புதுடெல்லியில் ஸ்டேட் வங்கி கட்டிடத்தில் தீ விபத்து

புதுடெல்லி:

புதுடெல்லி சன்சத்மார்க் பகுதியில் உள்ள ஸ்டேட் பாங்க் ஆப் இந்தியா கட்டிடத்தில் 6-வது மாடியில் இன்று காலை தீ விபத்து ஏற்பட்டு அங்கிருந்து கரும்புகையுடன் தீ கொளுந்து விட்டு எரிந்தது. இது குறித்து தகவல் அறிந்ததும் 7 தீயணைப்பு வாகனங்களில் வந்து வீரர்கள் தீயை அணைக்கும் பணியில் ஈடுபட்டனர்.

சுமார் அரை மணி நேர போராட்டத்துக்கு பிறகு தீயை கட்டுக்குள் கொண்டு வந்தனர். இந்த தீ விபத்தில் யாருக்கும் காயம் ஏற்படவில்லை.

தீவிபத்துக்கான காரணம் குறித்து போலீசார் விசாரித்து வருகிறார்கள்.