பேரம்பாக்கம் அருகே கோவில் பூட்டை உடைத்து திருட்டு

திருவள்ளூர்:

திருவள்ளூரை அடுத்த பேரம்பாக்கம் அருகே உள்ள கீழச்சேரி கிராமத்தில் சாமாத்தம்மன் கோவில் உள்ளது. இந்த கோவில் பூசாரி நேற்று காலை வழக்கம்போல் கோவிலை திறக்க வந்தார். அப்போது கோவிலின் பூட்டு உடைக்கப்பட்டு இருப்பதை கண்டு அவர் நிர்வாகிகளுக்கு தகவல் தெரிவித்தார். பின்னர் அனைவரும் சென்று பார்த்தபோது கோவில் பூட்டு உடைக்கப்பட்டு உள்ளே இருந்த பித்தளை தட்டு, குத்துவிளக்கு, சூலம், 2 கிராம் தாலிபொட்டு, ரூ. 10 ஆயிரம் மற்றும் வெள்ளி பொருட்கள் திருட்டு போனது தெரியவந்தது. இதுகுறித்து கோவில் நிர்வாகி பொன்னம்பலம் மப்பேடு போலீசில் புகார் செய்தார். போலீசார் இது சம்பந்தமாக வழக்குப்பதிவு செய்து விசாரித்து வருகின்றனர்.