தலைநகர் டெல்லியில் இடி மின்னலுடன் கனமழை

புதுடெல்லி:

இந்தியாவில் பரவமழை காலம் இன்னும் சில மாதங்களில் தொடங்க உள்ளது. இதன் ஒரு பகுதியாக பீகார், அசாம், டெல்லி உள்ளிட்ட நாட்டின் பல்வேறு பகுதிகளில் பரவலாக மழை பெய்து வருகிறது.

இந்நிலையில், தலைநகர் டெல்லியின் ராஜ்பாத், மொடிபாத் உள்ளிட்ட பல்வேறு பகுதிகளில் இரவு முதலே பலத்த காற்று மற்றும் இடி, மின்னலுடன் கூடிய கனமழை பெய்து வருகிறது. மழை தொடர்ந்து பெய்து வருவதால் வெப்பம் தனிந்து குளிர்ச்சியான சூழல் நிலவுகிறது.

இதனால் மக்கள் மிகுந்த மகிழ்ச்சி அடைந்துள்ளனர். காற்றின் வேகம் மணிக்கு 40 முதல் 70 கிலோ மீட்டர் வேகத்தில் உள்ளது. டெல்லியில் இன்று மழை பெய்ய வாய்ப்பு உள்ளதாக இந்திய வானிலை ஆய்வு மையம் ஏற்கனவே தெரிவித்திருந்தது என்பது குறிப்பிடத்தக்கது.     

கடந்த சில நாட்களாக தலைநகர் டெல்லியில் கனமழை கொட்டித்தீர்த்து வருகிறது என்பது குறிப்பிடத்தக்கது.