புழா, பத்தனம்திட்டா, கோட்டயம், திருச்சூர், எர்ணாகுளம் உள்பட 12 மாவட்டங்களில் கனமழை பெய்ய வாய்ப்புள்ளது.