மருத்துவ கருவிகளும் மருந்துகளாகவே கருதப்படும் - மத்திய அரசு அறிவிப்பு

Published On 2020-02-11 21:17 GMT | Update On 2020-02-11 21:17 GMT

மனிதர்கள் அல்லது விலங்குகள் மீது பயன்படுத்தப்படும் மருத்துவ கருவிகள் அனைத்தும் மருந்துகளாகவே கருதப்படும் என மத்திய அரசு அறிவித்துள்ளது.

புதுடெல்லி:

அனைத்து மருத்துவ கருவிகளும் குறிப்பிட்ட தரத்துடனும், ஆற்றல் மிக்கதாகவும் இருப்பதை உறுதி செய்வதற்காக, மனிதர்கள் அல்லது விலங்குகள் மீது பயன்படுத்தப்படும் மருத்துவ கருவிகள் அனைத்தும் மருந்துகளாகவே கருதப்படும். மருந்து மற்றும் அழகூட்டும் பொருட்களுக்கான சட்டத்தின் 3-வது பிரிவின்படி இந்த அறிவிப்பு வெளியிடப்படுகிறது என்று மத்திய சுகாதாரத்துறை அமைச்சகம் தெரிவித்துள்ளது. இந்த சட்டம் ஏப்ரல் 1-ந் தேதி முதல் அமலுக்கு வருகிறது.

சி.டி.ஸ்கேன், எம்.ஆர்.ஐ. கருவிகள், டயாலிசிஸ் கருவி, செல்லப்பிராணிகளுக்கான கருவிகள், எக்ஸ்ரே கருவி, எலும்பு மஜ்ஜையை பிரிக்கும் கருவி உள்ளிட்டவை இதில் அடங்கும். மருத்துவ கருவிகள் தயாரிக்கும் நிறுவனங்களும் அதன் தரம் மற்றும் பாதுகாப்பு ஆகியவற்றுக்கு பொறுப்பாகும்.