கங்கைகொண்டான் அருகே விவசாயி வி‌ஷம் குடித்து தற்கொலை

நெல்லை:

கங்கைகொண்டானை அடுத்த கங்கணாகிணறு பகுதியை சேர்ந்தவர் பாண்டியராஜ் (வயது 33). விவசாயி. இவருக்கு கடந்த 4 வருடங்களுக்கு முன் திருமணமாகி ஒரு பெண் குழந்தை உள்ளது. இந்நிலையில் கணவன்- மனைவிக்கிடையே ஏற்படும் குடும்ப தகராறு காரணமாக மனைவி பிரிந்து சென்று விட்டார். இதனிடையே உடல்நிலை சரியில்லாமல் இருந்த பாண்டிராஜ் கடந்த 24-ந்தேதி வி‌ஷத்தை குடித்து மயங்கி விழுந்தார்.

அவரை அக்கம்பக்கத்தினர் மீட்டு சிகிச்சைக்காக பாளை அரசு மருத்துவமனையில் சேர்த்தனர். அங்கு சிகிச்சை பலனின்றி இன்று அதிகாலை பாண்டியராஜ் பரிதாபமாக இறந்தார். இது குறித்து கயத்தார் போலீசார் வழக்குப்பதிவு செய்து விசாரணை நடத்தி வருகின்றனர்.