கர்நாடகத்தில் புதிதாக 1,247 பேருக்கு கொரோனா பாதிப்பு

பெங்களூரு :

கர்நாடகத்தில் நேற்றைய கொரோனா பாதிப்பு குறித்து சுகாதாரத்துறை வெளியிட்டுள்ள செய்திக்குறிப்பில் கூறியிருப்பதாவது:-

கர்நாடகத்தில் நேற்று முன்தினம் வரை 8 லட்சத்து 89 ஆயிரத்து 113 பேர் கொரோனாவால் பாதிக்கப்பட்டு இருந்தனர். இந்த நிலையில் மாநிலத்தில் புதிதாக 1,247 பேருக்கு வைரஸ் தொற்று ஏற்பட்டுள்ளது. இதன் மூலம் கொரோனா பாதித்தோரின் மொத்த எண்ணிக்கை 8 லட்சத்து 90 ஆயிரத்து 360 ஆக அதிகரித்துள்ளது. கொரோனாவுக்கு மேலும் 13 பேர் உயிரிழந்தனர். இதனால் வைரஸ் தொற்றால் இறந்தவர்களின் மொத்த எண்ணிக்கை 11 ஆயிரத்து 834 ஆக உயர்ந்துள்ளது.

புதிதாக பாகல்கோட்டையில் 3 பேர், பல்லாரியில் 13 பேர், பெலகாவியில் 17 பேர், பெங்களூரு புறநகரில் 19 பேர், பெங்களூரு நகரில் 620 பேர், பீதரில் 3 பேர், சாம்ராஜ்நகரில் 24 பேர், சிக்பள்ளாப்பூரில் 20 பேர், சிக்கமகளூருவில் 20 பேர், சித்ரதுர்காவில் 14 பேர், தட்சிண கன்னடாவில் 42 பேர், தாவணகெரேயில் 12 பேர், தார்வாரில் 32 பேர், கதக்கில் 5 பேர், ஹாசனில் 49 பேர், ஹாவேரியில் 8 பேர், கலபுரகியில் 19 பேர், குடகில் 18 பேர், கோலாரில் 25 பேர், கொப்பலில் 6 பேர், மண்டியாவில் 53 பேர், மைசூருவில் 74 பேர், ராய்ச்சூரில் 14 பேர், ராமநகரில் 4 பேர், சிவமொக்காவில் 19 பேர், துமகூருவில் 73 பேர், உடுப்பியில் 14 பேர், உத்தரகன்னடாவில் 13 பேர், விஜயாப்புராவில் 12 பேர், யாதகிரியில் 2 பேருக்கு வைரஸ் தொற்று ஏற்பட்டுள்ளது.

பெங்களூரு நகரில் 8 பேர், துமகூருவில் 2 பேர், ராய்ச்சூர், கோலார், தார்வாரில் தலா ஒருவர் என மொத்தம் 13 பேர் கொரோனாவுக்கு பலியாகியுள்ளனர். நேற்று 98 ஆயிரத்து 49 பேருக்கு பரிசோதனை செய்யப்பட்டுள்ளது. மாநிலத்தில் இதுவரை மேற்கொள்ளப்பட்ட பரிசோதனைகளின் எண்ணிக்கை 1 கோடியே 15 லட்சத்து 9 ஆயிரத்து 892 ஆக உயர்ந்துள்ளது. நேற்று ஒரே நாளில் 877 பேர் குணம் அடைந்து வீடு திரும்பினர். இதுவரை 8 லட்சத்து 53 ஆயிரத்து 461 பேர் குணம் அடைந்து உள்ளனர். மேலும் கொரோனா பாதித்த 25 ஆயிரத்து 46 பேர் மருத்துவ சிகிச்சையில் உள்ளனர். இதில் தீவிர சிகிச்சை பிரிவில் 287 பேர் சிகிச்சை பெற்று வருகிறார்கள்.

இவவாறு சுகாதாரத்துறை தெரிவித்துள்ளது.