நவநிர்மாண் சேனா தலைவர் ராஜ் தாக்கரேக்கு கொரோனா பாதிப்பு

மும்பை:

மகாராஷ்டிரா நவநிர்மாண் சேனா தலைவா் ராஜ் தாக்கரே சமீபத்தில் நாசிக், புனே, தானே உள்ளிட்ட பகுதிகளுக்கு சுற்றுப்பயணம் மேற்கொண்டார். அங்கு கட்சி நிர்வாகிகளைச் சந்தித்து பேசினார். 

அடுத்த ஆண்டு பல்வேறு மாநகராட்சிகளுக்கு தேர்தல் நடக்க உள்ளதால், மும்பையிலும் மூத்த நிர்வாகிகளை சந்தித்துப் பேசினார்.

இந்நிலையில், ராஜ் தாக்கரேவுக்கு கொரோனா அறிகுறிகள் தென்பட்டது. பரிசோதனையில் தொற்று பாதிப்பு இருப்பது உறுதி செய்யப்பட்டுள்ளது. மேலும், ராஜ் தாக்கரேவின் தாய் குந்தா தாக்கரேவுக்கும் பாதிப்பு கண்டறியப்பட்டு உள்ளது.

 

இருவருக்கும் லேசான அறிகுறிகள் இருப்பதாகவும், 2 பேரும் தாதரில் உள்ள அவர்களது வீட்டில் தனிமைப்படுத்தப்பட்டு உள்ளனர் என மும்பை மாநகராட்சி அதிகாரி ஒருவர் கூறினார். 

இதையும் படியுங்கள்...பள்ளி மாணவிகளுக்கு ஸ்மார்ட் போன், பட்டதாரி பெண்களுக்கு ஸ்கூட்டி - பிரியங்கா காந்தி அதிரடி