உள்ளூர் செய்திகள்
முகாம் நடைபெற்ற காட்சி.

பல்லடம் முகாமில் 9,320 பேருக்கு தடுப்பூசி

Published On 2021-12-27 09:35 GMT   |   Update On 2021-12-27 09:35 GMT
துணை ஆரம்ப சுகாதார நிலையங்கள், அரசு கல்லூரி, அரசு பள்ளிகள் உள்ளிட்ட சுமார் 50க்கும் மேற்பட்ட இடங்களில் தடுப்பூசி சிறப்பு முகாம் நடைபெற்றது.
பல்லடம்:

பல்லடம் தாலுகாவில் 16-ம் கட்ட கொரோனா சிறப்பு தடுப்பூசி முகாம் நேற்று நடைபெற்றது. காலை 7 மணி முதல் இரவு 7 மணி வரை அரசு மருத்துவமனைகள், ஆரம்ப சுகாதார நிலையங்கள், துணை ஆரம்ப சுகாதார நிலையங்கள், அரசு கல்லூரி, அரசு பள்ளிகள் உள்ளிட்ட சுமார் 50க்கும் மேற்பட்ட இடங்களில் தடுப்பூசி சிறப்பு முகாம் நடைபெற்றது. 

சுகாதாரத் துறை, வருவாய்த்துறை, ஊரக வளர்ச்சித் துறை, நகராட்சி துறைகளை சேர்ந்த அதிகாரிகள் மற்றும் அலுவலர்கள் 16-ம் கட்ட சிறப்பு தடுப்பூசி முகாமை ஒன்றிணைத்தனர் .

தடுப்பூசி சிறப்பு முகாமை திருப்பூர் பல்லடம் தாசில்தார் தேவராஜ், நகராட்சி ஆணையாளர் விநாயகம், வட்டார மருத்துவ அலுவலர் சுடர்விழி, உள்ளிட்ட அதிகாரிகள் நேரில் பார்வையிட்டு ஆய்வு செய்தனர். பல்லடம் தாலுகாவில் நடைபெற்ற சிறப்பு தடுப்பூசி முகாமில் 9,320 பேர் ஆர்வமுடன் வரிசையில் நின்று தடுப்பூசி செலுத்திக் கொண்டனர்.
Tags:    

Similar News