செய்திகள்
உ.பி. பசுக்கள் பராமரிப்பில் மெத்தனம், முறைகேடு: மாவட்ட மாஜிஸ்திரேட் பணியிடை நீக்கம்
உத்தர பிரதேசம் மாநிலத்தில் பசுக்களை பராமரிக்கும் அரசு கோசாலையில் நடைபெற்ற முறைகேடு தொடர்பாக மாவட்ட மாஜிஸ்திரேட் மற்றும் 5 அதிகாரிகள் பணியிடை நீக்கம் செய்யப்பட்டனர்.
லக்னோ:
உத்தர பிரதேசம் மாநிலத்தின் முதல் மந்திரியாக யோகி ஆதித்யாநாத் பதவியேற்ற பின்னர் அம்மாநிலம் முழுவதும் அனாதையாக சுற்றித்திரியும் பசு மாடுகள் மற்றும் வயதான பசுக்களை பராமரிப்பதற்கு அரசின் நிதியில் இருந்து பசுக்கள் காப்பகம் (கோசாலைகள்) அமைக்கப்பட்டன.
இந்நிலையில், மஹாராஜ்கஞ்ச் மாவட்டத்தில் உள்ள மத்வாலியா கோசாலையில் நடைபெற்ற முறைகேடு தொடர்பாக மாவட்ட மாஜிஸ்திரேட் இன்று பணியிடை நீக்கம் செய்யப்பட்டார்.
மத்வாலியா கோசாலையில் சுமார் 2500 பசுக்கள் பராமரிக்கப்பட்டு வருவதாக ஆவணங்களில் உள்ளது. ஆனால், அங்கு வெறும் 954 பசுக்கள் மட்டுமே இருந்துள்ளன.
மேலும், கோசாலைகள் அமைப்பதற்காக 500 ஏக்கர் நிலம் அளிக்கப்படதாக கணக்கு காட்டப்பட்டுள்ளது. இதில் 328 ஏக்கர் நிலம் விவசாயிகள் மற்றும் தனிநபர்களுக்கு ஒதுக்கப்பட்டுள்ளதாக உயரதிகாரிகளின் சோதனையில் கண்டுபிடிக்கப்பட்டது.
இதையடுத்து, மஹாராஜ்கஞ்ச் மாவட்ட மாஜிஸ்திரேட்டும் அந்த கோசாலையின் தலைவருமான அமர்நாத் உபாத்யாயா, துணை மாஜிஸ்திரேட் சத்யம் மிஷ்ரா, முன்னாள் துணை மாஜிஸ்திரேட் நிச்லால் தேவேந்திர குமார் மற்றும் கால்நடை துறை அதிகாரிகள் 3 பேர் பணியிடை நீக்கம் செய்யப்பட்டதாக உத்தர பிரதேசம் மாநில அரசின் தலைமை செயலாளர் ஆர்.கே.திவாரி தெரிவித்துள்ளார்.
உத்தர பிரதேசம் மாநிலத்தின் முதல் மந்திரியாக யோகி ஆதித்யாநாத் பதவியேற்ற பின்னர் அம்மாநிலம் முழுவதும் அனாதையாக சுற்றித்திரியும் பசு மாடுகள் மற்றும் வயதான பசுக்களை பராமரிப்பதற்கு அரசின் நிதியில் இருந்து பசுக்கள் காப்பகம் (கோசாலைகள்) அமைக்கப்பட்டன.
அனைத்து மாவட்டத்திலும் இதற்காக நிலமும் நிதியும் ஒதுக்கப்பட்டு இந்த கோசாலைகள் இயங்கி வருகின்றன. இந்த கோசாலைகள் அமைக்கப்பட்டுள்ள மாவட்டத்தின் மாஜிஸ்திரேட்டுகள் கோசாலைகளின் தலைவர்களாகவும் பொறுப்பு வகித்து வருகின்றனர்.
இந்நிலையில், மஹாராஜ்கஞ்ச் மாவட்டத்தில் உள்ள மத்வாலியா கோசாலையில் நடைபெற்ற முறைகேடு தொடர்பாக மாவட்ட மாஜிஸ்திரேட் இன்று பணியிடை நீக்கம் செய்யப்பட்டார்.
மத்வாலியா கோசாலையில் சுமார் 2500 பசுக்கள் பராமரிக்கப்பட்டு வருவதாக ஆவணங்களில் உள்ளது. ஆனால், அங்கு வெறும் 954 பசுக்கள் மட்டுமே இருந்துள்ளன.
மேலும், கோசாலைகள் அமைப்பதற்காக 500 ஏக்கர் நிலம் அளிக்கப்படதாக கணக்கு காட்டப்பட்டுள்ளது. இதில் 328 ஏக்கர் நிலம் விவசாயிகள் மற்றும் தனிநபர்களுக்கு ஒதுக்கப்பட்டுள்ளதாக உயரதிகாரிகளின் சோதனையில் கண்டுபிடிக்கப்பட்டது.
இதையடுத்து, மஹாராஜ்கஞ்ச் மாவட்ட மாஜிஸ்திரேட்டும் அந்த கோசாலையின் தலைவருமான அமர்நாத் உபாத்யாயா, துணை மாஜிஸ்திரேட் சத்யம் மிஷ்ரா, முன்னாள் துணை மாஜிஸ்திரேட் நிச்லால் தேவேந்திர குமார் மற்றும் கால்நடை துறை அதிகாரிகள் 3 பேர் பணியிடை நீக்கம் செய்யப்பட்டதாக உத்தர பிரதேசம் மாநில அரசின் தலைமை செயலாளர் ஆர்.கே.திவாரி தெரிவித்துள்ளார்.