மெகா தடுப்பூசி முகாம்கள் மீண்டும் சனிக்கிழமைக்கு மாற்றம்

சென்னை:

தமிழகத்தில் கொரோனா தொற்று பரவலை தடுக்க தடுப்பூசி போடும் பணி தீவிரப்படுத்தப்பட்டுள்ளது. மெகா சிறப்பு முகாம்கள் நடத்தப்படுவதன் மூலம் ஒரே நாளில் பல லட்சம் பேருக்கு தடுப்பூசி செலுத்தப்படுகிறது.

கடந்த 2 மாதமாக மெகா தடுப்பூசி முகாம்கள் நடைபெற்று வருகின்றன. முதலில் ஞாயிற்றுக்கிழமைகளில் மட்டும் நடத்தப்பட்டு வந்தது. பின்னர் அது சனிக்கிழமைக்கு மாற்றம் செய்யப்பட்டது.

தடுப்பூசி போடும் பணியை மேலும் அதிகப்படுத்தும் வகையில் வியாழக்கிழமை மற்றும் ஞாயிற்றுக்கிழமைகளில் வாரத்திற்கு 2 முறை தடுப்பூசி முகாம்கள் நடத்தப்பட்டது.


இந்த நிலையில் மெகா தடுப்பூசி முகாம்கள் மீண்டும் சனிக்கிழமைக்கு மாற்றப்பட்டுள்ளது. தமிழகம் முழுவதும் 50 ஆயிரம் மையங்களில் மெகா சிறப்பு முகாம்கள் வருகிற 4-ந் தேதி நடைபெறுகிறது. அனைத்து மாவட்டங்களிலும் சுகாதார பணியாளர்கள் இதற்கான ஏற்பாடுகளை செய்து வருகிறார்கள்.

சனிக்கிழமைகளில் மெகா முகாம்கள் நடத்தப்பட்டால் ஊழியர்கள் ஞாயிற்றுக்கிழமை விடுமுறை எடுப்பதற்கு வசதியாக இருக்கும் என்ற அடிப்படையில் இந்த மாற்றம் செய்யப்பட்டுள்ளது.