மேட்டூர் அணையில் இருந்து தண்ணீர் திறப்பு 800 கன அடியாக குறைப்பு

மேட்டூர்:

காவிரி நீர்பிடிப்பு பகுதிகளில் பெய்த மழையால் மேட்டூர் அணைக்கு தண்ணீர் வரத்து மீண்டும் அதிகரித்துள்ளது. நேற்று 1200 கன அடியாக இருந்த நீர்வரத்து இன்று மேலும் அதிகரித்து 1350 கன அடியாக வந்து கொண்டிருக்கிறது.

அணையில் இருந்து காவிரியில் கடந்த சில நாட்களாக 1000 கன அடி தண்ணீர் திறந்து விடப்பட்ட நிலையில் இன்று காலை முதல் தண்ணீர் திறப்பு 800 கன அடியாக குறைக்கப்பட்டுள்ளது.

அணைக்கு வரும் தண்ணீரை விட அணையில் இருந்து குறைந்த அளவே தண்ணீர் திறந்து விடப்படுவதால் அணையின் நீர்மட்டம் உயர்ந்து வருகிறது. நேற்று 97.54 அடியாக இருந்த மேட்டூர் அணை நீர்மட்டம் இன்று மேலும் உயர்ந்து 97.55 அடியானது. இனி வரும் நாட்களில் நீர்வரத்து மேலும் அதிகரிக்கும் பட்சத்தல் அணை நீர்மட்டம் மேலும் உயர வாய்ப்புள்ளது.