நிதி மந்திரி நிர்மலா சீதாராமனுடன் நாராயணசாமி சந்திப்பு

புதுடெல்லி: 

புதுச்சேரி முதல் மந்திரி நாராயணசாமி நேற்று டெல்லி சென்றார். அங்கு அவர் பாதுகாப்பு துறை மந்திரி ராஜ்நாத் சிங்கை சந்தித்துப் பேசினார்.

இதற்கிடையே, புதுவை முதல் மந்திரி நாராயணசாமி இன்று காலை மத்திய உள்துறை மந்திரி அமித்ஷா, சாலை போக்குவரத்து துறை மந்திரி நிதின் கட்கரி உள்ளிட்டோரை நேரில் சந்தித்துப் பேசினார்.

இந்நிலையில், மத்திய நிதி மந்திரி நிர்மலா சீதாராமனை டெல்லியில் புதுச்சேரி முதல் மந்திரி நாராயணசாமி இன்று மதியம் சந்தித்தார். 

அப்போது, புதுவைக்கான ஜி.எஸ்.டி. நிலுவை தொகையை விரைந்து வழங்க நடவடிக்கை எடுக்க வேண்டும் என வலியுறுத்தினார்.