1 முதல் 8-ம் வகுப்பு வரை பள்ளிகள் திறப்பு குறித்து வரும் 30-ந்தேதி முடிவு: அமைச்சர் தகவல்

திருச்சி:

திருச்சியில் இன்று பள்ளிக்கல்வித்துறை அமைச்சர் அன்பில் மகேஷ் பொய்யாமொழி நிருபர்களுக்கு பேட்டி அளித்தார். அப்போது அவர் கூறியதாவது:-

1 முதல் 8-ம் வகுப்பு வரை பள்ளிகள் திறப்பது குறித்த பள்ளிக்கல்வித்துறையின் அறிக்கை இன்று முதல்- அமைச்சர் அலுவலகத்திற்கு அனுப்பி வைக்கப்படும்.

அந்த துறை சார்ந்த மூத்த அதிகாரிகளின் முடிவுகளும் முதல்வருக்கு தெரிவிக்கப்படும். அதன் அடிப்படையில் முதல்-அமைச்சர் பள்ளிகள் திறப்பது தொடர்பான அறிவிப்பை வெளியிடுவார்.

வரும் 30-ந்தேதி நடைபெறும் ஆலோசனைக் கூட்டத்தில் நாங்கள் அளிக்கும் அறிக்கை மற்றும் மருத்துவ நிபுணர்கள், மக்கள் நல்வாழ்வுத்துறை நிபுணர்கள் கொடுக்கும் ஆலோசனையின் அடிப்படையில் பள்ளிகள் திறப்பது குறித்து முடிவு எடுக்கப்படும்.