எம்.ஜி.ஆர். பாடல் பாடி வாக்கு சேகரித்த நடிகர் கார்த்திக்

தேனி:

தேனி மாவட்டம் பெரியகுளம், போடி தொகுதியில் அ.தி.மு.க. வேட்பாளர்களை ஆதரித்து திரைப்பட நடிகரும், மனித உரிமை காக்கும் கட்சியின் தலைவருமான கார்த்திக் பிரசாரம் செய்தார். அப்போது அவர் பேசியதாவது:-

நான் உடல்நிலை சரியில்லாமல் ஆஸ்பத்திரியில் அனுமதிக்கப்பட்டதால் பிரசாரத்திற்கு வரமாட்டேன் என சிலர் நினைத்தனர். ஆனால் மருத்துவர்களின் அறிவுரையை மீறி இங்கு வந்துள்ளேன். மக்களின் அன்பு என்ற அருமந்து போதும். துணை முதல்வர் ஓ.பன்னீர்செல்வத்தை நான் இணை முதல்-அமைச்சர் என்றுதான் சொல்வேன். இதனைத் தொடர்ந்து உன்னை அறிந்தால்... நீ உன்னை அறிந்தால்... உலகத்தில் போராடலாம்... என்ற எம்.ஜி.ஆர். பட பாடலை பாடி இதற்கு உதாரணமாக துணை முதல்வர் ஓ.பன்னீர்செல்வம் திகழ்கிறார்.

அவருக்கு பொதுமக்கள் இரட்டை இலை சின்னத்தில் வாக்களித்து ஆதரவு அளிக்க வேண்டும்.

இவ்வாறு அவர் பேசினார்.