ஆற்காடு, சோளிங்கர் தொகுதிகளில் டாக்டர் ராமதாஸ் நாளை தேர்தல் பிரசாரம்

ஆற்காடு:

தமிழக சட்டமன்ற தேர்தலில் அ.தி.மு.க. கூட்டணி சார்பில் ஆற்காடு தொகுதியில் கே.எல்.இளவழகன், சோளிங்கர் தொகுதியில் ஆ.ம.கிருஷ்ணன் ஆகியோர் பா.ம.க. வேட்பாளர்களாக போட்டியிடுகின்றனர். இவர்களை ஆதரித்து பா.ம.க. நிறுவனத் தலைவர் டாக்டர் .ராமதாஸ் நாளை (ஞாயிற்றுக்கிழமை) ஆற்காடு தொகுதி கலவையில் மாலை 3.30 மணிக்கும், திமிரி மேற்கு ஒன்றியம் காவனூர் பகுதியில் 4.30 மணிக்கும் பிரசாரம்செய்கிறார்.

சோளிங்கர் தொகுதியில் மருதாலம் கூட்ரோட்டில் மாலை 5.30 மணிக்கும், நெமிலியில் 6.30 மணிக்கும் பிரசாரம் செய்கிறார். இதில் கூட்டணி கட்சி நிர்வாகிகள், தொண்டர்கள் திரளாக கலந்துகொண்டு சிறப்பிக்கும்படி அக்கட்சியின் மாநில துணைத் தலைவரும், ஆற்காடு தொகுதி பொறுப்பாளருமான எம்.கே.முரளி கேட்டுக்கொண்டுள்ளார்.