செய்திகள்
கோடை வெயில்

வறுத்தெடுக்கும் வெயில் - டெல்லி பள்ளிகளில் 8-ம் வகுப்பு வரை கோடை விடுமுறை ஒருவாரம் நீட்டிப்பு

Published On 2019-06-30 13:53 GMT   |   Update On 2019-06-30 13:53 GMT
டெல்லி மக்களை வெயிலின் வெம்மை வாட்டி, வதைத்து வரும் நிலையில் அங்குள்ள அனைத்து பள்ளிகளிலும் 8-ம் வகுப்பு வரை படிப்பவர்களுக்கு கோடை விடுமுறை ஒருவார காலம் நீட்டிக்கப்பட்டுள்ளது.
புதுடெல்லி:

டெல்லியில் உள்ள அனைத்து பள்ளிகளும் கோடை விடுமுறைக்கு பின்னர் ஜூலை முதல் தேதி (நாளை) திறக்கப்படும் என முன்னர் அறிவிக்கப்பட்டிருந்தது.

ஆனால், டெல்லியில் வெயிலின் தாக்கம் இன்னும் குறையாமல் இருந்துவரும் நிலையில் அங்குள்ள அனைத்து பள்ளிகளிலும் 8-ம் வகுப்பு வரை படிப்பவர்களுக்கு கோடை விடுமுறை ஒருவார காலம் நீட்டிக்கப்பட்டுள்ளதாக டெல்லி துணை முதல் மந்திரி மணிஷ் சிசோடியா இன்று தெரிவித்துள்ளார்.


முதல் தேதிக்கு பதிலாக வரும் 8-ம் தேதி பள்ளிகள் திறக்கப்படும். இந்த உத்தரவு தனியார் பள்ளிகளுக்கும் பொருந்தும் எனவும் அவர் குறிப்பிட்டுள்ளார்.
Tags:    

Similar News