மம்தா பானர்ஜி, பினராயி விஜயனுக்கு மு.க.ஸ்டாலின் வாழ்த்து

சென்னை :

கேரளாவில் மீண்டும் ஆட்சியை தக்கவைத்துக்கொண்டுள்ள பினராயி விஜயன், மேற்கு வங்காளத்தில் மீண்டும் ஆட்சி அமைக்க உள்ள மம்தா பானர்ஜி ஆகியோருக்கு தி.மு.க. தலைவர் மு.க.ஸ்டாலின் தனித்தனியாக டுவிட்டர் மூலமாக வாழ்த்து தெரிவித்துள்ளார்.

மம்தா பானர்ஜிக்கு, டுவிட்டரில் மு.க.ஸ்டாலின் அனுப்பிய வாழ்த்து செய்தியில், ‘‘மேற்கு வங்காளத்தின் முதல்-மந்திரியாக தேர்ந்தெடுக்கப்பட்ட உங்களை (மம்தா பானர்ஜி) வாழ்த்துகிறேன். கொரோனா பரவல் உள்ள இந்த சூழலில், மக்களின் பாதுகாப்பினை உறுதி செய்து, உங்களுடைய மாநிலத்தை வளர்ச்சிப்பாதைக்கு அழைத்துச்செல்வீர்கள் என்பதில் எனக்கு சந்தேகம் இல்லை. மீண்டும் ஒரு வெற்றிக்கரமான ஆட்சிக்காலம் அமைய தி.மு.க. சார்பில் வாழ்த்துகிறேன்’’ என்று கூறியுள்ளார்.

இதேபோல பினராயி விஜயனுக்கு, மு.க.ஸ்டாலின் டுவிட்டரில் அனுப்பிய வாழ்த்து செய்தியில், ‘‘கேரள மாநில சட்டசபை தேர்தலில் வெற்றி பெற்றதற்காக உங்களுக்கு (பினராயி விஜயன்) வாழ்த்து தெரிவித்துக்கொள்கிறேன். அவரது அளவிடப்பட்ட மற்றும் தீர்க்கமான தலைமை கேரளா உயர்ந்த இடத்தை அடைய உதவுவதில் கருவியாக உள்ளது. மேலும் அவருடைய பதவி மீண்டும் வெற்றிகரமானதாக அமைய வாழ்த்துகிறேன்’’ என்று கூறப்பட்டுள்ளது.