அய்யா வைகுண்டர் அவதார தினத்துக்கு பொது விடுமுறை- சரத்குமார் வேண்டுகோள்

சென்னை:

சமத்துவ மக்கள் கட்சி தலைவர் சரத்குமார் வெளியிட்டுள்ள அறிக்கையில் கூறி இருப்பதாவது:-

ஆன்மீக சீர்திருத்தவாதியும், ஜாதிக் கொடுமைகளை எதிர்த்து ஒடுக்கப்பட்ட மக்களுக்கு ஆதரவாக செயல்பட்டவரும், சமத்துவம், சமூகநீதி, சுயமரியாதையை ஊக்குவித்தவரும், சூட்சும வடிவில் மக்களுக்கு அருள் புரிந்து கடவுள் அவதாரமாக கருதப்படுபவருமான அய்யா வைகுண்டர் அவதார திருநாள் மாசி மாதம் 20-ந்தேதி.

கன்னியாகுமரி, தூத்துக்குடி, திருநெல்வேலி மாவட்டங்களில் பொதுவிடுமுறை அளிக்கப்படுகிறது. இருப்பினும், ஜாதி, மத பேதங்களுக்கு அப்பாற்பட்டு அய்யா வைகுண்டரை பின்பற்றும் மக்கள் தமிழகமெங்கும் திருத்தாங்கல்களையும், பதிகளையும் நிறுவி வணங்கி வருவதால் மாசி அன்று தமிழகத்தில் பொது விடுமுறை அறிவிக்குமாறு முதல்-அமைச்சரை வேண்டுகிறோம்.

இவ்வாறு அவர் கூறியுள்ளார்.